ડેનિયલ ક્રેગના સ્થાને નવા જેમ્સ બોન્ડની શોધ શરુ થઈ છે. નિર્માતા એમેઝોન એમજીએમએ આ કામ કાસ્ટિંગ ડાયરેક્ટર નીના ગોલ્ડને સોંપ્યું છે. તે સાથે જ સમગ્ર મનોરંજન વિશ્વમાં આગામી બોન્ડ કોણ હશે તેની અટકળો ચાલુ થઈ છે. બીજી તરફ પીઢ ભારતીય ફિલ્મ સર્જક શેખર કપૂરે એવો મત વ્યક્ત કર્યો છે કે ભારતીય અભિનેતા જોન અબ્રામમ નવા બોન્ડ તરીકે ફિટ બેસે તેમ છે. ઉલ્લેખનીય છે કે શેખર કપૂરનાં દિગ્દર્શન હેઠળ બનેલી ૧૯૯૮ની ફિલ્મ 'એલિઝાબેથ'માં ડેનિયલ ક્રેગનું પરફોર્મન્સ વખણાયા બાદ જ ડેનિયલ ક્રેગને નવા બોન્ડ તરીકે પસંદ કરવામાં આવ્યો હતો.

1960માં ભૌતિકશાસ્ત્રી હેન્ઝ વોન ફોસ્ટરે ગણિત-વિજ્ઞાન પર આધારિત ભવિષ્યવાણી કરી હતી કે 13 નવેમ્બર 2026ના રોજ અતિશય વસ્તી વધારાને કારણે પૃથ્વી માનવ સંસ્કૃતિને સહન કરી શકશે નહીં. ખોરાક, પાણી, જગ્યા અને સંસાધનો ખૂટી જવાથી યુદ્ધ, અકાળ, બીમારીઓ અને વિનાશ સર્જાઈ શકે છે. આ "ડૂમ્સ્ડે" દિવસ ગણાવાયો હતો. આજના સમયમાં, આ ભવિષ્યવાણી અનેક સમસ્યાઓ (climate change, global warming, water scarcity) ને કારણે ફરી ચર્ચામાં છે. વૈજ્ઞાનિકો ચોક્કસ તારીખ ખોટી માને છે, પણ ચેતવણી ગંભીરતાથી લેવા પર ભાર મૂકે છે.

પાકિસ્તાનના સંરક્ષણ તંત્ર અંગે એક ચોંકાવનારો ખુલાસો સામે આવ્યો છે. Drop Site Newsના અહેવાલ મુજબ પાકિસ્તાની આર્મી ચીફ આસિમ મુનીરએ વર્ષ 2024માં ચીન પાસેથી પરમાણુ સબમરીન મેળવવાના બદલામાં વ્યૂહાત્મક રીતે મહત્વપૂર્ણ ગ્વાદર પોર્ટને ચીની સેનાના કાયમી સૈન્ય અડ્ડા તરીકે વિકસાવવા ગુપ્ત યોજના બનાવી હતી. અહેવાલ અનુસાર પાકિસ્તાને બેજિંગને ગ્વાદર બંદરનો ઉપયોગ કરવાની ખાતરી આપી હતી, જ્યારે બદલામાં પરમાણુ હુમલા માટે સક્ષમ સબમરીનની માંગ કરવામાં આવી હતી.

અમેરિકા અને ઈરાન વચ્ચે વધતા મધ્ય-પૂર્વ તણાવની અસર હવે ભારતીય વેપાર પર પણ જોવા મળી રહી છે. કેન્દ્રીય મંત્રી નીતિન ગડકરીએ ખુલાસો કર્યો કે યુદ્ધ જેવી સ્થિતિને કારણે તેમના પરિવારના બિઝનેસને કરોડો રૂપિયાનું નુકસાન થઈ રહ્યું છે. નાગપુરમાં એક કાર્યક્રમ દરમિયાન તેમણે જણાવ્યું કે તેમની કંપની સુગરમાંથી ડિટર્જન્ટ બનાવે છે અને દર મહિને આશરે 100 કન્ટેનર અમેરિકા મોકલાતા હતા. જોકે અમેરિકા-ઈરાન તણાવ વધતા આ કન્ટેનરોની નિકાસ અટકી ગઈ છે, જેના કારણે વેપાર અને સપ્લાય ચેઇન પર ગંભીર અસર પડી રહી છે.

