અમેરિકાએ ફરી એકવાર બૌદ્ધિક સંપદા અધિકારો(Intellectual Property Rights) બાબતે ભારત સામે લાલ આંખ કરી છે. અમેરિકન ટ્રેડ રિપ્રેઝન્ટેટિવ(USTR) ઑફિસ દ્વારા જાહેર કરવામાં આવેલા '2026 સ્પેશિયલ 301 રિપોર્ટ'માં ભારતને ફરી 'પ્રાયોરિટી વૉચ લિસ્ટ'માં મૂકવામાં આવ્યું છે. આ યાદીમાં ભારતની સાથે ચીન, રશિયા, ઇન્ડોનેશિયા, ચિલી અને વેનેઝુએલા જેવા દેશોનો પણ સમાવેશ થાય છે. અમેરિકા દર વર્ષે એપ્રિલના અંતમાં આ ખાસ રિપોર્ટ જાહેર કરે છે, જેમાં તે પોતાના ભાગીદાર દેશોમાં પેટન્ટ, ટ્રેડમાર્ક અને કોપીરાઇટ જેવા બૌદ્ધિક સંપદાના કાયદાઓ અને તેના સંરક્ષણની ચકાસણી કરે છે.

છત્તીસગઢના બસ્તર ડિવિઝનમાં કાંકેર અને નારાયણપુર જિલ્લાની સરહદ પર નક્સલ વિરોધી અભિયાન દરમિયાન એક દુર્ભાગ્યપૂર્ણ ઘટના બની છે. નક્સલીઓ દ્વારા પ્લાન્ટ કરવામાં આવેલા IED ને નિષ્ક્રિય કરવા ગયેલી ડિસ્ટ્રિક્ટ રિઝર્વ ગાર્ડ (DRG) ની ટીમ પર વિસ્ફોટ થતા 4 બહાદુર જવાન શહીદ થયા છે. કાંકેર SP નિખિલ રાખેચાએ જણાવ્યું કે, નક્સલીઓએ જવાનોને નુકસાન પહોંચાડવા માટે જમીનમાં વિસ્ફોટકો દાટ્યા હોવાની બાતમીના આધારે જવાનો તેને નિષ્ક્રિય કરવા નીકળ્યા હતા. આ કામગીરી દરમિયાન અચાનક એક IEDમાં જોરદાર બ્લાસ્ટ થયો હતો, જેની લપેટમાં જવાનો આવી ગયા હતા.

આગામી મહિને ઈંગ્લેન્ડ અને વેલ્સમાં રમાનારા ICC મહિલા T20 વર્લ્ડ કપ 2026 માટે ભારતીય ટીમની જાહેરાત કરવામાં આવી છે. BCCIએ ફરી એકવાર અનુભવી ખેલાડી હરમનપ્રીત કૌર પર વિશ્વાસ મૂકીને તેને ટીમની કેપ્ટનશીપ સોંપી છે. જ્યારે સ્મૃતિ મંધાના વાઇસ કેપ્ટન તરીકે જવાબદારી નિભાવશે. આ ઉપરાંત ભારતીય ટીમમાં શેફાલી વર્મા, જેમિમા રોડ્રિગ્સ, દીપ્તિ શર્મા, રિચા ઘોષ (વિકેટકીપર), અરુંધતી રેડ્ડી, રેણુકા ઠાકુર, ક્રાંતિ ગૌડ, શ્રી ચરણી, શ્રેયંકા પાટિલ, ભારતી ફુલમાલી, યાસ્તિકા ભાટિયા (વિકેટકીપર), નંદની શર્મા અને રાધા યાદવનો સમાવેશ થાય છે.

અમેરિકાએ ભારતને અંદાજે 120 કરોડ રૂપિયાથી($14 મિલિયન) પણ વધુની કિંમતની 657 જેટલી દુર્લભ અને પ્રાચીન મૂર્તિઓ પરત કરી છે. આ અમૂલ્ય વારસો સુભાષ કપૂર અને નેન્સી વીનર જેવા આંતરરાષ્ટ્રીય તસ્કર ગીરોહો દ્વારા ભારતમાંથી ચોરી કરીને અમેરિકા લઈ જવામાં આવ્યો હતો. ન્યૂયોર્કના મેનહટન ડિસ્ટ્રિક્ટ એટર્ની એલ્વિન બ્રૈગ અને ભારતીય કોન્સ્યુલ જનરલ રાજલક્ષ્મી કદમની હાજરીમાં આ મૂર્તિઓ સોંપવા માટે એક વિશેષ સમારોહ યોજાયો હતો.

