જામનગર શહેરમાં ભારે વરસાદ બાદ કાલાવડ નાકા બહાર આવેલી કેનાલમાં પાણી ભરાવા સાથે મોટા પ્રમાણમાં કચરો એકત્ર થયો હતો. આ કચરો દૂર કરવા માટે મોકલવામાં આવેલું પ્રથમ જેસીબી કેનાલમાં ઊંડે ખૂંપી ગયું. તેને બહાર કાઢવાના પ્રયાસમાં બીજું જેસીબી પણ ફસાઈ ગયું. આ ઘટનાને કારણે કચરા સફાઈ કામગીરી અટકી ગઈ અને બંને જેસીબીને સુરક્ષિત રીતે બહાર કાઢવા માટે તંત્રએ ભારે જહેમત ઉઠાવવી પડી.

જામનગરના ભીડભંજન મહાદેવ મંદિર સામેના રસ્તા પર ભારે વરસાદ બાદ એક ટ્રક રોડની બાજુની કાચી જમીનમાં ધસી પડતાં આડો પડી ગયો હતો. રાત્રે પડેલા વરસાદને કારણે ટ્રકની નીચેની જમીન અત્યંત પોચી થઈ ગઈ હતી. આ ઘટના બાદ સ્થાનિકો અને તંત્ર દ્વારા ટ્રકને બહાર કાઢવા પ્રયાસો શરૂ કરાયા છે. વરસાદ બાદ પોચી થયેલી જમીનને કારણે ટ્રક બહાર કાઢવાની કામગીરીમાં મુશ્કેલીનો સામનો કરવો પડી રહ્યો છે.

રાજકોટમાં ગઈકાલે અઢી ઇંચ વરસાદ ખાબકતાં સમગ્ર શહેરમાં પાણી ભરાયા હતા. કોર્પોરેશનની પ્રીમોન્સુન કામગીરીની પોલ ખુલ્લી પડી હતી, કારણ કે સામાન્ય વરસાદમાં પણ અનેક વિસ્તારો ગોઠણડુબ પાણીમાં ગરકાવ થયા હતા. લાંબા સમય બાદ મેઘરાજાની આગમનથી નાગરિકોમાં ખુશીની લહેર પ્રસરી હતી અને વાતાવરણમાં ઠંડકનો અનુભવ થયો હતો. જોકે, કોર્પોરેશન તંત્રની બેદરકારીને કારણે લોકોને ભારે હાલાકીનો સામનો કરવો પડ્યો. આજી અને ન્યારી ડેમમાં પાણીની અછતને પહોંચી વળવા નર્મદાનું પાણી ઠાલવવાનું શરૂ કરાયું છે.

બંગાળની ખાડીમાં સક્રિય ત્રણ સિસ્ટમોને કારણે ગુજરાતમાં સાર્વત્રિક વરસાદ વરસ્યો છે. છેલ્લા 24 કલાકમાં 259 તાલુકાઓમાં મેઘમલ્હાર જોવા મળ્યો, જેમાં કચ્છના અંજારમાં સૌથી વધુ 7.25 ઈંચ વરસાદ નોંધાયો. ભાવનગરના વલ્લભીપૂરમાં 6.10 ઈંચ, જામનગરમાં 5.59 ઈંચ, બોરસદમાં 5.51 ઈંચ, ઉનામાં 5.43 ઈંચ અને કોટડાસાંગાણીમાં 5.20 ઈંચ વરસાદ પડ્યો. આ ઉપરાંત, અનેક વિસ્તારોમાં 1 થી 4 ઈંચ સુધી વરસાદ વરસ્યો હતો. હવામાન વિભાગે આજે પણ મધ્યમથી ભારે વરસાદની આગાહી કરી છે.

રાજકોટના જેતપુરના કારખાનેદારને શ્રમ અધિકારી તરીકે ઓળખ આપી, ફેક્ટરીમાં બાળમજૂરો મળ્યાની ધમકી આપી ક્લોઝર રિપોર્ટના બદલે રૂ.40 હજારની માંગણી કરનાર એક બહુરૂપિયા ઠગને રૂરલ એલસીબી ટીમે અમદાવાદથી ઝડપી પાડ્યો છે. આ શખ્સ અગાઉ પણ ફૂડ સેફ્ટી ઓફિસર, મામલતદાર, ઇન્કમટેક્ષ ઓફિસર અને જેલર જેવા અધિકારીઓની ઓળખ આપી લોકો સાથે છેતરપિંડી કરી ચૂક્યો છે. આરોપી ન્યૂઝ ચેનલોમાં આવતા ક્રાઇમ શો જોઈ ગુનાઓની વિગતો મેળવી લોકોને ભયમાં મૂકી પૈસા પડાવતો હતો.

