SA20 ઓક્શનમાં જેસન રાઉલ્સ સૌથી મોંઘો ખેલાડી, જોબર્ગ સુપર કિંગ્સે 1.7 કરોડમાં ખરીદ્યો
SA20 સીઝન-5ના ઓક્શનમાં 18 વર્ષીય જેસન રાઉલ્સ સૌથી મોંઘો ખેલાડી બન્યો, જેને જોબર્ગ સુપર કિંગ્સે આશરે 1.7 કરોડ રૂપિયામાં ખરીદ્યો. MI કેપ ટાઉન અને જોબર્ગ સુપર કિંગ્સ વચ્ચે તેને ખરીદવા માટે તીવ્ર હરીફાઈ જોવા મળી હતી. જોબર્ગ સુપર કિંગ્સના હેડ કોચ અલ્બી મોર્કેલે જણાવ્યું કે ફ્રેન્ચાઇઝી એક વર્ષથી રાઉલ્સ પર નજર રાખી રહી હતી, પરંતુ આટલી મોટી બોલીની અપેક્ષા નહોતી. રાઉલ્સે માત્ર એક T20 મેચ રમી છે, જેમાં તેણે 45 રન બનાવ્યા અને 1 વિકેટ લીધી. તે સાઉથ આફ્રિકાની અંડર-19 ટીમના વાઇસ કેપ્ટન છે અને હજુ અભ્યાસ કરી રહ્યો છે.