વડાપ્રધાન નરેન્દ્ર મોદીની અધ્યક્ષતામાં મળેલી કેબિનેટ બેઠકમાં ગુજરાત માટે બે મહત્વપૂર્ણ નિર્ણય લેવામાં આવ્યા છે, જે અંતર્ગત રાજ્યમાં રૂપિયા 3,900 કરોડથી વધુના કુલ રોકાણ સાથે વધુ બે સેમિકન્ડક્ટર મેન્યુફેક્ચરિંગ યુનિટ સ્થાપવાની મંજૂરી આપવામાં આવી છે. ઉપરાંત વાડીનાર ખાતે એક આધુનિક શિપ રિપેર ફેસિલિટીની સ્થાપનાને પણ લીલીઝંડી આપવામાં આવી છે. વધુ બે સેમિકન્ડક્ટર પ્લાન્ટ પ્રોજેક્ટ્સ દ્વારા ભારત હવે કમ્પાઉન્ડ સેમિકન્ડક્ટર-આધારિત 'મિની/માઈક્રો LED' ડિસ્પ્લે ઉત્પાદન ક્ષેત્રે ડગ માંડશે. આ નવી સુવિધાઓથી રાજ્યમાં અંદાજે 2,230 કુશળ પ્રોફેશનલ્સ માટે રોજગારીની નવી તકો ઉભી થશે.

ગુજરાત શિક્ષણ બોર્ડ (GSEB)ની ધોરણ-10 માટે વર્ષ 2026ની પરીક્ષા 26 ફેબ્રુઆરીથી 16 માર્ચ દરમિયાન યોજાઈ હતી. જેમાં રાજ્યના 15 લાખથી વધુ વિદ્યાર્થીઓએ પરીક્ષા આપી હતી. આમ ધોરણ-10 (SSC)નું પરિણામ આવતીકાલે એટલે કે 6 મેના રોજ GSEB બોર્ડની સત્તાવાર વેબસાઈટ પર જાહેર કરવામાં આવશે. વિદ્યાર્થીઓ પોતાનો બેઠક ક્રમાંક WhatsApp નંબર 6357300971 પર મોકલીને પણ પોતાનું પરિણામ તરત જ મેળવી શકશે.

બાયોકોનના સ્થાપક કિરણ મઝુમદાર-શૉએ અંદાજિત 60 હજાર કરોડ રૂપિયાની માર્કેટ કેપ ધરાવતી આ કંપનીની કમાન યુવા પેઢીને સોંપવાની તૈયારી કરી લીધી છે. તેમણે સત્તાવાર રીતે તેમની ભત્રીજી ક્લેર મઝુમદાર(Claire Mazumdar)ને તેમના ઉત્તરાધિકારી તરીકે નામિત કર્યા છે. હવે એ સ્પષ્ટ થઈ ગયું છે કે બાયોકોન જેવી દેશની બાયોફાર્મા કંપનીની કમાન ફરી એકવાર મહિલાના હાથમાં જ રહેશે. મહત્વનું છે કે કિરણ મઝુમદાર છેલ્લા 48 વર્ષોથી કંપનીની કમાન સંભાળી રહ્યા છે.

ગાંધીનગરમાં કમલમ ખાતે ગઈકાલે (4 મે) પાંચ રાજ્યોની ચૂંટણી જીતની ઉજવણીના કાર્યક્રમમાં ગુજરાત ભાજપના પ્રદેશ અધ્યક્ષ જગદીશ વિશ્વકર્માએ રાષ્ટ્રીય ગીત 'વંદે માતરમ્'ના રચયિતા તરીકે બંકિમચંદ્ર ચેટરજીના બદલે રવિન્દ્રનાથ ટાગોરનું નામ આપીને મોટો બફાટ કર્યો હતો. મુખ્યમંત્રી અને નાયબ મુખ્યમંત્રીની હાજરીમાં જાહેરમાં થયેલી આ ગંભીર ભૂલને લઈને કોંગ્રેસ નેતાએ ભાજપ પર આકરા પ્રહારો કર્યા છે. કોંગ્રેસે વંદે માતરમના નામે રાજનીતિ કરનાર પક્ષના નેતાના આ અજ્ઞાનને રાષ્ટ્રીય ગીત અને દેશના આઝાદીના લડવૈયાઓનું સીધું અપમાન ગણાવ્યું છે.