ગુજરાતમાં રાજકોટ કોર્ટ, મહાત્મા મંદિર, અને નાયરા રિફાઇનરી સહિત રાજ્યના અતિસંવેદનશીલ સ્થળોએ બોમ્બ અને ડ્રોન હુમલાની ધમકી મળતા સુરક્ષા એજન્સીઓ દોડતી થઈ ગઈ છે. અગાઉ પણ આવી ધમકીઓ મળી હતી. હાલ, ખાલિસ્તાની જૂથના નામે ઈ-મેઈલ મારફતે મળેલી નવી ધમકીથી ચકચાર મચી છે. રાજકોટ કોર્ટ, જામનગર, વાડીનાર પોર્ટ, સિક્કા પોર્ટ અને નાયરા રિફાઇનરી જેવા સ્થળો નિશાના પર છે. ગાંધીનગરના મહાત્મા મંદિરમાં પણ બોમ્બ બ્લાસ્ટની ધમકી અપાઈ છે. સાયબર ક્રાઈમ ટીમ ઈ-મેઈલના સ્ત્રોતની તપાસ કરી રહી છે.

અમેરિકાના પેન્સિલવેનિયામાં ગેરકાયદે મેરિજુઆના નેટવર્ક ચલાવી 165 કરોડના હવાલા કૌભાંડના આરોપસર 10 ગુજરાતીઓની ધરપકડ કરાઈ છે. આ નેટવર્ક દ્વારા THC-લેસ્ડ ગમીઝ અને વેપ પ્રોડક્ટ્સ વેચાતા હતા. આરોપીઓએ 37 બેંકોમાં ખાતાઓ ખોલાવી બનાવટી બિલિંગ દ્વારા કાળી કમાણીને "વ્યાપારી આવક" દર્શાવવાનો પ્રયાસ કર્યો હતો. જાન્યુઆરી-મે 2025 દરમિયાન માત્ર એક એકાઉન્ટમાંથી 20 મિલિયન ડોલરનું શંકાસ્પદ ટ્રાન્ઝેક્શન મળ્યું છે.

સુનીલ ગાવસ્કરે બીસીસીઆઈને સલાહ આપી છે કે ક્રિકેટ એડવાઈઝરી કમિટી (CAC) નું કાર્યક્ષેત્ર વધારીને ભારતીય ક્રિકેટના સુધારા, ભવિષ્યના આયોજન અને નીતિગત નિર્ણયોમાં સચિન તેંડુલકર, રાહુલ દ્રવિડ જેવા મહાન ખેલાડીઓના અનુભવનો ઉપયોગ કરવો જોઈએ. હાલમાં CAC ની ભૂમિકા માત્ર સિલેક્ટર્સ અને હેડ કોચની પસંદગી સુધી સીમિત છે. ગાવસ્કરે સૂચવ્યું છે કે આ સમિતિ ઘરેલુ ક્રિકેટ, આંતરરાષ્ટ્રીય શેડ્યુલિંગ, ખેલાડીઓના કાર્યભાર અને ટેકનિકલ બાબતો પર પણ ધ્યાન આપે. આ વિસ્તૃત કમિટીમાં દિગ્ગજ ખેલાડીઓને સામેલ કરવાથી નિર્ણયોમાં પારદર્શિતા અને ગુણવત્તા વધશે.

સોશિયલ મીડિયામાં AI દ્વારા વિન્ટેજ ફોટોઝનો ટ્રેન્ડ લોકપ્રિય બન્યો છે, પરંતુ સુરતના રાંદેર ગણેશ મંડળે ટેકનોલોજીનો સહારો લીધા વિના જ 1972ના ‘રાંદેર ગામ બજાર’નું નિર્માણ કરીને સૌને આશ્ચર્યચકિત કર્યા છે. વડીલો પાસેથી એકત્ર કરેલી ઝીણી માહિતીના આધારે જૂની દુકાનો, વાહનો અને બજારનો જીવંત માહોલ ઊભો કરાયો છે. આ થીમ માત્ર મંડપની સજાવટ નથી, પરંતુ રાંદેરના ભૂતકાળની મીઠી યાદોને નવી પેઢી સુધી પહોંચાડવાનો એક સુંદર પ્રયાસ છે, જે ગણેશ ભક્તો માટે આકર્ષણનું કેન્દ્ર બની રહ્યો છે.

