શુક્રવારે ભારતીય શેરબજાર નબળી શરૂઆતના સંકેતો સાથે ખુલ્યું. GIFT નિફ્ટી લગભગ 100 પોઈન્ટ નીચે ટ્રેડિંગ કરી રહ્યું હતું, જે સ્થાનિક બજારો પર દબાણ દર્શાવે છે. એશિયા-પેસિફિક બજારોમાં પણ ઘટાડો જોવા મળ્યો. અમેરિકા અને ઈરાન વચ્ચે હોર્મુઝ સ્ટ્રેટમાં વધતા તણાવને કારણે રોકાણકારોની ચિંતા વધી છે. યુએસ બજારો પણ ગુરુવારે નીચા બંધ થયા. ક્રૂડ ઓઇલના ભાવમાં વધારો થયો છે. સોના અને ચાંદી જેવી સલામત સંપત્તિઓના ભાવમાં પણ વધારો જોવા મળ્યો.

પશ્ચિમ એશિયામાં તણાવ છતાં, ભારતમાં પેટ્રોલ અને ડીઝલના ભાવ સ્થિર છે. ઓઇલ માર્કેટિંગ કંપનીઓ (OMCs) દરરોજ સવારે 6:00 વાગ્યે ભાવ સુધારે છે, જે વૈશ્વિક ક્રૂડ ઓઇલના દરો અને ચલણ વિનિમય દરોમાં વધઘટ સાથે સંરેખિત થાય છે. આજે, 8 મે, 2026 ના રોજ, ગુજરાતના મુખ્ય શહેરોમાં ભાવ નીચે મુજબ છે: અમદાવાદ, રાજકોટ, સુરત, વડોદરા, ગાંધીનગર અને ભાવનગર. OMCs હાલમાં પેટ્રોલ પર ₹20-25 અને ડીઝલ પર ₹100-105 પ્રતિ લિટરનું નુકસાન સહન કરી રહી છે.

અમદાવાદમાં ઓછા બજેટની કારોની સાથે Ferrari અને Bentley જેવી luxury brands ની demand વધી છે. છેલ્લા 13 મહિનામાં 25 લાખ સુધીની 77315 કાર વેચાઈ. 75 લાખથી 1 કરોડની range માં 202 premium cars, જેનું average price 87 લાખ છે, વેચાઈ છે. વેપારીઓ સાથે now નોકરિયાત વર્ગ પણ 1 crore premium cars ખરીદવામાં રસ ધરાવી રહ્યો છે. 4 કરોડ સુધીની 81633 cars registered થઈ છે.

અમેરિકાના ડોમેસ્ટિક મોરચે પ્રમુખ ડોનાલ્ડ ટ્રમ્પને મોટો આંચકો લાગ્યો છે. યુએસ ટ્રેડ કોર્ટે ટ્રમ્પ વહીવટીતંત્ર દ્વારા લાદવામાં આવેલા 10% વૈશ્વિક ટેરિફને ગેરકાયદેસર જાહેર કરી રદબાતલ ઠેરવ્યો છે. આ નિર્ણય ટ્રમ્પની આક્રમક વેપાર નીતિઓ માટે એક મોટી કાનૂની નિષ્ફળતા માનવામાં આવે છે. કોર્ટે 5 દિવસમાં રિફંડનો આદેશ પણ આપ્યો છે.

ઈરાન સાથેના યુદ્ધની સ્થિતિ અને વૈશ્વિક અનિશ્ચિતતા વચ્ચે અમેરિકન પ્રમુખ ડોનાલ્ડ ટ્રમ્પની વેપાર નીતિઓને મોટો કાયદાકીય ફટકો પડ્યો છે. અમેરિકન ટ્રેડ કોર્ટે ટ્રમ્પ પ્રશાસન દ્વારા લાદવામાં આવેલા તાજેતરના 10% ગ્લોબલ ટેરિફને ગેરબંધારણીય અને ગેરકાનૂની ગણાવ્યા છે. અદાલતે સ્પષ્ટ કર્યું છે કે 1970ના દાયકાના વેપાર કાયદાનો ઉપયોગ કરીને આટલા વ્યાપક ટેક્સ લાદવા ઉચિત નથી.કાયદાનો દુરુપયોગ અને કોર્ટની કડક ટિપ્પણીફેબ્રુઆરી મહિનામાં ટ્રમ્પે 'ટ્રેડ એક્ટ 1974' ની કલમ 122 નો સહારો લઈને આ ટેરિફ લાગુ કર્યા હતા.