છેલ્લા બે મહિનાથી વધુ સમયથી હોર્મુઝ સ્ટ્રેટ બંધ હોવાથી ભારત સહિત સમગ્ર વિશ્વમાં ઊર્જા સંકટ ઘેરું બન્યું છે અને ખાસ કરીને ભારતના LPG પુરવઠા પર તેની માઠી અસર પડી રહી છે. ભારત પોતાની જરૂરિયાતનો 80-90% LPG હોર્મુઝના માર્ગે આયાત કરે છે. અમેરિકન ટ્રેઝરી સેક્રેટરી સ્કોટ બેસેન્ટ અને અમેરિકન પ્રમુખ ડોનાલ્ડ ટ્રમ્પે જાહેરાત કરી છે કે, 'ઓપરેશન ફ્રીડમ' હેઠળ અમેરિકન નેવી ત્યાં ફસાયેલા જહાજોને સુરક્ષિત બહાર કાઢવામાં મદદ કરશે. અમેરિકાનું કહેવું છે કે ભારત જેવા મોટા દેશોમાં કરોડો પરિવારો રાંધણ ગેસ પર નિર્ભર છે, તેથી આ રસ્તો ખોલવો માત્ર આર્થિક જ નહીં પણ માનવતાના ધોરણે પણ અત્યંત મહત્ત્વનું છે

આજે પાંચમી મે, 2026ની વહેલી સવારથી રાજ્યના ત્રણ જિલ્લાઓમાં કમોસમી વરસાદ નોંધાયો હતો. અરવલ્લીના મોડાસા, માલપુર, મેઘરજ અને યાત્રાધામ શામળાજી સહિતના વિસ્તારોમાં ભારે પવન સાથે વરસાદ ખાબક્યો છે. મહીસાગરના કડાણા તાલુકાના સરહદી ગામો અને ખાનપુર પંથકમાં પ્રિ-મોન્સુન એક્ટિવિટીના ભાગરૂપે વરસાદ નોંધાયો છે. ગોધર ઉતર, જોગણ અને સરસવા સહિતના વિસ્તારોમાં વરસાદથી ઠંડક પ્રસરી છે. સાયક્લોનિક સર્ક્યુલેશન અને વેસ્ટર્ન ડિસ્ટર્બન્સ જેવી સિસ્ટમ સક્રિય થતા વાતાવરણમાં આ ફેરફાર જોવા મળ્યો છે.

વડનગરમાં ઘર કંકાસમાં પતિએ પત્ની અને પુત્રીની હત્યા કરી, લાશો ઘરમાં દાટી દીધી. આત્મહત્યા કરતા પહેલા લખેલી સુસાઇડ નોટથી સમગ્ર ઘટના પ્રકાશમાં આવી. પોલીસ તપાસમાં જમીન ખોદકામ કરતા બે માનવ કંકાલ મળ્યા. મૃતક યુવતીના દાદાએ ઘરકામ બાબતે ઝઘડા બાદ હત્યાની ફરિયાદ નોંધાવી.

સુરતના વેપારીને ડમી આધારકાર્ડ અને ખોટા દસ્તાવેજોના આધારે મૈસુરમાં 'શિવમ ટ્રેડર્સ' પેઢી ખોલી 1.75 લાખથી વધુ સાડીઓ ઓળવી, તમિલનાડુમાં વેચી દીધી. સુરત પોલીસે મુખ્ય આરોપી ગણેશન થંગાવેલને દબોચી લીધો છે, જેના બેંગલુરુમાં પણ ગુના નોંધાયેલા છે.

અમદાવાદમાં કોંગ્રેસના મહિલા કોર્પોરેટર કલ્પનાબેન નવલેકર (કોડેકર) વિરુદ્ધ બનાવટી દસ્તાવેજો રજૂ કરી છેતરપિંડી કરવા બદલ કૃષ્ણનગર પોલીસ સ્ટેશનમાં ફરિયાદ નોંધાઈ છે. શાળાના મેનેજિંગ ટ્રસ્ટીએ દાવો કર્યો છે કે ચૂંટણીમાં ઉમેદવારી માટે વપરાયેલ સ્કૂલ લિવિંગ સર્ટિફિકેટ બનાવટી હતું. જો આરોપો સાબિત થશે, તો તેમનું કોર્પોરેટર પદ જોખમમાં મુકાઈ શકે છે. પોલીસ તપાસ શરૂ કરી છે.

ચોમાસાની તૈયારીમાં રાજકોટ મનપાએ 2 ડઝન વિસ્તારોને રેડ સ્પોટ જાહેર કર્યા. 30 મિનિટમાં પાણી નિકાલનો દાવો, 63 વોકળાની સફાઈ, CCTV દ્વારા મોનિટરિંગ. જર્જરિત આવાસ રિપેર અને જોખમી હોર્ડિંગ્સ હટાવવાની સૂચના. ડિઝાસ્ટર મેનેજમેન્ટ પ્લાનનો અસરકારક અમલ.

