મહારાષ્ટ્ર TET પરીક્ષા પેપર લીક થતાં રદ, નવી તારીખની જાહેરાત ટૂંક સમયમાં
મહારાષ્ટ્રમાં TET પરીક્ષાનું પેપર લીક થતાં રાજ્ય વહીવટીતંત્રે એક મોટો નિર્ણય લીધો છે. 28 જૂન, 2026 ના રોજ યોજાનારી આ પ્રતિષ્ઠિત શિક્ષક પાત્રતા પરીક્ષા (TET) પેપર લીક થવાની આશંકાને કારણે તાત્કાલિક અસરથી રદ કરવામાં આવી છે. ઠાણે વિસ્તારમાંથી પેપર લીક થયાની માહિતી મળતાં, પરીક્ષાની ગોપનીયતા અને પારદર્શિતા જાળવવા માટે વહીવટીતંત્રે આ કડક પગલું ભર્યું છે. આ નિર્ણયથી રાજ્યભરના લાખો ઉમેદવારોને મોટો આંચકો લાગ્યો છે, જેઓ આ પરીક્ષા માટે સખત તૈયારી કરી રહ્યા હતા. આ સમગ્ર મામલાની ઉચ્ચ સ્તરીય તપાસ શરૂ કરવામાં આવી છે અને નવી પરીક્ષાની તારીખો ટૂંક સમયમાં જાહેર કરવામાં આવશે.
મહારાષ્ટ્ર TET પરીક્ષા પેપર લીક થતાં રદ, નવી તારીખની જાહેરાત ટૂંક સમયમાં
અમદાવાદની સેન્ટ ઝેવિયર્સ કોલેજમાં GCAS એડમિશન વિવાદ
અમદાવાદની સેન્ટ ઝેવિયર્સ કોલેજ અને રાજ્ય સરકાર વચ્ચે GCAS એડમિશન મુદ્દે ચાલી રહેલા કાનૂની વિવાદથી હજારો વિદ્યાર્થીઓનું ભવિષ્ય અનિશ્ચિત બન્યું છે. માઇનોરિટી સંસ્થા હોવાના અધિકાર હેઠળ કોલેજે અલગ પ્રવેશ પ્રક્રિયા અપનાવતા મામલો હાઈકોર્ટમાં પહોંચ્યો છે. કેસ પેન્ડિંગ હોવાથી મેરિટ લિસ્ટ, દસ્તાવેજ ચકાસણી અને એડમિશન પ્રક્રિયા અટકી ગઈ છે. વિદ્યાર્થીઓ વર્ષ બગડવાની ભીતિમાં છે. હવે કોર્ટના ઝડપી નિર્ણય અને વચગાળાની સ્પષ્ટ વ્યવસ્થાની માંગ ઉઠી રહી છે.
અમદાવાદની સેન્ટ ઝેવિયર્સ કોલેજમાં GCAS એડમિશન વિવાદ
અફઘાનિસ્તાનમાં 6.2 તીવ્રતાનો ભૂકંપ, દિલ્હી-NCR સુધી અનુભવાયા આંચકા
અફઘાનિસ્તાનના હિન્દુકુશ વિસ્તારમાં શનિવારે સાંજે 6.2ની તીવ્રતાનો શક્તિશાળી ભૂકંપ આવ્યો. National Centre for Seismology અનુસાર, ભૂકંપનું કેન્દ્ર 215 કિલોમીટરની ઊંડાઈએ હતું. આ કારણે પાકિસ્તાન, ઉત્તર ભારત, ચીન અને મધ્ય એશિયાના અનેક દેશોમાં તેના આંચકા અનુભવાયા. દિલ્હી-NCR અને જમ્મુ-કાશ્મીરમાં પણ લોકોએ ભૂકંપના આંચકા અનુભવ્યા અને ગભરાઈને ઘરની બહાર દોડી આવ્યા. હાલમાં કોઈ જાન-માલના નુકસાનની માહિતી નથી. હિન્દુકુશ ભૂકંપની દ્રષ્ટિએ સંવેદનશીલ વિસ્તાર છે.
અફઘાનિસ્તાનમાં 6.2 તીવ્રતાનો ભૂકંપ, દિલ્હી-NCR સુધી અનુભવાયા આંચકા
પરીક્ષાના 24 કલાક પહેલા પેપર લીક!
મહારાષ્ટ્રમાં TET પરીક્ષાના 24 કલાક પહેલા પ્રશ્નપત્ર લીક થતાં રાજકારણ ગરમાયું છે. વિપક્ષે સરકાર પર આકરા પ્રહારો કરતા કહ્યું છે કે, જે સરકાર પરીક્ષાઓ પણ યોગ્ય રીતે કરાવી શકતી નથી, તેણે સત્તા છોડી દેવી જોઈએ. કોંગ્રેસે આ ઘટનાને વહીવટી નિષ્ફળતા ગણાવી છે. મહારાષ્ટ્ર રાજ્ય પરીક્ષા પરિષદે પરીક્ષા સ્થગિત કરવાની સત્તાવાર પુષ્ટિ કરી છે અને નવી તારીખોની જાહેરાત ટૂંક સમયમાં કરવામાં આવશે. આ કૌભાંડમાં મોટા માથાઓ સામે કડક કાર્યવાહીની માંગ કરવામાં આવી રહી છે.