કાલોલના જોડિયાકુવા અને આસપાસના ખેડૂતોએ નફાકારક સૂરણની ખેતી અપનાવી. ગત વર્ષે 1400 રૂા. પ્રતિ મણ ભાવ હતો, આ વર્ષે માત્ર 600 રૂા. સુધી પહોંચતા ખેડૂતો ચિંતિત. રૂા.450ના ખર્ચ સામે 600 રૂા. ભાવ મળતા આર્થિક મુશ્કેલી. સરકાર પાસે યોગ્ય ભાવ મેળવવા માંગ.

અમેરિકામાં ગેસ અને પેટ્રોલની કિંમત વધતાં ત્રણ વર્ષમાં મોંઘવારી સર્વોચ્ચ સપાટીએ છે, યુરોપના ૨૧ દેશોમાં મોંઘવારી વધી હોવાનું લેટેસ્ટ અહેવાલમાં કહેવાયું છે' શાંતિ એ વેપાર માટે પહેલી અને અનિવાર્ય શરત છે.' ફ્રેન્ચ ચિંતક મોન્ટેસ્કુનું આ મતલબનું વાક્ય વૈશ્વિક સ્તરે શાંતિ અને વેપારના સંદર્ભમાં વારંવાર ટાંકવામાં આવે છે. બે રાષ્ટ્રોએ વેપાર કરવો હોય તો બંને વચ્ચે શાંતિ અનિવાર્ય છે. યુદ્ધ કે તંગદિલી ચાલતી હોય ત્યારે વેપાર અટકી પડે છે.

અખાતી દેશોમાં રહેતા બિનનિવાસી ભારતીયો હવે પ્રોપર્ટીને બદલે દેશમાં ઇક્વિટી, મ્યુચ્યુઅલ ફંડ્સ અને લાંબા ગાળાના નાણાકીય સાધનોમાં રોકાણ કરવાનું પસંદ કરી રહ્યા છે. પશ્ચિમ એશિયામાં તંગદિલી બાદ આ ટ્રેન્ડ બદલાયો છે. ઇક્વિરિઅસ વેલ્થના સર્વે મુજબ, ૮૦૦૦થી વધુ ભારતીયોના રેમિટેન્સિસ તથા સંપતિ નિર્માણની પદ્ધતિમાં પરિવર્તન જોવા મળ્યું છે.

એપ્રિલમાં પેટ્રોલ માંગ ૬.૩૬% વધી, જ્યારે LPG વપરાશ ૧૬.૧૬% ઘટ્યો. પશ્ચિમ એશિયા સંઘર્ષને કારણે વિક્ષેપના સંકેત. ડીઝલ માંગ લગભગ સ્થિર રહી, જે ઇંધણ વપરાશના વલણોમાં નોંધપાત્ર ફેરફાર દર્શાવે છે.

નવી જાહેર થયેલી ઈમરજંસી ક્રેડિટ લાઈન ગેરન્ટી સ્કીમ-૫.૦થી દેશના અંદાજે ૧.૧૦ કરોડ માઈક્રો, સ્મોલ એેન્ડ મીડિયમ એન્ટરપ્રાઈઝિસ (MSME) ખાતાને લાભ થશે. આ સ્કીમ હેઠળ વેપારગૃહોને વધારાનો ક્રેડિટ ટેકો પૂરો પડાનાર છે, જેમને પશ્ચિમ એશિયાના સંઘર્ષથી અસર થઈ છે, એમ MSMEના એક રિપોર્ટમાં જણાવાયું છે. 

