કેનેડાની ગુપ્તચર એજન્સી 'કેનેડિયન સિક્યોરિટી ઈન્ટેલિજન્સ સર્વિસ' એ તેના વર્ષ 2025 ના જાહેર અહેવાલમાં ભારતને જાસૂસી અને વિદેશી દખલગીરી કરનારા દેશોની યાદીમાં મૂકીને ફરી એકવાર વિવાદ છેડ્યો છે. જોકે, આ રિપોર્ટમાં કેનેડાની પોતાની સુરક્ષા એજન્સીઓના નિવેદનોમાં વિરોધાભાસ અને ખાલિસ્તાની આતંકવાદ પ્રત્યેની કુણી લાગણી સ્પષ્ટપણે દેખાઈ આવે છે. સૌથી ચોંકાવનારી વાત એ છે કે માર્ચ 2026 માં જ રોયલ કેનેડિયન માઉન્ટેડ પોલીસ (RCMP) ના કમિશનર માઈક ડુહેમે એક ઇન્ટરવ્યુમાં સ્વીકાર્યું હતું કે, ભારત સરકારના એજન્ટો કેનેડામાં કોઈ ગુપ્ત કે હિંસક પ્રવૃત્તિમાં સામેલ હોય તેવા કોઈ પણ પુરાવા તપાસમાં મળ્યા નથી.

ઉત્તર પ્રદેશના બસ્તી ડિવિઝન અંતર્ગત આવતા સિદ્ધાર્થ નગર જિલ્લામાં રીલ બનાવવા જોખમ ખેડવું કેટલાક યુવાનોને ભારે પડ્યું હતું. શનિવારે રીલ બનાવવાના શોખમાં પાંચ મિત્રો કાંશીરામ આવાસ કોલોનીમાં આવેલી પાણીની ઊંચી ટાંકી પર ચઢી ગયા હતા. આ દરમિયાન ટાંકીની સીડી અચાનક તૂટી પડતા અકસ્માત સર્જાયો હતો. સીડી તૂટવાથી સિદ્ધાર્થ, શનિ અને ગોલુ નામના ત્રણ બાળકો નીચે પટકાયા હતા, જ્યારે પવન અને કલ્લુ નામના બે બાળકો ટાંકીની ઉપર જ ફસાઈ ગયા હતા. અહીં રવિવારે સવારે ભારતીય વાયુસેનાએ એક સાહસિક રેસ્ક્યુ ઓપરેશન પાર પાડીને પાણીની ટાંકી પર ફસાયેલા બે બાળકોને સુરક્ષિત નીચે ઉતાર્યા છે.

કિરણ મોરે T20 સિરિઝમાં નિનાદ રાઠવાએ 52 બોલમાં 137 રન ફટકાર્યા. હાર્દિક પંડ્યા બાદ ઓલરાઉન્ડર કેપ્ટન તરીકે નિનાદની પ્રશંસા થઈ રહી છે. 12 સિક્સર અને 10 ફોર સાથે 263+ સ્ટ્રાઇક રેટ એ વડોદરાની શ્રેષ્ઠ T20 ઇનિંગ્સમાંની એક ગણાઈ રહી છે.

પશ્ચિમ બંગાળ વિધાનસભા ચૂંટણીના પરિણામો પહેલા મમતા બેનર્જીએ TMC કાર્યકર્તાઓને મતગણતરી દરમિયાન સહેજ પણ બેદરકારી ન રાખવાની કડક સૂચના આપી છે. BJP થોડા મતોથી આગળ દેખાય તો તરત જ 'રી-કાઉન્ટિંગ'ની માંગ કરવા કહ્યું છે. એજન્ટોએ ગણતરી પર કડક નજર રાખવી અને તમામ કાર્યવાહી નોટ કરવી. દૂરના વિસ્તારોના એજન્ટો વહેલા પહોંચી જાય. ૪ મે સુધી ગણતરી કેન્દ્ર છોડવું નહીં. મમતાને ૨૦૦+ બેઠકોનો વિશ્વાસ છે, પણ ગેરરીતિ સામે ચેતવણી આપી છે. અભિષેક બેનર્જીએ એક્ઝિટ પોલને ખોટા ગણાવ્યા.

