ચીને પહેલીવાર સત્તાવાર રીતે સ્વીકાર્યું છે કે ગયા વર્ષે ભારત અને પાકિસ્તાન વચ્ચે થયેલા યુદ્ધ દરમિયાન તેણે પાકિસ્તાની વાયુસેનાને ઓન-સાઇટ ટેકનિકલ સહાય પૂરી પાડી હતી. ચીની સરકારી બ્રોડકાસ્ટર CCTV પર પ્રસારિત એક ઇન્ટરવ્યુમાં, એવિએશન ઇન્ડસ્ટ્રી કોર્પોરેશન ઓફ ચાઇનાના એન્જિનિયરોએ ખુલાસો કર્યો કે તેઓ યુદ્ધ દરમિયાન પાકિસ્તાનમાં હાજર હતા. અહેવાલ મુજબ, આ સંઘર્ષ દરમિયાન ચીની બનાવટના J-10CE ફાઈટર જેટે ભારતના ફ્રેન્ચ બનાવટના રાફેલ ફાઈટર જેટને તોડી પાડ્યું હતું. આ પ્રથમ ઘટના છે જ્યારે ચીની બનાવટના આ વિમાને કોઈ દુશ્મન વિમાનને તોડી પાડ્યું હોય.

તમિલનાડુમાં કોંગ્રેસે અભિનેતા વિજયની TVK પાર્ટીને સમર્થન આપતા વરિષ્ઠ નેતા મણિશંકર અય્યરે આ નિર્ણયને 'ઘટિયા રાજકીય તકવાદ' ગણાવ્યો. તેમણે ચેતવણી આપી કે આનાથી ભાજપને ફાયદો થશે અને કોંગ્રેસ પોતાનું જ નુકસાન કરશે. સમાજવાદી પાર્ટીના અખિલેશ યાદવે પણ કોંગ્રેસના આ પગલાથી નારાજગી વ્યક્ત કરી, જે વિપક્ષી એકતા પર પણ પ્રશ્નાર્થ ઊભો કરે છે.

પશ્ચિમ બંગાળમાં ચૂંટણી હાર બાદ TMCમાં આંતરિક વિખવાદ વકર્યો છે. રાજ ચક્રવર્તીએ રાજકારણ છોડ્યું, જયારે અનેક દિગ્ગજોએ નેતૃત્વ સામે બળવો પોકાર્યો. સંગઠનાત્મક અહંકાર અને જમીની સ્તરથી કપાયેલા હોવા જેવા કારણો અપાઈ રહ્યા છે. I-PAC અને બિન-બંગાળી સલાહકારોના પ્રભાવ પર પણ સવાલ ઉઠી રહ્યા છે. ભ્રષ્ટાચાર અને ફંડ માટે દબાણના ગંભીર આરોપો સાથે રાજીનામાનો દોર શરૂ થયો છે.

ભારતીય T20 ટીમમાં સૂર્યકુમાર યાદવના કેપ્ટન પદ પર ખતરો મંડરાઈ રહ્યો છે. BCCI સૂર્યાના બદલે શ્રેયસ અય્યરને નવો કેપ્ટન બનાવવાની યોજના બનાવી રહી છે. શ્રેયસના IPL 2026માં શાનદાર પ્રદર્શન અને નેતૃત્વને કારણે આ ચર્ચા થઈ રહી છે, જ્યારે સૂર્યાનું ખરાબ ફોર્મ પણ ચિંતાનો વિષય બન્યું છે. આગામી સમયમાં ભારતીય ટીમ આયર્લેન્ડ અને ઈંગ્લેન્ડના પ્રવાસે જવાની છે, જ્યાં BCCI યુવા ખેલાડીઓને વધુ તક આપવા માંગે છે. શ્રેયસ અય્યર આ રેસમાં સૌથી આગળ હોવા છતાં એક પાસું એ પણ છે કે તેણે ડિસેમ્બર 2023 પછી કોઈ આંતરરાષ્ટ્રીય ટી20 મેચ રમી નથી.