ભારતીય રિઝર્વ બેન્કે(RBI) વિદેશમાંથી સોનું પરત લાવવાની પ્રક્રિયાને નોંધપાત્ર રીતે ઝડપી બનાવી છે. ઓક્ટોબર 2025થી માર્ચ 2026ના રિપોર્ટ અનુસાર, ભારતના કુલ 880.52 ટન સોનામાંથી હવે અંદાજે 77% એટલે કે 680 ટન સોનું દેશની અંદર જ રાખવામાં આવ્યું છે. જ્યારે 197.67 ટન સોનું હજુ પણ બેન્ક ઓફ ઇંગ્લેન્ડ અને બેન્ક ઓફ ઇન્ટરનેશનલ સેટલમેન્ટ્સ પાસે છે અને 2.8 ટન સોનું ડિપોઝિટ તરીકે રાખેલું છે. છેલ્લા માત્ર 6 મહિનામાં જ RBI દ્વારા 104.23 ટન સોનું ભારત પરત મંગાવી લેવામાં આવ્યું છે. માર્ચ 2023માં ભારત પાસે માત્ર 37% સોનું દેશમાં હતું, જે હવે વધીને 77% થઈ ગયું છે.

ઉત્તરાખંડના પિથોરાગઢમાં શિવ-પાર્વતી મંદિરના કપાટ ખુલ્યા, આદિ કૈલાસ યાત્રાનો શુભારંભ. 200થી વધુ શ્રદ્ધાળુઓ માઇનસ 1 ડિગ્રી તાપમાનમાં રવાના થયા. યાત્રા 5-7 દિવસમાં પૂરી થાય છે, ખર્ચ 25 હજારથી 1 લાખ રૂપિયા. PMના પ્રવાસ બાદ આકર્ષણ વધ્યું, સરહદી ગામોમાં આર્થિક બદલાવ.

દિલ્હી-NCR માં 3 થી 5 મે દરમિયાન વેસ્ટર્ન ડિસ્ટર્બન્સને કારણે ગાજવીજ સાથે વરસાદની આગાહી છે, જે ગરમીમાં રાહત આપશે. ઉત્તર ભારતના રાજ્યો, રાજસ્થાન, મધ્યપ્રદેશ, યુપી, બિહાર અને પૂર્વોત્તર રાજ્યોમાં પણ હવામાન બદલાવવાની અને વરસાદની સંભાવના છે, જ્યાં કેટલાક વિસ્તારોમાં ભારે વરસાદ અને તેજ પવનની ચેતવણી અપાઈ છે.

ભારત તેની સંરક્ષણ ક્ષમતાને મજબૂત કરવા માટે હાઈપરસોનિક મિસાઈલ ટેકનોલોજી પર ઝડપથી કામ કરી રહ્યું છે. DRDO ના જણાવ્યા અનુસાર, દેશ જલ્દી જ હાઈપરસોનિક ગ્લાઇડ મિસાઇલ અને હાઈપરસોનિક ક્રુઝ મિસાઇલથી સજ્જ થશે. આ મિસાઈલો સુપરસોનિક બ્રહ્મોસ કરતાં બમણી ઝડપી હશે અને તેને કોઈ ડિફેન્સ સિસ્ટમ રોકી શકશે નહીં. સ્ક્રેમજેટ એન્જિન પર આધારિત ક્રુઝ મિસાઈલના પરીક્ષણમાં પણ સફળતા મળી છે. સરકારની મંજૂરી બાદ 5 વર્ષમાં આ મિસાઈલ સિસ્ટમ સેનામાં સામેલ થશે.

