ભારતની UPI સિસ્ટમનો વૈશ્વિક વિસ્તાર
યુનિફાઇડ પેમેન્ટ્સ ઇન્ટરફેસ (UPI) ને અપનાવનાર ટ્રિનિદાદ અને ટોબેગો પ્રથમ કેરેબિયન દેશ બનશે. આ પ્રોજેક્ટ NPCI ઇન્ટરનેશનલ પેમેન્ટ્સ લિમિટેડ (NIPL) અને ટ્રિનિદાદ અને ટોબેગોના ડિજિટલ ટ્રાન્સફોર્મેશન મંત્રાલય વચ્ચેના ટેકનિકલ સહયોગ પર આધારિત છે. સપ્ટેમ્બર 2024 માં કરાર પર હસ્તાક્ષર બાદ, આ પ્લેટફોર્મ ટ્રિનિદાદ અને ટોબેગો સરકારની માલિકીનું રહેશે, જ્યારે ભારત ટેકનિકલ સહાય અને Skills Transfer પૂરી પાડશે. UPI એ મોબાઇલ દ્વારા સહેલાઈથી બેંક-ટુ-બેંક ટ્રાન્સફર સક્ષમ કરતી ઇન્સ્ટન્ટ રિયલ-ટાઇમ પેમેન્ટ સિસ્ટમ છે. આનાથી રોકડ નિર્ભરતા ઘટશે, ટ્રાન્ઝેક્શન ખર્ચ ઓછો થશે અને નાણાકીય સમાવેશન વધશે.
ભારતની UPI સિસ્ટમનો વૈશ્વિક વિસ્તાર
મોંઘવારી વચ્ચે મોટો ઝટકો... EMI વધશે!
વધતી મોંઘવારી વચ્ચે જાપાની બ્રોકરેજ ફર્મ Nomura એ આગાહી કરી છે કે ભારતીય રિઝર્વ બેંક (RBI) ઓક્ટોબર અને ડિસેમ્બર મહિનામાં રેપો રેટમાં કુલ 0.50% નો વધારો કરી શકે છે. આનાથી હોમ લોન, પર્સનલ લોન અને કાર લોન લેવી વધુ મોંઘી બની શકે છે. આવનારા સમયમાં વ્યાજદરો 5.75% સુધી પહોંચી શકે છે. જોકે, ફેબ્રુઆરી 2027 થી વ્યાજદરોમાં વધારાની શક્યતા ઓછી થવાની આશા છે, કારણ કે ગ્રાહક ખર્ચમાં ઘટાડો અને મોંઘવારીમાં નરમાઈનું અનુમાન છે.
મોંઘવારી વચ્ચે મોટો ઝટકો... EMI વધશે!
રેલવેમાં મુસાફરી માટે નવો નિયમ
Indian Railways 1 ઓક્ટોબરથી ટિકિટ ચેકિંગના નવા નિયમો લાગુ કરી રહ્યું છે. મુસાફરી દરમિયાન, દરેક મુસાફરે પોતાની ટિકિટ સાથે અસલ ઓળખપત્ર (Original Photo ID) રાખવું ફરજિયાત છે. ગ્રુપ અથવા ઇ-ટિકિટ મુસાફરો માટે પણ આ નિયમ લાગુ પડશે, જેમાં જૂથમાંથી ઓછામાં ઓછા એક વ્યક્તિ પાસે ઓરિજિનલ આઈડી હોવું જરૂરી છે. આ નિયમનું પાલન ન કરનાર મુસાફરોની ટિકિટ રદ થઈ શકે છે અથવા દંડ ફટકારવામાં આવી શકે છે. તહેવારોની સિઝનમાં ખાસ કરીને આ નિયમનું કડક પાલન કરાવવામાં આવશે.
રેલવેમાં મુસાફરી માટે નવો નિયમ
બેંગકોકમાં પ્રલયકારી વરસાદ
બેંગકોકમાં છેલ્લા કેટલાય દિવસોથી ચાલુ રહેલા મુશળધાર વરસાદે મહાવિનાશનું સ્વરૂપ લીધું છે. રસ્તાઓ નદીઓ બની ગયા છે અને અનેક કારો ડૂબી ગઈ છે, જેના કારણે જનજીવન સંપૂર્ણપણે અસ્તવ્યસ્ત થઈ ગયું છે. સાપો દરમાંથી નીકળીને ચારે તરફ ફેલાતાં લોકોની તકલીફોમાં વધારો થયો છે. આ વરસાદની અસર 7 લાખથી વધુ લોકોને થઈ છે, નીચાણવાળા વિસ્તારો તળાવમાં ફેરવાઈ ગયા છે અને ઘરોમાં પણ પાણી ભરાયા છે. બેંગકોક Airport ના રનવે પણ પાણીમાં ડૂબી જતાં અનેક flights રદ કરવી પડી હતી.