ભારતીય બજારમાં વર્તમાન વર્ષમાં ભારે વોલેટિલિટી છતાં ઘરેલુ સંસ્થાકીય રોકાણકારો (ડીઆઈઆઈ)નો દેશની ઈક્વિટીસ કેશમાં ૨૦૨૬નો રોકાણ આંક અત્યારસુધીમાં નેટ  રૂપિયા ૩ લાખ કરોડને પાર કરી ગયો છે. ૨૦૨૫ના સંપૂર્ણ વર્ષમાં  આ આંક રૂપિયા ૭.૮૮ લાખ કરોડ રહ્યો હતો. ૨૦૨૫નો રોકાણ આંક કોઈ એક વર્ષનો અત્યારસુધીનો વિક્રમી રહ્યો છે, જે વર્તમાન વર્ષમાં વધી જવાની શકયતા જોવાઈ રહી છે.  રોકાણની વર્તમાન ગતિ ચાલુ રહેશે તો ૨૦૨૬માં ડીઆઈઆઈનો નવો વિક્રમી ઈન્ફલો જોવા મળશે.

મુંબઈ ઝવેરી બજારમાં આજે  ચાંદીના ભાવમાં તેજી વેગથી આગળ વધી હતી. સોનામાં પણ ધીમી આગેકૂચ જોવા મળી હતી. મુંબઈ બુલિયન બજારમાં ચાંદીના ભાવ કિલોના બુધવારે રૂ.૯૦૦૦ વધ્યા પછી આજે ભાવ વધુ રૂ.૫૦૦૦ ઉછળતાં બે દિવસમાં ભાવ રૂ.૧૪ હજાર વધી ગયા હોવાનુંમ બજારના જાણકારોએ જણાવ્યું હતું.

હિંમતનગરમાં ઇન્ડિયન રેડક્રોસ સોસાયટીના હોલમાં તાજેતરમાં રાધિકા શોપર્સ પરિવારના ગૌતમકુમાર અને અંજુબેનના પુત્ર સ્વ.નીલ પટેલની પ્રથમ વાર્ષિક પુણ્યતિથિ નિમિત્તે શ્રાદ્ધાંજલિ આપવાના આશ્યથી જીવન રક્તદાન શિબિરનું આયોજન કરાયું હતું. જે પ્રસંગે સ્વ.નીલ પટેલના માતા-પિતા અને પરિવારજનો, શહેરના અગ્રણીઓ, રેડક્રોસના હોદ્દેદારો, તબીબો, પાલિકાના નવા ચૂંટાયેલા સદસ્યો અને વેપારીઓ સહિત મોટી સંખ્યામાં રક્તદાતાઓએ ઉપસ્થિત રહીને રક્તદાન કર્યું હતું. આ રક્તદાન શિબિરમાં 175 રક્તદાતાઓએ રકતદાન કર્યા બાદ સ્વ.નીલના પરિવાર દ્વારા રક્તદાતાઓને સ્મૃતિચિન્હ આપી પ્રોત્સાહિત કર્યા હતા.

ઈરાન-અમેરિકા વચ્ચેના યુદ્વનો ટૂંક સમયમાં જ અંત આવવાના ગઈકાલ સુધીના બન્ને પક્ષોના આશ્વાસનભર્યા નિવેદનો અને તુરંત જ અમેરિકા પોતાની શરતો પર ઈરાનને ઝુંકાવવા માંગતું હોવાને લઈ ઈરાને  યુ-ટર્ન લેતાં અને અમેરિકાની પણ ઈરાનને ધમકીને લઈ મામલો બિચકતા ફરી વૈશ્વિક બજારોમાં ઉછાળે સાવચેતીમાં નરમાઈ જોવાઈ હતી. હોર્મુઝ માર્ગે જહાજોના મુક્ત વહનની અપેક્ષાએ અને બીજી તરફ અમેરિકા દ્વારા ઈરાન સાથે સમજૂતી અને યુ.એ.ઈ.ને ભીંસમાં મૂકી રહ્યાના અને યુ.એ.

પેટ્રોલ-ડીઝલ મોંઘા થતાં એશિયા, લેટિન અમેરિકા, આફ્રિકામાં EV માંગ 79% વધી. કોસ્ટા રિકામાં 18% EV વેચાણ, અમેરિકા કરતાં ત્રણ ગણું. ઇથોપિયા, ઉરુગ્વે તેલ નિર્ભરતા ઘટાડવા EV અપનાવી રહ્યા છે. ચીનમાં 1.1 કરોડ EV વેચાયા. ભારતમાં ટુ-થ્રી વ્હીલરમાં 15-25% વૃદ્ધિ. ચીનના સસ્તા EVsનો વ્યાપ વધ્યો.