દિલ્હીથી બેંગ્લોર જતી એર ઇન્ડિયાની ફ્લાઈટમાં સિગારેટ પીવી યુવકને ભારે પડ્યું. સુરત કોર્ટે યુવકને 6 મહિનાની સખત કેદની સજા ફટકારી. આ ચુકાદો વિમાનમાં સુરક્ષા નિયમોનું ઉલ્લંઘન કરનારાઓ માટે લાલબત્તી સમાન છે. ફ્લાઈટમાં ધૂમ્રપાન હજારો ફૂટની ઊંચાઈએ આગ લાગવાનું જોખમ ઊભું કરીને સેંકડો લોકોના જીવ જોખમમાં મૂકે છે. કોર્ટના આ કડક વલણની પ્રશંસા થઈ રહી છે.

મહારાષ્ટ્રના પુણે જિલ્લાના ભોર તાલુકામાંથી એક કમકમાટીભરી ઘટના સામે આવી છે. અહીં વેકેશન માણવા પોતાની નાનીના ઘરે આવેલી ચાર વર્ષની માસૂમ બાળકી પર એક 65 વર્ષીય વૃદ્ધે દુષ્કર્મ ગુજાર્યા બાદ તેની પથ્થરથી કચડીને હત્યા કરી નાખી છે. આ ઘટનાને પગલે સમગ્ર વિસ્તારમાં ભારે રોષ અને તણાવની સ્થિતિ સર્જાઈ છે.શું છે સમગ્ર ઘટના?બાળકી ઉનાળાના વેકેશનમાં પોતાની નાનીના ઘરે આવી હતી.

ભીષણ ગરમી વચ્ચે દેશના ૯ રાજ્યોમાં વાવાઝોડા અને વરસાદની આગાહીથી લોકોને રાહત મળશે. હવામાન વિભાગે બિહારમાં ઓરેન્જ અને રાજસ્થાન સહિતના વિસ્તારોમાં યલો એલર્ટ જાહેર કર્યું છે, જેનાથી તાપમાનમાં ૩-૫°C નો ઘટાડો થશે. મધ્યપ્રદેશ અને ઉત્તર પ્રદેશમાં કરા અને તેજ પવનો સાથે વરસાદની શક્યતા છે. મે મહિનામાં સામાન્ય કરતા વધુ વરસાદની સંભાવના છે, જોકે ગુજરાત અને મહારાષ્ટ્રમાં હીટવેવની સ્થિતિ યથાવત રહી શકે છે. વરસાદી માહોલને પગલે લૂ અને ગરમીથી કામચલાઉ રાહત મળશે.

રાજકોટમાં રૂ.19 કરોડના ખર્ચે સૌરાષ્ટ્રની પ્રથમ ઇંગ્લીશ મીડીયમ સરકારી હાઇટેક માધ્યમિક શાળા શરૂ થઈ છે. જેમાં 29 સ્માર્ટ ક્લાસ, ઇ-લાઇબ્રેરી, સાયન્સ-કોમ્પ્યુટર લેબ, અને વિશાળ સ્પોર્ટ્સ ગ્રાઉન્ડ જેવી સુવિધાઓ છે. ધોરણ 1 થી 8 માં RTE માં અંગ્રેજી માધ્યમમાં ભણેલા વિદ્યાર્થીઓ માટે આ આશીર્વાદરૂપ છે.

પશ્ચિમ બંગાળના દક્ષિણ 24 પરગણા જિલ્લાની 15 મતદાન બેઠકો પર EVM સાથે છેડછાડના આરોપ બાદ પુનર્મતદાન યોજાઈ રહ્યું છે. ફલતા વિસ્તારમાં 'કમળ' ચિહ્ન પર ટેપ લગાવવાના અને બૂથ કેપ્ચરિંગના આરોપો બાદ ચૂંટણી પંચે લોકપ્રતિનિધિત્વ અધિનિયમ, 1951ની કલમ 58(2) હેઠળ 29 એપ્રિલે થયેલ મતદાન રદ કરીને ફરીથી ચૂંટણી યોજવાનો આદેશ આપ્યો છે. ફલતાના અન્ય 30 બૂથો પર પણ પુનર્મતદાનની શક્યતા છે.