મણિપુરમાં મેઇતી-કુકી સમુદાયો વચ્ચે ત્રણ વર્ષથી જાતીય હિંસા ચાલુ છે. 50થી વધુ ઉગ્રવાદી જૂથો સક્રિય છે, જેમાંથી અડધા સરકાર સાથે વાતચીતમાં છે. કેન્દ્ર સરકાર 2029 સુધીમાં પૂર્વોત્તરના ઉગ્રવાદને, ખાસ કરીને મણિપુરના, ખતમ કરવાની યોજના ધરાવે છે, જે અમરનાથ યાત્રા પછી શરૂ થઈ શકે છે. 7 એપ્રિલે શંકાસ્પદ ઉગ્રવાદીઓના બોમ્બ વિસ્ફોટમાં મૃત્યુ પામેલા બે બાળકોના પરિવારે ન્યાયની માંગણી સાથે અંતિમ સંસ્કાર કર્યા. ત્રણ વર્ષમાં CM બદલાયા, પણ 60 હજાર લોકોની સ્થિતિ યથાવત રહી.

 AI IMAGEGST rate hike on soft drinks India: ભારત સરકારે 1 મે 2026 થી હળવા પીણા (સોફ્ટ ડ્રિંક્સ) પરના ટેક્સ દરોમાં ધરખમ વધારો કર્યો છે. 30મી એપ્રિલે બહાર પાડવામાં આવેલા નોટિફિકેશન મુજબ, હવે સોફ્ટ ડ્રિંક્સ પર 28 ટકાને બદલે 40 ટકા જીએસટી લાગુ થશે.

દિલ્હીની કડકડડૂમા કોર્ટના જજ અમન કુમાર શર્માનું શંકાસ્પદ મોત થયું. પરિવારના સભ્યના જણાવ્યા મુજબ, તેમણે પત્નીના દુપટ્ટાથી ફાંસો ખાઈને આત્મહત્યા કરી. મૃત્યુ પહેલા, તેમણે પિતાને કહ્યું હતું કે તેમનું જીવવું મુશ્કેલ થઈ ગયું છે. પત્ની સાથે ઝઘડા બાદ પિતા બચાવ કરવા પહોંચ્યા તો તેમને પણ ધમકી મળી. પોલીસે તપાસ શરૂ કરી છે.

MP, રાજસ્થાન સહિત 8 રાજ્યોમાં તેજ પવન અને વરસાદથી રાહત. જયપુરમાં વીજળીના તારથી યુવકનું મોત. દેશના 4 શહેરોમાં 44°C તાપમાન પાર. આગામી દિવસોમાં અનેક રાજ્યોમાં વરસાદ અને ભારે વરસાદની આગાહી.

આંતરરાષ્ટ્રીય બજારમાં ઈરાન-અમેરિકા તણાવથી ક્રૂડ Oil $115 પાર, પણ ભારતમાં ભાવ સ્થિર. નવી દિલ્હી, મુંબઈ, કોલકાતામાં ભાવ જાણો. ગુજરાતના મુખ્ય શહેરો અમદાવાદ, રાજકોટ, સુરત, વડોદરા, ગાંધીનગર, ભાવનગરમાં આજના petrol-diesel ભાવ. નિષ્ણાતો મુજબ, સંઘર્ષ વધતા ₹4-₹7નો વધારો શક્ય. SMS થી ભાવ જાણવાની રીત આપેલ છે.

Delhi Fire : દિલ્હીના વિવેક વિહાર વિસ્તારમાં રવિવારે વહેલી સવારે એક ઈમારતમાં ભીષણ આગ ફાટી નીકળતા મોટી દુર્ઘટના સર્જાઈ છે. આ કરૂણ ઘટનામાં અત્યાર સુધીમાં 9 લોકોએ જીવ ગુમાવ્યા હોવાની પુષ્ટિ થઈ છે, જ્યારે અનેક લોકો ગંભીર રીતે દાઝી ગયા છે. માહિતી અનુસાર ઈમારતના બીજા, ત્રીજા અને ચોથા માળે આગની ઘટના બની હતી. આગની ઘટના સમયે 10 થી 15 લોકોને બચાવી લેવામાં સફળતા મળી હતી. આગને કાબુમાં લેવા માટે 12 થી વધુ ફાયર બ્રિગેડના વાહનો ઘટનાસ્થળે ધસી આવ્યા હતા. 

