એસેટ મેનેજમેન્ટ સેક્ટરની મુખ્ય કંપની UTI Asset Management Companyએ કારોબારી વર્ષ 2025-26ના ચોથા ક્વાર્ટરના પરિણામ જાહેર કરી દીધા છે. આ ક્વાર્ટરમાં કંપનીના નફામાં ભારે ઘટાડો જોવા મળ્યો છે, જોકે કમાણીમાં સામાન્ય વૃદ્ધિ નોંધવામાં આવી છે. Q4માં તેનો ચોખ્ખો નફો વાર્ષિક આધાર પર 124 કરોડથી ઘટીને 33.7 કરોડ થઈ ગયો, જ્યારે, કંપનીની કૂલ કમાણી 316.9 કરોડથી વધીને 317 કરોડ થઈ ગઈ છે. UTI AMCના બોર્ડે રોકાણકારોને રાહત આપતા કારોબારી વર્ષ 31 માર્ચ 2026ના રોજ 40 રૂપિયા પ્રતિ ઈક્વિટી શેરનું ફાઈનલ ડિવિડન્ડ આપવાની ભલામણ કરી છે.

હોર્મુઝ સ્ટ્રેટ વિશ્વના લગભગ 20% જેટલા તેલનું પરિવહન કરે છે, જે તેને આંતરરાષ્ટ્રીય વેપાર માટે એક મહત્વપૂર્ણ જળમાર્ગ બનાવે છે. જો આ સ્ટ્રેટ કાયમ માટે બંધ થઈ જાય, તો વૈશ્વિક અર્થવ્યવસ્થા પર તેની ગંભીર અસર પડી શકે છે, જેમાં તેલના ભાવમાં વધારો અને સપ્લાય ચેઇનમાં વિક્ષેપનો સમાવેશ થાય છે.

હવે PF કાઢવાની પ્રોસેસ સરળ બનશે. મે મહિનાના અંત સુધીમાં UPI દ્વારા PF ઉપાડવાની સેવા શરૂ થશે. EPFOના નવા ડિજિટલ સિસ્ટમ CITES 2.0 હેઠળ આ બદલાવ થશે. યુઝર્સ UAN દ્વારા લોગિન કરી, OTP વેરિફિકેશન પૂર્ણ કરીને સીધા UPI મારફતે પૈસા ટ્રાન્સફર કરી શકશે. જોકે, UPIથી PF ઉપાડવાની એક મર્યાદા રહેશે અને કર્મચારી પોતાનું સંપૂર્ણ PF ઉપાડી શકશે નહીં.

માર્ચમાં નીચી સપાટી બાદ એપ્રિલમાં મેન્યુફેક્ચરિંગ સેગમેન્ટની આગેવાનીમાં દેશની વેપાર પ્રવૃત્તિમાં રિકવરી જોવા મળી રહી છે. ઉત્પાદન અને વેચાણમાં વધારો થતાં એકંદર વેપાર પ્રવૃત્તિમાં સુધારો થયો છે. એપ્રિલ મહિનાનો HSBC સંયુક્ત PMI વધીને 58.30 થયો છે, જે માર્ચમાં 57 હતો.

અમેરિકા-ઈરાન સંઘર્ષની અસરથી ક્રૂડ ઓઇલની આયાતમાં ઘટાડો થયો છે. ફેબ્રુઆરીની સરખામણીએ માર્ચમાં આયાત લગભગ 13% ઘટી છે. હોર્મુઝ સ્ટ્રેટમાં તણાવને લીધે ગલ્ફ દેશોમાંથી તેલની આયાત 61% ઘટીને 11.8 લાખ બેરલ પ્રતિ દિવસ થઈ છે. આ ઘટાડો એનર્જી સપ્લાય પર અસર કરે છે.

ચેમ્બર ઓફ કોમર્સ દ્વારા આયોજિત ચર્ચાસભામાં કેન્દ્રીય મંત્રી મનસુખ માંડવિયાએ ઉદ્યોગપતિઓના પ્રશ્નો સાંભળી હકારાત્મક પ્રતિસાદ આપ્યો હતો. બેઠકમાં લેબર આવાસ, હોસ્પિટલ, સ્કિલ ડેવલપમેન્ટ અને સુરત એરપોર્ટની કનેક્ટિવિટી જેવા મુખ્ય મુદ્દાઓ પર ચર્ચા થઈ હતી. માંડવિયાએ કામદારો માટે આવાસ અને હોસ્પિટલની સુવિધા તેમજ નવા મજૂર કાયદા અંગે વર્કશોપ યોજવાની ખાતરી આપી હતી. ઉપરાંત, રિન્યુએબલ એનર્જી પોલિસી અને ઉદ્યોગો દ્વારા સ્વતંત્ર સ્કિલિંગ સેન્ટર સ્થાપવા બાબતે સરકાર તરફથી આર્થિક મદદ અને સહયોગની તૈયારી દર્શાવી હતી.

