વૈશ્વિક ભૌગોલિક-રાજકીય તણાવ અને દરિયાઈ સુરક્ષા જોખમો વચ્ચે ભારત માટે રાહતના સમાચાર આવ્યા છે. માર્શલ આઇલેન્ડ્સનો ધ્વજ ધરાવતું ‘સિમી’ નામનું વિશાળ LPG ટેન્કર સુરક્ષિત રીતે સ્ટ્રેટ ઓફ હોર્મુઝ પાર કરીને ગુજરાતના કંડલાના દીનદયાલ પોર્ટ પર પહોંચી ગયું છે. આ જહાજ આશરે 20,000 મેટ્રિક ટન રાંધણ ગેસ લઈને આવ્યું છે અને તેમાં 21 વિદેશી ક્રૂ મેમ્બર્સ સવાર છે. 13 મેના રોજ હોર્મુઝ જળમાર્ગ પાર કર્યા બાદ જહાજ કોઈ અવરોધ વગર કંડલા પહોંચ્યું હતું, જ્યારે સમગ્ર મુસાફરી દરમિયાન તેની સુરક્ષા પર સતત નજર રાખવામાં આવી રહી હતી.

રશિયાના રાષ્ટ્રપ્રમુખ વ્લાદિમીર પુતિન કડક વલણ માટે જાણીતા છે, પરંતુ એક ઇવેન્ટમાં સુપરફેમસ સેલિબ્રિટી ટીના કંડેલાકીએ તેમનો હાથ ખેંચી લીધો. ટીના રશિયાની પ્રભાવશાળી ટીવી એન્કર, જર્નાલિસ્ટ અને બિઝનેસવુમન છે. તે રશિયન મીડિયા ઇન્ડસ્ટ્રી પર દબદબો ધરાવે છે અને પુતિનની નીતિઓની સમર્થક છે. પુતિન આ અણધાર્યા પગલાથી થોડા અસહજ અને હેરાન દેખાયા, જ્યારે મહિલા ભારે આત્મવિશ્વાસ સાથે પુતિન તરફ જોઈને સ્માઈલ આપી રહી હતી.

મિડલ ઈસ્ટ યુદ્ધના પગલે CNGના ભાવ વધ્યા, જેના કારણે અમદાવાદમાં રિક્ષા ભાડું 15-20% મોંઘું થયું. ઓનલાઈન ટેક્સીના ભાવમાં પણ 5-10 રૂપિયાનો વધારો થયો છે. આનાથી નોકરિયાત, મધ્યમ અને વિદ્યાર્થી વર્ગના બજેટ પર અસર પડી છે, જેમને હવે ટૂંકા અંતર માટે પણ વધુ ભાડું ચૂકવવું પડી રહ્યું છે. રિક્ષા અસોસિયેશન દ્વારા સરકારમાં ભાડું વધારવા રજૂઆત કરાઈ છે.

ભારત અને પાકિસ્તાન વચ્ચે સિંધુ જળ સંધિને લઈને તણાવ વધુ વકરી ગયો છે. 15 મેના રોજ એક કથિત મધ્યસ્થતા અદાલતે જળ ગ્રહણ ક્ષેત્ર અંગે આપેલા ચુકાદાને ભારતે સંપૂર્ણપણે ફગાવી દીધો છે. વિદેશ મંત્રાલયના પ્રવક્તા રણધીર જયસ્વાલેજણાવ્યું કે આ ગેરકાયદેસર રીતે રચાયેલી અદાલતના કોઈપણ નિર્ણયને ભારત માન્યતા આપતું નથી. ભારતે પહેલેથી જ સિંધુ જળ સંધિને સ્થગિત કરી છે અને સ્પષ્ટ કર્યું છે કે પાકિસ્તાન આતંકવાદને સમર્થન આપવાનું બંધ નહીં કરે ત્યાં સુધી સંધિ ફરી અમલમાં આવશે નહીં.

નવા સ્માર્ટફોન ખરીદવાને બદલે, હાલના ફોનની યોગ્ય કાળજી લો. ફોનને ઓવરહિટિંગથી બચાવો, 20%-80% ચાર્જિંગ રાખો, અને 100% સ્ટોરેજ ક્યારેય ન ભરો. સોફ્ટવેર અપડેટ્સને અવગણશો નહીં. આ ટિપ્સ ફોલો કરીને તમારા સ્માર્ટફોનનું આયુષ્ય લાંબુ કરો.

