એક દાયકાથી વધુ સમયથી સામાન્ય ગૂગલ એકાઉન્ટ સાથે 15GB મફત ક્લાઉડ સ્ટોરેજ મળતું હતું. Apple જેવી પ્રતિસ્પર્ધી કંપનીઓથી ગૂગલને અલગ બનાવતી આ એક મોટી સુવિધા હતી. જોકે હવે આ મફત સ્ટોરેજનો સમય સમાપ્ત થતો જણાઈ રહ્યો છે. સોશિયલ મીડિયા પર નવા યુઝર્સ દ્વારા શેર કરાયેલા સ્ક્રીનશોટ્સ મુજબ ગૂગલ એવી નવી નીતિનું પરીક્ષણ કરી રહ્યું છે, જેમાં ડિફોલ્ટ મફત સ્ટોરેજને 15GBમાંથી ઘટાડીને 5GB કરવામાં આવી રહ્યું છે. યુઝર જ્યાં સુધી પોતાનો ફોન નંબર એકાઉન્ટ સાથે લિંક કરવા સંમત ન થાય ત્યાં સુધી તેમને માત્ર 5GB સ્ટોરેજ મળશે, જ્યારે ફોન નંબર ઉમેર્યા બાદ સંપૂર્ણ 15GB સ્ટોરેજ મળશે.

દિલ્હીમાં BRICS સમિટમાં ભાગ લેવા પહોંચેલા ઈરાનના વિદેશ મંત્રી અબ્બાસ અરાઘચીએ ભારત અને ઈરાનના સંબંધોને વધુ મહત્વના ગણાવ્યા, કહ્યું,-' બંને દેશો વચ્ચે ઊંડી મિત્રતા અને મજબૂત રણનૈતિક સહયોગ છે. તેમણે ભારત સરકાર અને વિદેશ મંત્રી એસ. જયશંકરની ઉષ્માભરી મહેમાનગતિ માટે ખુલ્લીને વખાણ કર્યા હતા. અરાઘચીએ કહ્યું કે પાછલા બે મહિના દરમિયાન તેમના દેશ પર આક્રમક કાર્યવાહી થઈ રહી છે. ત્યારે પણ ભારત સાથે સતત સંપર્ક રાખ્યો હતો.

BRICS દેશોના વિદેશ મંત્રીઓની બેઠકમાં ભારતે દરિયાઈ સુરક્ષા, ઊર્જા પુરવઠા અંગે ચિંતા વ્યક્ત કરી. એસ. જયશંકરે જણાવ્યું હતું કે, હોર્મુઝ સ્ટ્રેટ અને રેડ સી જેવા આંતરરાષ્ટ્રીય જળમાર્ગો દ્વારા સુરક્ષિત અને અવરોધ વિનાનો દરિયાઈ પ્રવાહ વૈશ્વિક આર્થિક સુખાકારી માટે અત્યંત આવશ્યક છે. તેમણે ચેતવણી આપી હતી કે મધ્ય પૂર્વમાં ચાલી રહેલા સંઘર્ષને કારણે ઊર્જા પુરવઠામાં વિક્ષેપ પડી શકે છે. ભારતે બ્રિક્સના સભ્ય દેશો, ખાસ કરીને ઈરાન અને UAEને અપીલ કરી છે કે તેઓ આ અભૂતપૂર્વ ભૌગોલિક-રાજકીય અનિશ્ચિતતા અને 'એકતરફી પ્રતિબંધો'નો સામનો કરવા માટે કોઈ વ્યવહારુ રસ્તો શોધે.

