વ્યારામાં મહેસૂલ કર્મચારીઓની હડતાળ: 151 વૃક્ષો વાવી પર્યાવરણ સંરક્ષણ સાથે વિરોધ
તાપી જિલ્લામાં મહેસૂલ વિભાગના વર્ગ-3ના કર્મચારીઓની અચોક્કસ મુદતની હડતાળના ત્રીજા દિવસે વ્યારા ખાતે આશરે 200 કર્મચારીઓએ વિરોધ પ્રદર્શન કર્યું. પોતાની 14 પડતર માંગણીઓના નિરાકરણ માટે કર્મચારીઓએ 151 વૃક્ષો વાવી પર્યાવરણ સંરક્ષણનો સંદેશ આપ્યો. આ માંગણીઓમાં કામગીરી, બઢતી, બદલી નીતિ, સીધી ભરતી, PTA ભથ્થું, જનસેવા કેન્દ્ર માટે મંજૂરી, ડિજિટલ ભારણ ઘટાડવું અને ખાતાકીય પરીક્ષા જેવા મુદ્દાઓનો સમાવેશ થાય છે. કર્મચારીઓએ જણાવ્યું કે જ્યાં સુધી પ્રશ્નોનો ઉકેલ નહીં આવે ત્યાં સુધી લડત ચાલુ રહેશે.