બેંગકોકમાં પ્રલયકારી વરસાદ
પાકિસ્તાને બાંગ્લાદેશની યુરેનિયમ લાવતી ફ્લાઇટને એરસ્પેસ ક્લિયરન્સ આપ્યું નહીં
બાંગ્લાદેશના રૂપપુર ન્યૂક્લિયર પાવર પ્લાન્ટ માટે રશિયાથી યુરેનિયમ લઈ આવતા વિમાનને પાકિસ્તાને એરસ્પેસ ક્લિયરન્સ ન આપતા વિમાનને પાછા ફરવું પડ્યું. હવે બાંગ્લાદેશને યુરેનિયમ મેળવવા માટે ઓક્ટોબરના પ્રથમ સપ્તાહ સુધી રાહ જોવી પડશે. આ પરિસ્થિતિમાં, બાંગ્લાદેશના વિજ્ઞાન અને ટેકનોલોજી મંત્રીએ પુષ્ટિ કરી કે રશિયા નવા માર્ગે વિમાન મોકલશે. રૂપપુર ન્યુક્લિયર પાવર પ્લાન્ટ રશિયાની Rosatom કંપનીની મદદથી બની રહ્યો છે.
પાકિસ્તાને બાંગ્લાદેશની યુરેનિયમ લાવતી ફ્લાઇટને એરસ્પેસ ક્લિયરન્સ આપ્યું નહીં
સગીર બાળકોના સોશિયલ મીડિયા ઉપયોગ પર પ્રતિબંધ પર સરકારની સુપ્રીમ કોર્ટમાં રજૂઆત
કેન્દ્ર સરકાર 18 વર્ષથી ઓછી ઉંમરના બાળકોના Social Media ઉપયોગને નિયંત્રિત કરવા વિચારી રહી છે. ઈન્ફોર્મેશન ટેકનોલોજીના Intermediary Guidelines and Digital Media Ethics Code રૂલ્સમાં ફેરફાર કરીને સગીરોને Social Media પ્લેટફોર્મ પર એકાઉન્ટ બનાવતા રોકવાની યોજના છે. Just Rights for Children Alliance નામની NGO દ્વારા બાળકોની ઓનલાઈન સુરક્ષા અંગે દાખલ કરાયેલી અરજીની સુનાવણી દરમિયાન આ માહિતી અપાઈ. સરકાર સગીરો માટે Social Media એકાઉન્ટ ખોલવા પરના પ્રતિબંધને કાયદા કે નિયમોમાં સ્પષ્ટપણે સામેલ કરવા પર ભાર મૂકી રહી છે, જેથી તેનું પાલન ફરજિયાત બને.
સગીર બાળકોના સોશિયલ મીડિયા ઉપયોગ પર પ્રતિબંધ પર સરકારની સુપ્રીમ કોર્ટમાં રજૂઆત
તુર્કિયેના કાશ્મીર મુદ્દા પર UNGA માં ભારતનો સ્પષ્ટ જવાબ
તુર્કીયેના રાષ્ટ્રપ્રમુખ રેસેપ તૈયપ એર્દોગન દ્વારા સંયુક્ત રાષ્ટ્ર મહાસભા (UNGA) માં કાશ્મીર મુદ્દે આપવામાં આવેલા નિવેદનને ભારતે સંપૂર્ણપણે ફગાવી દીધું છે. વિદેશ મંત્રાલયે સ્પષ્ટ કર્યું કે જમ્મુ-કાશ્મીર ભારતનો અવિભાજ્ય અંગ છે અને આ બાબત ભારતની પ્રાદેશિક અખંડિતતા અને સાર્વભૌમત્વ સાથે જોડાયેલી છે. પ્રેસને સંબોધતા વિદેશ મંત્રાલયના પ્રવક્તાએ જણાવ્યું હતું કે 'આ મામલો ભારતની પ્રાદેશિક અખંડિતતા અને સાર્વભૌમત્વ સાથે જોડાયેલો છે, અને આ મુદ્દા પર કોઈપણ બાહ્ય પક્ષનો કોઈ અધિકાર કે ભૂમિકા નથી.'
તુર્કિયેના કાશ્મીર મુદ્દા પર UNGA માં ભારતનો સ્પષ્ટ જવાબ
મ્યાંમારના ક્યાઉક્તાવમાં સેનાની એરસ્ટ્રાઈકમાં 50 લોકોના મોત
મ્યાંમારના ક્યાઉક્તાવમાં માર્કેટ પર સેનાની એરસ્ટ્રાઈકથી ઓછામાં ઓછા ૪૯ લોકોના મોત થયા છે અને ૫૮થી વધુ ઘાયલ થયા છે, જેમાં ૨૨ની હાલત ગંભીર છે. ચીન તરફી લશ્કરી જુંટાએ સત્તા ગ્રહણ કર્યા બાદ જનતા પર ત્રાસ ગુજારવો શરૂ કર્યો છે. આરાકાન આર્મી જેવા વિપ્લવી જૂથો મ્યાંમાર સેના સામે લડી રહ્યા છે. આ હુમલામાં અનેક મકાનો ધ્વસ્ત થયા, વાહનો સળગી ઉઠ્યા અને પુલ તૂટી ગયો. આ યુદ્ધથી ખાદ્યાન્ન સહિત અનેક બાબતોની અછત સર્જાઈ છે.