PM મોદીએ સ્વીડનના ગોથેનબર્ગમાં યુરોપિયન રાઉન્ડ ટેબલ ફોર ઈન્ડસ્ટ્રીમાં ભાગ લીધો. UAE અને નેધરલેન્ડ્સની મુલાકાત બાદ આ યાત્રા સફળ રહી. સ્વીડનના PM અને યુરોપિયન કમિશનના પ્રમુખ સાથે, ભારત-યુરોપના સંબંધો વધુ મજબૂત બન્યા. ભારત-સ્વીડન સંબંધો હવે વ્યૂહાત્મક ભાગીદારી બન્યા છે. 2026-2030 માટે જોઈન્ટ એક્શન પ્લાન જાહેર થયો, જે આર્થિક અને ટેકનોલોજી ક્ષેત્રે સહયોગ વધારશે. AI, 6G, ક્વોન્ટમ કમ્પ્યુટિંગ, સેમિકન્ડક્ટર્સ, અને Renewable ઊર્જા જેવા ક્ષેત્રોમાં સહયોગ અને રોકાણ વધારવા પર ભાર મૂકવામાં આવ્યો. SME અને સ્ટાર્ટઅપ પ્લેટફોર્મ દ્વારા રોજગારી નિર્માણ પર પણ ધ્યાન કેન્દ્રિત કરાયું.

ડોનાલ્ડ ટ્રમ્પ મધ્ય પૂર્વમાં ઈરાન મુદ્દે વધતા તણાવ વચ્ચે હવે અમેરિકાના શેરબજાર સંબંધિત મોટા વિવાદમાં ફસાયા છે. અહેવાલો મુજબ ટ્રમ્પ અથવા તેમના સહયોગીઓએ વર્ષ 2026ના પ્રથમ ત્રણ મહિનામાં 3700થી વધુ સ્ટોક ટ્રેડ કર્યા હતા, જેના કારણે તેઓ તપાસના દાયરામાં આવ્યા છે. બ્લૂમબર્ગના અહેવાલ અનુસાર આ સોદાઓમાં આઈટી, ફાઇનાન્સ, એરોસ્પેસ અને મીડિયા ક્ષેત્રની મોટી કંપનીઓના કરોડો ડૉલરના ટ્રેડ સામેલ હતા. જાન્યુઆરીથી માર્ચ દરમિયાન સરેરાશ દરરોજ 40થી વધુ ટ્રેડ થયા હોવાનું સામે આવ્યું છે.

ભારતે નેધરલેન્ડ્સના લઘુમતી અધિકારો પરના આરોપોને સખત શબ્દોમાં ફગાવી દીધા. વિદેશ મંત્રાલયના સચિવ સિબી જ્યોર્જે જણાવ્યું કે, ભારત જીવંત લોકશાહી છે, જ્યાં અભિવ્યક્તિની સંપૂર્ણ આઝાદી છે. તેમણે ભારતની 5000 વર્ષ જૂની સભ્યતા, ધાર્મિક વિવિધતા અને તમામ ધર્મોના સ્વાગતનો ઉલ્લેખ કર્યો, જેમાં હિન્દુ, બૌદ્ધ, જૈન, શિખ, યહૂદી, ઇસ્લામ અને ખ્રિસ્તી ધર્મનો સમાવેશ થાય છે. આઝાદી સમયે 11% લઘુમતીઓ આજે 20% થી વધુ છે, જે ભારતમાં સુરક્ષા અને પ્રગતિ દર્શાવે છે.