પરીક્ષાના 24 કલાક પહેલા પેપર લીક!
ખેડૂત છું, બાળપણથી ખેતી કરું છું: મંત્રી ભગીરથ ચૌધરીની સ્પષ્ટતા
કેન્દ્રીય કૃષિ રાજ્ય મંત્રી ભગીરથ ચૌધરી કમર્શિયલ કાકડી ખેતી પ્રોજેક્ટ માટે પોતાના જ મંત્રાલય હેઠળની યોજનામાંથી ₹99.03 લાખની સબસિડી મેળવી વિવાદમાં આવ્યા છે. વિપક્ષે 'ભ્રષ્ટાચાર'નો આરોપ લગાવ્યો છે. મંત્રી ચૌધરીએ કહ્યું કે તેઓ બાળપણથી ખેડૂત છે અને 2018માં (મંત્રી બન્યા પહેલા) જ અરજી કરી હતી. તેમણે તમામ વિગતો જાહેર કરી છે અને કહ્યું કે દેશભરમાં હજારો ખેડૂતો આવી સબસિડી લે છે. તેઓ આ ફાર્મનો ઉપયોગ ખેડૂતોને ટ્રેનિંગ આપવા માટે કરે છે.
ખેડૂત છું, બાળપણથી ખેતી કરું છું: મંત્રી ભગીરથ ચૌધરીની સ્પષ્ટતા
હોર્મુઝ ખુલ્યા બાદ ઈરાન સસ્તુ ઓઈલ વેચે છે, તો પણ ભારત કેમ નથી ખરીદતું?
અમેરિકા-ઈરાન શાંતિ વાર્તા બાદ ઈરાની ક્રૂડ પરના પ્રતિબંધ હટ્યા છે અને સ્ટ્રેટ ઓફ હોર્મુઝ પણ ખુલ્યું છે. આ કારણે ઈરાની ક્રૂડ સસ્તું થઈ ગયું છે અને વચેટિયાઓ ભારતીય રિફાઇનરીઓને પ્રતિ બેરલ 3-4 ડોલર સસ્તા ભાવે ઓફર કરી રહ્યા છે. જોકે, ભારતીય રિફાઇનરીઓની સંગ્રહ ક્ષમતા મર્યાદિત છે અને મોટાભાગનો પુરવઠો પહેલેથી જ સુરક્ષિત છે. વિવિધ દેશો સાથેના કરાર અને મોટા ક્રૂડ રિઝર્વને કારણે ભારત સસ્તું ઈરાની ક્રૂડ વધુ ખરીદી શકતું નથી.
હોર્મુઝ ખુલ્યા બાદ ઈરાન સસ્તુ ઓઈલ વેચે છે, તો પણ ભારત કેમ નથી ખરીદતું?
ચાંદીમાં 51000 તો સોનામાં 17000 રૂપિયાનો કડાકો
જૂન મહિનામાં સોના અને ચાંદીના ભાવમાં નોંધપાત્ર ઘટાડો થતાં રોકાણકારોને મોટો ઝટકો લાગ્યો છે. MCX પર સોનું પ્રતિ 10 ગ્રામ રૂ. 17,000 અને ચાંદી પ્રતિ કિલો રૂ. 51,000 સુધી સસ્તી થઈ છે. વૈશ્વિક બજારમાં પણ બંને કિંમતી ધાતુઓના ભાવ ઘટ્યા છે. ઈરાન-અમેરિકા યુદ્ધવિરામ, અમેરિકી ફેડરલ રિઝર્વ દ્વારા વ્યાજદર વધારાના સંકેતો, પ્રોફિટ બુકિંગ અને રોકાણકારોનું શેરબજાર તરફ વળતર આ ઘટાડાના મુખ્ય કારણો માનવામાં આવી રહ્યા છે.
ચાંદીમાં 51000 તો સોનામાં 17000 રૂપિયાનો કડાકો
આવતા વર્ષે ડોનાલ્ડ ટ્રમ્પ ભારતની મુલાકાતે આવશે!
ભારત અને અમેરિકા વચ્ચેના વ્યૂહાત્મક અને વેપાર સંબંધોને નવી ગતિ આપવા માટે અમેરિકાના રાષ્ટ્રપ્રમુખ ડોનાલ્ડ ટ્રમ્પ આગામી વર્ષની શરૂઆતમાં ભારતની મુલાકાતે આવશે. અમેરિકાના વિદેશ મંત્રી માર્કો રુબિયોએ આ જાહેરાત કરતાં જણાવ્યું કે તેઓ પણ પ્રવાસની તૈયારીઓ અને લાંબા સમયથી પ્રસ્તાવિત ટ્રેડ ડીલને અંતિમ સ્વરૂપ આપવા ભારત આવશે. આ મુલાકાતથી બંને દેશો વચ્ચે વેપાર, રોકાણ અને ટેરિફ સંબંધિત કરારોને વેગ મળશે તેમજ દ્વિપક્ષીય સંબંધો વધુ મજબૂત બનવાની આશા વ્યક્ત કરવામાં આવી છે.