મ્યાંમારના ક્યાઉક્તાવમાં સેનાની એરસ્ટ્રાઈકમાં 50 લોકોના મોત
અમેરિકાનું અન્ડરવૉટર ડ્રોન પકડવાના ઇરાનના દાવાને US સૈન્યે નકાર્યો
ઇરાને હોર્મુઝ સ્ટ્રેઇઝમાં અમેરિકાનું અન્ડર વૉટર ડ્રોન પકડી પાડયાનો દાવો કર્યો હતો, પરંતુ યુ.એસ. સૈન્યે તેને સ્પષ્ટ રદીયો આપ્યો છે. યુ.એસ. સેન્ટ્રલ કમાન્ડના પ્રવક્તા કેપ્ટન ટીમ હોકિન્સે જણાવ્યું કે અમેરિકાની બધી જ અનમેન્ડે સીસ્ટીમ્સ (માનવ રહિત યંત્રો) તે વિસ્તારમાં સક્રિય છે અને સંપૂર્ણત: સ્વસ્થ છે. તેમણે ઉમેર્યું કે યુનાઇટેડ સ્ટેટસ અમારાં દરેક ડ્રોન ઓરેશનલ એસેટસનો પાક્કો હીસાબ રાખે છે. આઈઆરજીસી (ઇરાન રિવોલ્યુશનરી ગાર્ડ કોર્પ્સ) દ્વારા કરવામાં આવેલા દાવાઓ તેમની હતાશા દર્શાવે છે.
અમેરિકાનું અન્ડરવૉટર ડ્રોન પકડવાના ઇરાનના દાવાને US સૈન્યે નકાર્યો
કેરળ પેટાચૂંટણીમાં NDA ની ઐતિહાસિક જીત
કેરળમાં યોજાયેલી સ્થાનિક સ્વરાજ્યની સંસ્થાઓની પેટાચૂંટણીના પરિણામો જાહેર થયા છે. આ ચૂંટણીમાં યુનાઇટેડ ડેમોક્રેટિક ફ્રન્ટ (UDF) ગઠબંધનને મોટો ફટકો પડ્યો છે, જ્યારે ડાબેરી મોરચા (LDF) એ નોંધપાત્ર બેઠકો મેળવી છે. NDA ગઠબંધનના સાથી પક્ષ ટ્વેન્ટી-20 (Twenty 20) એ ઐતિહાસિક જીત મેળવી NDA નું ખાતું ખોલાવ્યું છે. LDF ને 3 બેઠકોનો ફાયદો થયો છે, જ્યારે UDF ને 3 બેઠકોનું નુકસાન થયું છે. ખાસ કરીને કોંગ્રેસના ગઢ ગણાતા વિસ્તારોમાં પણ બેઠકો ઘટી છે.
કેરળ પેટાચૂંટણીમાં NDA ની ઐતિહાસિક જીત
ભારતમાં 308 પૈડાં વાળી 200 ટન 'બાહુબલી' ટ્રક વાયરલ
ઉત્તર પ્રદેશના રસ્તાઓ પર 308 પૈડાં ધરાવતી 200 ટન વજનની 'બાહુબલી' ટ્રક વાઇરલ થઈ છે. આ વિશાળ ટ્રકમાં બેલ્જિયમથી આવેલું 100 ફૂટ લાંબુ ઇન્ડસ્ટ્રીયલ વેક્યુમ બોઇલર છે, જે ઝારખંડ અને બિહાર થઈને લખીમપુર ખેરી જઈ રહ્યું છે. અહીં એશિયાનો પ્રથમ બાયોપ્લાસ્ટિક (PLA) પ્લાન્ટ બનશે. રસ્તાઓને નુકસાનથી બચાવવા અને વજન સમાન રીતે વહેંચવા માટે આ ખાસ ડિઝાઇન કરાયેલ Volvo મલ્ટી-એક્સલ મોડ્યુલર હાઇડ્રોલિક ટ્રેલરનો ઉપયોગ થયો છે. સુરક્ષિત સફર માટે 3 ઝોન અને 8 પોલીસ સ્ટેશન સતર્ક છે.
ભારતમાં 308 પૈડાં વાળી 200 ટન 'બાહુબલી' ટ્રક વાયરલ
મુંબઇના દાદરના મકાનને ટાર્ગેટ કરનાર વડોદરાની ચોર ટોળકીનો સાગરીત પકડાયો
મુંબઇના દાદર ખાતે તાજેતરમાં એક મકાનમાંથી ચોરીના બનેલા બનાવમાં મુંબઇ પોલીસે વડોદરાની ગેંગનો પર્દાફાશ કર્યો છે. દાદરના બંધ મકાનમાં હાથફેરો કરનાર વડોદરાની ગેંગના બે સાગરીત અગાઉ પકડાઇ ગયા બાદ વોન્ટેડ આરોપી વિકી વિજયભાઇ ગોદડીયા(મહાનગર,ડભોઇ રોડ)ને એલસીબી ઝોન-૪ની ટીમે ચાંપાનેર દરવાજા પાસેથી ઝડપી પાડી સ્કૂટર,મોબાઇલ અને રોકડા રૃ.૨૮૬૦૦ કબજે કર્યા હતા.વિકી સામે અગાઉ પણ વડોદરામાં વાડી અને પાણી ગેટ પોલીસ સ્ટેશનમાં ચાર ગુના નોંધાયા હતા.વડોદરા પોલીસે આરોપીને મુંબઇ પોલીસને સોંપ્યો છે.