PM મોદી UAE પહોંચ્યા, F-16 વિમાનો દ્વારા ભવ્ય સ્વાગત. UAE રાષ્ટ્રપતિ સાથે ગુજરાત માટે ખાસ ડીલ, ઈરાનના હુમલાની નિંદા કરી. રક્ષણ, ઊર્જા, અને ઇન્ફ્રાસ્ટ્રક્ચરમાં 5 અબજ USDના કરાર. ગુજરાતના વાડીનારમાં શિપ રિપેર ક્લસ્ટર બનશે. પીએમ મોદીએ યુએઈના રાષ્ટ્રપતિ સાથેની મુલાકાત દરમિયાન વિવિધ મુદ્દાઓ પર ચર્ચા કરી હતી. આ બેઠક દરમિયાન તેમણે તાજેતરમાં યુએઈ પર થયેલા હુમલાઓની સખત નિંદા કરી હતી અને ખાતરી આપી હતી કે ભારત હંમેશા યુએઈની સુરક્ષા માટે તેની પડખે ઉભું રહેશે. ખાસ કરીને વેપાર અને ઊર્જાના પુરવઠાને કોઈ નુકસાન ન થાય તે માટે તેમણે હોર્મુઝ સ્ટ્રેટને વહેલી તકે કાર્યરત કરવા પર ભાર મૂક્યો હતો.

અમેરિકામાં ગૌતમ અદાણી અને અદાણી ગ્રૂપ પરના લાંચ અને ફ્રોડના આરોપોમાં રાહત. Department of Justice ક્રિમિનલ કેસ પાછા ખેંચી શકે છે, SEC સિવિલ કેસ ઉકેલ તરફ. આંતરરાષ્ટ્રીય સ્તરે મોટી જીત ગણાશે, શેરોમાં તેજી આવી શકે છે.

અમેરિકામાં 'પંજાબી ડેવિલ્સ' ગેંગનો સ્થાપક જશ્નનપ્રીત સિંહને મશીનગન અને હેન્ડ ગ્રેનેડના કાળા કારોબાર બદલ 5 વર્ષ અને 4 મહિનાની સખત જેલની સજા. આ ગેંગ 'હેલ્સ એન્જલ્સ' સાથે પણ જોડાયેલી. અંડરકવર ઓપરેશનમાં પકડાયો અને ભારત ભાગી જતાં પહેલાં એરપોર્ટ પર ધરપકડ.

PM મોદી 15થી 20 મે દરમિયાન પાંચ દેશોના પ્રવાસે જઈ રહ્યા છે. આ મુલાકાતનો મુખ્ય ઉદ્દેશ્ય વેપાર, રોકાણ અને ઊર્જા ક્ષેત્રે વૈશ્વિક ભાગીદારો સાથે સંબંધો મજબૂત કરવાનો છે. PM મોદી આજથી યુનાઈટેડ આરબ એમિરેટ્સથી પોતાના પ્રવાસની શરૂઆત કરશે. અબુ ધાબી ખાતે તેઓ યુએઈના રાષ્ટ્રપતિ શેખ મોહમ્મદ બિન જાયદ અલ નાહયાન સાથે મુલાકાત કરશે. ત્યારબાદ, 15થી 17 મે દરમિયાન તેઓ નેધરલેન્ડની મુલાકાતે જશે. ત્યાં તેઓ ડચ પ્રધાનમંત્રી રાબ જેટેન સાથે દ્વિપક્ષીય મંત્રણા કરશે અને કિંગ વિલેમ-એલેક્ઝાન્ડર તથા ક્વીન મેક્સિમા સાથે પણ મુલાકાત કરશે.

ઈરાન અને અમેરિકા વચ્ચેના તણાવ અને હોર્મુઝ સ્ટ્રેટમાં સર્જાયેલી નાકાબંધીને કારણે ભારતમાં મોંઘવારીનો માર તેજ બન્યો છે. પેટ્રોલ અને ડીઝલના ભાવમાં વધારા બાદ હવે સીએનજી (CNG) ના ભાવમાં પણ પ્રતિ કિલોએ 2 રૂપિયાનો વધારો કરવામાં આવ્યો છે. દિલ્હીમાં સીએનજીની કિંમત 77.09 રૂપિયાથી વધીને હવે 79.09 રૂપિયા પ્રતિ કિલો થઈ ગઈ છે.