આવતા વર્ષે ડોનાલ્ડ ટ્રમ્પ ભારતની મુલાકાતે આવશે!
મુસ્લિમ ધર્મ અપનાવનાર અનામતના હકદાર નથી: મદ્રાસ હાઈકોર્ટનો મોટો ચુકાદો
મદ્રાસ હાઈકોર્ટની મદુરાઈ બેન્ચે એક મહત્વપૂર્ણ કેસમાં ચુકાદો આપ્યો છે કે, જે વ્યક્તિ ઇસ્લામ ધર્મ અપનાવે છે તે માત્ર ‘મુસ્લિમ’ ગણાશે અને વિશેષ પછાત મુસ્લિમ સમુદાયના નામે અનામતનો લાભ મેળવી શકશે નહીં. હાઈકોર્ટે તામિલનાડુ સરકારના 2024 ના તે સરકારી આદેશને પણ રદ કર્યો છે, જેમાં ધર્મ પરિવર્તન કરનારાઓને Other Backward Classes (OBC Muslim) નો દરજ્જો આપવાની જોગવાઈ હતી. અદાલતે જણાવ્યું કે, 1951 થી સ્થાપિત કાનૂની સિદ્ધાંત મુજબ, ધર્મ પરિવર્તન કરનારનો સામાજિક દરજ્જો તેની જૂની જ્ઞાતિથી નક્કી થતો નથી.
મુસ્લિમ ધર્મ અપનાવનાર અનામતના હકદાર નથી: મદ્રાસ હાઈકોર્ટનો મોટો ચુકાદો
પ.બંગાળમાં ધર્માંતરણ વિરોધી કાયદો, UCC અને NRC આવશે: શુભેન્દુ અધિકારી
પશ્ચિમ બંગાળના મુખ્યમંત્રી શુભેન્દુ અધિકારીએ રાજ્યમાં ટૂંક સમયમાં જ ધર્માંતરણ વિરોધી કડક કાયદો લાવવાની જાહેરાત કરી છે. આ સાથે, સમાન નાગરિક સંહિતા (UCC) અને રાષ્ટ્રીય નાગરિક રજિસ્ટર (NRC) પણ લાગુ કરવામાં આવશે. અધિકારીએ સરહદ પારથી થતી ઘૂસણખોરીને રાજ્યની વસ્તી અને રાષ્ટ્રીય સુરક્ષા માટે ખતરો ગણાવ્યો. બીજી તરફ, TMC સાંસદ મહુઆ મોઇત્રાએ આ પગલાંને કટોકટી સાથે સરખાવીને સરકાર પર વિપક્ષને ડરાવવાનો આરોપ લગાવ્યો છે.
પ.બંગાળમાં ધર્માંતરણ વિરોધી કાયદો, UCC અને NRC આવશે: શુભેન્દુ અધિકારી
બાબા બાગેશ્વરનું મોટું નિવેદન: "રાવણથી પણ ખરાબ લોકો"
અયોધ્યા રામ મંદિરના દાન પાત્રમાંથી થયેલી કથિત ચોરી અને નાણાકીય અનિયમિતતા અંગે બાગેશ્વર ધામના પીઠાધીશ્વર ધીરેન્દ્ર કૃષ્ણ શાસ્ત્રીએ આકરા પ્રતિક્રિયા આપ્યા છે. તેમણે આરોપીઓની સરખામણી રાવણ સાથે કરતા કહ્યું કે, રાવણે માતા જાનકીનું હરણ કર્યું હતું, જ્યારે આ લોકોએ શ્રદ્ધાળુઓની આસ્થા ચોરી છે. આ કેસમાં 8 આરોપીઓની ધરપકડ કરવામાં આવી છે અને BNS તથા ભ્રષ્ટાચાર અધિનિયમ હેઠળ ગુનો દાખલ કરાયો છે. SIT ના રિપોર્ટ બાદ આ કાર્યવાહી થઈ છે. જોકે, કેટલાક લોકો નાના કર્મચારીઓ પર કાર્યવાહી કરી મોટા લોકોને બચાવવાનો આરોપ લગાવી રહ્યા છે.
બાબા બાગેશ્વરનું મોટું નિવેદન: "રાવણથી પણ ખરાબ લોકો"
ઔદ્યોગિક એકમમાં મહિલાની માલિકી મામલે ગુજરાત દેશના ટોપ-10માં પણ નહીં!
ગુજરાતમાં વર્ષ 2025-26 દરમિયાન 8.43 લાખ MSME એકમો નોંધાયા, જેમાંથી 1.96 લાખ મહિલાઓની માલિકીના છે. છતાં મહિલાઓની માલિકી હેઠળના નવા ઉદ્યોગોમાં ગુજરાત દેશના ટોચના 10 રાજ્યોમાં સ્થાન મેળવી શક્યું નથી. તેલંગાણા અને મહારાષ્ટ્ર આ ક્ષેત્રમાં અગ્રેસર છે, જ્યારે બિહાર, ઓડિશા અને પશ્ચિમ બંગાળ પણ ગુજરાતથી આગળ છે. નિષ્ણાતોના મતે લોન, જમીન, સુરક્ષા અને પરિવાર આધારિત ઉદ્યોગો પુરુષોના નામે નોંધાવવાના કારણે મહિલાઓ પાછળ રહી છે.