5 રાજ્યોમાં મતગણતરી કાલે છે, ચૂંટણી પંચે 3 લેયર સિક્યોરિટીની વ્યવસ્થા કરી છે. ભાજપના ઉમેદવારો પૂજા કરશે, જ્યારે મમતાએ કાર્યકરોને એલર્ટ રહેવા અને સેન્ટર ન છોડવા કહ્યું છે.

મે મહિનો સામાન્ય રીતે ગરમ રહે છે, પણ આ વર્ષે દિલ્હી-NCR અને ઉત્તરાખંડમાં વરસાદ Heatwave થી રાહત આપી રહ્યો છે. IMD એ દિલ્હી-NCR માટે 'Yellow Alert' અને ઉત્તરાખંડ માટે 'Orange Alert' જાહેર કર્યો છે, જ્યાં ભારે પવન અને કરા સાથે વરસાદની શક્યતા છે. વેસ્ટર્ન ડિસ્ટર્બન્સને કારણે આ ફેરફાર જોવા મળી રહ્યો છે. જોકે, આ અચાનક બદલાવ પર્યાવરણીય અસંતુલન સૂચવે છે અને પાકને નુકસાન પહોંચાડી શકે છે.

સમાપ્ત થયેલા એપ્રિલમાં દેશની ઈક્વિટી માર્કેટમાં કેશ તથા ડેરિવેટિવ્સ વેપારમાં વિરોધાભાષી સ્થિતિ જોવા મળી હતી. કેશ વેપારના ટર્નઓવરમાં માસિક ધોરણે સાત ટકા વધારો જોવા મળ્યો હતો જ્યારે ડેરિવેટિવ્સના વેપારમાં સરેરાશ દૈનિક ટર્નઓવરમાં ૬ ટકા ઘટાડો જોવા મળ્યો હતો. ૧લી એપ્રિલથી સિક્યુરિટીઝ ટ્રાન્ઝકશન ટેકસ (એસટીટી)માં વધારો લાગુ થવાને પરિણામે ડેરિવેટિવ્સના ટર્નઓવર પર અસર જોવા મળી છે.

મુંબઇ ઝવેરી બજારમાં આજે શનિવારના કારણે બુલીયન બજાર સત્તાવાર બંધ રહી હતી. જો કે બંધ બજારે સોના ચાંદીના ભાવ વિશ્વ બજાર પાછળ ઉંચા બોલાઇ રહ્યા હતા એવું બજારના સૂત્રોએ જણાવ્યું હતું. વિશ્વ બજારમાં ભાવ વધતાં ઘરઆંગણે ઇમ્પોર્ટ  કોસ્ટ વધી હોવાનું સૂત્રોએ જણાવ્યું હતું.દરમિયાન, વિશ્વ બજારમાં આજે ક્રૂડ તેલના ભાવ ત્રણ ટકા તૂટયાના સમાચાર મળ્યા હતા. અમેરિકાએ યુરોપીયન ઓટોમોબાઇલ પર ટેરીફ વધારવાની ધમકી આપતાં વૈશ્વિક સ્તરે વોર પછી હવે ફરી ટ્રેડ વોર શરૂ થવાની આશંકા જાણકારો બતાવી રહ્યા હતા.

આપમાંથી ભાજપમાં ગયેલા ૭ સાંસદોમાંથી ૬ સાંસદો પંજાબના છે. હવે સ્વાભાવીક રીતે બને છે એમ એમના પ્રત્યે રાજકીય કિન્નાખોરી રાખીને પંજાબ સરકાર એમને યેનકેન પ્રકારે હેરાન કરે છે. સાંસદ સંદીપ પાઠક સામે એફઆઇઆર દાખલ કરવામાં આવી છે. એફઆઇઆરમાં કેટલીક કલમો બીનજામીન પાત્ર છે. એમને પકડવા પંજાબ પોલીસ દિલ્હી પણ પહોંચી હતી. એજ રીતે ભૂતપૂર્વ ક્રિકેટર અને સાંસદ હરભજન સિંહની સિક્યુરીટી પંજાબ સરકારે પાછી ખેંચી લીધી છે.