વેરાવળમાં નગરપાલિકા ચૂંટણીની અદાવતમાં યુવા ભાજપ મંત્રી નવલ ભારાવાલા પર ઘાતક હથિયારો વડે પાંચ શખ્સોએ હુમલો કર્યો. ચૂંટણી મુદ્દે થયેલી બોલાચાલી બાદ આ ઘટના બની. ઇજાગ્રસ્ત મંત્રીને સારવાર માટે ખસેડાયા. પોલીસે BNS કલમો હેઠળ ગુનો નોંધી કડક કાર્યવાહી હાથ ધરી.

FPI એ એપ્રિલમાં ભારતીય શેરબજારમાંથી રૂ. ૬૦,૮૪૭ કરોડ (૬.૫ બિલિયન ડોલર) પાછા ખેંચી લીધા છે. જેની પાછળનું મુખ્ય કારણ વધતા ભૂરાજકીય તણાવ અને વૈશ્વિક આર્થિક અનિશ્ચિતતાઓ હતું. NSDLના ડેટા અનુસાર, ૨૦૨૬ના પ્રથમ ચાર મહિનામાં વિદેશી પોર્ટફોલિયો રોકાણકારો દ્વારા કુલ આઉટફ્લો રૂ. ૧.૯૨ લાખ કરોડ સુધી પહોંચી ગયો છે, જે સમગ્ર વર્ષ ૨૦૨૫ માટે રૂ. ૧.૬૬ લાખ કરોડના આઉટફ્લો કરતા નોંધપાત્ર રીતે વધારે છે.

ગુજરાત બોર્ડની ધોરણ 10 અને 12ની પરીક્ષાઓના પરિણામ 4 મે (ધોરણ 12) અને 6 મે (ધોરણ 10)ના રોજ જાહેર થશે. લાખો વિદ્યાર્થીઓ અને વાલીઓ આ પરિણામની આતુરતાપૂર્વક રાહ જોઈ રહ્યા છે. શિક્ષણ બોર્ડે પેપર ચેકિંગ અને ડેટા એન્ટ્રીની પ્રક્રિયા પૂર્ણ કરી લીધી છે, પારદર્શિતા જાળવવા માટે ટેકનિકલ ચકાસણી પણ કરવામાં આવી છે. આ વર્ષે રેકોર્ડબ્રેક સમયમાં પરિણામ તૈયાર થયું છે.

રાઘવ ચઢ્ઢા સહિત AAPના 7 સાંસદો ભાજપમાં જોડાતા પંજાબના રાજકારણમાં ગરમાવો આવ્યો છે. વિરોધ પક્ષો સાથે આરોપ-પ્રતીઆરોપ વચ્ચે CM ભગવંત માનએ વિધાનસભાનું ખાસ સત્ર બોલાવ્યું. તેમણે કહ્યું કે સરકાર પાસે full majority છે અને ગમે ત્યારે સાબિત કરવા તૈયાર છે. વિપક્ષના નેતા પ્રતાપસિંહ બાજવાએ સત્ર દરમિયાન elco meter અને dope testingની માંગણી કરી.

રાજકોટમાં ગરીબ-મધ્યમ વર્ગ માટે અંગ્રેજી માધ્યમ શિક્ષણ શક્ય. નવીન ટાવર પાછળ, મહાનગરપાલિકા સંચાલિત આ અત્યાધુનિક શાળા ‘ઝીરો ફી’ મોડેલ પર કાર્યરત છે, ખાનગી શાળાઓને ટક્કર આપતી. 40 ઓરડા, સ્માર્ટ ક્લાસ, કમ્પ્યુટર લેબ, CCTV, સોલાર સિસ્ટમ, સ્પોર્ટ્સ સંકુલ, આરો પ્લાન્ટ અને 300થી વધુ વૃક્ષો સાથે વિદ્યાર્થીઓના સર્વાંગી વિકાસ પર ધ્યાન કેન્દ્રિત. ધોરણ 9 અને 10માં પ્રવેશ શરૂ.

NEET (UG) 2026 ની પરીક્ષા પહેલાં, કૌભાંડો રોકવા સરકારે કડક પગલાં લીધાં છે. મેડિકલના સિનિયર વિદ્યાર્થીઓને પરીક્ષાના 48 કલાક પહેલાં 'નજરકેદ' રખાશે. 2 અને 3 મેના રોજ રજા નહીં મળે. ભૂતકાળના અનુભવોને ધ્યાનમાં રાખી, ડમી વિદ્યાર્થીઓ અથવા ગેરરીતિમાં મદદ કરતા વિદ્યાર્થીઓને અટકાવવાનો આ પ્રયાસ છે. આ નિર્ણયથી વિદ્યાર્થીઓમાં રોષ છે, પરંતુ પરીક્ષાની પવિત્રતા જાળવવા આ પગલું અનિવાર્ય ગણાય છે.

