ફ્રાન્સમાં ભીષણ ગરમી બની 'સાઈલન્ટ કિલર'
ફ્રાન્સમાં વર્તમાન વર્ષ 2026 દરમિયાન પડેલી અતિશય અને અસહ્ય ગરમીએ એક ભયાનક સ્વરૂપ ધારણ કરી લીધું છે. ફ્રેન્ચ જાહેર આરોગ્ય એજન્સી દ્વારા જારી કરવામાં આવેલા નવા અને ચોંકાવનારા ડેટા અનુસાર, જૂનના અંતથી જુલાઈની શરૂઆત વચ્ચેના માત્ર 16 દિવસના ટૂંકા ગાળામાં (17 જૂનથી 2 જુલાઈ દરમિયાન) દેશભરમાં 20,000 થી વધુ લોકોના મોત થયા છે. આ સમયગાળા દરમિયાન કુલ 21,674 મૃત્યુ નોંધાયા છે, જે સામાન્ય વર્ષોના આ જ સમયગાળાના સરેરાશ 15,910 મૃત્યુ કરતાં આશરે 5,764 (એટલે કે 36 ટકા) જેટલા વધુ છે. અગાઉ ૨૦૦૩માં આવેલા ગરમીના મોજામાં પણ 70,000 થી વધુ લોકોએ જીવ ગુમાવ્યા હતા.
ફ્રાન્સમાં ભીષણ ગરમી બની 'સાઈલન્ટ કિલર'
અમદાવાદ સહિત ગુજરાતના 20+ જિલ્લામાં આગામી 5 દિવસ વીજળી અને ભારે વરસાદનું એલર્ટ
હવામાન વિભાગે અમદાવાદ સહિત ગુજરાતના 20 થી વધુ જિલ્લાઓમાં આગામી 5 દિવસ વીજળીના કડાકા-ભડાકા સાથે ભારે વરસાદની આગાહી કરી છે. દક્ષિણ ગુજરાતના વિસ્તારોમાં મેઘતાંડવને કારણે જનજીવન અસ્તવ્યસ્ત થયું છે અને પૂરગ્રસ્ત વિસ્તારોમાંથી લોકોને સુરક્ષિત સ્થળોએ ખસેડવામાં આવ્યા છે. 23 જુલાઈએ 220 તાલુકામાં વરસાદ નોંધાયો હતો. 23મી રાત્રે 10 વાગ્યાથી 24મી જુલાઈ સુધી અનેક જિલ્લાઓમાં રેડ, ઓરેન્જ અને યલો એલર્ટ જાહેર કરવામાં આવ્યું છે, જેમાં મુખ્યત્વે મહીસાગર, પંચમહાલ, દાહોદ, છોટા ઉદેપુર, ભરૂચ, સુરત, નવસારી, વલસાડ જેવા વિસ્તારોનો સમાવેશ થાય છે.
અમદાવાદ સહિત ગુજરાતના 20+ જિલ્લામાં આગામી 5 દિવસ વીજળી અને ભારે વરસાદનું એલર્ટ
વડોદરામાં ચોમાસાની ધમાકેદાર શરૂઆત: દિવસભર ચાર ઇંચ વરસાદ
વડોદરા શહેરમાં ચોમાસાની ઋતુનો માહોલ જામ્યો છે, જ્યાં દિવસભર સતત વરસાદ ખાબક્યો છે. રેડ એલર્ટ વચ્ચે સવારથી મોડી સાંજ સુધી વરસેલા વરસાદના કારણે વાતાવરણમાં ઠંડક પ્રસરી છે. નીચાણવાળા વિસ્તારોમાં પાણી ભરાયા છે અને જનજીવન પ્રભાવિત થયું છે. જૂન મહિના બાદ જુલાઈમાં થયેલ આ ધોધમાર વરસાદથી ધરતીપુત્રો પણ ખુશ થયા છે. જિલ્લાના પાદરા, ડભોઇ અને કરજણ તાલુકામાં પણ સારો વરસાદ નોંધાયો છે. હવામાન વિભાગે આવતીકાલે ઓરેન્જ એલર્ટ જાહેર કર્યું છે.
વડોદરામાં ચોમાસાની ધમાકેદાર શરૂઆત: દિવસભર ચાર ઇંચ વરસાદ
ગુજરાત અને મહારાષ્ટ્રમાં મેઘતાંડવ
ગુજરાત અને મહારાષ્ટ્ર સહિત અનેક રાજ્યોમાં ભારે વરસાદને કારણે સ્થિતિ વણસી છે. દક્ષિણ ગુજરાતના વલસાડ, નવસારી, સુરત અને તાપી જેવા જિલ્લાઓમાં અતિભારે વરસાદથી નદી-નાળાં છલકાયા છે. ઘરો, દુકાનો અને રસ્તાઓ પર પાણી ભરાઈ જતાં જનજીવન અસ્તવ્યસ્ત થયું છે. હજારો લોકોને સુરક્ષિત સ્થળે ખસેડવામાં આવ્યા છે અને રાહત-બચાવ કાર્ય સતત ચાલી રહ્યું છે. મહારાષ્ટ્રના પાલઘર, વસઈ અને નાલાસોપારા જેવા વિસ્તારોમાં પણ ભારે જળબંબાકાર જોવા મળ્યો છે.
