થોડા સમય પહેલાં એક ટ્રેન અકસ્માતમાં એક હાથી અને તેનું ત્રણ વર્ષનું બચ્ચુ ગંભીર રીતે ઘાયલ થયાં. જેમાં માનું મૃત્યુ નીપજ્યું હતું, પરંતુ તેના બચ્ચાનો જીવ બચી ગયો, પણ તે લકવાગ્રસ્ત થઇ ગયું હતું. તેને ઉત્તર પ્રદેશના મથુરામાં આવેલી દેશની પ્રથમ હાથીઓની હોસ્પિટલમાં દાખલ કરાયું. ત્યાં તેનું નામ `બાની' રાખવામાં આવ્યું છે. તેના પાછલા પગમાં ચાલવામાં થોડી તકલીફ હોવાથી તેના માટે ખાસ પ્રકારના શૂઝ બનાવવામાં આવ્યા. આ શૂઝમાં નરમ પેડિંગ અને કેટલીક મજબૂત સામગ્રી ઉમેરીને બનાવાયા છે. જેનાથી તે હવે સરળતાથી ચાલી અને દોડી પણ શકે છે.