ચીનના Guangxi સ્વાયત્ત પ્રદેશમાં 5.2ની તીવ્રતાનો ભૂકંપ આવ્યો, જેમાં 2 લોકોના મોત થયા અને એક ગુમ છે. 13 ઇમારતો ધરાશાયી થતાં 7000થી વધુ લોકોને સુરક્ષિત સ્થળોએ ખસેડાયા. રાહત અને બચાવ કામગીરી ચાલુ છે, જ્યારે આવશ્યક સેવાઓ કાર્યરત છે.

સોમવારની વહેલી સવારે દક્ષિણ ચીનનો મોટો હિસ્સો ભૂકંપના જોરદાર આંચકાથી ધ્રુજી ઉઠ્યો હતો. કુદરતી આફતના કારણે સમગ્ર વિસ્તારમાં અફરાતફરી અને ભયનો માહોલ સર્જાયો છે. સિસ્મોલોજી વિભાગના જણાવ્યા અનુસાર, રિક્ટર સ્કેલ પર આ ભૂકંપની તીવ્રતા ૫.૨ માપવામાં આવી છે. આંચકો એટલો તીવ્ર હતો કે લોકો ઊંઘમાંથી જાગીને જીવ બચાવવા ઘરની બહાર ખુલ્લા મેદાનમાં દોડી આવ્યા હતા.

મેક્સિકોના પુએબ્લા રાજ્યના તેહુઇટ્ઝિંગો શહેરમાં અજાણ્યા હુમલાખોરે અંધાધૂંધ ગોળીબાર કરીને 10 લોકોનો જીવ લીધો. આ ઘટનામાં 6 પુરુષો, 3 મહિલાઓ અને એક બાળકનો સમાવેશ થાય છે. ફેડરલ અને સ્થાનિક પોલીસ દ્વારા તપાસ ચાલી રહી છે, પરંતુ હુમલાખોર કે તેના હેતુ વિશે કોઈ સ્પષ્ટ માહિતી નથી. આ પુએબ્લા રાજ્યમાં હિંસાની પ્રથમ ઘટના નથી, અગાઉ પણ આવા હુમલાઓ થયા છે.

અમેરિકાના ઇડાહોના માઉન્ટેન હોમ એર ફોર્સ બેઝ ખાતે 'ગનફાઇટર સ્કાઇઝ એર શો' દરમિયાન અમેરિકન નેવીના બે સુપર હોર્નેટ ફાઇટર જેટ્સ હવામાં અથડાયા. આ ભયાનક દુર્ઘટના બાદ, વિમાનોમાં સવાર ચાર ક્રૂ મેમ્બર્સે એજેક્શન સીટનો ઉપયોગ કરીને સમયસર બહાર નીકળી પોતાનો જીવ બચાવ્યો. એર શો રદ કરવામાં આવ્યો અને તપાસ શરૂ કરાઈ.

PM મોદી સ્વીડન મુલાકાતે. ગોથેનબર્ગમાં 'યુરોપિયન રાઉન્ડ ટેબલ ફોર ઇન્ડસ્ટ્રી'માં બોલ્યા, આતંકવાદ માનવતા માટે ખતરો છે, તેની સામે લડાઈ ચાલુ રાખીશું. ભારત-સ્વીડન જેવા લોકશાહી દેશોનો સહયોગ જરૂરી. પીએમ મોદીને સ્વીડનનું સર્વોચ્ચ સન્માન 'રોયલ ઓર્ડર ઓફ પોલર સ્ટાર કમાન્ડર ગ્રાન્ડ ક્રોસ' મળ્યું. આ તેમનું 31મું આંતરરાષ્ટ્રીય સન્માન છે.

