નસવાડી તાલુકાની દામણીયાઆંબા પ્રાથમિક શાળાએ પોતાનો 49મો સ્થાપના દિન 1 ઓક્ટોબરે ઉત્સાહભેર ઉજવ્યો. આ પ્રસંગે શાળામાં અનેક શૈક્ષણિક, સાંસ્કૃતિક અને સર્જનાત્મક પ્રવૃત્તિઓનું આયોજન કરાયું હતું. વિદ્યાર્થીઓએ ઉત્સાહપૂર્વક ભાગ લઈને પોતાની કલાત્મક અને શૈક્ષણિક પ્રતિભાનું પ્રદર્શન કર્યું. અનેક મહાનુભાવો, જેમાં તાલુકા પ્રાથમિક શિક્ષણાધિકારી જીજ્ઞેશભાઈ, SMC અધ્યક્ષ પાર્વતીબેન, રાષ્ટ્રીય શૈક્ષિક મહાસંઘના મંત્રી કિશનભાઈ, અને અન્ય અગ્રણીઓ ઉપસ્થિત રહ્યા હતા. BRCભવન, નસવાડીના સ્ટાફ્ દ્વારા વૃક્ષારોપણ પણ કરવામાં આવ્યું.