વિશ્વમાં આટફિશિયલ ઇન્ટેલિજન્સ સેક્ટરમાં વધતી માંગના કારણે સેમિકન્ડક્ટર શેરોમાં આવેલા જોરદાર ઉછાળાની અસર જોવા મળી રહી છે. આ કારણે બુધવારે સેમસંગ ઇલેક્ટ્રોનિક્સની માર્કેટ કેપ ૧ ટ્રિલિયન ડોલરને પાર પહોંચી હતી.

ઈરાન સાથે યુદ્ધ કરવું અને હોર્મુઝ જળમાર્ગ પર નાકાબંધી કરવાની ભૂલ અમેરિકાને ભારે પડી હોય તેવું લાગી રહ્યું છે. ભલે ઈરાનની મિસાઈલ અમેરિકા સુધી પહોંચી શકતી નથી, પરંતુ યુદ્ધની ગંભીર અસરની ઝપેટમાં અમેરિકા પણ આવી ગયું છે. ઈરાન સાથે વિવાદના કારણે અમેરિકામાં મોંઘવારી, મંદી, ક્રૂડ ઓઈલની વધતી કિંમતો ચિંતાજનક સ્તરે પહોંચી ગઈ છે. હાલ અમેરિકા એવું મજબૂર થયું છે કે, તેણે ચોથી વખત પેટ્રોલના ભાવ વધારવા પડ્યા છે. રિપોર્ટ મુજબ, અમેરિકાએ ગેસોલિન એટલે કે પેટ્રોલના ભાવ ચોથી વખત વધાર્યા છે. યુદ્ધ બાદ ક્રૂડ ઓઈલનો અતૂટ ભંડાર ધરાવતા અમેરિકામાં પેટ્રોલની કિંમતમાં 50%નો વધારો થઈ ચુક્યો છે.

7 મેના રોજ શેરબજારમાં તેજી: સેન્સેક્સ 78100, નિફ્ટી 24400 પર. IT, ઓટો, મીડિયા શેરોમાં ખરીદી. એશિયન બજારોમાં તેજી, અમેરિકી બજાર પણ તેજીમાં. FIIs એ 7 દિવસમાં ₹6,621 કરોડના શેર વેચ્યા. ગઈકાલે સેન્સેક્સ 941 પોઈન્ટ, નિફ્ટી 298 પોઈન્ટ વધ્યા હતા.

ઈરાન-યુએસ યુદ્ધની આર્થિક અસરો વચ્ચે, દક્ષિણ અમેરિકાના ગયાના દેશે અચાનક આર્થિક વિકાસ કર્યો છે. છ વર્ષ પહેલાં તેલ ઉત્પાદન શરૂ કરનાર આ દેશ હવે વિશ્વનો સૌથી ઝડપથી વિકસતો અર્થતંત્ર બન્યો છે. ઊંચા ક્રૂડ ઓઈલના ભાવ અને પોતાની ઉત્પાદન ક્ષમતામાં વધારાને કારણે તેની આવકમાં જંગી ઉછાળો આવ્યો છે. આ આવકનો ઉપયોગ દેશના ઈન્ફ્રાસ્ટ્રક્ચરને સુધારવા અને નાગરિકોને લાભ આપવા માટે થઈ રહ્યો છે. 'નેચરલ રિસોર્સિસ ફંડ' ની સ્થાપના ભવિષ્યની પેઢીઓ માટે સુરક્ષિત ભવિષ્ય સુનિશ્ચિત કરે છે.

દક્ષિણ ગુજરાતના ઉત્તર ભારતીય શ્રમિકો અને પરિવારો દ્વારા વતનની મુસાફરી માટે ઉધના રેલવે સ્ટેશનનો મોટાપાયે ઉપયોગ. 30 દિવસમાં 4 લાખથી વધુ મુસાફરો, 10.10 કરોડની આવક. 19મી એપ્રિલે 25 હજાર મુસાફરોનો રેકોર્ડ.