મુંબઇના દાદરના મકાનને ટાર્ગેટ કરનાર વડોદરાની ચોર ટોળકીનો સાગરીત પકડાયો
મુંબઇમાં મચ્છરોના ૧૦૦૦થી વધુ દૈનિક બ્રીડિંગ સ્પોટ મળ્યાં
મુંબઇમાં ડેન્ગ્યૂ અને મલેરિયાના વધતા જતા કેસને ધ્યાનમાં લઇ BMC દ્વારા હાથ ધરાયેલી મચ્છર વિરોધી ઝુંબેશમાં સપ્ટેમ્બરના પહેલા પખવાડિયામાં 15,143 બ્રીડિંગ સ્પોટ મળ્યાં, જે દરરોજ ૧૦૦૦થી વધુ દર્શાવે છે. આ સમયગાળામાં 2097 મલેરિયા, 14 ડેન્ગ્યૂ અને 14 ચિકનગુનિયાના કેસ નોંધાયા હતા. BMCએ 5.94 લાખ ઘરોનો સર્વે કર્યો અને 32114 સંદિગ્ધ લોકોના બ્લડ સેમ્પલ લીધા. પાણીના ડ્રમ, ટાયર, ભંગાર જેવી જગ્યાઓએ બ્રીડિંગ સ્પોટ મળ્યા. 20,713 મકાનો અને 3.21 લાખ ઝૂંપડપટ્ટી વિસ્તારોમાં ફોગિંગ કરાયું. લોકોને પાણી ભરી ન રાખવાની સલાહ અપાઈ.
મુંબઇમાં મચ્છરોના ૧૦૦૦થી વધુ દૈનિક બ્રીડિંગ સ્પોટ મળ્યાં
જમ્મુ-કાશ્મીરના કઠુઆ CISF કેમ્પમાં ભયાનક ફાયરિંગમાં 4 જવાનોના મોત
જમ્મુ-કાશ્મીરના કઠુઆ જિલ્લામાં બસોહલી સ્થિત CISF કેમ્પમાં એક જવાને પોતાના સાથીઓ પર ગોળીબાર કર્યો, જેમાં 4 જવાનો શહીદ થયા. આ હૃદયદ્રાવક ઘટના સાંજે 7:10 વાગ્યે બની હતી, અને તેને ફ્રેટ્રિસાઈડ તરીકે જોવામાં આવી રહ્યું છે. મૃતકોમાં એક આસિસ્ટન્ટ કમાન્ડન્ટ અને એક સબ ઇન્સ્પેક્ટરનો સમાવેશ થાય છે. CISF હેડક્વાર્ટર દ્વારા કોર્ટ ઓફ ઈન્ક્વાયરીના આદેશ આપવામાં આવ્યા છે, અને ડીજી CISF પરિસ્થિતિ પર નજર રાખી રહ્યા છે.
જમ્મુ-કાશ્મીરના કઠુઆ CISF કેમ્પમાં ભયાનક ફાયરિંગમાં 4 જવાનોના મોત
ઓક્ટોબરમાં ગુજરાત સહિતના રાજ્યોમાં બેંકો ક્યારે બંધ રહેશે?
ઑક્ટોબર 2026માં દશેરા, દુર્ગાપૂજા અને ગાંધી જયંતી જેવા મોટા તહેવારોને કારણે બૅંકોમાં રજાઓનો ધસારો રહેશે. આ મહિનામાં, નેશનલ હોલિડે અને સ્થાનિક તહેવારોના કારણે દેશના વિવિધ રાજ્યોમાં બેંક બ્રાન્ચમાં રૂબરૂ કામકાજ બંધ રહેશે. રિઝર્વ બૅંક ઑફ ઇન્ડિયા (RBI) મુજબ, ઑક્ટોબરમાં 5 શનિવારમાંથી 4 શનિવારે બેંકો બંધ રહેશે, જેમાં બીજા અને ચોથા શનિવારનો પણ સમાવેશ થાય છે. જોકે, ઓનલાઇન બેંકિંગ, મોબાઇલ એપ અને UPI સર્વિસ 24x7 ચાલુ રહેશે.
ઓક્ટોબરમાં ગુજરાત સહિતના રાજ્યોમાં બેંકો ક્યારે બંધ રહેશે?