ગુજરાત અને મહારાષ્ટ્રમાં મેઘતાંડવ
વલસાડમાં નદીઓ ઓવરફ્લો, 12,754 લોકોનું સ્થળાંતર
વલસાડ જિલ્લામાં મુશળધાર વરસાદને કારણે ઔરંગા અને સ્વર્ગવાહિની નદીઓ ઓવરફ્લો થઈ છે, જેના પગલે જળબંબાકારની સ્થિતિ સર્જાઈ છે. તંત્ર દ્વારા 12,754 લોકોને સુરક્ષિત રીતે શેલ્ટર હોમમાં ખસેડવામાં આવ્યા છે. NDRF અને SDRF ની ટીમો દ્વારા 352 નાગરિકોનું સફળતાપૂર્વક રેસ્ક્યૂ કરાયું છે. આ ઘટનામાં 6 વૃક્ષો ધરાશાયી થયા છે અને 18 પશુઓના મોત નીપજ્યા છે. નાનાપોંઢા અને હિંગળાજ ગામે પણ બચાવ કામગીરી હાથ ધરાઈ હતી.
વલસાડમાં નદીઓ ઓવરફ્લો, 12,754 લોકોનું સ્થળાંતર
કરજણ ડેમના ૫ દરવાજા ખોલ્યા, કરજણ નદી બંને કાંઠે વહેતી થઈ
નર્મદા જિલ્લાના નાંદોદ તાલુકામાં સ્થિત કરજણ ડેમની જળસપાટી નિયંત્રિત કરવા માટે તેના ૫ દરવાજા ખોલવામાં આવ્યા છે. આ નિર્ણય કરજણ નદીમાં પાણીની માત્રા વધારી, તેને બંને કાંઠે વહેતી કરી રહ્યો છે. ડેમમાંથી હાલ ૪૩,૧૧૦ ક્યૂસેક પાણી છોડવામાં આવી રહ્યું છે. જિલ્લા વહીવટીતંત્ર દ્વારા કરજણ નદીના હેઠવાસમાં આવતા રાજપીપલા, ભદામ, ભચરવાડા જેવા ગામોના લોકોને નદી કિનારે ન જવા, પશુઓને નદી તરફ ન લઈ જવા અને માછીમારી જેવી પ્રવૃત્તિઓથી દૂર રહેવા અપીલ કરવામાં આવી છે.
કરજણ ડેમના ૫ દરવાજા ખોલ્યા, કરજણ નદી બંને કાંઠે વહેતી થઈ
વડોદરામાં ભારે વરસાદને કારણે એક ડઝન વૃક્ષો ધરાશાયી
વડોદરા શહેરમાં અતિભારે વરસાદને કારણે એક ડઝનથી વધુ વૃક્ષો ધરાશાયી થતાં ફાયર બ્રિગેડની ટીમોને કામે લગાડવી પડી હતી. સદભાગ્યે, કોઈ જાનહાનિ થઈ નથી. સુભાનપુરા, અલકાપુરી, નાથીબા ગાર્ડન, કારેલીબાગ, કોતર તલાવડી, મકરપુરા, સયાજીપુરા અને સેવાસી રોડ જેવા વિસ્તારોમાં વૃક્ષો પડવાની ઘટનાઓ બની હતી. સેવાસી રોડ પર વૃક્ષ પડવાથી એકતરફી માર્ગ બંધ થયો હતો, જેનાથી વાહનચાલકોને હાલાકી પડી હતી. અન્ય રસ્તાઓ પર પાણી ભરાવાથી વાહનો અટવાયા હતા.
વડોદરામાં ભારે વરસાદને કારણે એક ડઝન વૃક્ષો ધરાશાયી
સુરતમાં ખાડીઓ ભયજનક સપાટી વટાવી ગઈ!
Surat heavy Rain: સુરતમાં ભારે વરસાદથી જ્યાં જુઓ ત્યાં જળપ્રલય જેવા દૃશ્યો સર્જાયા છે. શહેરમાંથી પસાર થતી ખાડીઓ બંને કાંઠે વહેતી થતાં આજુબાજુના વિસ્તારોમાં પરિસ્થિતિ અત્યંત ખરાબ થઈ ગઈ છે. સુરતની ખાડી ઓવરફ્લો સુરતના ઉમરપાડા, અંબિકા સહિતના વિસ્તારોમાં ધોધમાર વરસાદ વરસ્યો છે. અતિભારે વરસાદને લઈને શહેરની મીઠી ખાડી, ભેદવાડ અને સીમાડા ખાડી ઓવરફ્લો થઈ જતાં ખાડીના પાણી આસપાસના રહેણાંક વિસ્તારોમાં ફરી વળ્યા છે. જેમાં ભેદવાડ ખાડી 7.60 મીટરે અને સીમાડા ખાડી 4.70 મીટરની ભયજનક સપાટી વટાવીને ઓવરફ્લો થઈ રહી છે, જેના કારણે સ્થાનિકો ભારે મુશ્કેલીમાં મૂકાયા છે.
