કેરલમ વિધાનસભા ચૂંટણીમાં ભવ્ય જીત બાદ કોંગ્રેસ CM પદ માટે દ્વિધાયુક્ત સ્થિતિમાં છે. કાર્યકરો વી. ડી. સતીશનને CM બનાવવા માંગે છે, જ્યારે કે. સી. વેણુગોપાલ પણ ચર્ચામાં છે. કાર્યકરો વેણુગોપાલને 'પેરાશૂટ નેતા' ગણાવી સતીશનના સમર્થનમાં નારા લગાવી રહ્યા છે. આ સ્થિતિ 2006ની CPI(M) ઘટના જેવી બની રહી છે, જે હાઈકમાન્ડ માટે મોટો પડકાર છે.

પશ્ચિમ બંગાળના રાજકીય ઇતિહાસમાં આજથી એક નવો અધ્યાય લખાઈ ગયો છે. ભાજપના નેતા શુભેન્દુ અધિકારીએ આજે (નવમી મે) કોલકાતાના ઐતિહાસિક બ્રિગેડ પરેડ ગ્રાઉન્ડ ખાતે રાજ્યના ભાજપના પ્રથમ મુખ્યમંત્રી તરીકે શપથ લીધા. આ સાથે જ રાજ્યમાં તૃણમૂલ કોંગ્રેસના 15 વર્ષના શાસનનો સત્તાવાર રીતે અંત આવ્યો. શુભેન્દુ અધિકારીના શપથગ્રહણ સમારોહ માટે હાજર પીએમ મોદીએ બંગાળ ભાજપના સૌથી જૂના કાર્યકર માખણલાલ સરકારને સન્માનિત કર્યા હતા. પીએમ મોદી તેમને ગળે ભેટ્યા અને પછી ચરણસ્પર્શ કરી તેમના આશીર્વાદ પણ લીધા હતા.

ભારતીય સેનાના નવા CDS, જનરલ અનિલ ચૌહાણનો કાર્યકાળ પૂર્ણ થતાં એન.એસ. રાજા સુબ્રમણિ ત્રીજા CDS બનશે. CDS પદ ભારતીય સશસ્ત્ર દળોના સર્વોચ્ચ અધિકારી તરીકે, રક્ષામંત્રીના મુખ્ય સૈન્ય સલાહકાર અને ત્રણેય સેનાઓ વચ્ચે સંકલન, સંયુક્ત ઓપરેશન, રક્ષા ખરીદી અને સૈન્ય આધુનિકીકરણમાં મહત્વપૂર્ણ ભૂમિકા ભજવે છે. આ પદ માટે અનેક પ્રમોશન અને ચોક્કસ ઉંમર મર્યાદા જરૂરી છે.

પશ્ચિમ બંગાળમાં નવી સરકાર આવતા કેન્દ્ર સરકાર એક્શન મોડમાં. વર્ષોથી અટકેલી કેન્દ્રીય યોજનાઓ, આયુષ્માન ભારત, પીએમ કિસાન, મનરેગા, પીએમ આવાસ યોજના, જલ જીવન મિશન, નમામિ ગંગે, શિક્ષણ, માર્ગ પ્રોજેક્ટ્સને મળશે વેગ. રક્ષા મંત્રી રાજનાથ સિંહની નિમણૂક.

નવસારી રેલવે સ્ટેશન સામે જનતા ગેસ્ટ હાઉસમાં દેહવ્યાપાર ચાલતો હતો, તેનો પોલીસે પર્દાફાશ કર્યો. માલિક, મેનેજર અને બે ગ્રાહકો સહિત 4ની ધરપકડ કરી, રૂ. 1.26 લાખ રોકડા અને 5 મોબાઇલ ફોન જપ્ત કરાયા.

જાહેર સ્થળ પર બે વખત દારૂ પીધેલી હાલતમાં ઝડપાયેલા ભાવનગરના નાયબ મામલતદાર મેહુલ ભટ્ટ સામે જિલ્લા કલેક્ટરે કડક પગલાં લીધા છે. ગુજરાત સેવા નિયમોનો ભંગ અને સરકારી ગરિમાને કલંક લગાડવા બદલ તેમને તાત્કાલિક અસરથી સસ્પેન્ડ કરવામાં આવ્યા છે. આ કાર્યવાહીથી અન્ય સરકારી કર્મચારીઓમાં પણ ફફડાટ વ્યાપ્યો છે.