તમિલનાડુમાં નવી સરકાર રચવા મથામણ ચાલી રહી છે, જ્યાં કોઈ પક્ષને સ્પષ્ટ બહુમતી નથી. થલાપતિ વિજયની TVK અને DMK વચ્ચે સ્પર્ધા છે. AIADMK ભાજપથી અલગ થવાની તૈયારીમાં છે, જે વિજય માટે શુભ સંકેત છે. TVKને કોંગ્રેસનું સમર્થન મળ્યું છે, પણ બહુમતી માટે હજુ 5 બેઠકો ખૂટે છે. AIADMK ભાજપ સાથેનું ગઠબંધન તોડી TVK કે DMK સાથે જોડાશે તે અંગે અટકળો તેજ બની છે.

પશ્ચિમ બંગાળમાં નવી સરકારની રચનાની પ્રક્રિયા શરૂ થઈ છે. ગૃહમંત્રી અમિત શાહ કેન્દ્રીય નિરીક્ષક બન્યા છે. આજે બપોરે 2 વાગ્યે BJP ધારાસભ્ય દળની બેઠકમાં મુખ્યમંત્રીના નામની જાહેરાત થઈ શકે છે. નવા મુખ્યમંત્રીનો શપથ ગ્રહણ સમારોહ 9 મેના રોજ કોલકાતામાં યોજાશે. સુવેન્દુ અધિકારી મુખ્યમંત્રી બનવાની રેસમાં સૌથી આગળ છે.

શુક્રવારે સેન્સેક્સ 400 પોઈન્ટ ઘટી 77,450, નિફ્ટી 130 પોઈન્ટ ઘટી 24,200. ઓટો અને બેંક શેરોમાં વેચવાલી, ફાર્મા-આઈટીમાં ખરીદી. એશિયન બજાર અને અમેરિકી બજારમાં ઘટાડો, FIIs એ ₹341 કરોડના શેર વેચ્યા.

બંગાળમાં BJPની ઐતિહાસિક જીત બાદ મુખ્યમંત્રીના ચહેરા પર સૌની નજર છે. 8 મેના રોજ કોલકાતામાં યોજાનારી BJP વિધાયક દળની બેઠકમાં નવા CMના નામની જાહેરાત થઈ શકે છે. કેન્દ્રીય ગૃહમંત્રી અમિત શાહ નિરીક્ષક તરીકે હાજર રહેશે. શુભેંદુ અધિકારી, દિલીપ ઘોષ, સમિક ભટ્ટાચાર્ય અને અગ્નિમિત્રા પોલ જેવા નામોની ચર્ચા મુખ્યમંત્રી પદ માટે થઈ રહી છે.

પશ્ચિમ એશિયામાં તણાવ છતાં, ભારતમાં પેટ્રોલ અને ડીઝલના ભાવ સ્થિર છે. ઓઇલ માર્કેટિંગ કંપનીઓ (OMCs) દરરોજ સવારે 6:00 વાગ્યે ભાવ સુધારે છે, જે વૈશ્વિક ક્રૂડ ઓઇલના દરો અને ચલણ વિનિમય દરોમાં વધઘટ સાથે સંરેખિત થાય છે. આજે, 8 મે, 2026 ના રોજ, ગુજરાતના મુખ્ય શહેરોમાં ભાવ નીચે મુજબ છે: અમદાવાદ, રાજકોટ, સુરત, વડોદરા, ગાંધીનગર અને ભાવનગર. OMCs હાલમાં પેટ્રોલ પર ₹20-25 અને ડીઝલ પર ₹100-105 પ્રતિ લિટરનું નુકસાન સહન કરી રહી છે.

અમદાવાદમાં ઓછા બજેટની કારોની સાથે Ferrari અને Bentley જેવી luxury brands ની demand વધી છે. છેલ્લા 13 મહિનામાં 25 લાખ સુધીની 77315 કાર વેચાઈ. 75 લાખથી 1 કરોડની range માં 202 premium cars, જેનું average price 87 લાખ છે, વેચાઈ છે. વેપારીઓ સાથે now નોકરિયાત વર્ગ પણ 1 crore premium cars ખરીદવામાં રસ ધરાવી રહ્યો છે. 4 કરોડ સુધીની 81633 cars registered થઈ છે.