અમેરિકન પ્રમુખ ડોનાલ્ડ ટ્રમ્પ ફરી એક વખત પોતાના શેર ટ્રેડિંગ માટે વિવાદોમાં ઘેરાયા છે. અમેરિકા મીડિયા રિપોર્ટ અનુસાર ટ્રમ્પે ફેબ્રુઆરીમાં માઇક્રોસોફ્ટ અને એમેઝોનનાં 50 લાખ ડોલરથી 2.5  કરોડ ડોલર સુધીનાં શેર વેચ્યા હતાં અને માર્ચમાં આ જ કંપનીઓનાં કરોડો ડોલરનાં શેર ખરીદી લીધા હતાં.જો કે શેરોની લેવડદેવડની આ માહિતી યોગ્ય સમયમાં જાહેર કરવામાં આવી ન હતી. જેના કારણે તેમને દંડ ભરવો પડયો છે.

PM મોદીના યુરોપ પ્રવાસમાં નેધરલેન્ડ સાથે ૧૭ કરાર થયા. તેમાં સેમીકન્ડક્ટર, સંરક્ષણ, ક્રિટિકલ મિનરલ્સ, ગ્રન હાઈડ્રોજન, ઊર્જા, કૃષિ અને ટેક્નોલોજીનો સમાવેશ છે. ધોલેરામાં સેમીકન્ડક્ટર ફેબ માટે ટાટા અને ASML વચ્ચે સમજૂતી થઈ. આ ભારત-નેધરલેન્ડ સંબંધોને નવી ઊંચાઈએ લઈ જશે.

સંયુક્ત આરબ અમિરાતના બારાકાહ પરમાણુ પ્લાન્ટ પર ત્રણ ડ્રોનથી હુમલો, રેડિયોએક્ટિવ લીકેજનું જોખમ નથી. ઈરાન પર આશંકા, યુદ્ધવિરામ જોખમમાં. ટ્રમ્પે ઈરાન સામે શરતો મૂકી યુદ્ધજહાજ પરની તસવીર શેર કરી.

અમેરિકા અને ઇઝરાયેલ સામે ભિષણ યુદ્ધની સ્થિતિ સર્જાય તો તેને પહોંચી વળવા માટે ઇરાન પોતાના નાગરિકોને તૈયાર કરી રહ્યું છે. આ માટે ઇરાન હવે મસ્જિદોનો પણ ઉપયોગ કરી રહ્યું હોવાનું સ્થાનિક મીડિયાએ જણાવ્યું હતું.દાવા મુજબ ઇરાન પોતાના નાગરિકોને મસ્જિદોમાં હથિયારો ચલાવવાની ટ્રેનિંગ આપી રહ્યું છે. મોટી સંખ્યામાં મહિલાઓ પણ એકે-47 ચલાવવાનું શીખી રહી છે.

અમેરિકન મીડિયાએ દાવો કર્યો છે કે જો અમેરિકા અને ઈરાન વચ્ચેની શાંતિ વાર્તા નિષ્ફળ જશે તો રાષ્ટ્રપ્રમુખ Donald Trump ઈરાન પર ફરી હુમલા કરી શકે છે. ટ્રમ્પે ઈરાનને સમજૂતી કરવાની ધમકી આપી છે. જો ઈરાન શરતો નહીં સ્વીકારે તો યુદ્ધ ભડકી શકે છે. ટ્રમ્પની એક AI તસવીર અને સોશિયલ મીડિયા પોસ્ટ પરથી આ ભય વધુ વધી રહ્યો છે.

Russia-Ukraine War: યુક્રેને રશિયાની રાજધાની મોસ્કો પર 1000થી વધુ ડ્રોન અને મિસાઈલોથી વળતો હુમલો કર્યો, જેમાં એક ભારતીય શ્રમિકનું મોત થયું અને ત્રણ ભારતીયો સહિત 12 લોકો ઈજાગ્રસ્ત થયા. રશિયાનો દાવો છે કે 556 ડ્રોન તોડી પાડ્યા, જોકે ત્રણ રહેણાંક મકાનોને નુકસાન થયું.

