વડોદરા શહેરમાં ટ્રાફિક સમસ્યાના નિરાકરણ માટે જાહેર કરાયેલા 75 મીટર રીંગરોડ પ્રોજેક્ટમાં વર્ષોના વિલંબ બાદ હવે વડોદરા મ્યુનિસિપલ કોર્પોરેશન દ્વારા ભાયલી વિસ્તારના ટીપી-24 હેઠળ આવતા સેવાસી, મહાપુરા, ખાનપુર અને અંકોડિયા ગામોમાં દબાણ દૂર કરવાની કાર્યવાહી હાથ ધરાઈ છે. મ્યુનિસિપલ હદમાં આવતા અંદાજે 15 જેટલા ખેતરોમાં ફેન્સિંગ, વાડ, ઓરડી અને કમ્પાઉન્ડ વોલ જેવા દબાણો દૂર થઈ રહ્યા છે. આ કામગીરીમાં અનેક વિભાગો જોડાયા છે. રીંગરોડ પૂર્ણ થવાથી ટ્રાફિક ભીડ ઘટશે, પરંતુ કાયદાકીય ગૂંચવણો અને સંકલનના અભાવે થયેલા વિલંબથી તંત્રના આયોજન પર સવાલો ઉઠી રહ્યા છે.