ઉનાળાની ગરમીથી રાહત મેળવવા ઘણા લોકો શિમલા અને મનાલી જેવા પ્રખ્યાત સ્થળોએ જાય છે, પરંતુ ત્યાં ભારે ભીડ અને મોંઘવારી હોય છે. જો તમે આ વખતે ભીડભાડથી દૂર શાંત અને સુંદર જગ્યાએ વેકેશન માણવા માંગો છો, તો ભારતમાં અનેક ઓફબીટ હિલ સ્ટેશન છે. અહીં તમને ઠંડું વાતાવરણ, કુદરતી સૌંદર્ય અને શાંતિનો અનુભવ મળશે. હિમાચલનું જિભી, ચંબા, ઉત્તરાખંડનું મુનસ્યારી, મહારાષ્ટ્રનું ચિકલધરા, આંધ્ર પ્રદેશની અરાકુ વેલી અને પશ્ચિમ બંગાળનું કાલિમ્પોંગ જેવા સ્થળો પ્રવાસીઓની ભીડથી દૂર છે અને પ્રકૃતિના ખોળામાં શાંતિપૂર્ણ વેકેશન માટે ઉત્તમ વિકલ્પો પૂરા પાડે છે.