સુરતમાં ખાડીઓ ભયજનક સપાટી વટાવી ગઈ!
ન્યુક્લિયર ડીલ માટે ટ્રમ્પે સાઉદી અરેબિયા સામે મૂકી બે મોટી શરતો
અમેરિકી રાષ્ટ્રપતિ ડોનાલ્ડ ટ્રમ્પે સાઉદી અરેબિયા સાથેની નાગરિક પરમાણુ ડીલ માટે બે મુખ્ય શરતો મૂકી છે. પ્રથમ, સાઉદી અરેબિયાએ ઈઝરાયેલ સાથે સંબંધ સુધારવા માટે અબ્રાહમ એકોર્ડ્સમાં જોડાવવું પડશે. આ કરાર ફક્ત ગેર-સૈન્ય ઉપયોગ માટે છે અને યુરેનિયમ સંવર્ધનની મંજૂરી નહીં મળે. બીજી, લાલ સમુદ્રમાં સાઉદી તેલ ટેન્કરો પર થયેલા હુમલા બાદ ટ્રમ્પે હુથી વિદ્રોહીઓ અને ઈરાનને ગંભીર પરિણામો ભોગવવાની ધમકી આપી છે, અને આ કૃત્ય માટે ઈરાનને જવાબદાર ગણાવ્યું છે.
ન્યુક્લિયર ડીલ માટે ટ્રમ્પે સાઉદી અરેબિયા સામે મૂકી બે મોટી શરતો
લાલ સમુદ્ર સુધી પહોંચેલું યુદ્ધ: હૂતી દ્વારા ટેન્કરો પર હુમલા
મધ્ય પૂર્વમાં તણાવ વધી રહ્યો છે, જ્યાં અમેરિકી દળોએ ઇરાન પર સતત ૧૨મી રાત્રે હુમલા ચાલુ રાખ્યા છે. તેમનો ઉદ્દેશ્ય ઇરાનની તાકાત તોડવાનો અને હોર્મુઝ સ્ટ્રેટ પર નિયંત્રણ મેળવવાનો છે. બીજી તરફ, યમનના હૂતી વિદ્રોહીઓએ લાલ સમુદ્રમાં સઉદી અરબ નજીક બે ટેન્કરો પર મિસાઇલ અને ડ્રોન હુમલા કર્યા છે, જેનાથી યુદ્ધનો વ્યાપ લાલ સમુદ્ર સુધી વિસ્તર્યો છે. સઉદી અરબ સાથે અમેરિકાની નાગરિક પરમાણુ સંધિથી ઇરાન વધુ ભડક્યું છે.
લાલ સમુદ્ર સુધી પહોંચેલું યુદ્ધ: હૂતી દ્વારા ટેન્કરો પર હુમલા
એસ. જયશંકર બ્રુની, પાપુઆ ન્યુ ગીનીના વિદેશમંત્રીઓને મળ્યા
મનીલામાં ASEAN વિદેશમંત્રી પરિષદ દરમિયાન, ભારતીય વિદેશમંત્રી એસ. જયશંકરે બ્રુની અને પાપુઆ ન્યૂ ગીનીના વિદેશમંત્રીઓ સાથે દ્વિપક્ષીય સંબંધો, ટેકનોલોજી અને Artificial Intelligence પર વિસ્તૃત ચર્ચા કરી. તેમણે બ્રુનીના વિદેશમંત્રી પ્રિન્સ અબ્દુલ માતીનને અભિનંદન પાઠવ્યા. પાપુઆ ન્યૂ ગીનીના વિદેશમંત્રી જસ્ટીન ડબલ્યુ તત્કાય શેંકો સાથે Indo-Pacific વિસ્તારના મુદ્દાઓ અને FIPICને મજબૂત કરવા પર ભાર મૂક્યો. બ્રુની તેલ સમૃદ્ધ છે, જ્યારે પાપુઆ ન્યૂ ગીનીનું વ્યૂહાત્મક સ્થાન ચીનના પ્રવેશને રોકવા માટે મહત્વપૂર્ણ છે.
એસ. જયશંકર બ્રુની, પાપુઆ ન્યુ ગીનીના વિદેશમંત્રીઓને મળ્યા
ઇરાનનો અમેરિકાને 9/11 જેવો જવાબ: 'આખા અમેરિકામાં શોક છવાઈ જશે'
ટ્રમ્પ દ્વારા ઈરાનના હોર્મુઝ સ્ટ્રેઇટસમાંથી પસાર થતા જહાજો પર હુમલાની ધમકીના પ્રત્યુત્તરમાં ઈરાને વળતો જવાબ આપ્યો છે. ઈરાની સંસદના સભ્ય મોહમ્મદ બાધેર ઘાવીબે જણાવ્યું કે, જો અમેરિકા હુમલા ચાલુ રાખશે તો ઈરાન એવું પગલું ભરશે કે આખું અમેરિકા 'રાષ્ટ્રીય શોક'માં ડૂબી જશે. આ ચેતવણીને ૯/૧૧ના આતંકી હુમલાઓ સાથે સરખાવવામાં આવી રહી છે, જેમાં ઓસામા-બિન-લાદેને ન્યૂયૉર્કના વર્લ્ડ ટ્રેડ સેન્ટર પર વિમાનો વડે હુમલો કરાવ્યો હતો. ઈરાનનું કહેવું છે કે જ્યાં સુધી અમેરિકી દળો ત્યાં રહેશે ત્યાં સુધી હોર્મુઝ સલામત નહીં રહે.