અમદાવાદના સાબરમતી વિસ્તારમાં ધોળેદિવસે ચેન સ્નેચિંગની ઘટના બનતા સ્થાનિકોમાં ફફડાટ. કાપડના શો-રૂમમાં નોકરી કરતો યુવક દૂધ લેવા નીકળ્યો હતો, ત્યારે બાઈક પર આવેલા બે શખ્સોએ સોનાની ચેન ઝૂંટવી. આ ઘટના CCTVમાં કેદ થઈ છે, જેના આધારે પોલીસે ગુનો નોંધી તપાસ હાથ ધરી છે.

EPFO મે મહિનાના અંત સુધીમાં ATM અને UPI દ્વારા ફંડ ઉપાડની સુવિધા શરૂ કરશે. EPFO 3.0 હેઠળ 7.8 કરોડ સબસ્ક્રાઇબર્સને કોઈપણ કાગળ વિના તરત પૈસા મળશે. 2026 સુધીમાં PF પ્રક્રિયા યુઝર-ફ્રેન્ડલી બનશે. ઓટો-ક્લેમ સેટલમેન્ટ અને સીધા બેંક ખાતામાં ફંડ ટ્રાન્સફર જેવી સુવિધાઓ ઉપલબ્ધ થશે. ATM અને UPI થી PF ઉપાડવા માટે UAN સક્રિય હોવું, આધાર-PAN બેંક ખાતા સાથે લિંક હોવું જરૂરી છે. યુઝર કુલ રકમના મહત્તમ 50% ઉપાડી શકશે.

તમિલનાડુમાં TVK પાર્ટી સૌથી મોટી પાર્ટી તરીકે ઉભરી હોવા છતાં બહુમતીથી ટૂંકી પડી છે. સુપરસ્ટાર વિજય 3 દિવસમાં 3 વાર રાજ્યપાલને મળ્યા, પણ VCK અને AMMKના 'નકલી પત્ર' વિવાદમાં સરકાર રચના ફસાઈ છે. AMMKના દિનાકરને છેતરપિંડીનો આરોપ લગાવ્યો છે. હવે રાજ્યપાલના નિર્ણય પર સૌની મીટ મંડાયેલી છે.

પશ્ચિમ બંગાળના મુખ્યમંત્રી તરીકે સુવેન્દુ અધિકારી શપથ ગ્રહણ કરશે, બનશે રાજ્યના પ્રથમ ભાજપ મુખ્યમંત્રી. PM મોદી, અમિત શાહ, 21 રાજ્યોના મુખ્યમંત્રીઓ અને અનેક અગ્રણીઓની ઉપસ્થિતિ રહેશે. 9 મે, 2026 ના રોજ બ્રિગેડ પરેડ ગ્રાઉન્ડ, કોલકાતા ખાતે આયોજિત આ ઐતિહાસિક સમારોહમાં 4,000 થી વધુ પોલીસ જવાનો સુરક્ષા વ્યવસ્થા સંભાળશે.

સુરેન્દ્રનગર સિટી એ-ડિવિઝન સર્વેલન્સ ટીમે શહેરના પતરાવાળી ચોક અને દાળમીલ રોડ વિસ્તારમાંથી ચોરી થયેલા બે મોટરસાયકલ સાથે ત્રણ આરોપીઓને ઝડપી પાડ્યા છે. આ દરમિયાન પોલીસ કોન્સ્ટેબલ રાજુભાઈ પઢેરિયા અને ધવલસિંહ સિસોદિયાને સંયુક્ત રીતે મળેલી ખાનગી બાતમીના આધારે દૂધરેજ ત્રણ રસ્તા પાસેથી શંકાસ્પદ ઈસમોને અટકાવવામાં આવ્યા હતા. પોલીસે ત્રણેય ઈસમોની સઘન પૂછપરછ કરતા તેઓએ મોટરસાયકલ ચોરી કર્યાની કબૂલાત આપી હતી. પોલીસે કુલ ₹40,000 ની કિંમતના બે ચોરાઉ મોટરસાયકલ કબજે કરી કાયદેસરની કાર્યવાહી હાથ ધરી છે.