વડોદરામાં કરજણ તાલુકામાં નેશનલ હાઈવે 48 ઉપર કંડારી ગામ પાસે રોડ પર સાઈડમાં ઉભેલી કારમાં પાછળથી આવતો ટેમ્પો ધડાકાભેર ભટકાતા કારમાં સવાર 5 પૈકી 2ના મોત 3ને ઇજાઓ થતાં સારવાર અર્થે હોસ્પિટલ લઈ જવાયા.વડોદરામાં લગ્ન પ્રસંગેથી પાછા ફરતા થયેલા અકસ્માતમાં કરજણના 2 યુવાનોના મોતથી સમગ્ર પંથકમાં શોકની લાગણી ફેલાઇ. મરણજનારના નામ પ્રેમ રાજેન્દ્ર શાહ અને મિહિર પટેલ (બન્ને રહે.કરજણ જુનાબજાર) જાણવા મળ્યું છે.

દિલ્હીના ઇન્દિરા ગાંધી ઇન્ટરનેશનલ એરપોર્ટ પર સુરક્ષા વ્યવસ્થામાં એક ચોંકાવનારી ચૂક સામે આવી છે. ત્રણ ઇટાલિયન મુસાફરો અમ્રિતસરથી દિલ્હી પહોંચ્યા બાદ ઇમિગ્રેશન પ્રક્રિયા પૂર્ણ કર્યા વગર જ લુફ્થાન્સાની ફ્લાઇટ પકડીને જર્મનીના મ્યુનિક પહોંચી ગયા હતા. આ ગંભીર બેદરકારી સામે આવ્યા બાદ કેન્દ્રીય ગૃહ મંત્રાલયે તાકીદની ઉચ્ચ સ્તરીય બેઠક બોલાવી છે. ગૃહ સચિવ ગોવિંદ મોહનની અધ્યક્ષતામાં આ બેઠક યોજાઈ રહી છે. આ સમગ્ર ઘટના 4 સપ્ટેમ્બરના રોજ બની હતી.

લાલપુર તાલુકાના કાનાલુશ ગામે પોલીસે ઓરડીમાંથી 1 કિલો 795 ગ્રામ ગાંજાનો જથ્થો ઝડપી લીધો છે. આ ગાંજાની કિંમત રૂ.89,750 સહિત કુલ રૂ.1,04,750નો મુદ્દામાલ કબજે કરી ત્રણ શખ્સોની ધરપકડ કરવામાં આવી છે. વેચાણ માટે રાખેલા આ જથ્થા અંગે પોલીસે વધુ તપાસ હાથ ધરી છે. મેઘપર (પડાણા) પોલીસને બાતમી મળતાં દરોડો પાડ્યો હતો. પોલીસે અજીતસિંહ સુરેન્દ્રસિંહ યાદવ, વેદપ્રકાશ પ્રમોદકુમાર મિશ્રા અને વિશાલકુમાર મુરેન્દ્રગીરીને ઝડપી લીધા છે. ઓડિશાના સપ્લાયર અરૂણકુમાર સહિત બેની શોધખોળ ચાલુ છે.

જામનગર શહેરના ગાંધીનગર વિસ્તારમાં પાણીની લાઈન નાખવાના કામ બાદ રસ્તા પર માટી નાખી દેવાતા વરસાદી પાણી ભરાતા વાહનો ફસાવાની ઘટનાઓ બની રહી છે. તાજેતરમાં થયેલા થોડા વરસાદ બાદ ખોદકામ કરાયેલા રસ્તા પર કાદવ થતાં એક કાર તેમાં ખૂંપી ગઈ હતી. જામનગર શહેર યુવક કોંગ્રેસ પ્રમુખ મહિપાલસિંહ જાડેજાએ કોન્ટ્રાક્ટરો દ્વારા રસ્તાનું યોગ્ય સમારકામ ન થતું હોવાનો આક્ષેપ કરી તંત્ર પાસે લેવલિંગ અને સમારકામની માંગ કરી છે.