ટેરિફ વિવાદો છતાં, અમેરિકામાં સ્માર્ટફોનની નિકાસ વધી છે. નાણાકીય વર્ષ 2025-26માં સ્માર્ટફોનના કારણે દેશની ઈલેક્ટ્રોનિક્સ નિકાસ 24% વધીને 47.96 અબજ ડોલર થઈ, જે અગાઉ 38.56 અબજ ડોલર હતી. Production Linked Incentive Scheme (PLI) થી નિકાસ વૃદ્ધિમાં મદદ મળી રહી છે એવું સરકારનું માનવું છે.

અમેરિકા-ઈરાન સંઘર્ષ અને હોર્મુઝ જળમાર્ગની નાકાબંધીને કારણે વિશ્વભરમાં ઊર્જા સંકટ સર્જાયું છે, જે ભારત માટે 'આફતને અવસરમાં' બદલવાની મોટી તક છે. ગલ્ફ દેશોમાં સપ્લાય ચેન ખોરવાતા ભારત ખાદ્ય ચીજો, દવાઓ અને આવશ્યક વસ્તુઓના મુખ્ય સપ્લાયર તરીકે ઉભરી શકે છે. ભારતની મજબૂત વિદેશ નીતિ અને ઈરાન તથા સાઉદી અરેબિયા જેવા દેશો સાથેના વ્યૂહાત્મક સંબંધો તેને વિશ્વસનીય ભાગીદાર બનાવે છે. આ કટોકટીમાં ભારત પોતાની નિકાસ ક્ષમતા દ્વારા વૈશ્વિક વેપારમાં મજબૂત પકડ જમાવી શકે તેમ છે.

એશિયાના સૌથી મોટા ઊંઝા APMC માર્કેટમાં જીરું અને વરિયાળી જેવી જણસીઓની બમ્પર આવક વચ્ચે સર્જાયેલી રોકડની તંગીનું સુખદ નિરાકરણ આવ્યું છે. ખેડૂતોને રોકડ ચૂકવણીમાં પડતી મુશ્કેલી અંગે ચેરમેન દિનેશભાઈ પટેલે સાંસદ હરિભાઈ પટેલને રજૂઆત કરી હતી. સાંસદે કેન્દ્રીય નાણાં મંત્રી નિર્મલા સીતારમન સાથે રૂબરૂ મુલાકાત કરી સમસ્યા વર્ણવતા, બેંકોને પૂરતી રોકડ પૂરી પાડવા સૂચના અપાઈ છે. આ ઝડપી કાર્યવાહીથી ખેડૂતો અને વેપારીઓમાં ખુશીની લહેર ફેલાઈ છે અને માર્કેટમાં નાણાકીય વ્યવહાર વધુ સરળ બન્યા છે.

કેન્દ્ર- અમેરિકાએ યુદ્ધવિરામ લંબાવ્યો હોવા છતાં તંગદિલી વધી  ક્રૂડના ભાવ પ્રતિ બેરલ 70 થી વધીને 113 ડોલરે પહોંચ્યા. આંતરરાષ્ટ્રીય સ્તરે ક્રૂડ ઓઇલના ઊંચા ભાવ અને ઘરઆંગણે સ્થિર રહેલા ભાવના કારણે સરકારી ઓઇલ કંપનીઓને પેટ્રોલમાં પ્રતિ લિટર લગભગ ૨૦ રૂપિયાની અને ડીઝલમાં પ્રતિ લિટર રૂ. ૧૦૦ની ખોટ જઈ રહી છે. બંનેના ભાવ છેલ્લા ચાર વર્ષથી સ્થિર છે. ગુરુવારે સરકારે પાંચ રાજ્યોની વિધાનસભા ચૂંટણી પછી પેટ્રોલ-ડીઝલની ભાવ વધારવામાં આવશે તે વાત ફગાવી દીધી હતી.

