હળવદના ટૂ કેર સ્પામાં દેહવ્યાપારનો પર્દાફાશ, સંચાલક જેલ હવાલે, લાઇસન્સ રદ કરવાની તજવીજ
હળવદ પોલીસે રાણેકપર ચોકડી પાસે વિશ્વાસ આર્કેડમાં આવેલા ‘ટૂ કેર લક્ઝુરિયસ સ્પા’માં ચાલતા દેહવ્યાપારનો પર્દાફાશ કર્યો છે. બાતમીના આધારે ડમી ગ્રાહક મોકલીને કરાયેલા દરોડામાં સ્પા સંચાલક રોહિતજી દર્શનજી વાઘેલાની ધરપકડ કરાઈ હતી. કોર્ટે તેની જામીન અરજી નામંજૂર કરી જેલહવાલે કર્યો છે. પોલીસે સ્પા સીલ કરી તેનું લાઇસન્સ રદ કરવાની કાર્યવાહી હાથ ધરી છે. સ્પા માલિક વિષ્ણુભાઈ પ્રતાપભાઈ હાલ ફરાર છે. સ્પામાં બોડી મસાજના નામે રૂ. 1000 લઈને અનૈતિક સેવાઓ અપાતી હતી.