નેધરલેન્ડ યાત્રાએ પીએમ મોદીની હાજરીમાં 1000 વર્ષ જૂના ચોલ તામ્ર પટ્ટીકાઓ ભારત લાવવા કરાર થયો. ટાટા ઇલેક્ટ્રોનિક્સ અને ડચ ચિપ કંપની ASML વચ્ચે સેમિકન્ડક્ટર ક્ષેત્રે પણ સમજૂતી થઈ. મોદીએ નેધરલેન્ડના રાજા-રાણીને મળ્યા, રોકાણ માટે ભારતમાં અત્યારે શ્રેષ્ઠ સમય ગણાવ્યો.

AIથી સજ્જ હેકર્સના વધતા ખતરા વચ્ચે 130 અબજ ડોલરના ક્રિપ્ટો સેક્ટરમાં ચિંતા ઊભી થઈ છે. હેકરોએ એપ્રિલ મહિનામાં બે મોટા હુમલામાં 600 મિલિયન ડોલરની ચોરી કરી હતી. આ હુમલા બાદ એક મોટા પ્લેટફોર્મમાંથી રોકાણકારોએ બે દિવસમાં જ લગભગ 9 અબજ ડોલરની રકમ ઉપાડી લીધી હતી. જ્યારે, અન્ય એક કંપનીને ભારે આર્થિક ફટકો પડયો હતો. સાયબર સિક્યોરિટી એક્સપર્ટ્સના જણાવ્યા અનુસાર, આ હુમલાઓમાં હુમલાખોરોએ આર્ટિફિશિયલ ઇન્ટેલિજન્સનો ઉપયોગ કરીને ટારગેટ પસંદ કરીને હુમલાની પદ્ધતિ તૈયાર કરી હતી.

બેંગકોકના સોફિટેલ હોટેલમાં ધમાકેદાર ઓપરેશન બાદ MoD (મર્ચન્ટ ઓફ ડેથ) વિક્ટર બાઉટ CIA દ્વારા પકડાયો. ગેરકાયદે શસ્ત્રોના આંતરરાષ્ટ્રીય સોદાગર તરીકે કુખ્યાત બાઉટ, જે અનેક ભાષાઓ જાણતો હતો અને 11 દેશોના નકલી પાસપોર્ટ ધરાવતો હતો, તેણે FARC જેવા સંગઠનોને ઘાતક શસ્ત્રો પૂરા પાડ્યા હતા. સોવિયેત સંઘના વિઘટનનો લાભ ઉઠાવી તેણે આ વિશાળ નેટવર્ક સ્થાપ્યું હતું.

1844માં ટેલિગ્રાફની શોધથી શરૂ થયેલી સંદેશા વ્યવહારની સફર, ટપાલ, ટેલિફોન, રેડિયો, પેજર, SMS, ઇન્ટરનેટ અને મોબાઇલ ડેટાના વિકાસ થકી આજે 5G અને AIના યુગમાં પ્રવેશી છે. આ ક્રાંતિએ દુનિયાને જોડી, અંતર ઘટાડ્યું અને સંવાદને સરળ બનાવ્યો.

યુવલ નોઆ હરારીના 'નેક્સસ' પુસ્તક માનવજાતની પથ્થર યુગથી AI સુધીની સફર દર્શાવે છે. જાણકારીના આદાન-પ્રદાનથી માનવ શક્તિનો વિકાસ થયો. કથાઓ, દસ્તાવેજો અને હવે AI દ્વારા માહિતીનું વિસ્તરણ થયું છે. પુસ્તક લોકશાહી, તાનાશાહી અને AI ના જોખમો પર પ્રકાશ પાડે છે, સાથે માનવ સ્વતંત્રતા અને અધિકારની ચિંતા વ્યક્ત કરે છે.

સ્વીડન કચરાને ફેંકવાને બદલે ઊર્જા અને આવકના સ્ત્રોત તરીકે ઉપયોગ કરે છે. અહીં 40% કચરો રિસાઇકલ થાય છે અને 59% ઊર્જામાં રૂપાંતરિત થાય છે, જે લાખો ઘરોને ગરમ રાખે છે. સ્વીડન કચરો આયાત પણ કરે છે. નાગરિકોમાં જાગૃતિ અને યોગ્ય વ્યવસ્થાપન દ્વારા આ મોડેલ ભારત માટે પ્રેરણારૂપ બની શકે છે.