તુર્કીમાં કુદરતી નહેર બોસ્ફોરસનો વૈશ્વિક વેપારમાં મોટો ફાળો રહે છે. એ કુદરતી નહેર હોવાથી તુર્કી ટોલ ઉઘરાવી શકતું નથી. કૃત્રિમ નહેર બનાવીને તુર્કી એ કસર પૂરી કરવા ઈચ્છે છેદુનિયામાં એક સમુદ્રને બીજા સમુદ્ર સાથે જોડતી અસંખ્ય ખાડીઓ છે. જ્યારે બાંધકામની ટેકનોલોજી વિકસી ન હતી ત્યારે નાવિકો લાંબો રસ્તો લઈને એક સમુદ્રમાંથી બીજા સમુદ્રમાં પ્રવેશ કરતાં હતા અને એમ દુનિયા ખૂંદતા હતા.

ઈલોન મસ્કની SpaceXએ AI સ્ટાર્ટઅપ કંપની 'કર્સર' સાથે વ્યૂહાત્મક કરાર કર્યો છે, જે ટેક સેક્ટરના સૌથી મોટા સોદા પૈકીનો એક ગણાય છે. આ કરારમાં ૬૦ અબજ ડોલરમાં કંપની ખરીદવાના વિકલ્પ સાથે ૧૦ અબજ ડોલરના સંયુક્ત વિકાસની જોગવાઈ છે. આ ભાગીદારીનો ઉદ્દેશ્ય ઓપનએઆઈ અને એન્થ્રોપિકને ટક્કર આપી નેક્સ્ટ જનરેશન કોડિંગ અને નોલેજ વર્ક AI વિકસાવવાનો છે. આ સોદાથી કર્સરને 'કોલોસસ' સુપર કમ્પ્યુટર ક્લસ્ટરનો પાવર મળશે, જે ફાઈનાન્સ-ટેક સેક્ટરની કંપનીઓ માટે ગેમ-ચેન્જર સાબિત થશે.

ગુરુવારે ભારતીય શેરબજારો વૈશ્વિક વલણો વચ્ચે લગભગ 1 ટકાના ઘટાડા સાથે ખુલ્યા. હોર્મુઝ સ્ટ્રેટમાં દરિયાઈ ટ્રાફિકમાં વિક્ષેપના અહેવાલોએ રોકાણકારોના સેન્ટિમેન્ટ પર નકારાત્મક અસર કરી, જેના કારણે ક્રૂડ ઓઇલના ભાવમાં વધારો થયો. ICICI બેંક, HDFC બેંક અને રિલાયન્સ ઇન્ડસ્ટ્રીઝ જેવા હેવીવેઇટ શેરોમાં વેચવાલીથી પણ બજાર નીચે ગયું. સવારે 9.30 કલાકે સેન્સેક્સ 545 પોઇન્ટના ઘટાડા સાથે 77,970.79 અંકે ખૂલ્યું, જ્યારે નિફ્ટી 50 129 પોઇન્ટના ઘટાડા સાથે 24,248.55 અંકે ખૂલ્યા.

પશ્ચિમ એશિયામાં યુદ્ધથી વૈશ્વિક ઉર્જા સંકટ, હોર્મુઝ સ્ટ્રેટને લઈને પેન્ટાગોનનો ખુલાસો: ઈરાને સી-માઈન્સ બિછાવી છે. યુદ્ધ પછી પણ તેને સાફ કરવામાં 6 મહિના લાગશે. ઈરાન આ માર્ગ બંધ રાખવા માંગે છે, જેથી અમેરિકા સાથે સોદાબાજી કરી શકે. આનાથી ભારતની ચિંતા વધી છે.

પશ્ચિમ એશિયામાં યુદ્ધની સ્થિતિથી માર્ચમાં ક્રુડ તેલના પુરવઠામાં ખલેલ પહોંચી, પરિણામે ભારતનું ક્રુડ તેલ આયાત બિલ પાંચ ટકા ઘટીને 11.70 અબજ ડોલર થયું. ક્રુડ તેલના ભાવ વધવા છતાં, આયાત વોલ્યુમ ઘટવાથી બિલમાં ઘટાડો નોંધાયો, જે ભાગ્યે જ જોવા મળે છે.

મુંબઈ બજારમાં સોના-ચાંદીના ભાવ ઘટ્યા. વિશ્વબજારમાં ક્રૂડતેલ 100 ડોલર પ્રતિ બેરલને પાર કરી ગયું. ઈરાન અને અમેરિકા વચ્ચે તણાવ વધવાના સંકેતો મળ્યા છે, જેના કારણે ક્રૂડતેલના ભાવમાં ઉછાળો આવ્યો. Iranના સૈનિકોએ Strait of Hormuzને બ્લોક કર્યાના સમાચાર છે.