ઔદ્યોગિક એકમમાં મહિલાની માલિકી મામલે ગુજરાત દેશના ટોપ-10માં પણ નહીં!
ભારત ટેક્સી: મુસાફરો અને ચાલકો પર વધતું ભાડું અને ચાર્જનું ભારણ
ભારત ટેક્સી એપ, જે નાગરિકોને સસ્તી કેબ સેવા આપવાના ઉદ્દેશ્યથી શરૂ કરાઈ હતી, તે હવે તેના દાવાઓ પર ખરી ઉતરતી નથી. અમદાવાદમાં તેના ભાડા ખાનગી કંપનીઓ કરતાં પણ વધુ હોવાનું જણાય છે. 'ઝિરો કમિશન'ના વાયદાઓ વચ્ચે, ટેક્સી ચાલકો પાસેથી ચાર્જ વસૂલવાનું શરૂ કરાયું છે, જે સરકારના 'સહકારી' અને 'સસ્તી' હોવાના દાવાને ખોટા પાડે છે. આ પરિસ્થિતિ મુસાફરો અને ચાલકો બંને માટે મુશ્કેલી ઊભી કરી રહી છે.
ભારત ટેક્સી: મુસાફરો અને ચાલકો પર વધતું ભાડું અને ચાર્જનું ભારણ
મુંબઈના ગુજરાતી બિઝનેસમેને સી લિંક પરથી દરિયામાં ઝંપલાવ્યું
મુંબઈના બાંદ્રા-વર્લી સી લિંક પરથી ઝંપલાવીને 51 વર્ષીય ગુજરાતી બિઝનેસમેન ભાવેશ નવીનચંદ્ર મજીઠીયાએ આપઘાત કર્યો. પોલીસને નાણાકીય તણાવની શંકા છે. ટેક્સીમાં મુસાફરી દરમિયાન, તેમણે ઉબકા આવવાનું કહી વાહન રોકાવ્યું અને સી લિંક પરથી દરિયામાં કૂદી પડ્યા. ટેક્સી ડ્રાઇવર દ્વારા પોલીસને જાણ કરાતા, રેસ્ક્યૂ ટીમ અને પોલીસ દ્વારા બચાવ પ્રયાસો શરૂ કરાયા. દરિયાઈ પરિસ્થિતિને કારણે શોધ કાર્યમાં વિલંબ થયો, અંતે મૃતદેહ મળી આવ્યો. વર્લી પોલીસ સ્ટેશનમાં અકસ્માત મૃત્યુનો અહેવાલ નોંધાયો.
મુંબઈના ગુજરાતી બિઝનેસમેને સી લિંક પરથી દરિયામાં ઝંપલાવ્યું
બંગાળમાં UCC લાગુ થશે, લવ જિહાદ, ધર્માંતરણ અને ઘૂસણખોરો પર કાર્યવાહી: શુભેન્દુ અધિકારી
પશ્ચિમ બંગાળના મુખ્યમંત્રી શુભેન્દુ અધિકારીએ રાજ્યમાં સમાન નાગરિક સંહિતા (UCC) લાગુ કરવાની જાહેરાત કરી છે. તેમણે જણાવ્યું કે લેન્ડ જિહાદ, લવ જિહાદ અને બળજબરીથી ધર્માંતરણ વિરુદ્ધ કડક કાયદા લાવવામાં આવશે. ગેરકાયદેસર રીતે દેશમાં પ્રવેશ કરી સંસ્કૃતિ કે સુરક્ષા વિરુદ્ધ પ્રવૃત્તિઓમાં સામેલ ઘૂસણખોરોને ઓળખી દેશનિકાલ કરાશે. આ જાહેરાત તેમણે 'વંદે માતરમ'ના 150 વર્ષ પૂર્ણ થવા પર કોલકાતામાં આયોજિત કાર્યક્રમમાં કરી.
બંગાળમાં UCC લાગુ થશે, લવ જિહાદ, ધર્માંતરણ અને ઘૂસણખોરો પર કાર્યવાહી: શુભેન્દુ અધિકારી
કેતન અગ્રવાલ મર્ડર કેસ: સિયાના હાવભાવ અને પિતાના પ્રશ્નોએ શંકાને ઘેરી બનાવી
પુણેના કેતન અગ્રવાલ મર્ડર કેસમાં, ઘટના સમયે સિયા ગોયલના બદલાયેલા હાવભાવ અને પરિવારના સવાલોના જવાબ ન આપવાને કારણે વિશાલ અગ્રવાલની શંકા ઘેરી બની. જ્યારે મહિલા પોલીસકર્મીએ કહ્યું કે કેતન જીવતો છે, ત્યારે સિયાની પ્રતિક્રિયા શંકાસ્પદ હતી. આ ઘટનાક્રમ અને CCTV ફૂટેજની તપાસ બાદ પરિવારે પોલીસને જાણ કરી. સિયા પર તેના બોયફ્રેન્ડ ચેતન ચૌધરી સાથે મળીને મંગેતરની હત્યા કરવાનો આરોપ છે. બંને હાલ પોલીસ કસ્ટડીમાં છે અને તપાસ ચાલુ છે.
