વડોદરામાં એક ખાનગી નોકરી કરતા વ્યક્તિને બેંગ્લોરના જોસેફ બાબરભાઈ સેમ્યુઅલ પરમારે બીટકોઈનમાં મોટા નફાની લાલચ આપી હતી. જોસેફે ફરિયાદીને જણાવ્યું કે બીટકોઈનમાં રોકાણ કરવાથી તેની દીકરીના લગ્ન સારી રીતે થઈ જશે અને તે સારું મકાન પણ ખરીદી શકશે. આ લાલચમાં આવીને ફરિયાદીએ કુલ રૂ. 11.71 લાખ રૂપિયા જોસેફને ટ્રાન્સફર કર્યા. પરંતુ, જ્યારે ફરિયાદીએ બીટકોઈન માંગ્યા ત્યારે જોસેફે આપવાનો ઇનકાર કર્યો અને વધુ પૈસા માંગ્યા. ત્યારબાદ, જોસેફે ફરિયાદીને ધમકી પણ આપી હતી. તપાસમાં જાણવા મળ્યું કે જોસેફે ઘણા લોકો પાસેથી બીટકોઈનમાં રોકાણના બહાને છેતરપિંડી કરી છે.