મહેસાણા સહિત ઉત્તર ગુજરાતમાં GST દર ઘટ્યા છતાં ઓટોમોબાઇલ, ઓટોપાર્ટ્સ એસેસરીઝ અને ખેતીમાં ખરીદી વધતાં GST આવકમાં 8% ઉછાળો આવ્યો. વર્ષ 2025-26 દરમિયાન ₹2576.70 કરોડની આવક નોંધાઈ છે. ઓટોમોબાઇલ ક્ષેત્રમાં ₹286 કરોડની આવક થઈ છે. GST મહેસાણા ડિવિઝન કમિશનરના જણાવ્યા પ્રમાણે, માર્કેટમાં કન્ઝપ્શન વધતાં GST આવક વધી છે. ઊંઝા અને ડીસાથી એક્સપોર્ટ વધતાં સ્થાનિક આવક ઘટી છે.

રેલવે તંત્ર દ્વારા અમદાવાદ બાદ મહેસાણામાં Restaurant on Wheel શરૂ થશે. રેલવે સ્ટેશન નજીક કોચ રેસ્ટોરન્ટનું ૬૦% કામ પૂર્ણ થયું છે, જે બે મહિનામાં શરૂ થવાની શક્યતા છે. ૭૦ ટન વજન ધરાવતા જૂના કોચને આધુનિક સુવિધાઓથી સજ્જ કરાશે. ૭૫ ફૂટ લાંબા કોચમાં ૬૫ લોકો ભોજન લઇ શકશે. આ AC રેસ્ટોરન્ટ ૨૪ કલાક ચાલુ રહેશે, જેમાં ગુજરાતી, પંજાબી અને ચાઈનીઝ વાનગીઓ ઉપલબ્ધ હશે.

રાજસ્થાન રિફાઇનરીના CDU માં આગ લાગવાથી દેશમાં ચકચાર મચી ગઈ છે, તપાસ NIA અને કેન્દ્રીય એજન્સીઓએ હાથ ધરી છે. આગના લીધે કચ્છના બંદરો પર આર્થિક સંકટ આવી શકે છે. આશરે 1.5 થી 2 મિલિયન બેરલ ‘આરબ મિક્સ ક્રૂડ’ રિફાઇનરી તરફ પમ્પ કરાયું હતું, જે અટવાયું છે. મુન્દ્રા પોર્ટના ઉદ્યોગો પર ગંભીર આર્થિક અસરો થશે. રિફાઇનરી શરૂ થવામાં એક વર્ષનો વિલંબ થઈ શકે છે.

વૈશ્વિક પડકારો વચ્ચે પણ નાણાકીય વર્ષ ૨૦૨૫-૨૬માં ભારતની દરિયાઈ ખાદ્ય નિકાસ ₹૭૨,૩૨૫.૮૨ કરોડની ઐતિહાસિક સપાટીએ પહોંચી છે. અમેરિકામાં ટેરિફ સમસ્યાઓને કારણે નિકાસ ઘટવા છતાં ચીન અને અન્ય દેશોની વધતી માંગે આ ખોટ સરભર કરી છે. કુલ ૧૯.૩૨ લાખ મેટ્રિક ટન નિકાસમાં ‘ફ્રોઝન ઝીંગા’ મુખ્ય હિસ્સો ધરાવે છે, જેણે ₹૪૭,૯૭૩.૧૩ કરોડની કમાણી કરાવી છે. ભારતનું સી-ફૂડ માર્કેટ નવા દેશોમાં વિસ્તરતા નિકાસના જથ્થામાં નોંધપાત્ર વધારો થયો છે, જે દેશની આર્થિક પ્રગતિમાં મહત્વનું યોગદાન આપી રહ્યો છે.

HCLTechના શેર 22 એપ્રિલે 10% ઘટીને એક વર્ષના નીચલા સ્તરે પહોંચ્યા, જે 2015 પછીનું સૌથી ખરાબ પ્રદર્શન છે. નબળા Q4 પરિણામો અને FY27ના નિરાશાજનક ગાઇડન્સ પછી બ્રોકરેજ દ્વારા રેટિંગ ડાઉનગ્રેડ કરવામાં આવ્યું છે. રેવન્યુમાં ઘટાડો, નફાનું માર્જિન ઘટ્યું અને કંપની લક્ષ્ય ચૂકી ગઈ. ટેલિકોમ સેક્ટરમાં મંદી અને પ્રોજેક્ટ્સ બંધ થવાથી અસર થઈ. HCL હવે AI જેવી ટેકનોલોજીમાં રોકાણ કરશે.

