સુરેન્દ્રનગર ભાજપ કાર્યાલયમાં અરુણ બિન્નાડીની અધ્યક્ષતામાં સંગઠનાત્મક બેઠક યોજાઈ
સુરેન્દ્રનગર જિલ્લા ભાજપ કાર્યાલય 'નમો કમલમ્' ખાતે પ્રદેશ સહ સંગઠન મહામંત્રી અરુણ બિન્નાડીની અધ્યક્ષતામાં એક મહત્વપૂર્ણ સંગઠનાત્મક બેઠક યોજાઈ. આ બેઠકમાં પ્રદેશ અને જિલ્લા સ્તરના હોદ્દેદારો, આગેવાનો, સાંસદો, ધારાસભ્યો અને કાર્યકર્તાઓ ઉપસ્થિત રહ્યા હતા. પ્રદેશ મહામંત્રી અનિરુદ્ધભાઈ દવે અને રાજ્યસભા સાંસદ રાજેશભાઈ શુક્લ પણ હાજર રહ્યા હતા. આ પરિચય અને સંગઠનાત્મક બેઠકમાં પક્ષના સંગઠનને લગતી વિવિધ બાબતો પર વિસ્તૃત ચર્ચા કરવામાં આવી હતી, જે જિલ્લા ભાજપના સંગઠનાત્મક સંકલન અને કાર્યકર્તાઓ સાથેના સંવાદને મજબૂત બનાવશે.