કુશનિગર જિલ્લાની એક મદરેસામાં 'મેડ ઇન પાકિસ્તાન' લખેલો પંખો મળતાં ચકચાર મચી છે. આ ફોટો વાયરલ થતાં પોલીસે તપાસ હાથ ધરી છે. આ પંખો ભારતમાં કેવી રીતે પહોંચ્યો અને મદરેસામાં કેવી રીતે આવ્યો તેની સુરક્ષા એજન્સીઓ દ્વારા તપાસ ચાલી રહી છે. આ ઘટના વિષ્ણુપુર પોલીસ સ્ટેશન વિસ્તારમાં બની હતી.

બેંગલુરુમાં પીએમ મોદીના પ્રવાસ દરમિયાન જિલેટીન સ્ટીક્સ બાદ હવે ઇલેક્ટ્રોનિક સર્કિટ અને ટાઈમર મળ્યું છે. પોલીસના મતે, આરોપીઓ તેને જોડી શક્યા ન હતા. 10 મેના રોજ આર્ટ ઓફ લિવિંગ ફાઉન્ડેશનના કાર્યક્રમમાં મોદી પહોંચ્યા હતા, ત્યારે કાર્યક્રમ સ્થળ નજીક આ સામગ્રી મળી હતી. પોલીસને બોમ્બ લગાવ્યાની કોલ દ્વારા જાણ થઈ હતી, જેના પગલે તપાસ શરૂ થઈ. આ ઘટના પીએમ મોદીની સુરક્ષા પર સવાલો ઉભા કરે છે.

સુરેન્દ્રનગર જિલ્લામાં વગર પરવાનગીએ વૃક્ષ છેદન અને લાકડાની હેરાફેરી કરતા બે વાહનો જપ્ત કરવામાં આવ્યા. મૂળી રેન્જની ટીમે આકસ્મિક ચેકીંગ દરમિયાન સાયલા અને મૂળી તાલુકામાંથી લાકડા ભરેલા વાહનો ઝડપી પાડ્યા. કુલ અંદાજે પાંચ ટન લાકડાનો જથ્થો મળ્યો અને ત્રણ ઇસમો સામે કાર્યવાહી હાથ ધરાઈ. રેવન્યુ વિસ્તારમાંથી પણ વગર પરવાનગીએ લાકડા કાપી વાહન કરતા ઝડપી પાડવામાં આવ્યા, જેનાથી ગેરકાયદે વેપાર કરતા લોકોમાં ફફડાટ ફેલાયો છે.

મ્યાંમારમાં સાઈબર ગુનેગારો બેફામ બન્યા છે. અમેરિકા-ચીન જેવા દેશોના દબાણ છતાં ક્રાઈમ ચાલે છે. યાંગ લેઈ નામના પૂર્વ સૈનિકે લશ્કરી તાલીમના કારણે 19 ફૂટ દીવાલ કૂદી બચાવ્યું. એક મહિના બંધ રહ્યા બાદ શરીરમાં છાણ લગાવી ભાગીને ચીન આવ્યો.

પાટણ શહેરમાં 17 વર્ષીય તૃષાર પ્રકાશભાઈ રાવળે અગમ્ય કારણોસર તેના જ ઘરમાં ગળાફાંસો ખાઈ જીવનલીલા સંકેલી લીધી. આ ઘટનાથી પરિવારમાં શોક છવાયો છે. મૃતકના પિતાએ પાટણ શહેર બી ડિવિઝન પોલીસને જાણ કરતાં પોલીસે અકસ્માતે મોતની નોંધ કરી વધુ તપાસ હાથ ધરી છે.

ઉદ્યોગપતિ સંજય કપૂરના રૂ. 30 હજાર કરોડના સંપત્તિ વિવાદમાં સુપ્રીમ કોર્ટે કહ્યું કે મહાભારત પણ ટુંકું પડે. તેમની માતાએ પત્ની પ્રિયા કપૂરને પરિવારના ટ્રસ્ટના કામકાજમાં દખલ દેતા રોકવા અરજી કરી છે, જેના પગલે આ મામલો વધુ ચર્ચામાં છે.

મહેસાણા નજીક ઊંઝા હાઇવે પર મોડી રાત્રે લકઝરી બસ ડિવાઈડર કૂદી રોંગ સાઈડમાં આવી સામેથી આવતી કેળા ભરેલી ટ્રક સાથે ટકરાઈ. આ ગમખ્વાર અકસ્માતમાં બસમાં સવાર 2 લોકોના મોત થયા હતા. 13 લોકો ઘાયલ થયા હતા, જેમને સારવાર માટે ખસેડાયા. બસના ડ્રાઇવરને રેસ્ક્યુ કરાયો.