ક્રુડ તેલના ભાવ ૩-૬ મહિના સુધી ૧૦૦ ડોલર ઉપર રહે તો GDPમાં ૦.૫% ઘટાડો થઈ શકે છે. આંતરરાષ્ટ્રીય ભાવ પર ૧૫% ખર્ચ લાગે છે. પશ્ચિમ એશિયા કટોકટીને કારણે ઊર્જાના ભાવ વધ્યા છે, જેના પર નીતિવિષયકો ફુગાવા, બાહ્ય પરિબળો અને રાજકોષિય જોખમો પર નજર રાખી રહ્યા છે. ભારત ૮૫% થી વધુ ક્રુડ તેલ આયાત કરે છે, જે મોટાભાગે હોર્મુઝ ખાડી મારફતે આવે છે.

ડોનાલ્ડ ટ્રમ્પ અને શી જિનપિંગ વચ્ચેની આ મુલાકાત માત્ર વેપાર માટે જ નહીં, પરંતુ વૈશ્વિક વ્યૂહાત્મક સંતુલન માટે પણ મહત્વપૂર્ણ છે. અમેરિકા અને ચીન બંનેને સાથી અને સ્પર્ધકો માનવામાં આવે છે, તેથી આ બેઠકનું રાજદ્વારી મહત્વ નોંધપાત્ર છે, જે સમગ્ર વિશ્વને અસર કરશે. ટેરિફ્ યુદ્ધ, ઈરાન કટોકટી અને દુર્લભ પૃથ્વી ખનિજો પર ચીનના નિયંત્રણ જેવા મુદ્દાઓ ચર્ચામાં રહેશે. તેમની પરસ્પર નિર્ભરતા અને જરૂરિયાતને કારણે સહકારનો માર્ગ શોધવાની અપેક્ષા છે.

અમદાવાદના વિદ્યાર્થીઓએ સ્વદેશી ફ્લાઇટ કન્ટ્રોલર અને e-VTOL ડ્રોન બનાવ્યું. લગભગ 30,000 રૂપિયાના ખર્ચે, દુશ્મન દેશ ટ્રેક નહીં કરી શકે તેવી અદ્યતન ટેકનોલોજી. 10 કિલોમીટરની રેન્જ અને 18 હજાર ફૂટની ઊંચાઈ સુધી સર્વેલન્સ માટે ઉપયોગી. સંરક્ષણ અને આપત્તિ વ્યવસ્થાપન ક્ષેત્રે ક્રાંતિ સર્જવાની ક્ષમતા. વિદ્યાર્થીઓ 'મેક ઇન ઇન્ડિયા' અને 'સ્ટાર્ટ અપ ઇન્ડિયા'ને પ્રોત્સાહન આપી રહ્યા છે.

ભારતથી વિપરિત સ્થિતિ અગાઉના સરકારી શટડાઉનોમાં કોંગ્રેસના સભ્યોના વેતન-ભથ્થાં ચાલુ રહેવાના કારણે ભારે ઉહાપોહ થયો વોશિંગ્ટન: અમેરિકાના ભાવિ શટડાઉનમાં હવે સેનેટરોને પણ તેમના વેતન અને ભથ્થાં નહીં મળે. આ માટેની તૈયારી આદરવામા આવી ચૂકી છે. સેનેટે પોતે જ સરકારી શટડાઉન દરમિયાન સેનેટરોના વેતન અને ભથ્થાં અટકાવતો વિથહોલ્ડ પેનો ઠરાવ ૯૯-૦થી પસાર કર્યો હતો. જ્યારે રિપબ્લિકન સેનેટર પીટ રિકેટ્સે હાજર રહ્યા ન હતો.