ઇરાનનો અમેરિકાને 9/11 જેવો જવાબ: 'આખા અમેરિકામાં શોક છવાઈ જશે'
દક્ષિણ ગુજરાતમાં મેઘરાજાનું રૌદ્ર સ્વરૂપ; પૂર પ્રભાવિત અનેક લોકોનું રેસ્ક્યૂ
ગુજરાતમાં ચોમાસાનું રૌદ્ર સ્વરૂપ જોવા મળી રહ્યું છે, ખાસ કરીને દક્ષિણ ગુજરાતમાં અતિવૃષ્ટિને કારણે જનજીવન અસ્તવ્યસ્ત થયું છે. નવસારીના ચીખલી અને ખેરગામમાં 16 ઈંચથી વધુ વરસાદ નોંધાયો છે. વલસાડના ઉમરગામમાં 35.67 ઈંચ વરસાદ ખાબક્યો છે, જેના પગલે સમગ્ર જિલ્લો પાણીમાં ગરકાવ થયો છે. અત્યાર સુધીમાં 3745 લોકોનું રેસ્ક્યૂ કરાયું છે અને 9,929 લોકોને સુરક્ષિત સ્થળે ખસેડાયા છે. 26 સ્ટેટ હાઈવે સહિત કુલ 1201 રસ્તા બંધ છે. 15 ડેમ હાઈ એલર્ટ પર છે અને NDRF-SDRFની ટીમો તૈનાત કરવામાં આવી છે.
દક્ષિણ ગુજરાતમાં મેઘરાજાનું રૌદ્ર સ્વરૂપ; પૂર પ્રભાવિત અનેક લોકોનું રેસ્ક્યૂ
વડાપ્રધાન નરેન્દ્રભાઇએ મુખ્યમંત્રી સાથે વાત કરી
ગુજરાતમાં ભારે વરસાદની સ્થિતિ અંગે વડાપ્રધાન નરેન્દ્રભાઈ મોદીએ મુખ્યમંત્રી ભૂપેન્દ્ર પટેલ સાથે વાતચીત કરીને વિગતો મેળવી. વડાપ્રધાને રાજ્યમાં બચાવ, રાહત અને સલામતીના પગલાંઓમાં કેન્દ્ર સરકાર તરફથી સંપૂર્ણ મદદની ખાતરી આપી છે. મુખ્યમંત્રી પટેલે કેન્દ્રીય ગૃહ મંત્રી અમિત ભાઈ શાહ સાથે પણ વાત કરી, જેમણે જરૂરી મદદની ખાતરી આપી. અસરગ્રસ્ત જિલ્લાઓમાં નાયબ મુખ્યમંત્રી હર્ષ સંઘવી અને અન્ય મંત્રીઓને મોકલી વહીવટી તંત્રને મદદ કરવા સૂચના અપાઈ છે.
વડાપ્રધાન નરેન્દ્રભાઇએ મુખ્યમંત્રી સાથે વાત કરી
નવસારીમાં આકાશમાંથી આફત!
છેલ્લા 4-5 દિવસથી દક્ષિણ ગુજરાતમાં ભારે વરસાદના કારણે નવસારી અને વલસાડ જિલ્લામાં અનેક વિસ્તારો જળમગ્ન થયાં છે. 23 જુલાઈએ નવસારીના ખેરગામમાં 16 ઇંચથી વધુ વરસાદ નોંધાયો, જ્યારે ગણદેવી અને ચીખલીમાં 2 કલાકમાં 8-8 ઇંચ વરસાદ પડ્યો. અવિરત વરસાદથી નવસારી બેટમાં ફેરવાયું છે અને નદીઓ બે કાંઠે વહી રહી છે. ચીખલીમાં કાવેરી નદીનું રૌદ્ર સ્વરૂપ જોવા મળ્યું, જેમાં તડકેશ્વર મહાદેવ મંદિર પાણીમાં ડૂબી ગયું. મુસળધાર વરસાદથી વાહનવ્યવહાર ઠપ્પ થયો અને જનજીવન સંપૂર્ણપણે અસ્તવ્યસ્ત બન્યું છે.
નવસારીમાં આકાશમાંથી આફત!