કેતન અગ્રવાલ મર્ડર કેસ: સિયાના હાવભાવ અને પિતાના પ્રશ્નોએ શંકાને ઘેરી બનાવી
બેટરી રિસાયક્લિંગના નવા નિયમોથી ઇલેક્ટ્રિક કાર પાંચ ટકા સુધી મોંઘી થશે
વાહન ઉત્પાદકોના સંગઠન સિયામે કેન્દ્રીય પ્રદૂષણ નિયંત્રણ બોર્ડને જણાવ્યું છે કે હાલના બેટરી રિસાયક્લિંગ નિયમોના કારણે ઇલેક્ટ્રિક વાહનોની કિંમતમાં 3થી 5 ટકા વધારો થઈ શકે છે, જે ઈવી વેચાણને અસર કરશે. સિયામના જણાવ્યા મુજબ, લિથિયમ આયર્ન ફોસ્ફેટ બેટરીનું આયુષ્ય લાંબું હોવાથી વર્તમાન રિસાયક્લિંગ લક્ષ્યો વ્યવહારુ નથી. સંસ્થાએ નિયમોમાં સરળતા લાવવાની માંગ સાથે જણાવ્યું કે હાલના નિયમોથી ઉત્પાદકો પર વધારાનો આર્થિક બોજ પડશે.
બેટરી રિસાયક્લિંગના નવા નિયમોથી ઇલેક્ટ્રિક કાર પાંચ ટકા સુધી મોંઘી થશે
છોટાઉદેપુરના નસવાડી શાળામાં 'BackToSchool' હેઠળ વિદ્યાર્થીઓનો ભવ્ય પુનઃપ્રવેશ અને સન્માન
નસવાડી સ્થિત એસ.બી. સોલંકી વિદ્યામંદિર ખાતે 'BackToSchool' અભિયાન હેઠળ ધોરણ 6થી 12ના વિદ્યાર્થીઓ માટે એક પ્રવેશોત્સવ અને સન્માન સમારોહ યોજાયો હતો. આ કાર્યક્રમનો મુખ્ય ઉદ્દેશ્ય નવા વિદ્યાર્થીઓને પ્રવેશ અપાવવા તેમજ અભ્યાસ છોડી ગયેલા વિદ્યાર્થીઓને ફરી શિક્ષણની મુખ્ય ધારામાં જોડવાનો હતો. કાર્યક્રમમાં મુખ્ય અતિથિઓનું સન્માન કરાયું અને ડ્રોપઆઉટ થયેલા વિદ્યાર્થીઓને શાળાકિટ, પાઠયપુસ્તકો અને શૈક્ષણિક સામગ્રીનું વિતરણ કરાયું. ઉપરાંત, રમતગમત અને સાંસ્કૃતિક ક્ષેત્રે શ્રેષ્ઠ પ્રદર્શન કરનાર વિદ્યાર્થીઓને પ્રમાણપત્રો આપી પ્રોત્સાહિત કરાયા.
છોટાઉદેપુરના નસવાડી શાળામાં 'BackToSchool' હેઠળ વિદ્યાર્થીઓનો ભવ્ય પુનઃપ્રવેશ અને સન્માન
છોટાઉદેપુરના નસવાડી કન્યા પ્રાથમિક શાળામાં પ્રવેશોત્સવની ભવ્ય ઉજવણી, વિદ્યાર્થીઓને પ્રેરણાદાયી માર્ગદર્શન અપાયું.
છોટાઉદેપુર જિલ્લાના નસવાડી કન્યા પ્રાથમિક શાળામાં તાજેતરમાં શાળા પ્રવેશોત્સવનો કાર્યક્રમ યોજાયો હતો. આ કાર્યક્રમમાં રીજનલ કમિશનર ઓફ્ મ્યુન્સિપાલિટી ગાંધીનગરના બી એમ પટેલ IAS અને છોટાઉદેપુર ચીફ્ ઓફ્સિર ભાવિક બરજોડ મુખ્ય મહેમાન તરીકે ઉપસ્થિત રહ્યા હતા. તેમણે વિદ્યાર્થીઓને ગુણવત્તાયુક્ત શિક્ષણ અને ઉજ્જવળ ભવિષ્ય માટે માર્ગદર્શન આપ્યું. શાળાના આચાર્યા ઉષાબેન સોલંકીના નેતૃત્વ હેઠળ નવા વિદ્યાર્થીઓનું સ્વાગત અને તેજસ્વી વિદ્યાર્થીઓનું સન્માન કરાયું, તેમજ વૃક્ષારોપણ પણ કરવામાં આવ્યું.
છોટાઉદેપુરના નસવાડી કન્યા પ્રાથમિક શાળામાં પ્રવેશોત્સવની ભવ્ય ઉજવણી, વિદ્યાર્થીઓને પ્રેરણાદાયી માર્ગદર્શન અપાયું.
હિંમતનગરના ખેડબ્રહ્મા તાલુકા શાળામાં પ્રવેશોત્સવ મહોત્સવની ભવ્ય ઉજવણી.
