Vadodara: Congress protests against BJP govt and election process in Padra
પાદરા શહેર-તાલુકા કોંગ્રેસ સમિતિ દ્વારા દિલ્હીમાં વિપક્ષી સાંસદો પર થયેલા કથિત પોલીસ બળપ્રયોગના વિરોધમાં પાદરા જકાતનાકા ખાતે સરદાર પટેલની પ્રતિમા પાસે વિરોધ પ્રદર્શન યોજાયું હતું. કોંગ્રેસ મુખ્ય ચૂંટણી કમિશનર જ્ઞાનેશકુમારને પદ પરથી હટાવવાની અને તેમની સામે કાર્યવાહી કરવાની માંગ કરી રહી છે. આ વિરોધ પ્રદર્શનમાં વડોદરા જિલ્લા કોંગ્રેસ પ્રમુખ જસપાલસિંહ, પાદરા શહેર કોંગ્રેસ પ્રમુખ હિતેન્દ્ર વકીલ સહિત અનેક આગેવાનો અને કાર્યકરો ઉપસ્થિત રહ્યા હતા. સૂત્રોચ્ચારને કારણે પાદરા જકાતનાકા વિસ્તારમાં ટ્રાફિકને અસર થઈ હતી.