મોબાઈલમાં ગુંજ્યો 'Extremely Severe Alert''
સુરતમાં ભારે વરસાદ અને પાણી ભરાવાની સ્થિતિ વચ્ચે મોબાઈલમાં અચાનક 'Extremely Severe Alert' ગુંજતા લોકો ચિંતિત બન્યા હતા. આ ઈમરજન્સી એલર્ટ અને ખાસ ટોને સૌને ક્ષણભર માટે ગભરાવી દીધા. SDMA દ્વારા આગામી 24 કલાક માટે અતિભારે વરસાદની ચેતવણી જાહેર થતાં, આ એલર્ટ ચર્ચાનો વિષય બન્યો. સોશિયલ મીડિયા પર સ્ક્રીનશોટ વાયરલ થયા. આ એલર્ટ ખાસ કરીને સુરત સહિત ગુજરાતના 11 જિલ્લાઓમાં પહોંચ્યું હતું.
મોબાઈલમાં ગુંજ્યો 'Extremely Severe Alert''
જામનગર અને દ્વારકા જિલ્લામાં વરસાદની ભારે ઘટ
'અલ નીનો'ની અસરને કારણે સૌરાષ્ટ્રના જામનગર અને દેવભૂમિ દ્વારકા જિલ્લામાં વરસાદની ભારે અછત સર્જાઈ છે. તાજેતરના આંકડા મુજબ, દેવભૂમિ દ્વારકામાં 96% અને જામનગર જિલ્લામાં 80% વરસાદની ઘટ નોંધાઈ છે. ગત વર્ષની સરખામણીમાં આ વર્ષે જુલાઈ માસના અંત સુધીમાં ખૂબ જ ઓછો વરસાદ પડ્યો છે. આ સ્થિતિને કારણે ખેડૂતોમાં પાક નિષ્ફળ જવાનો અને પીવાના પાણીની તંગીનો ભય વ્યાપ્યો છે. હાલ સૌ ખેડૂતો ઓગસ્ટમાં બંગાળની ખાડીમાં સર્જાનારી સિસ્ટમ પર આશા રાખી રહ્યા છે.
જામનગર અને દ્વારકા જિલ્લામાં વરસાદની ભારે ઘટ
દક્ષિણ ગુજરાતમાં વરસાદનો કહેર: અમિત શાહે CM સાથે કરી વાત
દક્ષિણ ગુજરાતમાં સતત બીજા દિવસે મેઘરાજાના કહેરથી સુરત, નવસારી, વલસાડ, ભરૂચ અને અંકલેશ્વર સહિતના વિસ્તારોમાં જળબંબાકારની સ્થિતિ છે. અનેક રસ્તાઓ પાણીમાં ગરકાવ થતાં જનજીવન ગંભીર રીતે પ્રભાવિત બન્યું છે. કેન્દ્રીય ગૃહમંત્રી અમિત શાહે મુખ્યમંત્રી સાથે ટેલિફોનિક વાતચીત કરી મદદની ખાતરી આપી. નાયબ મુખ્યમંત્રી હર્ષ સંઘવીએ જાહેર કાર્યક્રમો રદ કરી દક્ષિણ ગુજરાતના પ્રવાસે ગયા છે. સુરત સહિત અનેક વિસ્તારોમાં શાળાઓમાં રજા જાહેર કરાઈ છે. રાજ્ય સરકાર એલર્ટ મોડમાં છે.
દક્ષિણ ગુજરાતમાં વરસાદનો કહેર: અમિત શાહે CM સાથે કરી વાત
સુરતમાં ધોધમાર વરસાદથી ખાડીપૂરનો ભય
સુરત શહેરમાં રાતભર થયેલા ભારે વરસાદથી જળબંબાકારની સ્થિતિ સર્જાઈ છે, જેના પગલે ખાડીઓ ઓવરફ્લો થઈ ભયજનક સપાટી વટાવી ગઈ છે. હવામાન વિભાગે રેડ એલર્ટ જાહેર કર્યું છે. તાપી નદી પણ બે કાંઠે વહી રહી છે. અનેક વિસ્તારોમાં પાણી ભરાતા રસ્તા બંધ કરાયા છે. ભેદવાડ ખાડી સહિત અન્ય ખાડીઓ ઓવરફ્લો થતાં આસપાસના વિસ્તારોમાં પાણી ફરી વળ્યા છે. મહાનગરપાલિકા અને ફાયર બ્રિગેડ દ્વારા 2,200થી વધુ લોકોને સુરક્ષિત સ્થળે ખસેડવામાં આવ્યા છે. સુરત ટેક્સટાઇલ માર્કેટ પણ બંધ રાખવાનો નિર્ણય લેવાયો છે.
સુરતમાં ધોધમાર વરસાદથી ખાડીપૂરનો ભય
દક્ષિણ ગુજરાતમાં રેલ વ્યવહાર ખોરવાયો, સુરત-મુંબઈ વચ્ચે ટ્રેનો થંભી
દક્ષિણ ગુજરાતમાં અતિભારે વરસાદને કારણે રેલવે ટ્રેક પર પાણી ભરાતાં પશ્ચિમ રેલવેની સેવાઓ પ્રભાવિત થઈ છે. સુરત અને મુંબઈ વચ્ચે ટ્રેન વ્યવહાર અનિશ્ચિત સમય માટે સ્થગિત થતાં હજારો મુસાફરો મુશ્કેલીમાં મુકાયા છે. વડોદરા રેલવે સ્ટેશન પર મુસાફરોનો ધસારો અને અફરાતફરીનો માહોલ છે. ટ્રેનો રદ થવા અને વિલંબિત થવાના કારણે વડોદરા સ્ટેશન પર ભીડ જામી છે. યોગ્ય માહિતીના અભાવે હેલ્પ ડેસ્ક પર લાંબી લાઈનો લાગી છે. ટિકિટ રિફંડ મુદ્દે પણ મુસાફરો મૂંઝવણમાં છે.