બીજા વિશ્વ યુદ્ધ બાદ અમેરિકા અને રશિયા વચ્ચે શીત યુદ્ધ શરૂ થયું. NATO ની સ્થાપના થઈ. ડોનાલ્ડ ટ્રમ્પની બીજી ટર્મમાં, તેઓ NATO, WHO, UN જેવી સંસ્થાઓ પર અમેરિકાનો બોજ ઘટાડવા માંગે છે. યુક્રેન યુદ્ધમાં સહાય ઓછી કરી, શસ્ત્રો ખરીદવા કહે છે. ગ્રીનલેન્ડ ખરીદવાની કોશિશ અને ઇરાન સામે યુદ્ધમાં અમેરિકન સૈનિકોના મોતથી વિરોધ થયો છે. ટ્રમ્પની નીતિઓથી અમેરિકાની વૈશ્વિક છબી અને NATO દેશો સાથેના સંબંધોને ગંભીર નુકસાન થયું છે.

કેનેડા ગયેલા 20,000 ભારતીય વિદ્યાર્થીઓ 'નો શો' થયા છે, જે ચિંતાનો વિષય છે. આ વિદ્યાર્થીઓ ગાયબ નથી, પરંતુ તેમણે કોલેજમાં પ્રવેશ લીધો નથી અથવા હાજરી નથી ભરી. આના અનેક કારણો છે, જેમાં કડક સરકારી નિયમો, કોલેજો અને ફેક કન્સલ્ટન્ટ્સની ગોલમાલ, PR કે વર્ક પરમિટ મેળવવાનો પ્રયાસ, અને અમેરિકા જવાનું આયોજન શામેલ છે.

દિલ્હીના લાલ કિલ્લા પર થયેલા ભીષણ હુમલાને લઇને તપાસ કરી રહેલી એનઆઇએ દ્વારા 10 આરોપીઓની સામે 7500 પાનાની ચાર્જશીટ દાખલ કરવામાં આવી છે. જેમાં અનેક મોટા ખુલાસા થયા છે, એનઆઇએએ કોર્ટને જણાવ્યું છે કે પાકિસ્તાનમાં સક્રિય આતંકીઓ ટેક્નોલોજીનો ઉપયોગ કરીને ભારતમાં ગઝવા-એ-હિન્દનું મોટું કાવતરું ઘડી રહ્યા છે. આ બ્લાસ્ટમાં સામેલ તમામ આતંકીઓ શિક્ષિત છે. અંસાર ગઝવત ઉલ હિન્દ નામના આતંકી સંગઠન દ્વારા ટેક્નોલોજીનો ભરપુર ઉપયોગ થઇ રહ્યો છે.

સુરેન્દ્રનગર જિલ્લામાં ગરમીને કારણે એપ્રિલ 2026માં વીજ વપરાશ 314 લાખ યુનિટ પાર થયો, જે માર્ચ 2026 કરતાં 34 લાખ યુનિટ વધુ છે. સોલાર પેનલ ધારકો દ્વારા ACનો વધુ વપરાશ, ખાસ કરીને રાત્રે, વીજલોડ વધારી રહ્યો છે. આનાથી કેબલ ફાયર અને ટ્રાન્સફોર્મર સમસ્યાઓ પણ વધી રહી છે.

અમેરિકી પ્રમુખ ટ્રમ્પના ચીન પ્રવાસ બાદ તાઈવાન સંકટ ઘેરું બન્યું છે. ૨૫૦ અરબ ડોલરની ચીપ ડીલ છતાં, ટ્રમ્પે તાઈવાનને ચીનથી દબાતા રહેવાની અને શાંત રહેવાની સલાહ આપી છે. તેમણે કહ્યું કે 'હું છું ત્યાં સુધી ચીન હુમલો નહીં કરે', પરંતુ તાઈવાને અમેરિકાની ચીપ ઇન્ડસ્ટ્રી ચોરી લીધી હોવાનું પણ જણાવ્યું. ચીનના શી જિનપિંગે તાઈવાન મુદ્દે કડક વલણ અપનાવતાં ટ્રમ્પનો અભિગમ બદલાયો છે, જેનાથી તાઈવાન અને દુનિયાભરમાં ચિંતા પ્રસરી છે.