દિલ્હી પોલીસ દ્વારા FCRA કેસમાં ગૃહ મંત્રાલયના બે અધિકારીઓની ધરપકડ
દિલ્હી પોલીસે ગૃહ મંત્રાલય (MHA) ના બે અધિકારીઓની FCRA સંબંધિત કેસમાં ધરપકડ કરી છે. આ અધિકારીઓ પર એક ઍસોસિએશનનું FCRA રજિસ્ટ્રેશન કરાવવાના બદલામાં ગેરકાયદેસર રીતે લાંચ માંગવાનો આરોપ છે. એક અધિકારી વિદેશી પ્રભાગમાં અને બીજો વેતન અને એકાઉન્ટ્સ ઑફિસમાં તૈનાત છે, જે અગાઉ વિદેશી પ્રભાગમાં કાર્યરત હતો. પ્રાથમિક પૂછપરછમાં જણાયું છે કે તેઓ ગેરકાયદેસર રીતે નાણાં લઈને સંગઠનોના રજીસ્ટ્રેશન અને રિન્યુઅલમાં મદદ કરી રહ્યા હતા. ગૃહ મંત્રાલય ભ્રષ્ટાચાર સામે ઝીરો ટોલરન્સની નીતિ અપનાવે છે અને FCRA સેવાઓ માત્ર ઓનલાઇન પોર્ટલ દ્વારા જ ઉપલબ્ધ છે.
દિલ્હી પોલીસ દ્વારા FCRA કેસમાં ગૃહ મંત્રાલયના બે અધિકારીઓની ધરપકડ
CWC બેઠકમાં રાહુલ ગાંધીનો દાવો: PM મોદી CEC જ્ઞાનેશ કુમારનું રાજીનામું લેવડાવશે
કોંગ્રેસ વર્કિંગ કમિટી (CWC)ની બેઠકમાં રાહુલ ગાંધીએ CEC જ્ઞાનેશ કુમાર પર ગંભીર આરોપો લગાવ્યા અને જણાવ્યું કે વડાપ્રધાન નરેન્દ્ર મોદી પોતે તેમનું રાજીનામું લેવડાવશે. તેમણે ચૂંટણી પ્રક્રિયામાં કથિત ગોટાળા સામે દેશવ્યાપી આંદોલનની જાહેરાત કરી, જેમાં EVM અને મતદાર યાદીમાં મેચ ફિક્સિંગનો સમાવેશ થાય છે. CWCમાં જ્ઞાનેશ કુમારના રાજીનામા, SIRની પ્રક્રિયા રદ કરવા અને PM-ગૃહમંત્રી દ્વારા જવાબદારી સ્વીકારવા સહિત ત્રણ મુખ્ય પ્રસ્તાવો રજૂ કરાયા. જ્યાં સુધી CEC પદ છોડશે નહીં, ત્યાં સુધી આંદોલન ચાલુ રહેશે.
CWC બેઠકમાં રાહુલ ગાંધીનો દાવો: PM મોદી CEC જ્ઞાનેશ કુમારનું રાજીનામું લેવડાવશે
PNB કૌભાંડ: નીરવ મોદીના નજીકના સાથી સંદીપ મિસ્ત્રીની UAEથી ધરપકડ
PNB કૌભાંડમાં ભાગેડું નીરવ મોદીના સહયોગી સંદીપ મિસ્ત્રીની CBI દ્વારા સંયુક્ત આરબ અમીરાત (UAE) થી પ્રત્યાર્પણ બાદ મુંબઈમાં ધરપકડ કરવામાં આવી છે. મિસ્ત્રીને UAE થી ભારત લાવવામાં આવ્યા બાદ ન્યાયિક હિરાસતમાં મોકલી દેવાયો છે. તે નીરવ મોદીની હોંગકોંગ સ્થિત ફેન્સી ક્રિએશન્સ લિમિટેડમાં ડિરેક્ટર રહી ચૂક્યો છે. CBI નો આરોપ છે કે મિસ્ત્રીએ નીરવ મોદી સાથે મળીને PNB ને લગભગ રૂ. 6,498.20 કરોડનું નુકસાન પહોંચાડવાના ગુનાહિત ષડયંત્રમાં સક્રિય ભૂમિકા ભજવી હતી.
PNB કૌભાંડ: નીરવ મોદીના નજીકના સાથી સંદીપ મિસ્ત્રીની UAEથી ધરપકડ
Apple 2027 થી iPhone લૉન્ચ સાઇકલમાં બદલાવ કરશે
Apple પોતાના પ્રખ્યાત iPhoneના લૉન્ચ શેડ્યૂલમાં વર્ષ 2027થી મોટો ફેરફાર કરવાની વિચારણા કરી રહી છે. રિસર્ચ ફર્મ 'ઓમડિયા'ના રિપોર્ટ અનુસાર, કંપની હવે નવા iPhone મોડલ્સને અલગ-અલગ સમયે માર્કેટમાં ઉતારી શકે છે. સ્ટાન્ડર્ડ iPhone 18 વર્ષ 2027ના પ્રથમ ક્વાર્ટરમાં, જ્યારે Pro વેરિઅન્ટ્સ વર્ષના ઉત્તરાર્ધમાં રજૂ થઈ શકે છે. આ ફેરફાર iPhoneના 20 વર્ષ પૂર્ણ થવાની ઉજવણી નિમિત્તે થઈ શકે છે, જ્યાં iPhone 19 ને બદલે સીધો iPhone 20 લૉન્ચ કરવામાં આવે.
