IPLમાં ટીમનો કેપ્ટન બનવું ગ્લેમર સાથે ભારે દબાણ અને ટીકા પણ લાવે છે. હાર્દિક પંડ્યાએ IPLમાં ખેલાડીથી કેપ્ટન બન્યા બાદ બંને પ્રકારના અનુભવો કર્યા છે. તેણે ગુજરાત ટાઇટન્સને 2022માં ડેબ્યૂ સીઝનમાં જ ચેમ્પિયન બનાવ્યા હતા અને સતત બે ફાઇનલ સુધી પહોંચાડ્યા હતા. જોકે 2024માં મુંબઈ ઇન્ડિયન્સમાં પરત ફર્યા બાદ રોહિત શર્માની સફળ કેપ્ટનશિપ બાદ ટીમ સંભાળતા હાર્દિકને ભારે દબાણ અને કડક ટીકાનો સામનો કરવો પડી રહ્યો છે. આ વચ્ચે પૂર્વ ભારતીય ક્રિકેટર રવિચંદ્રન અશ્વિનએ હાર્દિકનું સમર્થન કરતાં કહ્યું કે મુંબઈ ઇન્ડિયન્સની નિષ્ફળતા માટે માત્ર કેપ્ટનને જવાબદાર ઠેરવવું અન્યાયપૂર્ણ છે.