ટ્રમ્પે કહ્યું, ચીન અને અમે ઈરાન પાસે એટમ-બોમ્બ ન હોય તે અંગે સહમત છીએ. અમેરિકાનું હોર્મુઝ સ્ટ્રેઈટસ પર સંપૂર્ણ નિયંત્રણ છે, જેનાથી ઈરાનને મોટું આર્થિક નુકસાન થઈ રહ્યું છે. શી-જિનપિંગે પણ આ મુદ્દે અમેરિકાના પક્ષને સમર્થન આપ્યું છે.

બે મહાશક્તિઓ વચ્ચે અવિશ્વાસ? અમેરિકી પત્રકારોએ એર-ફોર્સ-વનમાં ચઢતાં પહેલાં ચીનની ગીફ્ટસ - લેપલ-પીન્સ, બેજ, બર્નર ફોન્સ - કચરાપેટીમાં નાખી દીધા. આ ઘટના સોશ્યલ મીડિયા પર વાયરલ થઈ રહી છે, જે બંને દેશો વચ્ચેના સાયબર સુરક્ષા અને તાઇવાન મુદ્દે ચાલી રહેલી તંગદિલી દર્શાવે છે.

AI સાથે વધતી પ્રાઇવસી ચિંતાઓ વચ્ચે Metaએ WhatsAppમાં Meta AI માટે નવું Incognito Chat ફીચર લોન્ચ કર્યું છે. આ સુવિધા દ્વારા યુઝર્સ AI સાથે વધુ ખાનગી રીતે વાતચીત કરી શકશે, કારણ કે ચેટ હિસ્ટ્રી સેવ નહીં થાય અને વાતચીત પૂર્ણ થયા પછી આપમેળે ગાયબ થઈ જશે. ઉપરાંત લો-પ્રોફાઇલ નોટિફિકેશન પણ આપવામાં આવશે. Metaનું માનવું છે કે આ ફીચર AI પ્રત્યે યુઝર્સનો વિશ્વાસ વધારશે અને સુરક્ષિત ઉપયોગને પ્રોત્સાહન આપશે.

ICCની હાઈપ્રોફાઈલ બેઠક IPL-2026ના ફાઈનલ વીકેન્ડ દરમિયાન અમદાવાદમાં યોજાશે. 21 મેએ CECની વર્ચ્યુઅલ મીટિંગ અને 30-31 મેએ ICC બોર્ડની રૂબરૂ બેઠક થશે. આ હાઈપ્રોફાઈલ બેઠક પહેલા સૌથી મોટો સવાલ એ ઉઠી રહ્યો છે કે, પાકિસ્તાન ક્રિકેટ બોર્ડ (PCB)ના ચેરમેન મોહસિન નકવી (Mohsin Naqvi) ભારત આવશે કે નહીં? ભારત અને પાકિસ્તાન વચ્ચેનો તણાવ જોતાં મોહસિન નકવીની અમદાવાદમાં હાજરી અંગે અનિશ્ચિતતા વ્યક્ત કરાઈ રહી છે.

હેન્ટા વાઇરસ વાયરસની ઝપેટમાં આવેલા ક્રૂઝ શિપ ‘એમવી હોન્ડિયસ’ને લઈને નેધરલેન્ડ્સ સરકારે મોટો અને કડક નિર્ણય લીધો છે. આગામી સોમવારે નેધરલેન્ડ્સના રોટરડેમ બંદરે પહોંચી રહેલા આ જહાજના મોટાભાગના ક્રૂ મેમ્બર્સને આગામી 6 અઠવાડિયા માટે ફરજિયાત ક્વોરેન્ટાઈનમાં મોકલવામાં આવશે. ઓપરેટર કંપની ‘ઓશનવાઈડ એક્સપિડિશન્સ’ના રિપોર્ટ અનુસાર, આ જહાજ પર હાલ 25 ક્રૂ મેમ્બર્સ અને બે તબીબી કર્મચારીઓ સહિત કુલ 27 લોકો સવાર છે. જેમાં ફિલિપાઈન્સના 17, નેધરલેન્ડ્સના 4, યુક્રેનના 4, રશિયાનો એક અને પોલેન્ડના એક નાગરિકનો સમાવેશ થાય છે.

'ધુરંધર-2' પાકિસ્તાનમાં નંબર-1 પર ટ્રેન્ડિંગ છે. એક ક્રિએટરે વીડિયો શેર કરી દાવો કર્યો છે કે, ફિલ્મ રિલીઝ થતાં જ Netflix ક્રેશ થઈ ગયું. અગાઉ 'ધુરંધર-1'ને પણ પાકિસ્તાનીઓએ પસંદ કરી હતી. આદિત્ય ધરની ફિલ્મ પર શાહબાજ શરીફ સરકારે પ્રતિબંધ મૂક્યો હોવા છતાં, 'ધુરંધર ધી રિવેન્જ' OTT પર જોરદાર છવાઈ ગઈ છે.