ભારત INS અરિહંત બનાવે છે, પરંતુ કોમર્શિયલ જહાજ નિર્માણમાં વૈશ્વિક બજારમાં 1% થી ઓછો હિસ્સો ધરાવે છે. ચીન અને સાઉથ કોરિયા 80% બજાર પર કબજો ધરાવે છે. ભારતીય બેંકોના ઊંચા વ્યાજદરો શિપયાર્ડ્સ માટે મુશ્કેલી ઊભી કરે છે, જ્યારે વાર્ષિક 90 અબજ રૂપિયા ભાડું ચૂકવવું પડે છે.

VNSGUમાં વિદ્યાર્થીએ પાસ થવા ઉત્તરવહીમાં 100ની 4 નોટ મૂકી 'સાહેબ પાસ કરી દેજો' લખ્યું. આ શોર્ટકટ વિદ્યાર્થીને મોંઘો પડ્યો, VNSGUએ 10,000નો દંડ ફટકારી પરીક્ષા રદ કરી, અને પોલીસ કાર્યવાહી પણ હાથ ધરવામાં આવશે. આ ઘટના શિક્ષણની મર્યાદા બહારની વાત છે.

ભારતમાં ૨૪૦ મિલિયન ટુ-વ્હીલર અને ૪૦ મિલિયન કાર E25 ઇંધણ પર કેવી રીતે ચાલશે તે અંગે ઓટોમેકર્સ ચિંતિત છે. E20ની સમયમર્યાદા લંબાવાઈ રહી છે. ૨૦૨૬ સુધીમાં E25માં સંક્રમણ માટે સરકારી એજન્સીઓ દ્વારા પરીક્ષણ અને જાગૃતિ, યોગ્ય કિંમત, અને ઓટોમેકર્સનું માર્ગદર્શન જરૂરી છે.

નવા નાણાકીય વર્ષની શરૂઆત ઓટો ઇન્ડસ્ટ્રીઝ માટે ઉત્સાહજનક રહી છે. એપ્રિલમાં પેસેન્જર વાહનોનું વેચાણ 4.5 લાખ યુનિટ્સ નોંધાયું, જે ગત વર્ષ કરતાં 27% વધુ છે. મારુતિ સુઝુકી, હ્યુન્ડાઈ, ટાટા, મહિન્દ્રા, ટોયોટા, કિયા, ફોર્સ મોટર્સ અને નિસાન મોટર ઇન્ડિયા જેવી અગ્રણી કંપનીઓએ વેચાણમાં નોંધપાત્ર વૃદ્ધિ દર્શાવી છે, જેમાં BMW F 450 GSની રજૂઆત પણ સામેલ છે.

ડિરેક્ટોરેટે ઓફ રેવન્યુ ઇન્ટેલિજન્સ (DRI)ના અમદાવાદ ઝોનલ યુનિટ (AZU)એ સિંગાપોરથી આવેલા કન્ટેનરમાંથી 19.87 કરોડની નકલી સિગારેટ પકડી. ટોયલેટ ટિશ્યુની આડમાં છુપાવેલ આ જથ્થો ઉત્તર પ્રદેશ જવાનારી કન્સાઇનમેન્ટમાંથી મળ્યો. IPR પ્રતિનિધિએ તપાસ કરતાં સિગારેટ નકલી હોવાનું સાબિત થયું.