દક્ષિણ ગુજરાતમાં રેલ વ્યવહાર ખોરવાયો, સુરત-મુંબઈ વચ્ચે ટ્રેનો થંભી
અમેરિકાનો ઈરાન પર B-1 બોમ્બરથી ઘાતક હુમલો
અમેરિકા અને ઈરાન વચ્ચે તણાવ વધ્યો છે, જેમાં અમેરિકન સેનાએ પ્રથમ વખત B-1 Lancer Bomber નો ઉપયોગ કરીને ઈરાનના IRGC ઠેકાણાઓ પર હુમલો કર્યો. આ શક્તિશાળી વિમાન, જે ઓછી ઊંચાઈએ અવાજ કરતાં વધુ ઝડપે ઉડી શકે છે અને મોટા પ્રમાણમાં બોમ્બ તથા મિસાઈલ લઈ જવાની ક્ષમતા ધરાવે છે, તેણે ઈરાનના સૈન્ય મથકો, ડ્રોન સ્ટોરેજ અને દરિયાઈ ક્ષમતા વાળા ઠેકાણાઓને નિશાન બનાવ્યા. આ હુમલાનો હેતુ હોર્મુઝ સ્ટ્રેટમાં ઈરાનની જહાજો પર હુમલો કરવાની તાકાતને નબળી પાડવાનો છે.
અમેરિકાનો ઈરાન પર B-1 બોમ્બરથી ઘાતક હુમલો
વાવ-થરાદ ભારતમાલા સર્વિસ રોડ પર સામાન્ય વરસાદમાં જ જળબંબાકાર
વાવ-થરાદ નજીક ભારતમાલા હાઇવેના પીલુડા પંપ પાસેના સર્વિસ રોડ પર સામાન્ય વરસાદમાં જ પાણી ભરાઈ જતાં રસ્તો જળબંબાકાર થયો છે. પાણીના યોગ્ય નિકાલની વ્યવસ્થાના અભાવે સ્થાનિકો, વાહનચાલકો અને ખેડૂતોને ભારે હાલાકી પડી રહી છે. નાના વાહનો અને ટુ-વ્હીલર પાણીમાં બંધ પડી રહ્યા છે, જેના કારણે અનેક વાહનચાલકો રસ્તા પર અટવાયા છે. APMC અને વેપાર મથકો નજીક હોવા છતાં, આ સ્થિતિ વેપાર-વાણિજ્યને પણ અસર કરી રહી છે. સ્થાનિકો દ્વારા પાણીના નિકાલ માટે તાત્કાલિક કાર્યવાહી અને યોગ્ય ડ્રેનેજ સિસ્ટમની માંગણી કરાઈ છે.
વાવ-થરાદ ભારતમાલા સર્વિસ રોડ પર સામાન્ય વરસાદમાં જ જળબંબાકાર
અમદાવાદમાં આગામી 3 દિવસ રેડ એલર્ટ
અમદાવાદ શહેર માટે આગામી ત્રણ દિવસ અત્યંત મહત્વના સાબિત થઈ શકે છે. હવામાન વિભાગ દ્વારા શહેર અને આસપાસના વિસ્તારોમાં અતિભારે વરસાદની આગાહીને પગલે રેડ એલર્ટ જાહેર કરાયું છે. સતત વરસાદને કારણે શહેરમાં જળબંબાકાર અને દૈનિક જનજીવન પર વ્યાપક અસર પડવાની શક્યતા છે. ઉપરવાસમાંથી સાબરમતીમાં પાણી છોડાતા નદીનું જળસ્તર વધશે, જેના કારણે નદીમાં પૂર જેવી સ્થિતિ સર્જાવાની આશંકા છે. નદી કાંઠાના નીચાણવાળા વિસ્તારોમાં રહેતા લોકો માટે ખાસ સાવચેતી રાખવા સૂચના અપાઈ શકે છે.