ગૂગલે એન્ડ્રોઇડ યુઝર્સ માટે કોન્ટેક્સ્ચ્યુઅલ સજેશન્સ નામનું નવું આર્ટિફિશિયલ ઇન્ટેલિજન્સ (AI) ફીચર રજૂ કર્યું છે. આ નવું ટૂલ યુઝરના વપરાશ પરથી તેના ઉપયોગ અને જરૂરિયાતના સ્વભાવ વિશે શીખશે. ત્યાર બાદ યુઝરને લોકેશન અને તે શું કામ કરે છે એ અનુસાર સમયસર સજેશન્સ આપશે. ઉદાહરણ તરીકે યુઝર જ્યારે વર્કઆઉટ માટે જિમમાં પહોંચે ત્યારે તે તમારી મનપસંદ પ્લેલિસ્ટ સૂચવી શકે છે. આ ફીચર પહેલાં પ્લે સર્વિસિસના બીટા વર્ઝનમાં ઉપલબ્ધ હતું, પરંતુ હવે સ્ટેબલ ચેનલના યુઝર્સ માટે પણ ઉપલબ્ધ કરવામાં આવ્યું છે.

અમેરિકાના દરિયાકાંઠે સમુદ્રમાં હજારો રહસ્યમય USO (Unidentified Submersible Objects) જોવા મળ્યા હોવાની ખબરથી દુનિયાભરમાં ચર્ચા શરૂ થઈ ગઈ છે. એક લોકપ્રિય UFO અને USO રિપોર્ટિંગ એપ “એનિગ્મા”એ ઓગસ્ટ 2025થી અત્યાર સુધી અમેરિકાના દરિયાકાંઠા નજીક 9000થી વધુ રહસ્યમય વસ્તુઓ જોવા મળ્યાની નોંધ કરી છે. આ વસ્તુઓ પાણીની અંદર ખૂબ જ ઝડપથી ચાલે છે, દિશા બદલે છે અને પાણીમાંથી હવામાં પણ જઈ શકે છે. આ વસ્તુઓ માનવ બનાવટની ટેકનોલોજી જેવી લાગતી નથી.

માલદીવ્સના પ્રખ્યાત વાવુ એટોલ ખાતે એક ભયાનક ડાઇવિંગ દુર્ઘટનાએ સમગ્ર વિશ્વને ચોંકાવી દીધું છે. સમુદ્રના રહસ્યો જાણવા માટે ગયેલા પાંચ અનુભવી ડાઇવર્સ 164 ફૂટ નીચે ઊંડી પાણીની ગુફામાં પ્રવેશ્યા બાદ પરત ફર્યા નહોતા. સ્થાનિક તંત્રએ આ ઘટનાને માલદીવ્સના ઇતિહાસની સૌથી ગંભીર ડાઇવિંગ દુર્ઘટના ગણાવી છે. સહેલાણીઓ માટે સ્વર્ગ ગણાતા વિસ્તારમાં બનેલી આ ઘટનાએ સમુદ્રની જોખમી દુનિયા અને ગુફા ડાઇવિંગના ખતરાઓને ફરી ચર્ચામાં લાવી દીધા છે. ઘટનાના કારણોને લઈને હજુ તપાસ ચાલી રહી છે.

વૈશ્વિક આતંકવાદી સંગઠન ઇસ્લામિક સ્ટેટ (ISIS)ને લઈને એક બહુ મોટા સમાચાર સામે આવ્યા છે. અમેરિકન પ્રમુખ ડોનાલ્ડ ટ્રમ્પે સત્તાવાર જાહેરાત કરી છે કે દુનિયાભરમાં ISISના બીજા ક્રમના સૌથી શક્તિશાળી કમાન્ડર અબુ-બિલાલ અલ-મિનુકી (Abu-Bilal al-Minuki)ને એક સંયુક્ત સૈન્ય ઓપરેશનમાં ઠાર મારવામાં આવ્યો છે. અમેરિકા અને નાઇજીરીયાના સૈન્ય દળોએ સાથે મળીને આ ગુપ્ત ઓપરેશન પાર પાડ્યું હતું, જેને આતંકવાદ સામેની લડાઈમાં એક મોટી સફળતા માનવામાં આવી રહી છે.