૨૦૨૫-૨૬ના ઓકટોબરથી સપ્ટેમ્બરની વર્તમાન ખાંડ મોસમમાં સરકાર દ્વારા એકંદરે મંજુર કરાયેલા ૧૫.૮૭ લાખ ટન ખાંડ નિકાસ કવોટામાંથી પચાસ ટકા જેટલી જ ખાંડની નિકાસ શકય બનશે તેમ સરકારી સુત્રો માની રહ્યા છે. ખાંડના વૈશ્વિક ભાવો નીચા પ્રવર્તતા હોવાથી વિશ્વ બજારમાં ભારત માટે ખાંડ નિકાસ કરવાનું મુશકેલ છે.વર્તમાન મોસમ માટે સરકારે પહેલા પંદર લાખ ખાંડ નિકાસની પરવાનગી આપી હતી. ત્યારબાદ વધુ પાંચ લાખની છૂટ આપવા નિર્ણય લેવાયો હતો.

૧લી મે વર્લ્ડ લેબર ડે તરીકે ઉજવાય છે. વિશ્વમાં ગરીબી અને મજૂરોની દયનીય હાલત વચ્ચે ભારતમાં સરકાર શ્રામિકોની સુખાકારી માટે શ્રેણીબદ્ધ પગલાં લઈ રહી છે. લઘુતમ વેતન, ૪ નવા લેબર કૉડ, પ્રધાનમંત્રી આવાસ યોજના, LPG, પીવાનું પાણી, અને સામાજિક સુરક્ષા જેવી યોજનાઓ દ્વારા મજૂરોને લાભ અપાઈ રહ્યો છે.

ગુજરાતમાં સરકારી શાળાઓમાંથી દર વર્ષે 5.26 લાખ વિદ્યાર્થીઓ અભ્યાસ છોડી દે છે. આમાં મોટાભાગના વિદ્યાર્થીઓ ધોરણ 6, 9, 10 અને 11માં અભ્યાસ છોડે છે. રાજ્યમાં ધોરણ 1 થી 12ની શાળાઓ ઓછી હોવાથી અને હાયર લેવલમાં એડમિશન ન મળવાને કારણે વિદ્યાર્થીઓ ડ્રોપ આઉટ થાય છે. આના કારણે ગુજરાતનો ગ્રોસ એન્રોલમેન્ટ રેશિયો પણ અખિલ ભારત સરેરાશ કરતાં પાછળ છે.

મહેસાણાના ખાવડ ગામમાં 800 વર્ષ જૂનો માંડવી મહોત્સવ ઉજવાયો. વૈશાખ સુદ પૂનમના દિવસે મહાકાળી માતાજીના મંદિરે યોજાયેલા આ મહોત્સવમાં હજારો ભક્તો જોડાયા. પરંપરા મુજબ, 125 કાંસાની થાળીઓથી સજાવેલા રથ પરથી દર વર્ષે એક થાળી ચમત્કારિક રીતે નીચે પડે છે, જેને માતાજીની કૃપા માનવામાં આવે છે. આ ઉત્સવ ગામની શ્રદ્ધા અને સાંસ્કૃતિક વારસાનું પ્રતિક છે.

પી.એમ સેતુ યોજના હેઠળ પંચમહાલ જિલ્લા કલેક્ટરની અધ્યક્ષતામાં હાલોલ પોલીકેબ લિમિટેડ ખાતે ઔદ્યોગિક શિક્ષણ મંચ યોજાયો. જેમાં વડાપ્રધાન મોદીના 'આત્મ નિર્ભર ભારત 2047' વિઝનને ધ્યાનમાં લઇ, ITI સ્પોક અને હબ મોડલ દ્વારા વિદ્યાર્થીઓને તાલીમ આપી રોજગારી આપવા પ્રયાસો કરાશે. હાલોલ ITI હબ બનશે, અન્ય ITI સ્પોક તરીકે કાર્ય કરશે.

શિનોર તાલુકાના પુનિયાદ ગામે તારકેશ્વર મહાદેવ મંદિરે ભક્તિમય અને ધાર્મિક વિધિ વિધાન સાથે પાટોત્સવની ભવ્ય ઉજવણી કરવામાં આવી હતી. આચાર્ય વ્રજેશભાઈ મહારાજ દ્વારા રુદ્રયાગ શરૂ કરાયો, જેમાં ગામના નવ દંપતિઓએ ભાગ લીધો. બપોરે મહા પ્રસાદી પછી આનંદનો ગરબો અને સાંજે ભક્તોએ મહાપ્રસાદીનો લાભ લીધો હતો. રાત્રે ભજન સંધ્યા યોજાઈ.