ચીનની દાદાગીરી અને US President Donald Trump ની ધમકી વચ્ચે Taiwan President Lai Ching એ સ્પષ્ટ કહ્યું કે, ‘Taiwan Beijing ને આધીન નથી. Taiwan ના લોકો જ Taiwan નું ભવિષ્ય નક્કી કરશે, બહારના દેશોને દખલ કરવાનો અધિકાર નથી.’ Trump ના બદલાયેલા વલણ અને ચીનની ધમકીઓ છતાં Taiwan પોતાના સાર્વભૌમત્વ અને આઝાદી સાથે ક્યારેય સમજૂતી નહીં કરે.

કોંગો અને યુગાન્ડામાં બુંડીબુગ્યો વાયરસ (Bundibugyo virus) નામના ઈબોલાના ઘાતક સ્ટ્રેનના ફેલાવાને કારણે WHO એ જાહેર આરોગ્યની આંતરરાષ્ટ્રીય ચિંતાની કટોકટી જાહેર કરી છે. આ સ્ટ્રેન અગાઉની મોટાભાગની મહામારીઓમાં ફેલાયેલા 'ઝૈરે' (Zaire) સ્ટ્રેન કરતાં અલગ છે. બુંડીબુગ્યો સ્ટ્રેનની શોધ વર્ષ 2007-2008માં યુગાન્ડાના બુંડીબુગ્યો જિલ્લામાં થઈ હતી, જ્યાં તે પહેલીવાર સામે આવ્યો હતો. ત્યારે તેણે 116થી વધુ લોકોને સંક્રમિત કર્યા હતા અને તેના કારણે આશરે 34-40 ટકા લોકોના મોત થયા હતા.

UAE ના બરાકાહ ન્યુક્લિયર પાવર પ્લાન્ટ પાસે શંકાસ્પદ ડ્રોન હુમલાથી આગ લાગી. કોઈ જાનહાનિ નથી, પ્લાન્ટ સુરક્ષિત છે, રેડિયેશનનું જોખમ નથી. ઈરાન-અમેરિકા યુદ્ધની અસર મધ્ય-પૂર્વમાં વિસ્તરી રહી છે. આ પ્લાન્ટ અરબ દ્વીપકલ્પનો પ્રથમ કાર્યરત ન્યુક્લિયર પ્લાન્ટ છે. અબુ ધાબીના સ્થાનિક મીડિયા અનુસાર આ હુમલો પ્લાન્ટના અંદરના ભાગની બહાર આવેલા એક ઇલેક્ટ્રિકલ જનરેટર પર થયો હતો. UAE તેલ નિકાસ માટે નવી પાઇપલાઇન પર કામ કરી રહ્યું છે, જે ઈરાનના દરિયાઈ માર્ગ પર નિર્ભરતા ઘટાડશે.

Hormuz Crisis વચ્ચે USએ રશિયન તેલ છૂટ લંબાવ્યો નથી, અને યુક્રેને રશિયાના oil depot પર ડ્રોન હુમલો કર્યો છે. આ બે ઘટનાઓથી વિશ્વમાં તેલની અછત અને ભાવવધારો વધવાની શક્યતા છે. ભારત જેવા દેશો પર આર્થિક દબાણ વધશે. ટ્રમ્પ પ્રશાસને માર્ચ અને એપ્રિલ મહિનામાં બે વાર રશિયન તેલ પર કામચલાઉ છૂટછાટો આપી હતી, પરંતુ તે માત્ર એવા ટેન્કરો પૂરતી જ સીમિત હતી જેમાં રશિયન તેલ પહેલેથી જ લોડ થઈ ચૂક્યું હતું. ઈરાન યુદ્ધ અને હોર્મુઝ સ્ટ્રેટમાં ચાલી રહેલા તણાવને કારણે વૈશ્વિક ઓઇલ સપ્લાય ખોરવાયેલો હોવાથી ભારત અને ઇન્ડોનેશિયા જેવા દેશોએ આ છૂટ ચાલુ રાખવા વિનંતી કરી હતી.