હિમાલયમાં બરફ ઘટવાથી ગંગા, સિંધુ, બ્રહ્મપુત્રા, મેકાંગ જેવી નદીઓ પ્રભાવિત થશે. છેલ્લાં 20 વર્ષમાં હિન્દુકુશમાં બરફ રહેવાનો સમય 27.8% ઘટ્યો છે. સતત ચોથા વર્ષે ઓછો બરફ પડવા અને ટકવાને કારણે 12 મુખ્ય નદીઓમાંથી 10 ના ખીણમાં પણ બરફ ઓછો છે. આ સ્થિતિ એશિયામાં જળસંકટ લાવી શકે છે.

સરદારધામ સંસ્થાએ IAS-IPSની તાલીમ માટે 'દૃષ્ટિ એકેડમી' સાથે MoU કર્યા છે. હવે ગુજરાતના વિદ્યાર્થીઓને દિલ્હી જવાની જરૂર નહીં પડે. 6 નિવૃત્ત IAS અધિકારીઓ 4 મહિના અમદાવાદ રહીને 200 તેજસ્વી વિદ્યાર્થીઓને તાલીમ આપશે. સંસ્થા વિદ્યાર્થી દીઠ 1 લાખ રૂપિયાનો ખર્ચ લોન દ્વારા ઉપાડશે. રહેવા-જમવા-ભણવાની સુવિધા એક જ કેમ્પસમાં મળશે.

'સ્કિલ ઇન્ડિયા રિપોર્ટ 2026' મુજબ, ભારતમાં યુવાનોની એમ્પ્લોયબિલિટી વધી રહી છે. જોકે, 44% કાર્યબળ હજુ પણ 'જોબ-રેડી' નથી. હવે નોકરીદાતાઓ ડિગ્રી કરતાં વ્યાવહારિક કાર્યકુશળતાને વધુ મહત્વ આપે છે. શિક્ષણ અને ઉદ્યોગો વચ્ચેનો તફાવત ઘટાડવા, કાર્ય-અનુભવ, ઉદ્યોગોની ભાગીદારી, શિક્ષકોનું ઉદ્યોગો સાથે જોડાણ અને AI-ડિજિટલ સાક્ષરતા પર ભાર મૂકવો અનિવાર્ય છે.

અમેરિકાએ ભારતને નર્ક કહ્યું, ઈરાને જવાબ આપ્યો. 'ધુરંધર' ફિલ્મ માટે રાષ્ટ્રપ્રેમ છલકાયો, પણ ભારતની હાંસી ઉડાવાઈ ત્યારે મૌન. ફ્રાન્સ, ચીન, સાઉથ કોરિયા, તુર્કીયે તેમના અપમાનનો જવાબ આપ્યો. 'ધુરંધર' પ્રોપેગેન્ડા છે કે વાસ્તવિકતા? સેલિબ્રિટીઓ અભિપ્રાય આપતા ડર્યા.

નાણાકીય વર્ષ 2025-26નો ઈડીનો રિપોર્ટ જાહેર- ઈડીએ મની લોન્ડરિંગના કેસોમાં 214 લોકોની ધરપકડ કરી, 27 ટકાનો ઘટાડો : 812 ચાર્જશીટ દાખલ કરી- ઈડીએ છેતરપિંડીનો ભોગ બનેલા લોકોને લક્ષ્યાંક કરતાં બમણી રૂ. 32,000 કરોડથી વધુની મિલકતો પરત કરી.

રેડ કોર્નર નોટિસના આધારે યુએઈમાં ધરપકડ- બીજો ગુનેગાર આલોકકુમાર બનાવટી પાસપોર્ટના કૌભાંડમાં હરિયાણા પોલીસમાં વોન્ટેડ હતો. ભારતમાં આર્થિક ગુના કરીને વિદેશમાં ભાગી જનારા અપરાધીઓ હવે વિદેશમાં પણ લહેર નહી કરી શકે. ભારત સરકાર આવા ગુનેગારોને વિદેશમાંથી પણ પકડી શકે છે. CBIએ આવા બે રેડ કોર્નર નોટિસવાળા ગુનેગાર કમલેશ પારેખ અને આલોક કુમાર બંનેને વિદેશમાંથી ભારત પરત લાવવામાં સફળતા મેળવી છે. તેમની આ કાર્યવાહી ફ્રોડ કરી વિદેશ ભાગી જતાં ગુનેગારો માટે મોટી ચેતવણી છે.

