વડાપ્રધાન નરેન્દ્ર મોદીએ ઇન્ડોનેશિયા, ઓસ્ટ્રેલિયા અને ન્યૂઝીલેન્ડના નેતાઓને ભારતીય સંસ્કૃતિ, કલા અને પરંપરાની ઝલક આપતી અનોખી ભેટ આપી છે. ઇન્ડોનેશિયાના રાષ્ટ્રપતિને ઉત્તરાખંડની 'એપણ કલા'ની શિવ પેઇન્ટિંગ, આસામની દુર્લભ 'મનોહારી ગોલ્ડ ટી', કશ્મીરી 'પેપર-મેશી બાઉલ' અને ચાંદીની નક્કાશીદાર પ્લેટ મળી. ઇન્ડોનેશિયાના સંસદ અધ્યક્ષને ઓડિશાની 'ઈકત સિલ્ક' સાડી, ઓસ્ટ્રેલિયાના PMને 'પ્રીમિયમ કોફી બોક્સ', 'કોલોનિયલ કજન્સ'નું વિનાઈલ રેકોર્ડ અને 'ઢોકરા બોટ સ્કલપ્ચર' મળ્યા. ન્યૂઝીલેન્ડના PMને ઉત્તરાખંડી ટોપી અને ભારતીય મહિલા હોકી ટીમની સહીવાળી હોકી સ્ટિક ભેટમાં અપાઈ.