7 મે, 2026ના રોજ, ભારતીય શેરબજાર સાધારણ વધારા સાથે ખુલ્યું. સેન્સેક્સ 142 પોઈન્ટ વધી 78101 પર, નિફ્ટી 39 પોઈન્ટ વધી 24368 પર પહોંચ્યો. બજારમાં ખરીદીનો માહોલ જોવા મળ્યો. આઇટી, ઓટો અને મેટલ શેરોમાં ખરીદી થઈ. વૈશ્વિક બજારો મિશ્ર સંકેતો દર્શાવી રહ્યા છે.

ભાવનગર - ST નિગમમાં કોન્ટ્રાક્ટ બેઈઝ ઉપર ડ્રાઈવર-કંડક્ટરોને લઈ નિગમને ખાનગી તરફ ધકેલવાની ચાલી રહેલી હિલચાલ સામે કર્મચારીઓમાં ભારે વિરોધની લાગણી પ્રસરી છે. જો આ કાર્યવાહી બંધ નહીં રાખવામાં આવે તો આગામી ૨૫મીથી આંદોલન છેડવા ચીમકી ઉચ્ચારાઈ છે. GSRTC ખાતે સર્વિસો/શિડયુલોના કેન્સલેશનને લઈ ખાનગી એજન્સી મારફત કોન્ટ્રાક્ટ બેઈઝ ઉપર બે-બે હજાર ડ્રાઈવર-કંડક્ટરને લેવા માટે નિગમ દ્વારા હાલ કાર્યવાહી ચાલી રહી છે. આ ઉપરાંત ભાડા કરાર આધારીત બસો ભાડે રાખવામાં આવે છે. દર માસે આવી પ્રિમિયમ બસોનું ભાડું આશરે ૧૨ કરોડ ચૂકવાય છે.

મુંબઈમાં કસ્ટમ્સ સત્તાવાળાઓ દ્વારા ક્લિઅરન્સ ઓર્ડર જારી ન થતાં દેશમાં સોના-ચાંદીની આયાત અટકી ગઈ છે. વાણિજ્ય મંત્રાલયે બેન્કો દ્વારા આયાતની નવી યાદી જાહેર કરી હતી, પરંતુ કસ્ટમ્સ તરફથી કોઈ અલગ ઓર્ડર ન હોવાથી બંદરો અને એરપોર્ટ પર માલસામાન છૂટો કરવામાં મુશ્કેલી પડી રહી છે. અક્ષય તૃતિયા પછી જ્વેલરો સ્ટોક વધારવા ઈચ્છે છે, પણ બેન્કો પાસેથી માલ મળતો નથી. નવા નાણાકીય વર્ષના એક મહિના પછી પણ બેન્કો કન્સાઈનમેન્ટ ડિલિવરી લઈ શકી નથી.

કચ્છમાં ડીઝલની અછતે હાહાકાર મચાવ્યો છે. ખાનગી પંપ પર ભાવવધારો અને સરકારી પંપ પર ‘નો સ્ટોક’ની સ્થિતિ સર્જાઈ છે. ઓઈલ કંપનીઓ દ્વારા ઊભી કરવામાં આવેલી ‘કૃત્રિમ’ કટોકટી હોવાની શંકા છે. ખેડૂતો, ટ્રાન્સપોર્ટરો અને સામાન્ય જનતાને ભારે મુશ્કેલીનો સામનો કરવો પડી રહ્યો છે.

વિશ્વની અગ્રણી ચિપ ઉત્પાદક, તાઈવાન સેમીકન્ડકટર મેન્યુ. કંપની (TSMC) એ MSCI મોર્ગન સ્ટેનલી કેપિટલ ઇન્ટરનેશનલ ઇમર્જિંગ માર્કેટ (EM) ઇન્ડેક્સમાં ભારત પર તેની લીડ વધુ મજબૂત બનાવી છે. આર્ટિફીશ્યલ ઈન્ટેલીજન્સ (AI)અને ટેકનોલોજી ક્ષેત્રો માટે વધતા ઉત્સાહ વચ્ચે, કંપની હવે વિદેશી રોકાણકારો માટે ટોચની પસંદગી બની રહી છે. MSCIની નવીનતમ ફેક્ટશીટ અનુસાર, ઇન્ડેક્સમાં તાઈવાન સેમીકન્ડકટર મેન્યુ. કંપની નું વેઇટેજ ૧૪%.