બુધવાર, ૨૨ એપ્રિલના રોજ ઘરેલુ વાયદા બજાર (MCX)માં સોના અને ચાંદીના ભાવમાં ઉછાળો જોવા મળ્યો છે. સોનાનો વાયદો પ્રતિ ૧૦ ગ્રામ ₹૧,૫૩,૦૦૦ ને પાર પહોંચ્યો છે, જ્યારે ગુજરાતના મુખ્ય શહેરોમાં ૨૪ કેરેટ સોનાનો ભાવ ₹૧,૫૪,૮૦૦ અને ૨૨ કેરેટનો ભાવ ₹૧,૪૧,૯૦૦ રહ્યો છે. ચાંદીના ભાવમાં પણ તેજી જોવા મળી છે, જેમાં મુંબઈ અને દિલ્હીમાં ૧૦ ગ્રામ ચાંદી ₹૨,૬૫૦ માં વેચાઈ રહી છે. વૈશ્વિક સ્થિતિ અને માર્કેટ સેન્ટિમેન્ટને કારણે કિંમતી ધાતુઓના ભાવમાં સતત વધારો નોંધાઈ રહ્યો છે.

પશ્ચિમ એશિયામાં વધી રહેલા યુદ્ધના તણાવ અને ઓઇલના આસમાને પહોંચેલા ભાવ વચ્ચે ભારતે ઈંધણના ક્ષેત્રમાં એક મોટો અને ક્રાંતિકારી નિર્ણય લેવાની તૈયારી કરી લીધી છે. અત્યાર સુધી દેશમાં 20% ઈથેનોલ મિશ્રિત પેટ્રોલ(E20)ની ચર્ચા થતી હતી, પરંતુ હવે સરકાર સીધું E85 ફ્યુલ લાવવાનો ડ્રાફ્ટ તૈયાર કરી રહી છે. આ નવા બદલાવનો અર્થ એ છે કે હવે ગાડીઓમાં પેટ્રોલ ઓછું અને ઈથેનોલનું પ્રમાણ વધારે હશે. અહેવાલો મુજબ, સરકાર ટૂંક સમયમાં E85 ફ્યુલ અંગેના નિયમો જાહેર કરી શકે છે, જેના પર આંતરિક સંમતિ બની ચૂકી છે અને પ્રાથમિક ટેસ્ટિંગ પણ સફળતાપૂર્વક પૂર્ણ કરી લેવામાં આવ્યું છે.

બુધવાર, ૨૨ એપ્રિલે ભારતીય શેરબજારમાં ભારે ઘટાડો જોવા મળ્યો છે, જેમાં સેન્સેક્સ ૭૦૦ પોઈન્ટ ઘટીને ૭૮,૫૦૦ અને નિફ્ટી ૨૪,૪૦૦ની સપાટીથી નીચે સરક્યો છે. મુખ્યત્વે આઈટી શેરોમાં વેચવાલી અને એશિયન બજારોના નકારાત્મક વલણને કારણે આ સ્થિતિ સર્જાઈ છે. વિદેશી રોકાણકારોએ સતત બીજા દિવસે અંદાજે ₹૧,૯૧૯ કરોડના શેર વેચીને નાણાં પાછા ખેંચ્યા છે. મંગળવારની તેજી બાદ બજારમાં ફરી વેચાણનું દબાણ વધતા નિફ્ટી માટે ૨૩,૯૪૦ મહત્વનો સપોર્ટ ઝોન અને ૨૪,૧૪૩ રેઝિસ્ટન્સ લેવલ માનવામાં આવી રહ્યા છે.

વર્લ્ડ બેંકના પ્રેસિડેન્ટ અજય બંગાએ વિકાસશીલ દેશોમાં ગરીબી દૂર કરવા નોકરીઓ આપવા પર ભાર મૂક્યો. નિખિલ કામથ સાથેની વાતચીતમાં ગ્લોબલ ઇકોનોમી અને ભારતના વિકાસની ચર્ચા કરી. તેમણે ભારતના ઇન્ફ્રાસ્ટ્રક્ચરના બદલાવોની પ્રશંસા કરી અને ટુરિઝમ વધારવા પર ભાર મૂક્યો. DQ એટલે કે Decency Quotientને સફળતાનો મંત્ર ગણાવ્યો.