ખેડબ્રહ્મા તાલુકા શાળામાં પ્રગતિનો પ્રવેશોત્સવ અને કન્યા કેળવણી મહોત્સવની ભવ્ય ઉજવણી કરવામાં આવી. આંગણવાડી, બાલવાટિકા અને ધોરણ-1ના નવા બાળકોના પ્રવેશ પ્રસંગે તાલુકા વિકાસ અધિકારી નીતિનભાઈ ચૌધરી, CRC આકાશભાઈ પટેલ, ન.પાલિકા પ્રમુખ પ્રિયંકાબેન ખરાડી સહિત અનેક મહાનુભાવો ઉપસ્થિત રહ્યા હતા. કાર્યક્રમ દરમિયાન દાતાઓ દ્વારા શાળાના વિકાસ કાર્યો માટે ઉદાર દાન પણ આપવામાં આવ્યું, જે શૈક્ષણિક પ્રગતિને વેગ આપશે.
હિંમતનગરના ખેડબ્રહ્મા તાલુકા શાળામાં પ્રવેશોત્સવ મહોત્સવની ભવ્ય ઉજવણી.
પંચમહાલની ડેરોલ ગામ પ્રાથમિક શાળામાં પ્રવેશોત્સવ અને કન્યા કેળવણી મહોત્સવની ભવ્ય ઉજવણી
કાલોલ તાલુકાની ડેરોલગામ પ્રાથમિક શાળામાં પ્રગતિનો પ્રવેશોત્સવ અને કન્યા કેળવણી મહોત્સવની ઉજવણી કરવામાં આવી. આ કાર્યક્રમમાં માર્ગ અને મકાન વિભાગના અધિકારી દેવાંગભાઈ ડી પરમાર, લાયઝન અધિકારી કલ્પેશભાઈ માછી, ડેરોલ સરપંચ કપિલાબેન, આર એન્ડ બી હાઈસ્કૂલના પ્રિન્સિપાલ એ.કે પટેલ, ટ્રસ્ટીઓ, તાલુકા પંચાયત સદસ્ય સુરેશભાઈ, દાતા દામુભાઈ તલાટી, એસએમસી અધ્યક્ષ અને સભ્યો, તથા વાલીગણ ઉપસ્થિત રહ્યા હતા. આંગણવાડી, બાલવાટિકા અને ધોરણ 6ના બાળકોને સ્કૂલ બેગ અને શૈક્ષણિક કીટ આપી પ્રવેશ અપાયો.
પંચમહાલની ડેરોલ ગામ પ્રાથમિક શાળામાં પ્રવેશોત્સવ અને કન્યા કેળવણી મહોત્સવની ભવ્ય ઉજવણી
પંચમહાલના મલેકપુર પ્રાથમિક શાળામાં પ્રગતિનો પ્રવેશોત્સવ
મલેકપુર પ્રાથમિક શાળા ખાતે ઉજવાયો પ્રગતિનો પ્રવેશોત્સવ. આ કાર્યક્રમમાં આંગણવાડીના 6 બાળકો, પ્રાથમિક શાળાના 16 બાળકોને બાલવાટિકામાં, 169 બાળકોને ધોરણ 9માં, 137 બાળકોને ધોરણ 11માં અને 16 બાળકોને બેક ટુ સ્કૂલ મિશન અંતર્ગત પ્રવેશ અપાયો. કાર્યક્રમમાં તેજસ્વી વિદ્યાર્થીઓ, શિષ્યવૃત્તિ મેળવનાર અને દાતાઓનું સન્માન કરાયું. આ કાર્યક્રમ દ્વારા બાળકોના ભવિષ્યને ઉજ્જવળ બનાવવાનો પ્રયાસ કરાયો.
પંચમહાલના મલેકપુર પ્રાથમિક શાળામાં પ્રગતિનો પ્રવેશોત્સવ
દાહોદની સરજૂમી વનવાસી માધ્યમિક શાળામાં ધોરણ 9 અને 11નો પ્રવેશોત્સવ સંપન્ન.
દાહોદ જિલ્લાના લીમખેડા તાલુકાના સરજૂમી ગામની વનવાસી માધ્યમિક શાળામાં કન્યા કેળવણી મહોત્સવ અંતર્ગત ધોરણ 9 અને 11માં પ્રવેશ મેળવનાર વિદ્યાર્થીઓ માટે પ્રવેશોત્સવ કાર્યક્રમ યોજાયો. ગાંધીનગર ઇન્ટેલિજન્સ બ્યુરોના ડાયરેક્ટર જનરલ એન.એન. ચૌધરી મુખ્ય અતિથિ તરીકે ઉપસ્થિત રહ્યા. નવા વિદ્યાર્થીઓનું સ્વાગત કરાયું અને SSC, HSC તેમજ ધોરણ 9-11માં ઉત્કૃષ્ટ દેખાવ કરનાર વિદ્યાર્થીઓનું સન્માન કરાયું. તાલુકા કક્ષાએ સિદ્ધિ મેળવનાર વિદ્યાર્થીઓને પણ પ્રમાણપત્ર અને ઇનામ આપી પ્રોત્સાહિત કરાયા.
દાહોદની સરજૂમી વનવાસી માધ્યમિક શાળામાં ધોરણ 9 અને 11નો પ્રવેશોત્સવ સંપન્ન.