વૈશ્વિક ધોરણે પાંચ ટકા કર્મચારીઓ અસરગ્રસ્ત - એઆઈ ડેટા સેન્ટર અને ઈન્ફ્રાસ્ટ્રક્ચર સેક્ટરમાં માંગ વધી : કંપનીને 1 અબજ ડોલરથી વધુના ઓર્ડર મળ્યા  ન્યૂ યોર્ક: અમેરિકાની ટેકનોલોજી કંપની સિસ્કોએ લગભગ ૪,૦૦૦ કર્મચારીઓની છટણી કરવાની જાહેરાત કરી છે. કંપની હવે એઆઈ, સાયબર સિક્યોરિટી અને સિલિકોન ટેકનોલોજી બિઝનેસ પર વધુ ધ્યાન કેન્દ્રિત કરી રહી છે.

જૂનાગઢ સિવિલ હોસ્પિટલમાં ‘પ્લેસેન્ટા પ્રિવિયા’ના કિસ્સામાં ‘હિમોસ્ટેટિક સ્યુચર્સ' પદ્ધતિથી સફળ ડિલિવરી. રક્તસ્ત્રાવ રોકવા આધુનિક ટેકનિકનો ઉપયોગ, માતા અને બાળક બંને સુરક્ષિત. બ્લડ ટ્રાન્સફ્યુઝનનું જોખમ ટાળ્યું, દર્દી ઝડપથી સ્વસ્થ.

Instagramએ "ઇન્સ્ટન્ટ્સ" નામનું નવું ફીચર લોન્ચ કર્યું છે, જે Snapchat જેવું છે. આ ફીચર યુઝર્સને રિયલ-ટાઇમ મોમેન્ટ્સ શેર કરવાની મંજૂરી આપે છે, જે એકવાર જોયા બાદ ગાયબ થઈ જાય છે. તેનો હેતુ મિત્રો વચ્ચે વધુ casual કનેક્શન બનાવવાનો છે. યુઝર્સ એડિટિંગ કે પરફેક્ટ ઇમેજની ચિંતા વગર ફોટો શેર કરી શકે છે. ફોટો તરત જ ક્લિક કરવો પડે છે અને કેમેરા રોલમાંથી અપલોડ કરી શકાતો નથી. Close Friends અથવા Mutual Followers સાથે શેર કરી શકાય છે. કેટલાક દેશોમાં અલગ "ઇન્સ્ટન્ટ્સ" એપ પણ ઉપલબ્ધ છે.

અમેરિકન રાષ્ટ્ર પ્રમુખ ડોનાલ્ડ ટ્રમ્પ ચીનના પ્રવાસે છે. તેમણે આજે ગુરુવારે ચીની રાષ્ટ્ર પ્રમુખ શી જિનપિંગ સાથે મુલાકાત કરી. ત્યારબાદ જિનપિંગે ટ્રમ્પના સન્માનમાં ભોજન સમારંભનું આયોજન કર્યું હતું. જેમાં શી જિનપિંગે કહ્યું કે ચીન અને અમેરિકા મહાન રાષ્ટ્રો છે. ચીનનું પુનરુત્થાન હાંસલ કરવું અને અમેરિકાને ફરીથી મહાન બનાવવું સાથે-સાથે ચાલી શકે છે. બંને દેશોએ પ્રતિસ્પર્ધી નહીં પરંતુ ભાગીદાર બનવું જોઈએ. બીજી તરફ ટ્રમ્પે પોતાના ભાષણમાં શી જિનપિંગને પોતાના મિત્ર કહીને સંબોધ્યા હતા. તેમણે કહ્યું કે બંને દેશોના સંબંધો અમેરિકાની સ્થાપનાના સમયથી જ ચાલ્યા આવે છે.

ઓમાનના દરિયાકાંઠે ગુજરાતના કાર્ગો જહાજ 'MSV હાજી અલી' પર ડ્રોન/મિસાઇલ હુમલો થયો, જે બાદમાં ડૂબી ગયું. આ ઘટનાને ભારત સરકારે 'અસ્વીકાર્ય' ગણાવી છે. સદનસીબે, તમામ 14 ભારતીય ક્રૂ મેમ્બર્સ સુરક્ષિત છે, ઓમાન કોસ્ટ ગાર્ડના તાત્કાલિક બચાવ કાર્ય બદલ ભારત તેમનો આભાર માન્યો છે. મધ્ય પૂર્વમાં વધી રહેલા તણાવ વચ્ચે આ હુમલો આંતરરાષ્ટ્રીય દરિયાઈ માર્ગોની સુરક્ષા પર પ્રશ્નો ઊભા કરે છે.