વડાપ્રધાન મોદીના નેધરલેન્ડ પ્રવાસ દરમિયાન, ભારતે સેમિકન્ડક્ટર (ચિપ) ક્ષેત્રે ઐતિહાસિક કરાર કર્યો છે. આ ડીલ હેઠળ, નેધરલેન્ડની ASML કંપની ટાટા ગ્રુપ સાથે મળીને ગુજરાતના ધોલેરામાં ₹91,000 કરોડના રોકાણથી એડવાન્સ ચિપ ઉત્પાદન પ્લાન્ટ સ્થાપશે. આ કરાર ચીનના વર્ચસ્વને પડકારશે અને ભારતને ચિપ મેકિંગમાં આત્મનિર્ભર બનાવશે.

CIA વડાની ક્યુબા મુલાકાત બાદ યુદ્ધના વાદળો ઘેરાયા છે. અમેરિકાના સંભવિત હુમલાને ધ્યાનમાં રાખી, ક્યુબા સરકારે નાગરિકોને ગેરીલા યુદ્ધની તાલીમ આપવાનું શરૂ કર્યું છે. આર્મી સ્ટાઈલ ટ્રેનિંગ ઘર-ઘરમાં આપવામાં આવી રહી છે. ક્યુબાની સેના પાસે આધુનિક હથિયારોની અછત છે, છતાં તેઓ અમેરિકી હુમલા સામે લડવા સજ્જ છે. અમેરિકાએ વેનેઝુએલાથી ક્યુબા આવતી તેલ સપ્લાય પર પણ પ્રતિબંધ મૂક્યો છે.

UKના PM કીથ સ્ટાર્મર (Keir Starmer) આંતરિક વિખવાદ અને દબાણ હેઠળ રાજીનામું આપવા તૈયાર છે. "હાલની અરાજકતા અસહ્ય છે" તેમ સ્વીકારી, તેઓ સન્માનજનક રીતે સત્તા છોડવા માંગે છે. આ સમગ્ર વિવાદ પાછળ લેબર પાર્ટીના દિગ્ગજ નેતા એન્ડી બર્નહામ (Andy Burnham) નો હાથ હોવાનું મનાય છે. તેઓ મેકરફિલ્ડ (Makerfield) ની પેટાચૂંટણી દ્વારા વેસ્ટમિન્સ્ટર (સંસદ) માં પરત ફરવાની તૈયારી કરી રહ્યા છે.

હોર્મુઝ જળમાર્ગ બંધ થતાં ભારત પર અસર થઈ, પરંતુ 1000 વર્ષ જૂના મિત્ર રાષ્ટ્ર સિંગાપુરે મિત્રતા નિભાવી. એપ્રિલ-2026માં ભારતીય પ્રોડક્ટ્સની માંગમાં 180% નો વધારો થતાં, સિંગાપુર ભારતનું બીજા નંબરનું સૌથી મોટું નિકાસ બજાર બન્યું છે. રિપોર્ટ મુજબ, હોર્મુઝ વિવાદ બાદ ભારતે એક્ટીવ મોડમાં આવી નિકાસ માર્ગ બદલવાના તમામ પ્રયાસો શરૂ કરી દીધા છે. આ જ કારણે એપ્રિલ-2026માં સંયુક્ત આરબ અમીરાત (UAE)ને પાછળ છોડી સિંગાપુર (Singapore) ભારત પાસેથી વધુમાં વધુ માલ ખરીદી રહ્યો છે.