૨૫ દિવસથી ફરાર નિદા ખાનને નારેગાંવમાંથી ધરપકડ કરાઈ. તે ચાર સંબંધીઓ સાથે ફ્લેટમાં છુપાયેલી હતી. પોલીસને બદલતા ઠેકાણાની માહિતી મળી રહી હતી. નાસિક ક્રાઇમ બ્રાન્ચ અને છત્રપતિ સંભાજીનગર પોલીસના સંયુક્ત ઓપરેશનમાં ડિટેન કરાઈ. મેડિકલ બાદ નાસિક લઈ જવાશે. કોર્ટે આગોતરા જામીન અરજી ફગાવી હતી. Digital પુરાવા અને મલેશિયા કનેક્શનની તપાસ ચાલુ છે.

અમેરિકાના ડોમેસ્ટિક મોરચે પ્રમુખ ડોનાલ્ડ ટ્રમ્પને મોટો આંચકો લાગ્યો છે. યુએસ ટ્રેડ કોર્ટે ટ્રમ્પ વહીવટીતંત્ર દ્વારા લાદવામાં આવેલા 10% વૈશ્વિક ટેરિફને ગેરકાયદેસર જાહેર કરી રદબાતલ ઠેરવ્યો છે. આ નિર્ણય ટ્રમ્પની આક્રમક વેપાર નીતિઓ માટે એક મોટી કાનૂની નિષ્ફળતા માનવામાં આવે છે. કોર્ટે 5 દિવસમાં રિફંડનો આદેશ પણ આપ્યો છે.

ઈરાન સાથેના યુદ્ધની સ્થિતિ અને વૈશ્વિક અનિશ્ચિતતા વચ્ચે અમેરિકન પ્રમુખ ડોનાલ્ડ ટ્રમ્પની વેપાર નીતિઓને મોટો કાયદાકીય ફટકો પડ્યો છે. અમેરિકન ટ્રેડ કોર્ટે ટ્રમ્પ પ્રશાસન દ્વારા લાદવામાં આવેલા તાજેતરના 10% ગ્લોબલ ટેરિફને ગેરબંધારણીય અને ગેરકાનૂની ગણાવ્યા છે. અદાલતે સ્પષ્ટ કર્યું છે કે 1970ના દાયકાના વેપાર કાયદાનો ઉપયોગ કરીને આટલા વ્યાપક ટેક્સ લાદવા ઉચિત નથી.કાયદાનો દુરુપયોગ અને કોર્ટની કડક ટિપ્પણીફેબ્રુઆરી મહિનામાં ટ્રમ્પે 'ટ્રેડ એક્ટ 1974' ની કલમ 122 નો સહારો લઈને આ ટેરિફ લાગુ કર્યા હતા.

કાલોલના જોડિયાકુવા અને આસપાસના ખેડૂતોએ નફાકારક સૂરણની ખેતી અપનાવી. ગત વર્ષે 1400 રૂા. પ્રતિ મણ ભાવ હતો, આ વર્ષે માત્ર 600 રૂા. સુધી પહોંચતા ખેડૂતો ચિંતિત. રૂા.450ના ખર્ચ સામે 600 રૂા. ભાવ મળતા આર્થિક મુશ્કેલી. સરકાર પાસે યોગ્ય ભાવ મેળવવા માંગ.

અમેરિકામાં ગેસ અને પેટ્રોલની કિંમત વધતાં ત્રણ વર્ષમાં મોંઘવારી સર્વોચ્ચ સપાટીએ છે, યુરોપના ૨૧ દેશોમાં મોંઘવારી વધી હોવાનું લેટેસ્ટ અહેવાલમાં કહેવાયું છે' શાંતિ એ વેપાર માટે પહેલી અને અનિવાર્ય શરત છે.' ફ્રેન્ચ ચિંતક મોન્ટેસ્કુનું આ મતલબનું વાક્ય વૈશ્વિક સ્તરે શાંતિ અને વેપારના સંદર્ભમાં વારંવાર ટાંકવામાં આવે છે. બે રાષ્ટ્રોએ વેપાર કરવો હોય તો બંને વચ્ચે શાંતિ અનિવાર્ય છે. યુદ્ધ કે તંગદિલી ચાલતી હોય ત્યારે વેપાર અટકી પડે છે.

