વડોદરાથી મુખ્યમંત્રી ભૂપેન્દ્ર પટેલે ખેલ મહાકુંભ-2026નો શુભારંભ કર્યો, ગત વર્ષના વિજેતાઓને સન્માનિત કર્યા
વડોદરા ખાતે મુખ્યમંત્રી ભૂપેન્દ્ર પટેલ અને નાયબ મુખ્યમંત્રી હર્ષ સંઘવી દ્વારા ખેલ મહાકુંભ-2026નો ભવ્ય રાજ્યવ્યાપી પ્રારંભ કરાવવામાં આવ્યો. આ પ્રસંગે ખેલ મહાકુંભ-2025ના શ્રેષ્ઠ શાળાઓ, જિલ્લાઓ અને મહાનગરપાલિકાઓને મુખ્યમંત્રીના હસ્તે રોકડ પુરસ્કાર અને ટ્રોફી એનાયત કરાયા. નોલેજ હાઇસ્કુલ નડિયાદ, મહેસાણા જિલ્લો અને સુરત મહાનગરપાલિકા ઓવરઓલ ચેમ્પિયન બન્યા. મુખ્યમંત્રીએ યુવાનોને સ્ક્રીન ટાઇમ અને નશાથી દૂર રહી રમતગમત અપનાવવા તથા ફિટ ઇન્ડિયા અભિયાનના દૂત બનવા આહવાન કર્યું. નાયબ મુખ્યમંત્રીએ રમતગમત વિભાગના બજેટમાં 4 ગણો વધારો કરવાની જાહેરાત કરી.