સોની ટીવીના લોકપ્રિય શો ઈન્ડિયન આઈડલ સીઝન 16ને તેની વિજેતા મળી ગઈ છે. ઓડિશાની રહેવાસી જ્યોતિર્મયી નાયકે મહિનાઓ સુધી ચાલેલા સખત સ્પર્ધા બાદ ઈન્ડિયન આઈડલ 16ની ટ્રોફી જીતી લીધી છે. યાદો કી પ્લેલિસ્ટ થીમ વાળી આ સીઝનના ધમાકેદાર ગ્રાન્ડ ફિનાલેમાં, જ્યોતિર્મયીએ 5 ફાઇનલિસ્ટને પાછળ છોડી આ ખિતાબ પોતાના નામે કર્યો. વિજેતા તરીકે, તેમને 20 લાખ રૂપિયા, ચમકતી ટ્રોફી અને સોની ટીવી સાથે એક સિંગિંગ કોન્ટ્રાક્ટ મળ્યો છે. જ્યોતિર્મયી, જે કેન્સરના દર્દીઓ માટે સંગીત થેરાપી આપવાનું કાર્ય કરતી હતી, તેણે પોતાના મધુર અવાજથી બધાના દિલ જીતી લીધા છે.