ભારત અને નેધરલેન્ડ વચ્ચેના મજબૂત સંબંધોના પ્રતીકરૂપે નેધરલેન્ડે PM મોદીની હાજરીમાં 11મી સદીના ચોલ રાજવંશ સાથે જોડાયેલા દુર્લભ તામ્રપત્રો ભારતને પરત સોંપ્યા છે. આ પ્રસંગે ડચ વડાપ્રધાન Mark Rutte પણ હાજર રહ્યા હતા. ‘લીડેન પ્લેટ્સ’ તરીકે ઓળખાતા આ ઐતિહાસિક દસ્તાવેજોને પરત લાવવા ભારત વર્ષ 2012થી પ્રયાસ કરી રહ્યું હતું. આશરે 30 કિલો વજન ધરાવતા આ તામ્રપત્રોમાં તમિલ અને સંસ્કૃત ભાષાના શિલાલેખો છે, જે નાગપટ્ટિનમના ઐતિહાસિક વિહારને અપાયેલા દાનનો ઉલ્લેખ કરે છે.

FBIના ડાયરેક્ટર કાશ પટેલ ફરી વિવાદમાં આવ્યા છે. તેમના પર આરોપ છે કે તેમણે એફબીઆઈના સત્તાવાર પ્રવાસનો ઉપયોગ પોતાની ગર્લફ્રેન્ડ એલેક્સિસ વિલ્કિન્સ સાથે લક્ઝરી ડેટ માટે કર્યો હતો. ન્યૂયોર્ક ટાઈમ્સના અહેવાલ બાદ અમેરિકન રાજકારણમાં ભારે ચર્ચા શરૂ થઈ છે. આરોપ મુજબ 10 મે 2025ના રોજ પટેલે FBIના ખાસ ગલ્ફસ્ટ્રીમ V જેટ દ્વારા વોશિંગ્ટનથી ફિલાડેલ્ફિયા પ્રવાસ કર્યો હતો. જોકે FBI અને તેમના પ્રવક્તાએ આ તમામ પ્રવાસોને રાષ્ટ્રીય સુરક્ષા અને સત્તાવાર પ્રોટોકોલનો ભાગ ગણાવી બચાવ કર્યો છે.

હોર્મુઝ સંકટ અને અમેરિકા-ઈરાન વચ્ચે વધતા તણાવ વચ્ચે ભારત માટે ક્રૂડ ઓઈલ બજારમાં ચિંતાજનક સ્થિતિ ઉભી થઈ છે. અમેરિકી પ્રમુખ ડોનાલ્ડ ટ્રમ્પે રશિયન ક્રૂડ ઓઈલ ખરીદી પર આપવામાં આવેલી અસ્થાયી છૂટછાટને આગળ વધારવાનો ઇનકાર કર્યો છે. 16 મેના રોજ આ છૂટછાટની સમયમર્યાદા પૂર્ણ થતાં હવે ભારત માટે સસ્તું રશિયન તેલ મેળવવું મુશ્કેલ બની શકે છે. નિષ્ણાતોના મતે આ નિર્ણયથી ભારતમાં પેટ્રોલ અને ડીઝલના ભાવમાં વધારો થવાની શક્યતા વધી છે, જે દેશ માટે મોટો આર્થિક ઝટકો સાબિત થઈ શકે છે.

દક્ષિણ એશિયાના ભૂરાજકારણમાં ગંગા નદીના પાણીનો મુદ્દો ફરી ચર્ચામાં આવ્યો છે. બાંગ્લાદેશમાં સત્તા પર આવેલી બાંગ્લાદેશ નેશનાલિસ્ટ પાર્ટીએ સ્પષ્ટ કર્યું છે કે ભારત સાથેના ભવિષ્યના સંબંધો હવે ગંગા નદીના પાણીની વહેંચણી પર નિર્ભર રહેશે. બાંગ્લાદેશ માટે આ મુદ્દો માત્ર નદીનો વિવાદ નહીં પરંતુ 17 કરોડ લોકોમાંથી મોટી વસ્તીની આજીવિકા અને પર્યાવરણ સાથે જોડાયેલો છે. 1996માં થયેલી 30 વર્ષની ગંગા જળ સંધિ હવે અંતિમ તબક્કામાં હોવાથી બાંગ્લાદેશના આ આક્રમક વલણે ભારત-બાંગ્લાદેશ સંબંધોમાં નવી ચિંતાઓ ઊભી કરી છે.