અમેરિકા અને ચીન વચ્ચેના સંબંધોમાં મહત્વપૂર્ણ વળાંક આવ્યો છે. અમેરિકી પ્રમુખ Donald Trumpએ ચીનના પ્રમુખ Xi Jinping સાથે તાઈવાન, આર્ટિફિશિયલ ઈન્ટેલિજન્સ, ઈરાન, વેપાર, સાયબર ઓપરેશન્સ અને પરમાણુ હથિયારો જેવા સંવેદનશીલ મુદ્દાઓ પર વ્યાપક ચર્ચા કરી હોવાનું જણાવ્યું છે. અલાસ્કાની મુસાફરી દરમિયાન ટ્રમ્પે આ મુલાકાતને ઐતિહાસિક ગણાવી હતી. અગાઉ ચીન સામે આકરા વલણ ધરાવતા ટ્રમ્પે આ વખતે શી જિનપિંગના વખાણ કરતાં બંને દેશો વચ્ચે મહત્વપૂર્ણ ભૌગોલિક-રાજકીય મુદ્દાઓ પર સારી સમજણ વિકસ્યાનું કહ્યું હતું.

દિલ્હીમાં યોજાયેલા ‘સેના સંવાદ’ કાર્યક્રમમાં ભારતીય સેના પ્રમુખ ઉપેન્દ્ર દ્વિવેદીએ પાકિસ્તાનને કડક ચેતવણી આપતાં જણાવ્યું કે જો તે આતંકવાદીઓને આશરો આપવાનું ચાલુ રાખશે તો તેને પોતાના ભવિષ્ય અંગે વિચારવું પડશે. તેમણે આતંકવાદ સામે ભારતનું ‘ઝીરો ટોલરન્સ’ વલણ ફરી સ્પષ્ટ કર્યું. આ નિવેદનને પાકિસ્તાન માટે મહત્વપૂર્ણ કૂટનીતિક સંદેશ માનવામાં આવી રહ્યું છે. કાર્યક્રમ દરમિયાન રાષ્ટ્રીય સુરક્ષા, સરહદી પડકારો અને આધુનિક યુદ્ધની સ્થિતિ પર પણ ચર્ચા કરવામાં આવી હતી, જેના કારણે ભારત-પાક સંબંધો ફરી ચર્ચામાં આવ્યા છે.

અમેરિકાના પ્રમુખ ડોનાલ્ડ ટ્રમ્પ અને તેમની ટીમ ચીનનો બે દિવસનો હાઈ-પ્રોફાઈલ પ્રવાસ પૂરો કરીને પરત ફરી રહ્યા હતા ત્યારે બેજિંગ એરપોર્ટ પર એક અભૂતપૂર્વ ઘટના ઘટી છે. વ્હાઇટ હાઉસના સત્તાવાર અહેવાલો અને ન્યૂયોર્ક પોસ્ટના અહેવાલ અનુસાર, અમેરિકન પ્રતિનિધિમંડળે એરફોર્સ વન (પ્રમુખના સત્તાવાર વિમાન)માં બેસતા પહેલાં ચીન તરફથી સત્તાવાર રીતે મળેલી તમામ ગિફ્ટ્સ, ઓળખપત્રો અને સ્મૃતિચિહ્નોને એરપોર્ટ પર સીડીઓ પાસે રાખેલી કચરાપેટીમાં ફેંકી દીધા હતા.

અમેરિકા અને ઈઝરાયલ ઈરાન પર સંભવિત હુમલા માટે ટાર્ગેટ લિસ્ટ તૈયાર કરી રહ્યા છે. ઈમરજન્સી બેઠકો યોજાઈ રહી છે, જેમાં ઈરાનના મહત્ત્વના સૈન્ય મથકોને નિશાન બનાવાશે. ટ્રમ્પના કડક વલણ અને પાકિસ્તાનની મધ્યસ્થતામાં નિષ્ફળ વાટાઘાટો બાદ શાંતિ નબળી પડી છે. ઇઝરાયેલ ઈરાનના પરમાણુ મથકો નષ્ટ કરવા દબાણ કરી રહ્યું છે. આ યુદ્ધ વૈશ્વિક તેલ સંકટ અને મધ્ય પૂર્વમાં અસ્થિરતા લાવી શકે છે, જેની અસર ભારત પર પણ પડશે.