સુપ્રીમ કોર્ટ દ્વારા ન્યાય પ્રણાલીને વધુ વ્યાપક, સરળ અને લોકાભિમુખ બનાવવા સમાધાન સમારો-૨૦૨૬ (વિશેષ લોક અદાલત)નું આયોજન કરાયું છે. જેની શરૃઆત ૨૧ એપ્રિલથી થઈ છે અને સમાપન તા.૨૧-૮થી તા.૨૩-૮ સુધી સુપ્રીમ કોર્ટના પરિસરમાં યોજાનારી વિશેષ લોક અદાલત સાથે થશે. કાર્યક્રમનો મુખ્ય હેતુ પક્ષકારો વચ્ચે સહમતી દ્વારા લાંબા સમયથી ચાલતા વિવાદોનો ઝડપી અંત લાવી ન્યાય સરળતાથી ઉપલબ્ધ કરાવવાનો છે.

એપ્રિલમાં પેટ્રોલ માંગ ૬.૩૬% વધી, જ્યારે LPG વપરાશ ૧૬.૧૬% ઘટ્યો. પશ્ચિમ એશિયા સંઘર્ષને કારણે વિક્ષેપના સંકેત. ડીઝલ માંગ લગભગ સ્થિર રહી, જે ઇંધણ વપરાશના વલણોમાં નોંધપાત્ર ફેરફાર દર્શાવે છે.

તામિલનાડુ ચૂંટણીમાં સૌથી વધુ બેઠકો વિજયના ટીવીકે પક્ષને મળી, પણ કોંગ્રેસના ટેકા છતાં જરૂરી ૧૧૮ ધારાસભ્યોના હસ્તાક્ષર કરાવી શક્યો નહીં. રાજ્યપાલે પૂરતા ધારાસભ્યો ન હોવાનું કહી વિજયને બીજી વખત પરત મોકલ્યા. ટીવીકે પાસે ૧૦૮, કોંગ્રેસ સાથે ૧૧૩ ધારાસભ્યો છે. હવે ઘટતા ૬ ધારાસભ્યોનું શું થશે તે જોવાનું રહ્યું.

નવી જાહેર થયેલી ઈમરજંસી ક્રેડિટ લાઈન ગેરન્ટી સ્કીમ-૫.૦થી દેશના અંદાજે ૧.૧૦ કરોડ માઈક્રો, સ્મોલ એેન્ડ મીડિયમ એન્ટરપ્રાઈઝિસ (MSME) ખાતાને લાભ થશે. આ સ્કીમ હેઠળ વેપારગૃહોને વધારાનો ક્રેડિટ ટેકો પૂરો પડાનાર છે, જેમને પશ્ચિમ એશિયાના સંઘર્ષથી અસર થઈ છે, એમ MSMEના એક રિપોર્ટમાં જણાવાયું છે. 

પશ્ચિમ બંગાળમાં ભાજપ નેતા સુવેન્દુ અધિકારીના PA ચંદ્રનાથ રથની ગોળી મારીને હત્યા. ભાજપ ધારાસભ્ય શંકર ઘોષે દાવો કર્યો કે હત્યા સમયે તેઓ ચંદ્રનાથ સાથે ફોન પર વાત કરી રહ્યા હતા. તેમણે ગોળીઓ અને કણસવાનો અવાજ સાંભળ્યો. ચંદ્રનાથ કોલકાતાથી મધ્યમગ્રામ જઈ રહ્યા હતા ત્યારે હુમલો થયો. આ ઘટનામાં આધુનિક હથિયારનો ઉપયોગ થયો હોવાનું મનાય છે.

તાજેતરમાં થયેલી વિધાનસભા ચૂંટણીઓમાં, રાજકીય પક્ષોએ મતદારોને આકર્ષવા માટે મફત યોજનાઓ અને વચનોની લહાણી કરી. આ વચનો પૂરા કરવાના બોજ હેઠળ સરકારી તિજોરી પર રૂ. 1.70 લાખ કરોડથી વધુનો બોજ પડશે. તામિલનાડુ, પશ્ચિમ બંગાળ અને કેરલ જેવા રાજ્યોમાં મહિલાઓ, ખેડૂતો અને બેરોજગારો માટે અનેક લોભામણાં વચનો આપવામાં આવ્યા હતા, જેના કારણે ભવિષ્યમાં આર્થિક તંગીનો સામનો કરવો પડી શકે છે.