બિલ ગામમાં પાણીની મુખ્ય લાઈનમાં લીકેજને કારણે રોડ બેસી જતાં ભયજનક ભૂવો પડ્યો છે. આનાથી વાહનચાલકો અને રાહદારીઓ માટે અકસ્માતનું જોખમ ઊભું થયું છે. કોંગ્રેસ અગ્રણીએ તંત્રની નિષ્ક્રિયતા અને હલકી ગુણવત્તાના કામ પર સવાલ ઉઠાવ્યા છે. લોકોએ ખાડાનું તાત્કાલિક સમારકામ કરવાની માગ કરી છે.

સાબરકાંઠા જિલ્લામાં 8 તાલુકામાં 116 મોબાઈલ ચોરીના ગુનામાં 34.40 લાખના મોબાઈલ ટ્રેક કરી રિકવર કરાયા. સાયબર ફ્રોડના બે ગુનામાં 8.49 લાખ પરત અપાવી ભોગ બનનારને SPના અધ્યક્ષ સ્થાને હિંમતનગરમાં મોબાઈલ પરત કરાયા. SPએ 1930 અને CEIR પોર્ટલના ઉપયોગની અપીલ કરી.

શામળાજી નજીક બંધ પડેલ હોટલમાંથી SOG એ શંકાસ્પદ DEF યુરિયાનો 7.60 લાખનો જથ્થો ઝડપી પાડ્યો. રાજસ્થાનના એક શખ્સની અટકાયત કરી, 12260 લિટર DEF યુરિયા અને 32 ડોલ કબ્જે કરી. વધુ તપાસ SOG દ્વારા હાથ ધરવામાં આવી છે.

બાબરાના ખાખરિયા ગામે જાદવભાઈ સવજીભાઈ નારોલા પરિવાર સાથે સુરત ગયા હતા. આ તકનો લાભ લઇ અજાણ્યા તસ્કરોએ તેમના બંધ મકાનના તાળા તોડી તેજુરીમાંથી 15.60 લાખના દાગીના અને 3 લાખ રોકડ મળી કુલ 18.60 લાખની ચોરી કરી. બાબરા પોલીસે ગુન્હો નોંધી સીસીટીવી ફૂટેજ અને શંકાસ્પદ હિલચાલ અંગે તપાસ શરૂ કરી છે.

સાવરકુંડલા-રાજુલા હાઈવે પર થોરડી પાસે રાત્રે ગેસ ભરેલ ટેન્કર ચાલક કારની તેજ LED લાઈટથી અંજાઈ જતાં ડિવાઈડર પર ચડી ગયું. સદનસીબે જાનહાનિ ટળી, પરંતુ આ ઘટનાએ હાઈવે પર તેજ લાઈટના ઉપયોગ અંગે ફરી સવાલો ઊભા કર્યા છે.

અમરેલી ખાતે જનસેવા કેન્દ્ર પર આવકના દાખલા માટે અરજદારોની ભારે ભીડ અને લાંબી લાઇનો જોવા મળી. 44 ડિગ્રી તાપમાનમાં કલાકો સુધી રાહ જોવી પડી. એક જ ઓપરેટર અને એક બારી ચાલુ હોવાથી કામગીરી ધીમી પડી. જમવા જતાં ઓપરેટરના વિરામથી પણ લોકોને વધુ રાહ જોવી પડી. અરજદારો કામધંધા છોડી હેરાન થયા, તંત્ર પાસે વધુ ઓપરેટર અને બારીની માંગ.

ભારતની સૌથી મોટી મેડિકલ પ્રવેશ પરીક્ષા NEET-UG 2026ને લઈને અત્યાર સુધીના સૌથી મોટા સમાચાર સામે આવ્યા છે. 3 મેના રોજ લેવાયેલી આ પરીક્ષાને પેપર લીકની આશંકા બાદ સત્તાવાર રીતે રદ કરી દેવામાં આવી છે. રાજસ્થાનમાં 'ગેસ પેપર' લીક થયાના પુરાવા મળતા નેશનલ ટેસ્ટિંગ એજન્સી અને શિક્ષણ મંત્રાલયે આ કઠોર નિર્ણય લીધો છે. હવે આ કેસની તપાસ CBI ને સોંપવામાં આવી છે. NTAના જણાવ્યા અનુસાર, તપાસ એજન્સીઓ પાસેથી મળેલા ઇનપુટ્સમાં જાણવા મળ્યું હતું કે પરીક્ષાની પ્રક્રિયા સાથે છેડછાડ કરવામાં આવી હતી.

