આશ્રમશાળા શિક્ષકોની બદલી મુદ્દે ગુજરાત હાઇકોર્ટમાં સુનાવણી દરમિયાન ચીફ જસ્ટિસની ખંડપીઠે રાજ્ય સરકારને ફટકાર લગાવી. તેમણે જણાવ્યું કે, 'આશ્રમશાળાઓ માટે નીતિ સ્પષ્ટ રાખો કે અહીં નિયુક્ત શિક્ષકોની અન્ય ગ્રાન્ટ ઇન શાળા (બિન-સરકારી) માં બદલી નહીં થાય. લોકોના પૈસે ચૂકવાતા પગાર પર કોઈને જલસા કરવા દેવાશે નહીં.' GSLSA દ્વારા તપાસમાં ઘટસ્ફોટ થયો કે કેટલીક NGO પૂરતા શિક્ષકો વિના જ આશ્રમશાળાઓ ચલાવી રહી છે. અંતરિયાળ વિસ્તારોમાં ભણાવવાની ના નહીં પાડી શકાય. સરકારે નવી નીતિ ઘડવા 4 અઠવાડિયાનો સમય માગ્યો, જે કોર્ટે ગ્રાહ્ય રાખી સુનાવણી એક મહિના પછી રાખી છે.