ઉત્તર પ્રદેશ, બિહાર, છત્તીસગઢ, ઝારખંડ, હિમાચલ પ્રદેશ, રાજસ્થાનમાં વરસાદ અને કરા પડ્યા. બિહારમાં વીજળી-વૃક્ષ પડવાથી 9 લોકોનાં મોત થયા, જેમાં 5 પટનામાં. ઉત્તર પ્રદેશમાં વાવાઝોડા-વરસાદનું એલર્ટ છે. રાજસ્થાન અને મધ્ય પ્રદેશમાં તાપમાન 43°C થી 44.6°C સુધી પહોંચ્યું. હિમાચલ પ્રદેશના શિમલામાં કરા પડવાથી રસ્તા પર 4 ઇંચ જાડું પડ છવાઈ ગયું.

ભારત સરકારે વાઇસ એડમિરલ કૃષ્ણ સ્વામીનાથનને ભારતીય નૌકાદળના નવા વડા તરીકે નિયુક્ત કર્યા છે. તેઓ 31 મેના રોજ પદભાર સંભાળશે અને 31 ડિસેમ્બર, 2028 સુધી સેવા આપશે. સ્વામીનાથન કોમ્યુનિકેશન અને ઇલેક્ટ્રોનિક યુદ્ધના નિષ્ણાત છે અને તેમણે NDA, યુકે તથા US માં અભ્યાસ કર્યો છે. તેમની નિમણૂકથી નૌકાદળની ક્ષમતાઓ વધુ મજબૂત બનશે.

ઈરાન-અમેરિકા તણાવ અને હોર્મુઝ સ્ટ્રેટ બંધ થવાને કારણે વૈશ્વિક ક્રૂડ ઓઈલના ભાવ ₹70 થી ₹126 ડોલર પ્રતિ બેરલ થયા છે. દેશમાં પેટ્રોલ-ડીઝલના ભાવ સ્થિર હોવા છતાં, જાહેર ક્ષેત્રની તેલ કંપનીઓ દર મહિને ₹30,000 કરોડનું નુકસાન સહન કરી રહી છે. આ બોજ સરકાર અને કંપનીઓ પર છે, તેથી 15મે પહેલા ભાવ વધારો થવાની શક્યતા છે.

ઝાંસીના પઠાકરકા ગામમાં જાણીતી બુંદેલી લોકગાયિકા લાડકુંવર કુશવાહા (લવલી)ની ક્રૂર હત્યા કરાઈ. તેમનો ક્ષત-વિક્ષત સળગેલો મૃતદેહ સૂકા નાળામાંથી મળ્યો, જેમાં હાથ-પગ અલગ થઈ ગયા હતા. ખેડૂતોએ ઘટનાની જાણ કરતા પોલીસ અને ફોરેન્સિક ટીમ સ્થળ પર પહોંચી.

પશ્ચિમ બંગાળના CM બનવા જઈ રહેલા શુભેન્દુ અધિકારીની અંગત જિંદગી ચર્ચામાં છે. 6 વર્ષ જૂની એક સભામાં તેમણે જણાવ્યું કે શા માટે તેઓ અવિવાહીત રહ્યા. તેમણે સ્વાતંત્ર્ય સેનાનીઓ સતીશ સામંત, સુશીલ ધારા અને અજય મુખર્જીને પોતાના આદર્શ ગણાવ્યા અને તેમના પગલે ચાલી સમાજ માટે અવિવાહીત રહેવાનો નિર્ણય લીધો. આ નિર્ણયથી તેમના પિતા શિશિર અધિકારી પણ નારાજ હતા. શુભેન્દુ અધિકારી રાજકારણમાં 1987 થી સક્રિય છે અને હવે તેઓ પશ્ચિમ બંગાળના પ્રથમ BJP મુખ્યમંત્રી બનવા જઈ રહ્યા છે.

લેફ્ટનન્ટ જનરલ (નિવૃત્ત) એનએસ રાજા સુબ્રમણિ દેશના આગામી ચીફ ઑફ ડિફેન્સ સ્ટાફ (CDS) બનશે. તેઓ સંરક્ષણ બાબતોના વિભાગના સચિવની જવાબદારી પણ સંભાળશે. વર્તમાન CDS અનિલ ચૌહાણનો કાર્યકાળ 30 મેના રોજ સમાપ્ત થઈ રહ્યો છે. એનએસ રાજા સુબ્રમણિ દેશના ત્રીજા CDS હશે. તેઓ હાલમાં રાષ્ટ્રીય સુરક્ષા પરિષદ સચિવાલય (NSCS) માં મિલિટરી એડવાઈઝર છે. વાઇસ એડમિરલ કૃષ્ણ સ્વામીનાથન આગામી નૌકાદળ પ્રમુખ બનશે.