સુરતના અમરોલીમાં રસોઈના ધુમાડા બાબતે થયેલા ઝઘડામાં પ્રેમી ભાવેશ પાંડવે તેની લિવ-ઈન પાર્ટનર જયાબેનની કાતર વડે ગળા પર ઘા ઝીંકી હત્યા કરી નાખી. 7 વર્ષથી સાથે રહેતા આ દંપતી વચ્ચે સામાન્ય પ્રશ્ન પરથી શરૂ થયેલો ઝઘડો હિંસામાં પરિણમ્યો. પોલીસે આરોપીને ગણતરીના કલાકોમાં ઝડપી પાડ્યો.

નોઈડામાં પિઝા પર થૂંકવાનો વીડિયો વાયરલ થતાં ખળભળાટ મચી ગયો છે. સેક્ટર 22 માં એક દુકાનમાં આરોપી મુઝમ્મિલ પિઝા બેઝ બનાવતી વખતે તેના પર થૂંકતો જોવા મળ્યો. હિન્દુ રક્ષા દળના અધિકારીઓએ CCTV ફૂટેજની મદદથી તેને રંગેહાથ પકડી પાડ્યો. પોલીસે તેની ધરપકડ કરી વધુ તપાસ હાથ ધરી છે.

ડભોડા પાસે ટ્રકે મોપેડને ટક્કર મારતા 9 વર્ષની હિતાંશીનું મોત નીપજ્યું. ભાવેશભાઈ સોની પરિવાર સાથે ડભોડા હનુમાનજી દર્શને જતા સમયે ગમખ્વાર અકસ્માત સર્જાયો. ટ્રક ચાલકે ઓવરટેક કરવાનો પ્રયાસ કરતા મોપેડ સાથે અથડાયું. ત્રણ અન્ય સભ્યો ઈજાગ્રસ્ત, સારવાર હેઠળ. સ્થાનિકોમાં રોષ, સ્પીડબ્રેકરની માગ. પોલીસે ગુનો નોંધી તપાસ હાથ ધરી.

કેશોદમાં એક યુવાને મોબાઈલ ટાવર પર ચઢી ભારે ચકચાર મચાવી. રાધારમણ સોસાયટી પાસે બનેલી આ ઘટનાએ લોકોને એકઠા કર્યા. પોલીસ અને ફાયર બ્રિગેડના બે કલાકના પ્રયાસો બાદ યુવાન સુરક્ષિત નીચે ઉતર્યો. કારણ જાણવા પૂછપરછ હાથ ધરાઈ.

ગોંડલ સબજેલમાં બંધ 31 વર્ષીય કાચા કામના કેદી રવિભાઈ વિંઝુડાનું રાજકોટ સિવિલ હોસ્પિટલથી પરત ફર્યા બાદ સારવાર દરમિયાન મોત થયું. તબિયત લથડતા તેમને ગોંડલ અને રાજકોટ ખસેડાયા હતા. PM માટે મૃતદેહ રાજકોટ મોકલાયો.

વડોદરા કોર્ટે હિના પેથાણી હત્યા કેસમાં આરોપી સચિન દીક્ષિતને આજીવન કેદની સજા ફટકારી છે. આરોપીએ પત્નીની હત્યા કરી લાશ સંતાડી હતી અને પુત્રને ત્યજી દીધો હતો. આ ઐતિહાસિક ચુકાદો ન્યાયના માર્ગમાં એક સીમાચિહ્નરૂપ ગણાય છે.

ઊંઝા હાઈવે પર બ્રાહ્મણવાડા નજીક ઈક્કો ગાડી ટ્રક પાછળ ઘૂસી જતાં બનેવી અને સાળી સહિત બેના મોત. મોરબીના ૨૨ વર્ષીય ધારાભાઈ અને ૧૮ વર્ષીય આશાબેન મૃત્યુ પામ્યા. ટ્રક ચાલક ફરાર.

જૂનાગઢ જિલ્લામાં USDT (ક્રિપ્ટો કરન્સી) માં ઊંચા વળતરની લાલચ આપી 75 લાખ પડાવી લીધા. બાદમાં રિવોલ્વર બતાવી ફરિયાદીને ધમકી આપી, નાણાં પાછા માંગતા અસલી ચહેરો બતાવ્યો. આરોપીઓએ બળજબરીથી લખાણો રદ કરાવી ખોટા કેસમાં ફસાવવાની ધમકી આપી નાસી છૂટ્યા.

ભરૂચના ઝંઘાર ગામની ઇદગાહમાં આગ લાગતા અફરાતફરી. ઉનાળાની ગરમી વચ્ચે આગની ઘટનાઓ વધી. ફાયર બ્રિગેડની ટીમ અને ગ્રામજનોએ સઘન પ્રયાસો બાદ આગ પર કાબૂ મેળવ્યો. સદનસીબે કોઈ જાનહાનિ થઈ નથી. સાવધાની રાખવી જરૂરી.