Apple 2027 થી iPhone લૉન્ચ સાઇકલમાં બદલાવ કરશે
રાહુલ ગાંધીના આરોપો મુદ્દે સ્મૃતિ ઈરાનીનો સણસણતો જવાબ
કોંગ્રેસ દ્વારા ચૂંટણી પંચની કામગીરી પર કરાયેલા આરોપો સામે ભાજપ નેતા સ્મૃતિ ઈરાનીએ સણસણતો જવાબ આપ્યો છે. રાહુલ ગાંધીએ 2024ની લોકસભા ચૂંટણીમાં ગેરરીતિ અને મત ચોરીનો આરોપ લગાવ્યો હતો, જેના પર સ્મૃતિ ઈરાનીએ કહ્યું કે, કોંગ્રેસ પોતાની હારનું આત્મમંથન કરવાને બદલે ચૂંટણી પંચ પર પ્રહારો કરી રહી છે. તેમણે સવાલ કર્યો કે, જે 4 રાજ્યોમાં ભાજપની સરકાર નથી, ત્યાં ચૂંટણી પંચ યોગ્ય છે? મૃત અને બોગસ મતદારોના નામો ચાલુ રાખવાની કોંગ્રેસની માંગ પર પણ તેમણે પ્રશ્ન ઉઠાવ્યો.
રાહુલ ગાંધીના આરોપો મુદ્દે સ્મૃતિ ઈરાનીનો સણસણતો જવાબ
SC કેટેગરીમાંથી મુક્તિ માટે તમિલનાડુના સમાજની અનોખી લડત
તમિલનાડુનો 'દેવેન્દ્રકુલ વેલ્લાલર' (DKV) સમુદાય અનામત આધારિત માનસિકતાથી અલગ હટીને પોતાની સાંસ્કૃતિક ઓળખ અને સામાજિક સન્માન પાછા મેળવવા માટે અનોખી લડત લડી રહ્યો છે. તેઓ SC શ્રેણીમાંથી મુક્તિ માંગી રહ્યા છે, કારણ કે તેમનું માનવું છે કે 'SC' નું લેબલ સામાજિક કલંક બનીને તેમના સર્વાંગી વિકાસને અવરોધે છે. આ સમુદાય આત્મનિર્ભર બનીને 'સામાન્ય શ્રેણી' માં સ્થાન મેળવવા માંગે છે અને SC/ST (Atrocities) Act નો પણ બહિષ્કાર કર્યો છે.
SC કેટેગરીમાંથી મુક્તિ માટે તમિલનાડુના સમાજની અનોખી લડત
ફિજીમાં 'નેશનલ હેલ્થ ઈમરજન્સી' જાહેર
ફિજી દેશ હાલ HIV અને ડ્રગ્સના દૂષણને કારણે અભૂતપૂર્વ સ્વાસ્થ્ય સંકટનો સામનો કરી રહ્યો છે. બાળકો અને યુવાનો મેથામ્ફેટામાઇન જેવા કેમિકલ ડ્રગ્સ અને દૂષિત સિરીંજનો ઉપયોગ કરતા HIV જેવી જીવલેણ બીમારીનો ભોગ બની રહ્યા છે. આ પરિસ્થિતિને પહોંચી વળવા સરકારે સમગ્ર દેશમાં 'National Health Emergency' જાહેર કરી છે. 9,100 થી વધુ લોકો HIV સંક્રમિત છે અને નવા કેસમાં આઘાતજનક વધારો જોવા મળ્યો છે. કાયદાકીય અડચણો અને સામાજિક ડર પણ સમસ્યાને વધુ ગંભીર બનાવી રહ્યા છે.
ફિજીમાં 'નેશનલ હેલ્થ ઈમરજન્સી' જાહેર
EUના ફરમાન સામે ગૂગલ લાલઘૂમ
ટેક જાયન્ટ Googleએ યુરોપિયન યુનિયન (EU)ના આદેશ સામે કાનૂની અપીલ કરી છે, જેમાં પોતાના યુઝર ડેટા હરીફ સર્ચ એન્જિનો સાથે શેર કરવા અને એન્ડ્રોઇડ ઓપરેટિંગ સિસ્ટમને હરીફ AI સેવાઓ માટે સુલભ બનાવવાની ફરજ પાડવામાં આવી છે. આ પગલું EUના 'ડિજિટલ માર્કેટ્સ એક્ટ' હેઠળ આવે છે. Googleનું કહેવું છે કે આનાથી યુઝર પ્રાઈવસી જોખમમાં મુકાશે. EU કમિશને Googleને જાન્યુઆરી 2027 સુધી ડેટા શેરિંગ અને જુલાઈ 2024 સુધીમાં એન્ડ્રોઇડમાં ફેરફારો માટે સમય આપ્યો છે.