વડાપ્રધાન નરેન્દ્ર મોદીની ૧૫ મેના રોજ ખાડી રાષ્ટ્રની મુલાકાત દરમિયાન ભારત અને UAE, LPG અને વ્યૂહાત્મક પેટ્રોલિયમ અનામતના ક્ષેત્રોમાં સહયોગ વધારવા માટે બે મહત્વપૂર્ણ કરારો કરે તેવી અપેક્ષા છે, એમ સત્તાવાર સૂત્રોએ બુધવારે જણાવ્યું હતું. તેમણે જણાવ્યું હતું કે મોદીના UAE પ્રવાસનો મુખ્ય ઉદ્દેશ્ય ભારતની ઉર્જા સુરક્ષાને વધારવાનો રહેશે. યુરોપના પાંચ દિવસના ચાર દેશોના પ્રવાસ પર નીકળતા પહેલા વડાપ્રધાન લગભગ ચાર કલાક માટે ગલ્ફ રાષ્ટ્રમાં રહેશે. UAEએ વિશ્વના ટોચના તેલ નિકાસકારોના મુખ્ય જૂથ, ઓર્ગેનાઇઝેશન ઓફ ધ પેટ્રોલિયમ એક્સપોર્ટિંગ કન્ટ્રીઝ(OPEC) છોડવાની જાહેરાત કર્યાના થોડા દિવસો પછી આ મુલાકાત આવી છે.

ભારત સરકાર મધ્ય પૂર્વમાંથી ગેસ પુરવઠો જાળવવા બે મોટા પ્રોજેક્ટ પર કામ કરી રહી છે. ભારત હવે ઓમાનથી સીધી દરિયાઈ પાઈપલાઈન બિછાવવાની તૈયારી કરી રહ્યું છે, જેને મિડલ ઈસ્ટ-ઈન્ડિયા ડીપ-વોટર પાઈપલાઈન નામ આપવામાં આવ્યું છે. અંદાજે 40,000 કરોડ રૂપિયાના ખર્ચે તૈયાર થનારો આ પ્રોજેક્ટ અરબ સાગરના તળિયે 2,000 કિલોમીટર લાંબો હશે. આ પાઈપલાઈન સમુદ્રમાં 3450 મીટરની ઊંડાઈએ સ્થાપિત કરવામાં આવશે. આ વિશ્વની સૌથી ઊંડી દરિયાઈ પાઈપલાઈન પૈકીની એક હશે. આ માધ્યમથી દરરોજ 31 મિલિયન સ્ટાન્ડર્ડ ક્યુબિક મીટર કુદરતી ગેસની સપ્લાય થઈ શકશે.

ફ્લોરિડાના દરિયાકિનારે એક બીકક્રાફ્ટ 300 કિંગ એર ટર્બોપ્રોપ વિમાન ક્રેશ થયું. એન્જિન ફેઇલ થતાં પાયલોટે Water Landing (Ditching) કરાવ્યું. 11 મુસાફરોએ 5 કલાક સુધી 3 થી 5 ફૂટ ઊંચા મોજાં અને તોફાની હવામાન વચ્ચે સંઘર્ષ કર્યો. યુએસ કોસ્ટ ગાર્ડ અને એરફોર્સની ટીમે ચમત્કારિક રીતે તમામને બચાવી લીધા. હાલ તમામ મુસાફરોની હાલત સ્થિર છે.