છેલ્લા 48 કલાકથી જૂનાગઢ જિલ્લામાં વ્યાપક વરસાદના કારણે અનેક નદીઓમાં પૂર આવ્યા છે. માણાવદરમાં પોણો ઈંચ અને ભેસાણમાં પોણા બે ઈંચ વરસાદ નોંધાયો છે. લાંબા સમય બાદ થયેલી મેઘમહેરથી ખેડૂતોમાં ખુશીની લહેર છે. ગિરનાર અને દાતાર જંગલ વિસ્તારમાં વરસાદથી કાળવા નદીમાં ભારે પુર આવ્યું છે અને દામોદર કુંડ તથા નરસિંહ મહેતા તળાવમાં નવા નીર આવ્યા છે. આનંદપુર ડેમ ઓવરફ્લો થયો છે, અને વિલીંગ્ડન અને હસનાપુર ડેમમાં પણ પાણી વધ્યું છે.

જામનગર જિલ્લામાં ગણપતિના આગમન સાથે મેઘરાજાની મહેર જોવા મળી રહી છે. લાંબા સમયના સૂકાભઠ બાદ ભાદરવામાં થયેલા વરસાદથી નદી-નાળા, ચેકડેમ અને તળાવો નવા નીરથી છલકાયા છે, જે ખેડૂતો અને શહેરીજનો માટે રાહતના સમાચાર છે. ઉભા પાકને જીવનદાન મળ્યું છે. જોકે, શહેરના મુખ્ય પીવાના પાણીના સ્ત્રોત એવા રણજીતસાગર અને સસોઈ ડેમમાં હજુ પણ પાણીની આવક થઈ નથી, જેના કારણે પીવાના પાણીની ચિંતા યથાવત છે. સૌની યોજના મારફતે સસોઈ ડેમમાં પાણી ઠાલવવાની તૈયારી કરાઈ રહી છે.

અમદાવાદના અંજલી બ્રિજ પર વહેલી સવારે રોંગ સાઈડમાં આવી રહેલી ટ્રકે બાઈકને અડફેટે લેતા ગમખ્વાર અકસ્માત સર્જાયો હતો. આ ઘટનામાં બાઈક સવાર 23 વર્ષીય મિલન વાઘેલાનું ઘટનાસ્થળે જ કમકમાટીભર્યું મોત નીપજ્યું હતું. જ્યારે તેની પાછળ બેઠેલો મિત્ર કુલદીપ ગંભીર રીતે ઈજાગ્રસ્ત થતાં તેને તાત્કાલિક નજીકની હોસ્પિટલમાં ખસેડવામાં આવ્યો છે. પોલીસે ટ્રકચાલકને ઝડપી પાડી ગુનો નોંધી કાયદેસરની કાર્યવાહી હાથ ધરી છે.

મોરબી LCB પોલીસે ઘુંટુ ગામ પાસે એક કારમાંથી વિદેશી દારૂની 315 બોટલ કબજે કરી છે. પોલીસે દારૂ અને કાર સહિત કુલ રૂ. 8.75 લાખનો મુદ્દામાલ જપ્ત કર્યો છે. આ કેસમાં બે આરોપીઓની ધરપકડ કરવામાં આવી છે, જ્યારે એક ફરાર આરોપીની શોધખોળ ચાલી રહી છે. ઝડપાયેલા આરોપીઓની પૂછપરછમાં અન્ય એક આરોપીનું નામ ખુલ્યું છે. આ ઘટના અંગે મોરબી તાલુકા પોલીસ મથકમાં ગુનો નોંધી વધુ તપાસ હાથ ધરાઈ છે.

છેલ્લા 24 કલાકમાં જામનગર જિલ્લામાં મેઘરાજાની એવી કૃપા વરસાવી કે ચિત્ર બદલાઈ ગયું. ખાસ કરીને જામનગર શહેરમાં ધોધમાર વરસાદને કારણે રાત્રિના બે કલાકમાં ચાર ઇંચ પાણી ભરાઈ ગયાં, જેનાથી અનેક વિસ્તારો જળમગ્ન બન્યા. શહેરમાં કુલ 142 મિમી વરસાદ નોંધાયો, જ્યારે મોસમનો કુલ વરસાદ 313 મિમી થયો. જિલ્લાના તાલુકા મથકો અને ગ્રામ્ય વિસ્તારોમાં પણ સારો વરસાદ થયો, જે ખેડૂતો માટે જીવનદાન સમાન સાબિત થયો છે.