વાઘપુર ખાતે પ્રિન્સિપાલ સેક્રેટરી શાહમીના હુસૈનની ઉપસ્થિતિમાં શાળા પ્રવેશોત્સવ અને કન્યા કેળવણી મહોત્સવ યોજાયો.
હિંમતનગરના પ્રાંતિજ તાલુકાના વાઘપુરમાં શાળા પ્રવેશોત્સવ અને કન્યા કેળવણી મહોત્સવ ગુરુવારે ઉજવાયો. ગુજરાત સરકારના પ્રિન્સિપાલ સેક્રેટરી ટુ ગવર્મેન્ટ, નર્મદા વોટર સપ્લાય એન્ડ કલ્પસર વિભાગના વડા શાહમીના હુસૈને કાર્યક્રમમાં ભાગ લીધો. તેમણે નવા વિદ્યાર્થીઓને શૈક્ષણિક કીટ આપી પ્રવેશ કરાવ્યો. શિક્ષણ બાળકના ઉજ્જવળ ભવિષ્યનો પાયો છે અને દીકરીઓ ઉચ્ચ શિક્ષણ મેળવી પગભર બને તે મહોત્સવનો મુખ્ય હેતુ છે, તેમ તેમણે જણાવ્યું. વાલીઓ અને શિક્ષકોએ બાળકોના ઘડતરમાં સક્રિય યોગદાન આપવું જોઈએ.
વાઘપુર ખાતે પ્રિન્સિપાલ સેક્રેટરી શાહમીના હુસૈનની ઉપસ્થિતિમાં શાળા પ્રવેશોત્સવ અને કન્યા કેળવણી મહોત્સવ યોજાયો.
લુણાવાડાની નપાણીયા લાડવેલ પ્રાથમિક શાળામાં કન્યા કેળવણી મહોત્સવની ભવ્ય ઉજવણી.
મહીસાગર જિલ્લાના લુણાવાડા તાલુકાની નપાણીયા લાડવેલ પ્રાથમિક શાળામાં શાળા પ્રવેશોત્સવ અને કન્યા કેળવણી મહોત્સવ યોજાયો. આ કાર્યક્રમમાં આંગણવાડી, બાળવાટિકા અને ધોરણ-1માં પ્રવેશ મેળવનાર 38 બાળકોને શૈક્ષણિક કીટ આપી આવકારાયા. CET, નવોદય અને જ્ઞાન-સાધના જેવી પરીક્ષાઓમાં ઉત્કૃષ્ટ પ્રદર્શન કરનાર તેજસ્વી વિદ્યાર્થીઓ, 100% હાજરી ધરાવતા વિદ્યાર્થીઓ અને તેમના વાલીઓનું સન્માન કરાયું. શાળામાં વૃક્ષારોપણ કરી 350 ફળાઉ રોપાઓનું વિતરણ કરાયું અને JCI લુણાવાડાએ સીડબોલનું વિતરણ કર્યું.
લુણાવાડાની નપાણીયા લાડવેલ પ્રાથમિક શાળામાં કન્યા કેળવણી મહોત્સવની ભવ્ય ઉજવણી.
ભરૂચના નેત્રંગ તાલુકાના પીંગોટ શાળામાં પ્રવેશોત્સવ કાર્યક્રમ યોજાયો
નેત્રંગ તાલુકાના પીંગોટ પ્રા.શાળામાં ભરૂચના સાંસદ મનસુખભાઇ વસાવાના અધ્યક્ષસ્થાને શાળા પ્રવેશોત્સવ અને કન્યા કેળવણી મહોત્સવની ભવ્ય ઉજવણી કરાઈ હતી. સાંસદે વિધાર્થીઓને નોટબુક,સ્કુલ બેગ અને ચોકલેટનું વિતરણ કરી શાળામાં પ્રવેશ કરાવ્યો હતો. આ પ્રસંગે નેત્રંગ તાલુકા પંચાયત પ્રમુખ મગનભાઈ વસાવા, મૌઝા જિલ્લ પંચાયત સભ્ય અનિલ વસાવા, નેત્રંગ જિલ્લા પંચાયત સભ્ય ગૌતમ વસાવા, આરએફ્ઓ એમ.એફ્ દિવાન, સરપંચ-વાલીઓ અને વિધાર્થીઓ ઉપસ્થિત રહ્યા હતા.
ભરૂચના નેત્રંગ તાલુકાના પીંગોટ શાળામાં પ્રવેશોત્સવ કાર્યક્રમ યોજાયો
મહેસાણા જિલ્લા પ્રવેશોત્સવ: 1,360 ડ્રોપઆઉટ બાળકો પરત ફર્યા, 2.48 કરોડનું દાન પ્રાપ્ત
મહેસાણા જિલ્લામાં ત્રિ-દિવસીય પ્રવેશોત્સવ દરમિયાન 1,360 ડ્રોપઆઉટ થયેલા બાળકો, જેમાં 675 વિદ્યાર્થીઓ અને 685 વિદ્યાર્થિનીઓનો સમાવેશ થાય છે, તેમને સફળતાપૂર્વક પુનઃ શાળા પ્રવેશ અપાવવામાં આવ્યો. શિક્ષણના મહત્વ અંગે વાલીઓને સમજાવવાના પ્રયાસો ફળ્યા. જિલ્લાની 1177 શાળાઓને પ્રવેશોત્સવ દરમિયાન કુલ રૂ.2,48,29,784નું લોક સહકારરૂપ દાન મળ્યું, જેમાં સાધન સામગ્રી અને રોકડનો સમાવેશ થાય છે. બાલવાટિકામાં 16,391 બાળકોનું નામાંકન થયું.