ઓપરેશન સિંદૂરને એક વર્ષ પૂર્ણ થયા બાદ ભારત અને પાકિસ્તાન વચ્ચેના સંબંધોમાં હજુ પણ શૂન્યાવકાશ છે. સત્તાવાર સ્તરે કોઈ સંપર્ક નથી થયો, પરંતુ પડદા પાછળ વાતચીતનો માર્ગ ખોલવાના પ્રયાસો તેજ બન્યા છે.

હિંમતનગરના બ્રહ્માણીનગરમાં ધોબીની બંધ દુકાનમાં શોર્ટ સર્કિટથી વહેલી સવારે આગ લાગી. ફાયર ટીમે તાત્કાલિક પહોંચી પાણીનો મારો ચલાવી આગ કાબૂમાં લીધી. ગ્રાહકોના કપડાં બળી જતા મોટું નુકસાન થયું.

ભાવનગરના ખેડૂતવાસમાં કરીયાણાની દુકાને બેસવા જેવી નજીવી બાબતે બે પરિવારો વચ્ચે તલવાર, ધોકા અને પથ્થરમારો થયો. જેમાં મહિલા સહિત 5થી વધુ લોકો ગંભીર રીતે ઘાયલ થયા. પોલીસે તાત્કાલિક સ્થળ પર પહોંચી, LCB અને પીઆઈ સહિતનો કાફલો તેમજ 112ની 5 ગાડીઓ તૈનાત કરી. હાલ વિસ્તારમાં કડક પોલીસ બંદોબસ્ત ગોઠવી દેવાયો છે.

ગીર સોમનાથ LCB એ પ્રભાસ પાટણ પ્રોહિબિશન કેસમાં ફરાર આરોપી સ્મિત ઉર્ફે સ્મિત મારૂતીભાઈ દાદુભાઈ જાવલે (ઉ.વ. 28) ને વેરાવળમાંથી ટેકનિકલ એનાલિસિસ અને હ્યુમન સોર્સિસ દ્વારા ઝડપી પાડ્યો. આ કાર્યવાહી જિલ્લામાં કાયદો અને વ્યવસ્થા જાળવવા માટે વિશેષ ડ્રાઇવ હેઠળ કરાઈ છે.

ભવાનીપુરમાં મમતા બેનર્જીને હરાવનાર શુભેન્દુ અધિકારી આજે સવારે 11 વાગ્યે પશ્ચિમ બંગાળના CM પદની શપથ લેશે. કોલકાતાના બ્રિગેડ પરેડ ગ્રાઉન્ડ ખાતે યોજાનાર સમારોહમાં PM મોદી, અમિત શાહ અને નિતિન નવીન હાજર રહેશે. મમતા બેનર્જીને પણ આમંત્રણ અપાયું છે. BJP કાર્યકરોનું સપનું સાકાર થયું છે.

વર્તમાન CDS અનિલ ચૌહાણનો કાર્યકાળ 30 મે, 2026 ના રોજ પૂર્ણ થતાં, લેફ્ટનન્ટ જનરલ N S Raja Subramani ભારતના નવા ચીફ ઓફ ડિફેન્સ સ્ટાફ (CDS) બનશે. આ નિમણૂંક ત્રણેય સશસ્ત્ર દળો વચ્ચે સંકલન સુધારવા અને national security મજબૂત કરવા માટે મહત્વપૂર્ણ છે. CDS નું પદ કારગિલ યુદ્ધ બાદ જરૂરિયાત મુજબ સ્થાપિત કરવામાં આવ્યું હતું.

ગઢડામાં ચૂંટણીના વેરઝેર શરુ. મોટા સખાપર ગામના આમ આદમી પાર્ટીના તાલુકા પંચાયત સદસ્ય પ્રવીણભાઈ મકવાણા પર 7 લોકોએ બાઈક પર જતી વખતે હુમલો કર્યો. હાથ, પગ અને માથાના ભાગે ગંભીર ઈજા. પોલીસ ફરિયાદ નોંધવાની તજવીજ.