અમદાવાદમાં આગામી 3 દિવસ રેડ એલર્ટ
અમદાવાદમાં ધોધમાર વરસાદના લીધે અનેક વિસ્તારોમાં જળબંબાકાર
અમદાવાદ શહેરના બોડકદેવ, માણેકબાગ, પાલડી, નહેરુનગર, અને ધરણીધર જેવા વિસ્તારોમાં ધોધમાર વરસાદથી જળબંબાકારની સ્થિતિ સર્જાઈ છે. સવારે કામ પર જતા લોકોને ભારે મુશ્કેલી પડી રહી છે. અખબારનગર અંડરબ્રિજ અને એસ.જી. હાઇવે પર પાણી ભરાવાથી વાહનવ્યવહાર ઠપ્પ થઈ ગયો છે. કેટલાંક વિસ્તારોમાં માત્ર એક કલાકમાં 2 ઈંચથી વધુ વરસાદ નોંધાયો છે. બોપલ જેવા વિસ્તારોમાં ઘૂંટણસમા પાણી ભરાતા લોકોની મુશ્કેલી વધી છે. છેલ્લા 24 કલાકમાં રાજ્યના 213 તાલુકામાં વરસાદ નોંધાયો છે, જેમાં દક્ષિણ ગુજરાતમાં સૌથી વધુ વરસાદ પડ્યો છે.
અમદાવાદમાં ધોધમાર વરસાદના લીધે અનેક વિસ્તારોમાં જળબંબાકાર
નવસારીમાં પૂર્ણા નદી ભયજનક સપાટી વટાવી
નવસારીમાં સતત ભારે વરસાદને કારણે પૂર્ણા નદી ભયજનક નિશાન 23 ફૂટ વટાવી 24 ફૂટે પહોંચી છે. નીચાણવાળા વિસ્તારોમાં પૂરના પાણી ઘૂસી જતાં તંત્ર દ્વારા તાત્કાલિક બચાવ કામગીરી શરૂ કરાઈ છે. દક્ષિણ ગુજરાતમાં મેઘતાંડવ વચ્ચે નવસારી શહેર અને ગ્રામ્ય વિસ્તારોમાં ગંભીર સ્થિતિ સર્જાઈ છે. ઉપરવાસમાંથી પાણીની ભારે આવકને કારણે જળસપાટીમાં ઝડપી વધારો થયો છે. રંગૂન નગર, શાંતાદેવી રોડ સહિતના વિસ્તારોમાં પાણી ભરાતા વાહનવ્યવહાર ખોરવાયો છે. વહીવટી તંત્ર દ્વારા નદી કિનારે રહેતા લોકોને સુરક્ષિત સ્થળોએ ખસેડવાની કામગીરી યુદ્ધના ધોરણે શરૂ કરાઈ છે.
નવસારીમાં પૂર્ણા નદી ભયજનક સપાટી વટાવી
અંબાલાલ પટેલની આગાહી: ગુજરાતમાં હજુ બે દિવસ ભારે વરસાદ
હવામાન નિષ્ણાત અંબાલાલ પટેલે ગુજરાત માટે મહત્વની આગાહી કરી છે. આગામી બે દિવસ રાજ્યમાં ભારે વરસાદ યથાવત રહેશે, જેમાં ઉત્તર, મધ્ય, દક્ષિણ ગુજરાત અને સૌરાષ્ટ્રના અનેક વિસ્તારોમાં ભારેથી અતિભારે વરસાદની સંભાવના છે. અમદાવાદ અને ગાંધીનગરમાં આગામી 24 કલાક વરસાદનું જોર રહેશે. મહેસાણા, પાટણ, સાબરકાંઠા, વડોદરા, પંચમહાલ, દાહોદ, સુરત, નવસારી, ભરૂચ, તાપી, નર્મદા, દક્ષિણ સૌરાષ્ટ્ર, સુરેન્દ્રનગર, રાજકોટ અને હળવદમાં પણ ભારે વરસાદની શક્યતા છે. 27 જુલાઈ બાદ વરસાદનો નવો રાઉન્ડ શરૂ થઈ શકે છે અને ઓગસ્ટમાં પણ અણધાર્યા ભારે વરસાદના રાઉન્ડ આવી શકે છે.
અંબાલાલ પટેલની આગાહી: ગુજરાતમાં હજુ બે દિવસ ભારે વરસાદ
વલસાડમાં આકાશી આફતથી 3 તાલુકા પ્રભાવિત
દક્ષિણ ગુજરાતમાં ચોમાસાના ભારે વરસાદથી વલસાડ જિલ્લામાં ગંભીર સ્થિતિ સર્જાઈ છે. સતત મેઘતાંડવને કારણે ત્રણ મુખ્ય તાલુકાઓમાં જળબંબાકારની સ્થિતિ છે. ઉમરગામ તાલુકામાં 35 ઇંચ વરસાદ બાદ વધુ 7 ઇંચ ખાબકતા સમગ્ર વિસ્તાર પાણીમાં ડૂબી ગયો છે. બસ સ્ટેશન, સ્ટેશન રોડ અને હાઉસિંગ વિસ્તારમાં નદી જેવો પ્રવાહ જોવા મળ્યો, જેનાથી ઘરો અને દુકાનોમાં પાણી ભરાઈ મોટા પાયે નુકસાન થયું છે. વલસાડ શહેરના દાણા બજાર અને બરૂડિયા વાડમાં પણ પાણી ભરાતા લોકો પરેશાન છે. સ્થાનિક તંત્ર અને આપત્તિ વ્યવસ્થાપન ટીમો લોકોને સલામત સ્થળે ખસેડવા અને પાણીના નિકાલ માટે કાર્યરત છે.
