ટીમ ઈન્ડિયાના ચીફ સિલેક્ટર અજિત અગરકરે 3 વર્ષ પહેલાં જસપ્રીત બુમરાહને કેપ્ટન બનાવવાનો વિરોધ કર્યો હોવાના મીડિયા અહેવાલો સામે આવ્યા છે. અહેવાલો મુજબ, BCCI એ હસ્તક્ષેપ કરીને આયર્લેન્ડ T20 શ્રેણી માટે બુમરાહને કેપ્ટન બનાવ્યા હતા. અગરકર ઋતુરાજ ગાયકવાડને કેપ્ટન બનાવવા માંગતા હતા, કારણ કે તેમને એશિયન ગેમ્સ 2023 માટે પણ કેપ્ટન બનાવવામાં આવ્યા હતા. અગરકરનું માનવું હતું કે ગાયકવાડને આયર્લેન્ડ સામે લીડ કરવાથી ભવિષ્યમાં લીડરશીપ રોલ માટે તૈયાર થશે, જ્યારે બુમરાહના વર્કલોડને મેનેજ કરવો જરૂરી હતો. જોકે, BCCI એ બુમરાહની કેપ્ટનશીપ પર ભાર મૂક્યો, જેના પગલે ભારતે શ્રેણી જીતી.