ગુજરાતમાં ઉનાળાની ગરમી વચ્ચે હવામાન વિભાગ દ્વારા એક મોટી આગાહી કરવામાં આવી છે. રાજ્યમાં 'સાયક્લોનિક સર્ક્યુલેશન' સક્રિય થવાને કારણે 10 જૂન સુધી અનેક જિલ્લાઓમાં તેજ પવન સાથે હળવાથી મધ્યમ વરસાદ પડશે. ઉત્તર, મધ્ય, પૂર્વીય અને દક્ષિણ ગુજરાતના બનાસકાંઠા, પાટણ, મહેસાણા, ગાંધીનગર, અમદાવાદ, આણંદ, પંચમહાલ, દાહોદ, મહીસાગર, વડોદરા, છોટાઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ, રાજકોટ, અમરેલી, ભાવનગર અને ગીર સોમનાથ જેવા વિસ્તારોમાં ગાજવીજ સાથે વરસાદની સંભાવના છે. આ સિસ્ટમને કારણે તાપમાનમાં ઘટાડો થશે અને ગરમી તથા બફારાથી રાહત મળશે.