દિલ્હીમાં પ્રદર્શન: ગુજરાતથી દિલ્હી જતી 7 ટ્રેનો પ્રભાવિત, 2 મોડી અને 5 રદ
દિલ્હીમાં ચાલી રહેલા મોટા વિરોધ પ્રદર્શનને કારણે રેલવે પ્રશાસને સુરત થઈને દિલ્હી જતી ટ્રેનોના સમયમાં ફેરફાર કર્યો છે અને કેટલીક ટ્રેનો રદ કરી છે. મુંબઈ-દિલ્હી રાજધાની એક્સપ્રેસ (12951) અને ઓગસ્ટ ક્રાંતિ તેજસ રાજધાની એક્સપ્રેસ (12953) 5 કલાક મોડી દોડાવવામાં આવશે. જ્યારે બાંદ્રા-હઝરત નિઝામુદ્દીન યુવા એક્સપ્રેસ (12247), સાબરમતી-નવી દિલ્હી સ્વર્ણ જયંતિ રાજધાની (12957), ઇન્દોર-નવી દિલ્હી એક્સપ્રેસ (12415), ઇન્દોર-નિઝામુદ્દીન સ્પેશિયલ (09309) અને મહૂ-નવી દિલ્હી સુપરફાસ્ટ (20155) સહિત કુલ 5 ટ્રેનો 9 ઓક્ટોબરના રોજ રદ કરવામાં આવી છે. આ નિર્ણયને પગલે ગુજરાત અને મહારાષ્ટ્રના સેંકડો મુસાફરોને અસર થશે.