વિશ્વના રાજકારણ અને અર્થતંત્રને બદલી શકે તેવી બેઇજિંગમાં ટ્રમ્પ અને શી જિનપિંગ વચ્ચેની હાઈ-વોલ્ટેજ મીટિંગ પર દુનિયાની નજર છે. બંને નેતાઓએ મૈત્રી અને મક્કમતા સાથે વાર્તાલાપ કર્યો, પરસ્પર સફળતા અને મજબૂત સંબંધોની આશા વ્યક્ત કરી. વેપાર, ભૂ-રાજકીય તણાવ અને તકનીકી સ્પર્ધા જેવા વિવાદાસ્પદ મુદ્દાઓ ચર્ચામાં રહેશે.

વૈશ્વિક નાણાકીય બજારમાં ચીનની સોનાની ખરીદી ચર્ચામાં છે. 'પીપલ્સ બેંક ઓફ ચાઇના' (PBOC) એ સતત 18 મહિના સુધી સોનાનો ભંડાર વધારી, આશ્ચર્યચકિત કર્યું છે. એપ્રિલ 2026 ના આંકડા મુજબ, ચીન વૈશ્વિક બજારને પ્રભાવિત કરનાર શક્તિ બન્યું છે. એપ્રિલ 2026 માં 8 ટન સોનાની ખરીદી સાથે, ચીનનો ભંડાર 72.8 મિલિયન ટ્રોય ઔંસ સુધી પહોંચ્યો, જેનું મૂલ્ય $342.6 બિલિયન છે. આ આક્રમક વલણ, ડોલર સામે રક્ષણાત્મક કવચ અને 'યુઆન' ને વૈશ્વિક સ્તરે મજબૂત બનાવવાની વ્યૂહરચના દર્શાવે છે.

બાંગ્લાદેશે પદ્મા (ગંગા) નદી પર વિશાળ ડેમ પ્રોજેક્ટને મંજૂરી આપી. આ પ્રોજેક્ટનો હેતુ ભારતના ફરક્કા બેરેજની અસરો ઘટાડવાનો છે. PM તારિક રહેમાનની અધ્યક્ષતા હેઠળ ECNEC એ પ્રથમ તબક્કાને મંજૂરી આપી. આ પ્રોજેક્ટ સંપૂર્ણપણે બાંગ્લાદેશ સરકારના ભંડોળથી નિર્મિત થશે, જે 34,497.25 કરોડ ટકાનો છે.

કેન્દ્ર સરકાર દ્વારા દેશમાં ખાંડના ભાવ પર નિયંત્રણ મેળવવા અને સ્થાનિક પુરવઠો જાળવી રાખવા માટે ખાંડના નિકાસ પર પ્રતિબંધ મૂકવાનો મોટો નિર્ણય લેવામાં આવ્યો છે. ભારત સરકાર દ્વારા બુધવારે ખાંડના નિકાસ અંગે એક મહત્ત્વની જાહેરાત કરવામાં આવી છે. દેશમાં ખાંડના વધતા ભાવને અંકુશમાં લેવા અને સ્થાનિક બજારમાં પર્યાપ્ત માત્રામાં ખાંડ ઉપલબ્ધ રહે તે હેતુથી સરકારે ખાંડની નિકાસ પર તાત્કાલિક અસરથી પ્રતિબંધ મૂકી દીધો છે.

અમેરિકામાં OPT વિઝા કાર્યક્રમ હેઠળ 10,000 વિદેશી વિદ્યાર્થીઓ, જેમાં ભારતીયોનો પણ સમાવેશ થાય છે, શેલ કંપનીઓ દ્વારા મોટાપાયે છેતરપિંડીના આરોપસર તપાસ હેઠળ છે. અનેક વિદ્યાર્થીઓ એવી કંપનીઓ સાથે જોડાયેલા મળ્યા છે જ્યાં કોઈ કામગીરી ચાલતી નથી. કેટલીક કંપનીઓનું મેનેજમેન્ટ ભારતમાંથી થતું હોવાનું પણ સામે આવ્યું છે.