EVM સાથે ચેડાના આરોપ બાદ ફરી મતદાન યોજાયું  - TMCના જહાગીરના માણસો ધમકાવી રહ્યા હોવાના આરોપ સાથે મુસ્લિમ મહિલાઓ સહિતનાનું પ્રદર્શન. પશ્ચિમ બંગાળના ૧૫ બુથો પર ફરી મતદાન યોજાયું હતું, જોકે ફરી વખત મતદાન કરવામાં પણ મતદારોએ ભારે ઉત્સાહ દેખાડયો હતો અને સાંજે પાંચ વાગ્યા સુધીમાં ૮૬.૯૦ ટકા મતદાન થયું હતું. આ એવા બુથ છે કે જ્યાં ઇવીએમ સાથે ચેડા કરવાનો આરોપ લગાવાયો હતો તેથી ફરી મતદાનનો નિર્ણય લેવામાં આવ્યો હતો.

કેન્દ્ર સરકારે વીમા ક્ષેત્રમાં 100% વિદેશી રોકાણને મંજૂરી આપતું નોટિફિકેશન બહાર પાડ્યું છે. આ સુધારા હેઠળ, વિદેશી કંપનીઓ ભારતીય વીમા કંપનીઓમાં સીધું 100% રોકાણ કરી શકે છે. જોકે, વિદેશી કંપનીઓ માટે ભારતીય રહેવાસી નાગરિકની ચેરમેન, MD અથવા CEO તરીકે નિમણૂક કરવી ફરજિયાત રહેશે. LIC પર વિદેશી નિયંત્રણ રોકવા માટે 20% ની મર્યાદા જાળવવામાં આવી છે.

ભાજપને ખોબલે ખોબલે મત આપનારી પ્રજાને 'શિરપાવ' 19 કિલોના કોમર્શિયલ એલપીજી સિલિન્ડરનો ભાવ ત્રણ હજાર. પાંચ કિલોવાળા સિલિન્ડરમાં પણ રૂ. 261નો વધારો, નવો ભાવ 800ને પાર- આંતરરાષ્ટ્રીય એટીએફના ભાવમાં 76.55 ડોલરનો વધારો થતા લાંબા અંતરની ફ્લાઇટોના ભાડા વધી શકે.

દક્ષિણ 24 પરગણાની ફલતા વિધાનસભા બેઠક પર 29 એપ્રિલ, 2026ના રોજ થયેલા મતદાનમાં ગંભીર ગેરરીતિ અને લોકશાહી પ્રક્રિયામાં દખલગીરી બાદ ચૂંટણી પંચે મોટો નિર્ણય લીધો છે. પંચે મતદાન રદ કરીને 21 મે, 2026ના રોજ તમામ 285 પોલિંગ બૂથો પર ફરીથી મતદાન કરાવવાની જાહેરાત કરી છે. આ એક વિધાનસભા બેઠક માટે મતોની ગણતરી 24 મેના રોજ થશે.

અમેરિકાએ ફરી એકવાર બૌદ્ધિક સંપદા અધિકારો(Intellectual Property Rights) બાબતે ભારત સામે લાલ આંખ કરી છે. અમેરિકન ટ્રેડ રિપ્રેઝન્ટેટિવ(USTR) ઑફિસ દ્વારા જાહેર કરવામાં આવેલા '2026 સ્પેશિયલ 301 રિપોર્ટ'માં ભારતને ફરી 'પ્રાયોરિટી વૉચ લિસ્ટ'માં મૂકવામાં આવ્યું છે. આ યાદીમાં ભારતની સાથે ચીન, રશિયા, ઇન્ડોનેશિયા, ચિલી અને વેનેઝુએલા જેવા દેશોનો પણ સમાવેશ થાય છે. અમેરિકા દર વર્ષે એપ્રિલના અંતમાં આ ખાસ રિપોર્ટ જાહેર કરે છે, જેમાં તે પોતાના ભાગીદાર દેશોમાં પેટન્ટ, ટ્રેડમાર્ક અને કોપીરાઇટ જેવા બૌદ્ધિક સંપદાના કાયદાઓ અને તેના સંરક્ષણની ચકાસણી કરે છે.