EUના ફરમાન સામે ગૂગલ લાલઘૂમ
1 ઑક્ટોબરથી રેલવેનું મોટું મેગા ચેકિંગ
1 ઓક્ટોબરથી 31 ઓક્ટોબર 2026 સુધી, સેન્ટ્રલ રેલવે દ્વારા ટ્રેનમાં મુસાફરી કરતાં મુસાફરો માટે ખાસ ટિકિટ ચેકિંગ અભિયાન ચલાવવામાં આવશે. આ દરમિયાન, માત્ર ટિકિટ જ નહીં, પરંતુ કન્સેશન, નિર્ધારિત રિઝર્વેશન કોટા, ઈ-પાસ અથવા પ્રિવિલેજ ટિકિટ ઑર્ડર (PTO) ના આધારે મુસાફરી કરતા મુસાફરોએ પોતાની પાત્રતા અને મૂળ ઓળખપત્ર સાબિત કરતાં દસ્તાવેજો સાથે રાખવા ફરજિયાત છે. નિયમ મુજબના દસ્તાવેજો રજૂ ન કરવા પર મુસાફરને માન્ય ટિકિટ વિના મુસાફરી કરનાર ગણી શકાય છે. આ અભિયાનનો મુખ્ય હેતુ ગેરરીતિઓ અટકાવી આવક નુકસાન ઘટાડવાનો છે.
1 ઑક્ટોબરથી રેલવેનું મોટું મેગા ચેકિંગ
રૂ.3,000ની કેન્સરની દવા રૂ.27,000માં કેમ?
કેન્સરની દવાઓની અસહ્ય કિંમતો અંગે સુપ્રીમ કોર્ટે કેન્દ્ર સરકાર સામે નારાજગી વ્યક્ત કરી છે. દવા વિક્રેતાને મળતી મૂળ કિંમત અને દર્દીઓ પાસેથી વસૂલાતી છૂટક કિંમત વચ્ચેના મોટા તફાવત પર અદાલતે પ્રશ્નો ઉઠાવ્યા છે. જસ્ટિસ સંદીપ મહેતાએ જણાવ્યું કે ₹27,000 MRP ધરાવતી કેન્સરની દવા વિક્રેતાને માત્ર ₹3000માં મળે છે. આ તોતિંગ તફાવત શા માટે છે અને ભાવ નિયંત્રણના દાયરામાંથી આવી દવાઓને બહાર શા માટે રખાઈ છે, તેવા સવાલો સુપ્રીમ કોર્ટે સરકારને પૂછ્યા છે.
રૂ.3,000ની કેન્સરની દવા રૂ.27,000માં કેમ?
પાકિસ્તાને બાંગ્લાદેશના યુરેનિયમ કાર્ગોને રોકતા સંબંધોમાં તણાવ
રશિયાથી બાંગ્લાદેશ જઈ રહેલું યુરેનિયમ કાર્ગો પાકિસ્તાને એરસ્પેસ ક્લિયરન્સ ન આપતા અટક્યું છે. બાંગ્લાદેશના પ્રથમ ન્યુક્લિયર પાવર પ્લાન્ટ, રૂપપુર ન્યુક્લિયર પાવર પ્લાન્ટ માટે મોકલવામાં આવેલું આ ઇંધણ, સમયસર પહોંચી શક્યું નથી. પાકિસ્તાનના આ પગલાથી બાંગ્લાદેશના વિજ્ઞાન અને ટેકનોલોજી મંત્રાલયમાં ચિંતા ફેલાઈ છે. આ કાર્ગોની ડિલિવરી માટે હવે ઓક્ટોબરના પહેલા અઠવાડિયાની નવી તારીખ પ્રસ્તાવિત કરવામાં આવી છે. પાકિસ્તાને કયા કારણોસર એરસ્પેસ બ્લોક કર્યું તે સ્પષ્ટ નથી, પરંતુ આ ઘટનાએ વૈશ્વિક રાજકારણમાં નવો વળાંક લાવ્યો છે.
પાકિસ્તાને બાંગ્લાદેશના યુરેનિયમ કાર્ગોને રોકતા સંબંધોમાં તણાવ
ચૂંટણી પંચ અને મોદી સરકાર સામે ખડગેના ગંભીર આરોપો અને માંગણીઓ
કોંગ્રેસ વર્કિંગ કમિટી (CWC)ની બેઠકમાં અધ્યક્ષ મલ્લિકાર્જુન ખડગેએ ચૂંટણી પંચ અને મોદી સરકાર પર લોકતંત્રને નબળું પાડવાનો ગંભીર આરોપ લગાવ્યો છે. તેમણે મતદાર યાદીમાંથી નામ હટાવવા અને CECનું સરકારના ઈશારે કામ કરવું જેવા મુદ્દા ઉઠાવ્યા. ખડગેએ CECને તાત્કાલિક હટાવવા, મતદાર યાદીના ફેરફારોનો ડેટા સાર્વજનિક કરવા, યુવાનોના મતાધિકારનું રક્ષણ કરવા, અને ચૂંટણી ડેટામાં પારદર્શિતા જાળવવા સહિત 5 મુખ્ય માંગણીઓ કરી છે. તેમણે આ મુદ્દાને 'વૉટબંધી' ગણાવી લડત આપવાનું આહ્વાન કર્યું.