વડોદરાના કરજણ હાઈવે પર નેશનલ હાઈવે 48 પર કંડારી ગામ નજીક ગમખ્વાર અકસ્માત સર્જાયો છે. લગ્ન પ્રસંગમાંથી પરત ફરી રહેલી કારને પાછળથી પૂરઝડપે આવી રહેલા એક ટ્રકે જોરદાર ટક્કર મારતાં કારમાં સવાર પ્રેમ શાહ અને મિહિર પટેલ નામના બે યુવાનોના ઘટનાસ્થળે જ મોત નીપજ્યા હતા. જ્યારે કારમાં સવાર અન્ય ત્રણ યુવાનો ગંભીર રીતે ઈજાગ્રસ્ત થતાં તેમને નજીકની હોસ્પિટલમાં સારવાર અર્થે ખસેડવામાં આવ્યા છે. આ ભયાનક અકસ્માત અંગે પોલીસે ગુનો નોંધી વધુ તપાસ હાથ ધરી છે.

ગુજરાતમાં છેલ્લા ૨૪ કલાકમાં ૨૫૯ તાલુકાઓમાં વ્યાપક વરસાદ નોંધાયો છે. કચ્છના અંજાર તાલુકામાં સૌથી વધુ ૭.૨૪ ઇંચ વરસાદ ખાબક્યો છે. ૧૫ તાલુકાઓમાં ૪ થી ૭.૨૪ ઇંચ વરસાદ પડતાં જળબંબાકારની સ્થિતિ સર્જાઈ છે. સુરત, બોટાદ અને ધોળકામાં ૪ ઇંચથી વધુ વરસાદ પડ્યો છે. નીચાણવાળા વિસ્તારોમાં પાણી ભરાયા છે, પરંતુ જળાશયોમાં પાણીની આવક વધતાં ખેતી અને પીવાના પાણીની સ્થિતિ સુધરશે. રાજ્યના ૩૫ ડેમ હાઈએલર્ટ પર છે.

કેન્દ્ર સરકારના કડક વલણ બાદ ફેસબુક અને ઇન્સ્ટાગ્રામની પેરન્ટ કંપની મેટા (Meta)એ મોટો નિર્ણય લીધો છે. મેટાએ ખાતરી આપી છે કે તે બાળ યૌન શોષણ (CSEAM) અને બાળકોની સુરક્ષા સંબંધિત તમામ સંવેદનશીલ કેસો સીધા ભારતીય કાયદા અમલીકરણ એજન્સીઓને રિપોર્ટ કરશે. ઇલેક્ટ્રોનિક્સ અને ઇન્ફોર્મેશન ટેકનોલોજી મંત્રાલય (MeitY)ને આ સંદર્ભે સત્તાવાર પત્ર પાઠવ્યો છે. સરકાર આ નિર્ણયને 'પ્રથમ પગલું' ગણાવી રહી છે અને ભારતમાં બાળકોની ડિજિટલ સુરક્ષા કોઈપણ બાંધછોડ વગરનો વિષય છે.

પાટણ જિલ્લાના સાંતલપુર તાલુકાના વૌવા ગામમાં મોડી રાત્રે ગાજવીજ સાથે થયેલા ભારે વરસાદ દરમિયાન આકાશી વીજળી ત્રાટકતાં એક મોટી દુર્ઘટના બની છે. ગામના સીમાડે આવેલા ઘેટાંના વાડા પર વીજળી પડતાં કુલ 35 ઘેટાંના ઘટનાસ્થળે જ મોત નીપજ્યાં છે. આ આફતથી બે રબારી માલધારી પરિવારો પર આર્થિક સંકટના વાદળો ઘેરાયા છે. રબારી વેલાભાઈ સોમાભાઈના 21 અને રબારી વલ્લભભાઈ કાજળભાઈના 14 ઘેટાં મૃત્યુ પામ્યા છે. મામલાની ગંભીરતાને ધ્યાને લઈને તંત્ર દ્વારા પંચનામું અને સહાયની કાર્યવાહી હાથ ધરવામાં આવી રહી છે.