મહેસાણા જિલ્લા પ્રવેશોત્સવ: 1,360 ડ્રોપઆઉટ બાળકો પરત ફર્યા, 2.48 કરોડનું દાન પ્રાપ્ત
સાબરમતી–હરિદ્વાર સાપ્તાહિક સ્પેશિયલ 27-28 જુલાઈ સુધી દોડશે
પશ્ચિમ રેલવે દ્વારા સાબરમતી–હરિદ્વાર સાપ્તાહિક સ્પેશિયલ ટ્રેનના ફેરા 27-28 જુલાઈ સુધી લંબાવવામાં આવ્યા છે. આ ટ્રેન હવે અત્યાધુનિક અમૃત ભારત રેક સાથે દોડશે, જે ઉત્તર ગુજરાતના મહેસાણા અને પાલનપુરના મુસાફરો માટે એક મોટી સુવિધા છે. ટ્રેન નંબર 09425 સાબરમતીથી 27 જુલાઈ સુધી અને ટ્રેન નંબર 09426 હરિદ્વારથી 28 જુલાઈ સુધી આધુનિક રેક સાથે સંચાલિત થશે. આ વધારાના ફેરા અને નવી રેક મુસાફરોની માંગને પહોંચી વળવામાં મદદ કરશે.
સાબરમતી–હરિદ્વાર સાપ્તાહિક સ્પેશિયલ 27-28 જુલાઈ સુધી દોડશે
ડાયના એડુલ્જી: ભારતીય મહિલા ક્રિકેટના પ્રણેતા અને માર્ગદર્શક
ભારતીય મહિલા ક્રિકેટના પાયાના પથ્થર ડાયના એડુલ્જીએ સંઘર્ષના સમયમાં મહિલા ક્રિકેટને નવી ઓળખ અપાવી અને ખેલાડીઓના અધિકારો માટે મહત્વપૂર્ણ લડત લડી. 1975માં ભારતીય મહિલા ટીમના સ્થાપક સભ્ય તરીકે તેમણે 20 ટેસ્ટ અને 34 વન-ડેમાં દેશનું પ્રતિનિધિત્વ કર્યું. તેમની કેપ્ટનશિપમાં ભારતે પ્રથમ ટેસ્ટ જીત નોંધાવી. ભારતીય રેલવેમાં મહિલા ક્રિકેટ ટીમની સ્થાપના કરાવી અનેક ખેલાડીઓને રોજગારી અપાવી. 2017માં BCCIની CoA અને 2023માં ICC હોલ ઓફ ફેમમાં સ્થાન મેળવી તેમણે ઐતિહાસિક યોગદાન આપ્યું.
ડાયના એડુલ્જી: ભારતીય મહિલા ક્રિકેટના પ્રણેતા અને માર્ગદર્શક
જયપુરમાં વૃદ્ધ પિતા પર પુત્રનો નિર્દય હુમલો
જયપુરમાં એક પુત્ર દ્વારા પોતાના વૃદ્ધ પિતા પર થયેલ નિર્દય હુમલાની ઘટના સામે આવી છે. આરોપી પુત્રએ પિતાને અનેક થપ્પડ, લાતો અને મુક્કા માર્યા, જમીન પર પછાડી દીધા અને પછી ઘસડીને રૂમમાં લઈ ગયો. આ દરમિયાન આખો પરિવાર મૂક સાક્ષી રહ્યો. પીડિતને ગંભીર ઈજાઓ થઈ છે. ઘટનાના વીડિયો સામે આવ્યા બાદ આરોપી પુત્ર મધુસૂદન ઉચ્ચેનિયાની ધરપકડ કરવામાં આવી હતી, જેને બાદમાં જામીન મળી ગયા. પોલીસે નિયમ મુજબ કાર્યવાહી શરૂ કરી છે.
જયપુરમાં વૃદ્ધ પિતા પર પુત્રનો નિર્દય હુમલો
આયર્લેન્ડ સામે ભારતનો પહેલો પરાજય, અભિષેક શર્માની મહેનત વ્યર્થ
ડબ્લિન ખાતે રમાયેલી T20 મેચમાં આયર્લેન્ડ સામે ભારતનો પ્રથમ પરાજય થયો છે, જેમાં આયર્લેન્ડે 34 રનથી શાનદાર જીત મેળવી. આયર્લેન્ડના લોર્કન ટકરની અડધી સદી અને ગેરેથ ડેલાનીની આક્રમક બેટિંગની મદદથી 182 રન બનાવ્યા. જવાબમાં, અભિષેક શર્માના 49 રન છતાં, મેટ હોલાર્ડની 3 વિકેટો સામે ભારત 148 રનમાં ઓલઆઉટ થયું. હર્ષિત રાણાએ ભારત માટે 3 વિકેટ લીધી હતી.