ભુજ સ્ટેટ GST કચેરીએ એપ્રિલ 2026માં રૂ. 143.08 કરોડનું જીએસટી કલેક્શન નોંધાવી નવો રેકોર્ડ બનાવ્યો છે, જે અગાઉના વર્ષ કરતાં આશરે રૂ. 47 લાખ વધુ છે. આ વૃદ્ધિ વેપારિક ગતિવિધિઓમાં સ્થિરતા અને કરચુકવણી પ્રત્યે વધતી જાગૃતિ દર્શાવે છે. રાજ્યમાં પણ GST કલેક્શનમાં 44% વૃદ્ધિ જોવા મળી છે, જે આર્થિક ક્ષમતા અને ટેક્સ પાલન સુધારાના સકારાત્મક સંકેત છે.

મુંબઈ ઝવેરી બજારમાં આજે  સોના-ચાંદીના ભાવમાં તીવ્ર ઉછાળો જોવા મળ્યો હતો. વિશ્વ બજારના સમાચાર તેજી બતાવતા હતા. વિશ્વ બજાર ઉછળતાં ઘરઆંગણે ઈમ્પોર્ટ કોસ્ટ વધી જતાં દેશના ઝવેરી બજારોમાં જે ભાવ ઉછળતાં દેખાયા હતા.  વિશ્વ બજારના સમાચાર મુજબ ઈરાન-અમેરિકા વચ્ચે યુદ્ધમાં શાંતિની શક્યતા વધતાં તથા વૈશ્વિક ડોલર ઈન્ડેક્સ તૂટતાં વૈશ્વિક સોનામાં ફંડોનું બાઈંગ વધ્યાના વાવડ હતા. દરમિયાન, વિશ્વ બજારમાં ક્રૂડતેલના ભાવ આજે ૯થી ૧૦ ટકા તૂટી ગયા હતા.

2020થી ભારત ઊભરતી બજારોમાં સૌથી સ્થિતિસ્થાપક રહ્યું છે. મજબૂત ફોરેકસ રિઝર્વ, સ્થિર નીતિ અને ઘરેલુ મૂડી બજારની ઊંડાઈએ ટેકો આપ્યો છે. Moody's Ratings અનુસાર, ભારત ભાવિ વૈશ્વિક આંચકા સહન કરવામાં સક્ષમ છે. ઘરેલુ ફન્ડિંગ ઊંડી સ્થાનિક બજારો અને નોંધપાત્ર રિઝર્વ દ્વારા સંતુલિત છે.

ગોરિલા માર્કેટિંગ, સર્જનાત્મકતા અને અપરંપરાગત યુક્તિઓ પર આધારિત, ભારતમાં "જુગાડ" નું વિસ્તરણ છે. Amul અને Fevicol જેવા બ્રાન્ડ્સે આ વ્યૂહરચનાનો અસરકારક ઉપયોગ કર્યો છે, જે દર્શાવે છે કે મર્યાદિત સંસાધનો સાથે પણ મોટી અસર ઊભી કરી શકાય છે. ગોરિલા માર્કેટિંગ એટલે અસામાન્ય સ્થળોએ મૂકવામાં આવેલી જાહેરાતો, સ્પોન્સરશિપ વિના મોટી ઇવેન્ટ કરીને લાભ લેવો, ઇન્ટરેક્ટિવ અનુભવો.

માર્ચમાં ૧૪ મહિનાની નીચી સપાટીએ રહ્યા બાદ ભારતની સેવા ક્ષેત્રની પ્રવૃત્તિ એપ્રિલમાં રિકવર થઈને પાંચ મહિનાની ઊંચી સપાટીએ પહોંચી છે. નવા ઓર્ડરમાં વધારો થતા સેવા પ્રવૃત્તિમાં વધારો થયો છે. એપ્રિલનો HSBC ઈન્ડિયા સર્વિસીઝ પરચેઝિંગ મેનેજર્સ' ઈન્ડેકસ (PMI) જે માર્ચમાં ૫૭.૫૦ હતો તે એપ્રિલમાં વધી ૫૮.૮૦ રહ્યો છે.