રાજ્યના 206 ડેમોમાં 67.28% પાણી, સરદાર સરોવર ડેમ 95.16% ભરાયો. જળસંપત્તિ વિભાગના આંકડા મુજબ, 35 ડેમ હાઈએલર્ટ, 16 એલર્ટ અને 8 ડેમ વોર્નિંગ સિગ્નલ પર છે. 21 ડેમ 100% ભરાઈ ઓવરફ્લો થયા છે. 79 ડેમોમાં 25% થી ઓછું પાણી છે. શેત્રુંજી, સુખી, કરજણ, ઉકાઈ ડેમમાં સારો સંગ્રહ છે, જ્યારે ધરોઈ અને દાંતીવાડામાં ઓછું પાણી છે. લાલપરી, શેત્રુંજી, વણાકબોરી ડેમ હાઈએલર્ટ પર છે. આ પાણી પીવા અને સિંચાઈ માટે રાહતરૂપ છે.

અમદાવાદ શહેરમાં ફરી એકવાર ઓવરસ્પીડ કારનો અકસ્માત સામે આવ્યો છે. ઇસ્કોન બ્રિજ પર ૨૦ વર્ષીય યુવકે બેફામ કાર ચલાવીને ડાયવર્ઝન બોર્ડ સાથે ભયાનક અકસ્માત સર્જ્યો હતો. વહેલી સવારે ૩ વાગ્યે થયેલા આ બનાવમાં કર્ણાવતી બ્રિજની કામગીરીના કારણે અપાયેલા ડાયવર્ઝન પર સુરક્ષા વ્યવસ્થા સામે સવાલ ઉઠી રહ્યા છે. કારના પાર્ટસ રસ્તા પર વેરવિખેર પડી ગયા હતા અને એરબેગ પણ ખુલી ગઈ હતી. આ ઘટનામાં તંત્રની બેદરકારી અને CCTVનો અભાવ ચર્ચાનો વિષય બન્યો છે.

રાજસ્થાન સ્થાનિક સ્વરાજની ચૂંટણીના પરિણામો બાદ જયપુરમાં હોર્સ-ટ્રેડિંગ રોકવા ભાજપ અને કોંગ્રેસે ઉમેદવારોને રિસોર્ટમાં ખસેડ્યા. કોંગ્રેસના ઉમેદવારો બસ્સી પાસેના અસિથિરિયા રિસોર્ટમાં રોકાયા હતા. 12 સપ્ટેમ્બરથી 21 સપ્ટેમ્બર સુધીના કપડાં સાથે રહેવાની સૂચના હતી. જયપુરમાં 5 બૂથ પર પુનઃમતદાન થવાનું હોવાથી મેયર પદની ઉમેદવારી નોંધણીની તારીખ મોકૂફ રહેવાની સંભાવના છે. રૂમ અને ભોજનની નબળી વ્યવસ્થા સામે કોંગ્રેસના કેટલાક ઉમેદવારો નારાજ થઈ રિસોર્ટ છોડી ગયા. અલવરના ઉમેદવારોની હાજરીથી જગ્યાની અછત સર્જાતાં મહિલા ઉમેદવારોને મુશ્કેલી પડી. જોકે, કોંગ્રેસ પ્રવક્તાએ વ્યવસ્થાઓ સુધરી હોવાની સ્પષ્ટતા કરી.

કોંગ્રેસ પક્ષમાં સંગઠનાત્મક ફેરફારોની તૈયારીઓ પૂરજોશમાં ચાલી રહી છે. રાહુલ ગાંધી અને પ્રિયંકા ગાંધી વાડ્રાએ AICC સચિવોની પસંદગી માટે આશરે ૧૩૦ સંભવિત ઉમેદવારોના ઇન્ટરવ્યુ લીધા છે. આ પ્રક્રિયામાં નેતાઓના કામકાજની સમીક્ષા કરવામાં આવી રહી છે અને સંગઠનને મજબૂત કરવા માટે નવા ચહેરાઓને આગળ લાવવાની યોજના છે. આ ફેરબદલ અંતર્ગત વર્તમાન AICC સચિવોમાંથી લગભગ અડધા નેતાઓને બદલવામાં આવી શકે છે, જે કોંગ્રેસના સંગઠનમાં મોટો બદલાવ લાવી શકે છે.