ભાવનગરમાં દારૃ પી જાહેરમાં ડીંડક કરતા નાયબ મામલતદારને બે-બે વખત પોલીસે ઉઠાવી લીધા બાદ જિલ્લા કલેક્ટરે પીધલી ના.મામલદાર સામે લાલ આંખ કરી તેમને ફરજ મોકૂફ કરી દીધા છે.શહેરની મધ્યાહન ભોજન યોજના-કોર્પોરેશન કચેરીના નાયબ મામલતદાર મેહુલ એન.

ભાવનગરના ખેડૂતવાસ વિસ્તારમાં કરિયાણાની દુકાને બેસવા જેવી નજીવી બાબતે બારૈયા અને મકવાણા પરિવારો વચ્ચે ઉગ્ર બોલાચાલી બાદ તલવારો, લાકડીઓ અને પથ્થરોથી હુમલો થયો. આ અથડામણમાં 4-5 લોકો ઇજાગ્રસ્ત થયા, જેના પગલે વિસ્તારમાં ભયનો માહોલ સર્જાયો. પોલીસે ચુસ્ત બંદોબસ્ત ગોઠવી કાર્યવાહી હાથ ધરી છે.

રાજકોટ નજીક પાળ ગામમાં વિવાહ પાર્ટી પ્લોટ સરકારી ખરાબાની 2870 વાર જમીન પર બનાવેલો હોવાનું લોધિકા મામલતદારે તપાસમાં જણાયું. બિનખેતી વગર બાંધકામ અને સરકારી જમીન પર દબાણ બદલ 12 લાખનો દંડ ફટકારાયો. માલિકે દંડ ભરી દબાણ દૂર કર્યું.

મેની બળબળતી ગરમીમાં સબડતા કરોડો ભારતીયો માટે આનંદના સમાચાર એ આવ્યા છે કે ચોમાસુ આ વખતે સમયસર બેસશે. ચોમાસુ દર વખતની જેમ પહેલી જૂને કેરળના તટે એન્ટ્રી મારી શકે છે. અહીં સૌથી રસપ્રદ અને મહત્ત્વની વાત એ છે કે ભારતમાં વરસાદ લાવતા આ વાદળોનું સીધું જોડાણ સાત સમંદર દૂર ઓસ્ટ્રેલિયાની સાથે જોડાયેલું છે. તાજેતરમાં જ ઓસ્ટ્રેલિયાના હવામાન ખાતાએ જાહેરાત કરી હતી કે અહીંની વેટ સીઝન એટલે કે વરસાદની સીઝન પૂરી થઈ ગઈ છે. 

અમેરિકા-ઈરાન સંઘર્ષને કારણે ક્રુડ તેલની આયાત પર નિર્ભર દેશોને મોટા આંચકા લાગ્યા છે ત્યારે અલ નિનોના જોખમે તાપમાનમાં વધારો તથા હવામાન સૂકુ રહેવાની શકયતા વધારી દેતા ભારત સહિત એશિયાના દેશો સામે ક્રુડ ઓઈલ બાદ હવે ફુગાવાનું નવું જોખમ ઊભરી રહ્યું છે. ખાતરના ઊંચે ગયેલા ભાવની અસર વર્ષના આગામી છ મહિનામાં જોવા મળવાનું શરૂ થશે. એશિયાના મોટાભાગના દેશોમાં ફુગાવો હાલમાં અનેક વર્ષોની ઊંચી સપાટીએ પહોંચી ગયો છે. પરિવહન, લોજિસ્ટિક તથા યુટિલિટી ખર્ચને કારણે ફુગાવો વધી ગયો છે.

34 વર્ષીય પરિણીતાએ પતિ, સાસુ, સસરા અને નણંદ વિરુદ્ધ શારીરિક-માનસિક ત્રાસની ફરિયાદ નોંધાવી છે. ઘરકામ જેવી બાબતોમાં ચડામણી કરી પરિણીતાને ઢીકાપાટુનો માર મારી જાનથી મારી નાખવાની ધમકી આપવામાં આવી. લગ્નના 14 વર્ષ બાદ શરૂ થયેલો ત્રાસ અસહ્ય બન્યો, જેથી પરિણીતા પિયર જતી રહી. પોલીસે ગુનો નોંધી વધુ તપાસ હાથ ધરી છે.