મુંબઈ ઝવેરી બજારમાં આજે  ચાંદીના ભાવમાં તેજી વેગથી આગળ વધી હતી. સોનામાં પણ ધીમી આગેકૂચ જોવા મળી હતી. મુંબઈ બુલિયન બજારમાં ચાંદીના ભાવ કિલોના બુધવારે રૂ.૯૦૦૦ વધ્યા પછી આજે ભાવ વધુ રૂ.૫૦૦૦ ઉછળતાં બે દિવસમાં ભાવ રૂ.૧૪ હજાર વધી ગયા હોવાનુંમ બજારના જાણકારોએ જણાવ્યું હતું.

હિંમતનગરમાં ઇન્ડિયન રેડક્રોસ સોસાયટીના હોલમાં તાજેતરમાં રાધિકા શોપર્સ પરિવારના ગૌતમકુમાર અને અંજુબેનના પુત્ર સ્વ.નીલ પટેલની પ્રથમ વાર્ષિક પુણ્યતિથિ નિમિત્તે શ્રાદ્ધાંજલિ આપવાના આશ્યથી જીવન રક્તદાન શિબિરનું આયોજન કરાયું હતું. જે પ્રસંગે સ્વ.નીલ પટેલના માતા-પિતા અને પરિવારજનો, શહેરના અગ્રણીઓ, રેડક્રોસના હોદ્દેદારો, તબીબો, પાલિકાના નવા ચૂંટાયેલા સદસ્યો અને વેપારીઓ સહિત મોટી સંખ્યામાં રક્તદાતાઓએ ઉપસ્થિત રહીને રક્તદાન કર્યું હતું. આ રક્તદાન શિબિરમાં 175 રક્તદાતાઓએ રકતદાન કર્યા બાદ સ્વ.નીલના પરિવાર દ્વારા રક્તદાતાઓને સ્મૃતિચિન્હ આપી પ્રોત્સાહિત કર્યા હતા.

પેટ્રોલ-ડીઝલ મોંઘા થતાં એશિયા, લેટિન અમેરિકા, આફ્રિકામાં EV માંગ 79% વધી. કોસ્ટા રિકામાં 18% EV વેચાણ, અમેરિકા કરતાં ત્રણ ગણું. ઇથોપિયા, ઉરુગ્વે તેલ નિર્ભરતા ઘટાડવા EV અપનાવી રહ્યા છે. ચીનમાં 1.1 કરોડ EV વેચાયા. ભારતમાં ટુ-થ્રી વ્હીલરમાં 15-25% વૃદ્ધિ. ચીનના સસ્તા EVsનો વ્યાપ વધ્યો.

રાજકીય પીઠબળ ઇચ્છતા પરિવારના ત્રણ કુટુંબીઓ ચૂંટાયા. 2019માં ગૃહમંત્રાલયે માર્ટિન ગ્રુપ પર કૌભાંડોના આરોપો લગાવ્યા હતા, ગ્રુપની 409 કરોડની સંપત્તિ જપ્ત કરાઇ હતી- સેન્ટિયાગો માટનના (ડાબેથી) જમાઇ આધવ અર્જુન, પત્ની લીમારોઝ  અને પુત્ર  જોશ ચાર્લ્સ  જેમને ભારતના 'લોટરી કિંગ'ની ઉપમા આપવામાં આવી છે, તે સેન્ટિયાગો માટન એક સમયે ઈલેક્ટોરલ બોન્ડ દ્વારા રાજકીય પક્ષો પર પ્રભાવ ઊભો કરતા હતા. એમની કંપની 'માટન ગ્રુપ'ની ઓફિસો કોઈમ્બતુર અને તમિલનાડુમાં આવેલી છે.

વિશ્વમાં આટફિશિયલ ઇન્ટેલિજન્સ સેક્ટરમાં વધતી માંગના કારણે સેમિકન્ડક્ટર શેરોમાં આવેલા જોરદાર ઉછાળાની અસર જોવા મળી રહી છે. આ કારણે બુધવારે સેમસંગ ઇલેક્ટ્રોનિક્સની માર્કેટ કેપ ૧ ટ્રિલિયન ડોલરને પાર પહોંચી હતી.