ગુરુગ્રામમાં થયેલા હિટ-એન્ડ-રન કેસમાં બાઇકર સિયાએ ચોંકાવનારા ખુલાસા કર્યા છે. સોશિયલ મીડિયા પર વાયરલ થયેલા વીડિયો બાદ, સિયાએ જણાવ્યું કે કાર ચાલકે જાણી જોઈને તેને ટક્કર મારી હતી, જે હત્યાનો પ્રયાસ હતો. તે દિલ્હીથી ગુરુગ્રામના 'બાઈકર વન' કાફે જઈ રહી હતી ત્યારે કાર દ્વારા પીછો કરવામાં આવ્યો. તેણે દાવો કર્યો કે તેની બાઇક ચલાવતી વખતે તેણે કોઈને ઉશ્કેર્યા ન હતા અને તે માત્ર પોતાની લેનમાં જ હતી. અકસ્માત બાદ તેની બાઇકના બ્રેક તૂટી ગયા હતા. સિયાએ ગુરુગ્રામમાં કાયદો અને વ્યવસ્થાની સ્થિતિ પર પણ સવાલો ઉઠાવ્યા છે.

અરબી સમુદ્રમાં સક્રિય વરસાદી સિસ્ટમને કારણે સૌરાષ્ટ્ર અને દીવના અનેક વિસ્તારોમાં અતિભારે વરસાદ વરસ્યો છે. જામનગર શહેરમાં 5.59 ઈંચ, જ્યારે દીવ અને ઘોઘલામાં 4 ઈંચ વરસાદ નોંધાયો છે. આ વરસાદથી જામનગર સહિત અનેક નીચાણવાળા વિસ્તારોમાં જળબંબાકારની સ્થિતિ સર્જાઈ છે, જેનાથી જનજીવન પ્રભાવિત થયું છે. જોકે, આ મેઘમહેર ખેડૂતો માટે આશીર્વાદરૂપ સાબિત થઈ છે, જે સુકાતા પાકને નવી જીવતદાન આપી રહી છે. સ્થાનિક વહીવટીતંત્ર પાણી નિકાલની કામગીરીમાં લાગી ગયું છે.

ભારતીય રેલવેની વંદે ભારત અને રાજધાની એક્સપ્રેસ બંને પ્રીમિયમ ટ્રેનો છે, પરંતુ તેમના હેતુ અને સુવિધાઓ અલગ છે. રાજધાની એક્સપ્રેસ (1969) રાજધાનીને રાજ્યોની રાજધાનીઓ સાથે જોડવા માટે શરૂ થઈ હતી, જ્યારે વંદે ભારત (2019) શહેરો વચ્ચે દિવસ દરમિયાનની ઝડપી મુસાફરી માટે છે. વંદે ભારત 160 કિમી/કલાકની ઝડપે ચાલે છે અને 0-100 કિમી/કલાક માત્ર 52 સેકન્ડમાં પકડે છે, જ્યારે રાજધાનીની મહત્તમ ઝડપ 130 કિમી/કલાક છે. વંદે ભારતમાં ઓટોમેટિક દરવાજા, GPS માહિતી, અને 180-ડિગ્રી ફરી શકતી બેઠકો જેવી સુવિધાઓ છે. રાજધાનીમાં AC કોચ અને તેજસ-રાજધાની કોચમાં આધુનિક સુવિધાઓ છે. બંને ટ્રેનોમાં ભોજનની સુવિધા ઉપલબ્ધ છે.

દિલ્હી એરપોર્ટ પર સુરક્ષા વ્યવસ્થા પર પ્રશ્નાર્થ ઊભો થયો છે, જ્યાં ત્રણ ઇટાલિયન મુસાફરો જરૂરી ઇમિગ્રેશન પ્રક્રિયા પૂર્ણ કર્યા વિના જ આંતરરાષ્ટ્રીય ફ્લાઇટમાં પહોંચી ગયા હતા. આ ઘટના 4 સપ્ટેમ્બરના રોજ બની હતી, જેમાં એર ઇન્ડિયાની ફ્લાઇટ દ્વારા અમૃતસરથી દિલ્હી આવેલા મુસાફરો દિલ્હીથી મ્યુનિક જતી લુફ્થાન્સાની ફ્લાઇટમાં બેસી ગયા હતા. નાગરિક ઉડ્ડયન મંત્રાલયે આ મામલે એર ઇન્ડિયા પાસેથી 9 મુદ્દાઓ પર જવાબ માંગ્યો છે અને 7 દિવસનો સમય આપ્યો છે.