ZFTI અને બિલ્ડર એસોસિએશનના હોદ્દેદારોએ કલેક્ટર સોલંકીની મુલાકાત લીધી જેમાં કિશોરસિંહ ઝાલા સહિતના અગ્રણીઓ હાજર રહ્યા. ઝાલાવાડ ફેડરેશનના પ્રમુખે જિલ્લાની માળખાકીય સુવિધાઓ અંગે ચર્ચા કરી, ઔદ્યોગિક વિકાસની તકો જણાવી. જિલ્લામાં ઔદ્યોગિક વિકાસ, વેપાર વૃદ્ધિ, રોજગાર સર્જન અને ઇન્ફ્રાસ્ટ્રક્ચર સુધારણા જેવા મુદ્દાઓ પર ચર્ચા થઈ. કલેક્ટર સોલંકીએ સહકાર આપવાની ખાતરી આપી અને ZFTIના પ્રયત્નોને બિરદાવ્યા.

અમેરિકા-ઇઝરાયલ અને ઈરાન વચ્ચેના યુદ્ધને કારણે હોર્મુઝ રૂટ પ્રભાવિત થતા ભારતમાં ખાતરનું ઉત્પાદન માર્ચમાં ૨૪.૬ ટકા ઘટ્યું છે. યુરિયા બનાવવા માટે જરૂરી નેચરલ ગેસનો પુરવઠો ખોરવાતા દેશમાં ખાતરની અછત અને ખાદ્ય મોંઘવારી વધવાની ભીતિ છે. ભારત પોતાની ૬૦ ટકા ગેસ અને ૪૦ ટકા યુરિયાની જરૂરિયાત માટે ખાડી દેશો પર નિર્ભર છે. જોકે, સરકારે ખરીફ સિઝન માટે પૂરતો બફર સ્ટોક હોવાની ખાતરી આપી છે, પરંતુ આ સ્થિતિ સ્વદેશી નેનો ખાતર અને જૈવિક ખેતી તરફ વળવા માટે 'વેક-અપ કોલ' સમાન છે.

હવે Netflix, YouTube જેવા વિદેશી એપ્સના સબ્સ્ક્રિપ્શન માટે ઓટોમેટિક પેમેન્ટ ગમે ત્યારે રોકી શકાશે. RBIએ નિયમો બદલ્યા છે, જેનાથી કાર્ડ/UPIથી થતા ઈ-મેન્ડેટ પેમેન્ટ પહેલાં નોટિફિકેશન મળશે અને AFA વેરિફિકેશન થશે. આથી યુઝર્સ ડિજિટલ ફ્રોડથી બચી શકશે. ટ્રાન્ઝેક્શન લિમિટ ₹15,000 સુધીની રહેશે, અને ખોટા ટ્રાન્ઝેક્શનનું રિપોર્ટિંગ ૩ દિવસમાં કરવાથી રિફંડ મળશે. બેંકો આ સુવિધા માટે કોઈ ચાર્જ વસૂલશે નહીં.

MSME માટે સરકારની 45 દિવસમાં પેમેન્ટની સ્કીમને મોટા ઉદ્યોગોએ અવગણી છે, જેના કારણે નાણાંનો ફ્લો અટક્યો છે. યોજનાના અમલીકરણમાં સરકારે કડક પગલાં લેવામાં નબળાઈ દાખવી છે. મોટા ઉદ્યોગો MSMEને પેમેન્ટ કરવામાં વિલંબ કરે છે, જેના કારણે અંદાજે રૂ. 8 લાખ કરોડની લેણી રકમ બાકી છે. આ MSME માટે ગંભીર સમસ્યા છે.

નીતિ આયોગે જણાવ્યું કે પશ્ચિમ એશિયામાં ચાલી રહેલા યુદ્ધે ભારત અને ગલ્ફ કોઓપરેશન કાઉન્સિલ (GCC) વચ્ચે મુક્ત વેપાર કરાર (FTA) પરની પ્રગતિને ધીમી કરી છે. ઊર્જા આયાત, નિકાસ અને રેમિટન્સના સંદર્ભમાં ગલ્ફ ક્ષેત્ર ભારત માટે એક મહત્વપૂર્ણ ભાગીદાર છે. વેપારનો નોંધપાત્ર હિસ્સો આ પ્રદેશમાંથી પસાર થાય છે.