ચૂંટણી પંચ અને મોદી સરકાર સામે ખડગેના ગંભીર આરોપો અને માંગણીઓ
જેકી ચેનના મૃત્યુના સમાચાર ખોટા
72 વર્ષીય પ્રખ્યાત એક્ટર, માર્શલ આર્ટિસ્ટ અને ફિલ્મમેકર Jackie Chan ના મૃત્યુના ખોટા સમાચારે તેમના ચાહકોને ચિંતામાં મૂકી દીધા છે. તાજેતરમાં, સોશિયલ મીડિયા પર એવી અફવાઓ ફેલાઈ હતી કે Jackie Chan નું નિધન થઈ ગયું છે, જેમાં તેમના બ્લેક એન્ડ વ્હાઈટ ફોટો સાથે '1954-2026' લખેલું હતું. આ દાવા તદ્દન ખોટા સાબિત થયા છે. Jackie Chan જીવિત છે અને સિંગાપુરમાં એક કાર્યક્રમમાં 900 થી વધુ બાળકો સાથે મુલાકાત પણ કરી ચૂક્યા છે. તેમની આગામી ફિલ્મ 'Armour of God: Ultimatum' 2027 માં રિલીઝ થવાની છે.
જેકી ચેનના મૃત્યુના સમાચાર ખોટા
નાગૌરમાં ATM લૂંટવાનો પ્રયાસ નિષ્ફળ
રાજસ્થાનના નાગૌર જિલ્લામાં સોમવારે મોડી રાત્રે બે યુવાનોએ યુકો બેંકના ATMમાં ઘૂસી રોકડ ચોરી કરવાનો પ્રયાસ કર્યો હતો. પરંતુ, ઈ-સર્વેલન્સ સિસ્ટમ અને બેંક મેનેજર સારિકા ચૌધરીની સજાગતાને કારણે તેમનો પ્રયાસ નિષ્ફળ રહ્યો. મેનેજરે તાત્કાલિક શટર બંધ કરીને પોલીસને જાણ કરતાં બંને આરોપીઓ ઘટનાસ્થળે જ પકડાઈ ગયા. આરોપીઓએ CCTV કેમેરા પર ગ્રીસ લગાવી ઓળખ છુપાવવાનો પ્રયાસ કર્યો હતો, પરંતુ તેઓ કેશ સુધી પહોંચી શક્યા નહીં. આ ઘટનામાં મોટી હોનારત ટળી.
નાગૌરમાં ATM લૂંટવાનો પ્રયાસ નિષ્ફળ
એક અફવા... અને યુનિવર્સિટીઓ બની રણમેદાન!
આજના ડિજિટલ યુગમાં વોટ્સએપ અને સોશિયલ મીડિયા પર ફેલાતી ખોટી અફવાઓ કેટલી ખતરનાક સાબિત થઈ શકે છે, તેનું જીવતું જાગતું ઉદાહરણ પંજાબની LPU અને ચિત્કારા યુનિવર્સિટીમાં જોવા મળ્યું. અહીં 48 કલાકમાં અફવાઓએ હજારો વિદ્યાર્થીઓને વિરોધમાં ઉતારી દીધા. ચિત્કારામાં 'ભૂત' અને ગુમ થવાની અફવા, જ્યારે LPUમાં દુષ્કર્મ અને આત્મહત્યાની અફવાને કારણે હિંસક પ્રદર્શનો થયા. દિલ્હી યુનિવર્સિટી (DU)માં વિદ્યાર્થિનીઓએ સુરક્ષાને લઈને માર્ચ યોજી. આ અફવાઓ પાછળ રાજકીય ષડયંત્રની પણ તપાસ ચાલી રહી છે.
એક અફવા... અને યુનિવર્સિટીઓ બની રણમેદાન!
DUSUમાં સફાયા બાદ રાહુલ ગાંધીએ કન્હૈયા કુમારને ખખડાવ્યા
દિલ્હી યુનિવર્સિટી સ્ટુડન્ટ્સ યુનિયન (DUSU) ચૂંટણી 2026ના નબળા પરિણામ બાદ કોંગ્રેસમાં આંતરિક સમીક્ષા શરૂ થઈ છે. રાહુલ ગાંધીએ NSUI પ્રભારી કન્હૈયા કુમાર અને અધ્યક્ષ વિનોદ જાખડ સાથે બેઠક કરી, ચૂંટણી પરિણામ, ઉમેદવાર પસંદગી અને પ્રચાર રણનીતિ પર ચર્ચા કરી. રાહુલ ગાંધીએ ખાસ કરીને પૂછ્યું કે NSUI અધ્યક્ષ પદની ચૂંટણીમાં જીતની નજીક હોવા છતાં પરિણામ શા માટે અલગ આવ્યું. દીપાંશુ શોકીન અપક્ષ તરીકે જીત્યા તેનો મુદ્દો પણ ચર્ચાયો. ABVPએ 4 માંથી 3 પદ જીત્યા, જ્યારે NSUIને એકપણ પદ મળ્યું નહીં. આ પરિણામ યુવા મતદારો સુધી પહોંચવામાં કોંગ્રેસની કામગીરી પર પ્રશ્નો ઉઠાવે છે.