છત્તીસગઢના બસ્તર ડિવિઝનમાં કાંકેર અને નારાયણપુર જિલ્લાની સરહદ પર નક્સલ વિરોધી અભિયાન દરમિયાન એક દુર્ભાગ્યપૂર્ણ ઘટના બની છે. નક્સલીઓ દ્વારા પ્લાન્ટ કરવામાં આવેલા IED ને નિષ્ક્રિય કરવા ગયેલી ડિસ્ટ્રિક્ટ રિઝર્વ ગાર્ડ (DRG) ની ટીમ પર વિસ્ફોટ થતા 4 બહાદુર જવાન શહીદ થયા છે. કાંકેર SP નિખિલ રાખેચાએ જણાવ્યું કે, નક્સલીઓએ જવાનોને નુકસાન પહોંચાડવા માટે જમીનમાં વિસ્ફોટકો દાટ્યા હોવાની બાતમીના આધારે જવાનો તેને નિષ્ક્રિય કરવા નીકળ્યા હતા. આ કામગીરી દરમિયાન અચાનક એક IEDમાં જોરદાર બ્લાસ્ટ થયો હતો, જેની લપેટમાં જવાનો આવી ગયા હતા.

આગામી મહિને ઈંગ્લેન્ડ અને વેલ્સમાં રમાનારા ICC મહિલા T20 વર્લ્ડ કપ 2026 માટે ભારતીય ટીમની જાહેરાત કરવામાં આવી છે. BCCIએ ફરી એકવાર અનુભવી ખેલાડી હરમનપ્રીત કૌર પર વિશ્વાસ મૂકીને તેને ટીમની કેપ્ટનશીપ સોંપી છે. જ્યારે સ્મૃતિ મંધાના વાઇસ કેપ્ટન તરીકે જવાબદારી નિભાવશે. આ ઉપરાંત ભારતીય ટીમમાં શેફાલી વર્મા, જેમિમા રોડ્રિગ્સ, દીપ્તિ શર્મા, રિચા ઘોષ (વિકેટકીપર), અરુંધતી રેડ્ડી, રેણુકા ઠાકુર, ક્રાંતિ ગૌડ, શ્રી ચરણી, શ્રેયંકા પાટિલ, ભારતી ફુલમાલી, યાસ્તિકા ભાટિયા (વિકેટકીપર), નંદની શર્મા અને રાધા યાદવનો સમાવેશ થાય છે.

અમેરિકાએ ભારતને અંદાજે 120 કરોડ રૂપિયાથી($14 મિલિયન) પણ વધુની કિંમતની 657 જેટલી દુર્લભ અને પ્રાચીન મૂર્તિઓ પરત કરી છે. આ અમૂલ્ય વારસો સુભાષ કપૂર અને નેન્સી વીનર જેવા આંતરરાષ્ટ્રીય તસ્કર ગીરોહો દ્વારા ભારતમાંથી ચોરી કરીને અમેરિકા લઈ જવામાં આવ્યો હતો. ન્યૂયોર્કના મેનહટન ડિસ્ટ્રિક્ટ એટર્ની એલ્વિન બ્રૈગ અને ભારતીય કોન્સ્યુલ જનરલ રાજલક્ષ્મી કદમની હાજરીમાં આ મૂર્તિઓ સોંપવા માટે એક વિશેષ સમારોહ યોજાયો હતો.

ભારતીય રિઝર્વ બેન્કે(RBI) વિદેશમાંથી સોનું પરત લાવવાની પ્રક્રિયાને નોંધપાત્ર રીતે ઝડપી બનાવી છે. ઓક્ટોબર 2025થી માર્ચ 2026ના રિપોર્ટ અનુસાર, ભારતના કુલ 880.52 ટન સોનામાંથી હવે અંદાજે 77% એટલે કે 680 ટન સોનું દેશની અંદર જ રાખવામાં આવ્યું છે. જ્યારે 197.67 ટન સોનું હજુ પણ બેન્ક ઓફ ઇંગ્લેન્ડ અને બેન્ક ઓફ ઇન્ટરનેશનલ સેટલમેન્ટ્સ પાસે છે અને 2.8 ટન સોનું ડિપોઝિટ તરીકે રાખેલું છે. છેલ્લા માત્ર 6 મહિનામાં જ RBI દ્વારા 104.23 ટન સોનું ભારત પરત મંગાવી લેવામાં આવ્યું છે. માર્ચ 2023માં ભારત પાસે માત્ર 37% સોનું દેશમાં હતું, જે હવે વધીને 77% થઈ ગયું છે.