ચીન AI અને ઓટોમેશનના કારણે લાખો નોકરીઓ ગુમાવવાનો ખતરો અનુભવી રહ્યું છે. કિંગદાઓ જેવા શહેરોમાં રોબોટેક્સી અને ડ્રોન ડિલિવરીનો દબદબો વધ્યો છે, જેનાથી 2.2 કરોડ ડ્રાઇવરોની રોજગારી છીનવાઈ રહી છે. ચીનની સરકારે બેરોજગારી રોકવા માટે AIના ઉપયોગ પર નિયંત્રણો મૂક્યા છે અને ડ્રાઇવરોને નવી ભૂમિકાઓ માટે તાલીમ આપી રહી છે.

અમેરિકન પ્રમુખ ડોનાલ્ડ ટ્રમ્પે મંગળવારે પોતાના સોશિયલ મીડિયા પ્લેટફોર્મ ટ્રુથ સોશ્યલ પર વેનેઝુએલાનો એક નકશો પોસ્ટ કર્યો. તેમા ગ્રાફિકની મદદથી વેનેઝુએલાની અંદર અમેરિકન ઝંડો બનાવાયો હતો. તેના પર ૫૧મું રાજ્ય લખ્યું હતું. આ પોસ્ટ એવા સમયે કરવામાં આવી છે જ્યારે ટ્રમ્પ ચીનની મુલાકાતે જઈ રહ્યા હતા.ટ્રમ્પે આ પોસ્ટ વેનેઝુએલાના વચગાળાના પ્રમુખ ડેલ્સી રોડ્રિગ્ઝના નિવેદન પછી કરી છે.

અમેરિકાના 'ગોલ્ડન ડોમ ફોર અમેરિકા' મિસાઈલ સુરક્ષા પ્રોજેક્ટનો ખર્ચ ૧.૨ ટ્રિલિયન ડોલર સુધી પહોંચવાનો અંદાજ છે, જે ટ્રમ્પના ૧૭૫ અબજ ડોલરના અગાઉના અંદાજ કરતાં ઘણો વધારે છે. આઇરન ડોમથી પ્રેરિત આ પ્રોજેક્ટ આધુનિક મિસાઈલો સામે રક્ષણ આપશે. CBO નો અંદાજ એક સંભવિત મોડલ પર આધારિત છે.

અમેરિકા સાથેના યુદ્ધ અને દાયકાઓથી ચાલતા આર્થિક પ્રતિબંધોના કારણે ઈરાનની પ્રજા મુશ્કેલીમાં છે. ઈરાની રિયાલનું મૂલ્ય ડોલર સામે ઘટ્યું છે. ઉદ્યોગોમાં છટણી વધતાં રોજગારીની તકો ઘટી છે. એપ્રિલમાં ફુગાવો 53% અને ખાદ્યાન્ન ફુગાવો 115% પર પહોંચ્યો છે, જેના કારણે બે ટંક ભોજન મેળવવું પણ મુશ્કેલ બન્યું છે.

Foxconn પર અમેરિકાના વિસ્કોન્સિન સ્થિત પ્લાન્ટમાં મોટો સાયબર હુમલો થયો છે. આ હુમલામાં Foxconnના નેટવર્કમાંથી 8TB જેટલો ડેટા એટલે કે 1.1 કરોડથી વધુ ડોક્યુમેન્ટ્સની ચોરી થઈ હોવાનું સામે આવ્યું છે. આ ડેટા લીકના કારણે AMD, Google અને Intelના સિક્રેટ પ્રોજેક્ટ્સ જોખમમાં આવ્યા હોવાની શક્યતા છે. જોકે Appleની ટેક્નોલોજી હાલમાં સુરક્ષિત હોવાનું કહેવાઈ રહ્યું છે. Apple પોતાની પ્રી-પ્રોડક્શન ડિઝાઇન માટે કડક સુરક્ષા વ્યવસ્થા રાખે છે, છતાં તેની સપ્લાય ચેઇન સાથે જોડાયેલી કંપનીઓ સતત સાયબર હુમલાનો ભોગ બની રહી છે.