વલસાડમાં આકાશી આફતથી 3 તાલુકા પ્રભાવિત
અમદાવાદમાં મેઘરાજાની ધમાકેદાર એન્ટ્રી
અમદાવાદ શહેરમાં વહેલી સવારથી ધોધમાર વરસાદ વરસી રહ્યો છે, જેના કારણે જનજીવન પ્રભાવિત બન્યું છે. SG હાઈવે સહિત અનેક નીચાણવાળા વિસ્તારોમાં પાણી ભરાઈ જતાં વાહનચાલકો અને નાગરિકોને ભારે હાલાકીનો સામનો કરવો પડી રહ્યો છે. ટ્રાફિકની સમસ્યા સર્જાતાં લોકોને ઓફિસ અને નોકરી-ધંધા પર જવામાં મુશ્કેલી પડી રહી છે. બોડકદેવ, શિવરંજની, જોધપુર જેવા વિસ્તારોમાં પણ ભારે વરસાદ નોંધાયો છે. વહીવટી તંત્ર દ્વારા પાણીના નિકાલની કામગીરી હાથ ધરાઈ છે અને સાવચેતી રાખવા અપીલ કરાઈ છે. હવામાન વિભાગે આગામી કલાકોમાં પણ વરસાદની શક્યતા વ્યક્ત કરી છે.
અમદાવાદમાં મેઘરાજાની ધમાકેદાર એન્ટ્રી
દક્ષિણ ગુજરાતમાં ભારે વરસાદ
ગુજરાતના દક્ષિણ ભાગમાં સતત વરસાદથી સર્જાયેલી ગંભીર પરિસ્થિતિ વચ્ચે, સુરત, નવસારી, વલસાડ અને ભરૂચ જેવા જિલ્લાઓમાં જળપ્રલય જેવી સ્થિતિ જોવા મળી રહી છે. હવામાન વિભાગ દ્વારા રેડ એલર્ટ જાહેર કરાયું છે. નીચાણવાળા વિસ્તારોમાં પાણી ભરાવાથી જનજીવન અસ્તવ્યસ્ત થયું છે. મુખ્યમંત્રીએ તાત્કાલિક ગાંધીનગર ખાતે ઉચ્ચસ્તરીય બેઠક યોજી રાહત અને બચાવ કામગીરીની સમીક્ષા કરી. NDRF અને SDRF ની ટીમો તૈનાત કરાઈ છે અને લોકોને સલામત સ્થળોએ ખસેડવાની કામગીરી ચાલી રહી છે.
દક્ષિણ ગુજરાતમાં ભારે વરસાદ
અમદાવાદમાં ધોધમાર વરસાદના લીધે વાહનો ડૂબ્યાં
અમદાવાદ શહેરમાં લાંબા વિરામ બાદ થયેલા ધોધમાર વરસાદને કારણે અનેક નીચાણવાળા વિસ્તારોમાં જળબંબાકારની સ્થિતિ સર્જાઈ હતી. માત્ર ત્રણ કલાકના વરસાદમાં મુખ્ય માર્ગો પર વાહનવ્યવહાર પ્રભાવિત થયો અને લોકોને ભારે હાલાકી પડી. કોર્પોરેટ રોડ, આનંદનગર રોડ, આશ્રમ રોડ સહિત અનેક વિસ્તારોમાં ઘૂંટણસમા પાણી ભરાઈ ગયા હતા. સાબરમતી નદીમાં પાણીની આવક વધતાં વાસણા બેરેજના ત્રણ દરવાજા ખોલવાની ફરજ પડી હતી. આ વરસાદે શહેરની ડ્રેનેજ અને ટ્રાફિક વ્યવસ્થા પર પણ સવાલો ઉઠાવ્યા છે.
અમદાવાદમાં ધોધમાર વરસાદના લીધે વાહનો ડૂબ્યાં
રોબર્ટ કિયોસાકીની ગ્લોબલ ઈકોનોમી ક્રેશની ભવિષ્યવાણી
મિડલ ઈસ્ટ યુદ્ધ, કાચા તેલના ભાવમાં વધારો, અને શેરબજારની અસ્થિરતા વચ્ચે 'રિચ ડૅડ પુઅર ડૅડ'ના લેખક રોબર્ટ કિયોસાકીએ વૈશ્વિક અર્થતંત્ર ક્રેશ થઈ રહ્યું હોવાની ચેતવણી આપી છે. તેમણે 'રિચ ડૅડ્સ પ્રોફેસી'માં આ ભવિષ્યવાણી કરી હતી. કિયોસાકી જણાવે છે કે, જે લોકોએ તેમની સલાહનું પાલન કર્યું છે તેઓ સુરક્ષિત છે. હજુ પણ મોડું થયું નથી, આર્થિક સંકટમાં પણ યોગ્ય રોકાણથી સમૃદ્ધ બની શકાય છે. સોના, ચાંદી અને ક્રિપ્ટોકરન્સીને તેઓ શ્રેષ્ઠ માધ્યમ ગણાવે છે.