તમિલનાડુમાં અભિનેતામાંથી રાજનેતા બનેલા વિજયે ફરી એક વખત રાજ્યપાલની મુલાકાત કરી હતી અને સરકાર રચવાનો દાવો કર્યો હતો. જોકે રાજ્યપાલ બીજી વખત પણ સંમત નહોતા થયા. જેને પગલે હવે તમિલનાડુના રાજભવન બહાર વિજયના પક્ષ ટીવીકેના કાર્યકર્તાઓ અને સમર્થકો દ્વારા ઉગ્ર વિરોધ પ્રદર્શનો શરૂ કરી દેવાયા છે અને રાજ્યપાલ પર ભાજપ માટે કામ કરવાનો આરોપ લગાવ્યો છે. સાથે જ દાવો કર્યો છે કે બહુમત સાબિત કરવાનું સ્થળ રાજભવન નહીં પણ વિધાનસભા હોય છે.

પશ્ચિમ બંગાળના રાજકારણમાં આજનો દિવસ (7 મે 2026) ઈતિહાસના પાના પર નોંધાઈ ગયો છે. રાજ્યપાલ આર.એન. રવિએ એક મોટો અને અણધાર્યો નિર્ણય લેતા પશ્ચિમ બંગાળ વિધાનસભાને ભંગ કરવાનો સત્તાવાર આદેશ આપી દીધો છે. કોલકાતા ગેઝેટમાં પ્રકાશિત આ નોટિફિકેશન સાથે જ મમતા બેનર્જીની સરકાર બંધારણીય રીતે બરખાસ્ત થઈ ગઈ છે અને તેઓ હવે મુખ્યમંત્રી રહ્યા નથી. આ સાથે જ મમતા બેનર્જીની 15 વર્ષ જૂની સરકારનો અંત આવ્યો છે.

TRAI હવે એવી હાઈ-ટેક સિસ્ટમ લાવી રહ્યું છે કે જેનાથી પબ્લિક Wi-Fi વાપરનારાઓને ફરી ફરી OTP અને Login કરવાની ઝંઝટમાંથી મુક્તિ મળશે. દેશમાં ચાર લાખથી વધુ Wi-Fi હોટસ્પોટ માટે માત્ર એક જ પાસવર્ડ કે OTP નાખીને કનેક્ટ થઈ શકાશે. આ નવી સિસ્ટમ PM-WANI ની ખામીઓ દૂર કરશે અને WPA3 જેવા સિક્યોરિટી સ્ટાન્ડર્ડથી UPI અને બેંકિંગ ટ્રાન્ઝેક્શન સુરક્ષિત બનશે. ઓપરેટરો માટે પણ કમાણીના નવા રસ્તા ખુલશે.

ઈરાન સાથે યુદ્ધ કરવું અને હોર્મુઝ જળમાર્ગ પર નાકાબંધી કરવાની ભૂલ અમેરિકાને ભારે પડી હોય તેવું લાગી રહ્યું છે. ભલે ઈરાનની મિસાઈલ અમેરિકા સુધી પહોંચી શકતી નથી, પરંતુ યુદ્ધની ગંભીર અસરની ઝપેટમાં અમેરિકા પણ આવી ગયું છે. ઈરાન સાથે વિવાદના કારણે અમેરિકામાં મોંઘવારી, મંદી, ક્રૂડ ઓઈલની વધતી કિંમતો ચિંતાજનક સ્તરે પહોંચી ગઈ છે. હાલ અમેરિકા એવું મજબૂર થયું છે કે, તેણે ચોથી વખત પેટ્રોલના ભાવ વધારવા પડ્યા છે. રિપોર્ટ મુજબ, અમેરિકાએ ગેસોલિન એટલે કે પેટ્રોલના ભાવ ચોથી વખત વધાર્યા છે. યુદ્ધ બાદ ક્રૂડ ઓઈલનો અતૂટ ભંડાર ધરાવતા અમેરિકામાં પેટ્રોલની કિંમતમાં 50%નો વધારો થઈ ચુક્યો છે.