ભાવનગરના ફુલસર વિસ્તારમાં રહેતો યુવાન ફોઇના પુત્રના લગ્નમાં આવ્યો હતો અને ડીજે ની મજા માણી રહ્યો હતો તે દરમિયાન યુવતી સાથે પ્રેમ લગ્ન કર્યા હોવાની દાજ રાખી ત્રણ ઈસમોએ યુવાન પર આડેધડ છરીના ઘા ઝીંકી ગંભીર ઇજા પહોંચાડી જાનથી મારી નાખવાની કોશિષ કરી હતી. ભાવનગર શહેર જિલ્લામાં આવારા તત્વો જાણે કે બેફામ બન્યા હોય તેમ મારા મારી હત્યા સહિતના બનાવવાનું પ્રમાણે દિન પ્રતિદિન વધી રહ્યું છે. હજુ તો વિઠ્ઠલવાડી વિસ્તારમાં આધેડને છરીના ઘા ઝીંકાયા હોવાની ઘટનાને ૨૪ કલાક નથી થયા ત્યાં જ બીજી ઘટના ફુલસર વિસ્તારમાં બની હતી.

ડીસામાં ત્રણ ડેરી પ્રોડક્ટ્સ બનાવતી પેઢીઓ પર લાયસન્સ વગર ચાલતી હોવાથી દરોડા પાડ્યા. 1444 કિલો શંકાસ્પદ ઘી, જેની કિંમત રૂ. 8.28 લાખ છે, તે જપ્ત કરાયો. ફૂડ સેફટી ઓફિસરની ટીમે બાતમીના આધારે તાસ્વી માર્કેટિંગ, બહુચર ડેરી પ્રોડક્ટ અને જયવીર માર્કેટિંગ જેવી પેઢીઓમાંથી નમૂના લઈને જથ્થો કબજે કર્યો.

વડનગર તાલુકાના શાહપુર ગામે ખાનગી જમીનમાં ચાલતા ગેરકાયદે ખાણકામ પર મહેસાણા ખનીજ વિભાગે રેડ પાડી. લોડર મશીન અને ડમ્પર સાથે રૂ.65 લાખનો મુદ્દામાલ કબજે કરી માલિકોને નોટિસ આપી દંડની કાર્યવાહી હાથ ધરાઈ છે. આ કાર્યવાહી જિલ્લા ખાણ ખનીજ અધિકારી પ્રતીક શાહની બાતમીને આધારે થઈ હતી.

રાજસ્થાનથી હથિયાર લાવી મહેસાણામાં વેચનાર નાગલપુરના યુવકને LCB એ ઝડપ્યો. બે hand-made પિસ્તોલ સાથે પકડાયેલા યુવક, વેચનાર અને ખરીદનાર સહિત બે wanted આરોપીઓને પકડવા પોલીસ કાર્યવાહી. PSI કામળિયાના નેતૃત્વ હેઠળ નેટવર્કનો પર્દાફાશ. યુવકે રાજસ્થાનના રાહુલ પારગી પાસેથી ખરીદી વેચાણ માટે લાવ્યો હોવાનું કબૂલ્યું.

મહેસાણામાં અર્ટિગા કારના ચાલકે બે બાઇક અને એક કારને ટક્કર મારી, જેમાં એક બાઇક ચાલક અને એક મહિલાને ઇજા પહોંચી. બાઇક ચાલકની ફરિયાદ બાદ પોલીસે ગુનો નોંધી વધુ તપાસ હાથ ધરી છે.

પશ્ચિમ બંગાળના પૂર્વ મંત્રી અને TMC નેતા સુજીત બોઝની નગરપાલિકા ભરતી કૌભાંડમાં ED દ્વારા ધરપકડ કરાઈ. તેના પર 150 લોકોની ગેરકાયદે ભરતી કરાવી પૈસા અને ફ્લેટ લીધાનો આરોપ છે. આ મામલો 2014-2018 દરમિયાન સાઉથ દમદમ નગરપાલિકામાં ભરતી અનિયમિતતાઓ સાથે સંકળાયેલો છે, જે શિક્ષક ભરતી કૌભાંડની તપાસ દરમિયાન બહાર આવ્યો.

બોટાદ તાલુકાના સેંથળી ગામે વાડીના શેઢે તાર ફેન્ડિંગ કરવા મામલે બે વાડી માલિકો વચ્ચે બોલા ચાલીથઈ જતા સામ સામી મારા મારી થઈ હતી.આ મારા મારીમા ચાર લોકોને ઇજા પહોંચી હતી.