વડોદરા સયાજી હોસ્પિટલના ચોથા માળેથી યુવકનો કૂદકો: એમ્બ્યુલન્સ ચાલક પર પડતાં બંને ગંભીર રીતે ઈજાગ્રસ્ત
વડોદરામાં સયાજી હોસ્પિટલમાં સારવાર લઈ રહેલા 33 વર્ષીય હિતેશ રોહિતે એક જ દિવસમાં બીજી વખત આત્મહત્યાનો પ્રયાસ કર્યો. સવારે ઘરે બ્લેડ મારી પ્રયાસ કર્યા બાદ, હોસ્પિટલમાં સારવાર દરમિયાન તે ચોથા માળેથી નીચે કૂદી પડ્યો. નીચે ઊભેલા એમ્બ્યુલન્સ ચાલક પ્રિતેશ પર પડતાં બંનેને ગંભીર ઈજાઓ થઈ છે. પરિજનોના જણાવ્યા મુજબ, હિતેશ માનસિક અસ્વસ્થતા અનુભવી રહ્યો હતો. રાવપુરા પોલીસે વધુ તપાસ હાથ ધરી છે.