અમરેલીમાં પ્રેમસંબંધ મુદ્દે યુવકનું અપહરણ કરી માર માર્યો, વચ્ચે પડેલી માતાને કારથી કચડી મોતને ઘાટ ઉતાર્યા. LCB એ યુવકને બચાવ્યો, 9 સામે હત્યાનો ગુનો નોંધાયો, 7 આરોપી ઝડપાયા. National Highway પર બનેલી ઘટનાથી કાયદો-વ્યવસ્થા પર સવાલો.

સુરેન્દ્રનગરમાં ભાજપ કાર્યાલય ખાતે પાંચ રાજ્યોમાં, ખાસ કરીને પશ્ચિમ બંગાળમાં મળેલી બહુમતીની ઉજવણી. કાર્યકરોએ ફટાકડા ફોડી, મોં મીઠું કરાવી, 'શ્રી રામ' અને 'ભારત માતા કી જય'ના નારા લગાવી ઉત્સાહ વ્યક્ત કર્યો. શહેર પ્રમુખ અને અનેક અગ્રણીઓની ઉપસ્થિતિ રહી.

પોરબંદરમાં પરીણિતાના અનૈતિક સંબંધ બાદ જન્મેલા બાળકને દાટી દેવાની ઘટના પ્રકાશમાં આવી છે. આઠ માસથી રિસામણે બેઠેલી મહિલાએ પ્રેમી સાથે સંબંધ રાખ્યા બાદ બાળકીને જન્મ આપ્યો હતો. પોતાના પાપને છુપાવવા માટે તેણે બાળકને ઓડદર ગામના છેવાડે દાટી દીધું હતું. પતિની ફરિયાદ પરથી પોલીસે માતા, તેની માતા અને પ્રેમી સહિત ત્રણ લોકો સામે ગુનો નોંધી વધુ તપાસ હાથ ધરી છે.

GIFT નિફ્ટી 165 પોઈન્ટ ઘટીને 24,041 પર ટ્રેડ થયો. સ્થાનિક બજારમાં વૈશ્વિક વિપરીતતાની અસર દેખાઈ. સેન્સેક્સ 289.21 પોઈન્ટ ઘટી 76,980.19 અને નિફ્ટી 88.3 પોઈન્ટ ઘટી 24,031.00 પર ખૂલ્યા. યુએસ-ઈરાન તણાવ અને હોર્મુઝ સ્ટ્રેટની પરિસ્થિતિ વૈશ્વિક સપ્લાય ચેઇન અને ઉર્જા બજારો માટે ચિંતાજનક છે.

વડોદરા-મુંબઈ નેશનલ હાઇવે પર ચિકોદરા નજીક સ્ટેટ મોનીટરીંગ સેલે રેડ કરી. પોપકોર્નની આડમાં છુપાવેલ 6.90 લાખનો વિદેશી દારૂનો જથ્થો, ટ્રક સહિત 25.96 લાખનો મુદ્દામાલ જપ્ત. એક accused ઝડપાયો, ત્રણ વોન્ટેડ.

વેલંજાના 41 વર્ષીય સુપરવાઈઝર સાથે મુંબઈની યુવતી અને પરિવારે લગ્નનું નાટક રચી લાખોની ઠગાઈ કરી. લગ્ન મંડપમાં જ 2 લાખ પડાવ્યા બાદ, 10 દિવસમાં સોના-ચાંદીના દાગીના લઈને લૂંટેરી દુલ્હન ફરાર. હવે યુવક પાસે દર મહિને 50 હજારની માંગણી કરી બળાત્કારના કેસમાં ફસાવવાની ધમકી આપી રહી છે. ઉત્રાણ પોલીસે છેતરપિંડી અને વિશ્વાસઘાતનો ગુનો નોંધી તપાસ હાથ ધરી છે.

ભાવનગર-સોમનાથ હાઈવે પર પ્રેમસંબંધની અદાવતમાં યુવક ભાવેશ ભીલનું અપહરણ કરી તેની માતાની કાર નીચે કચડી હત્યા કરાઈ. અમરેલી LCB એ ફિલ્મી ઢબે પીછો કરી ભાવેશને બચાવ્યો, આરોપી ફરાર. આ ઘટના કાયદો અને વ્યવસ્થા પર પ્રશ્નો ઉભા કરે છે.

SG હાઇવે પર સાયન્સ સિટીથી કર્ણાવતી ક્લબ સુધીનો 4 કિલોમીટર લાંબો એલિવેટેડ બ્રિજ જૂન મહિનાથી જનતા માટે ખુલ્લો મૂકવામાં આવશે. આ બ્રિજ શરૂ થતા જ વાહનચાલકો ટ્રાફિક અને સિગ્નલોમાં ફસાયા વગર સીધા જ પસાર થઈ શકશે. 500 કરોડ રૂપિયાથી વધુના ખર્ચે તૈયાર થયેલો આ બ્રિજ કાર્બન ઉત્સર્જનમાં ઘટાડો કરશે અને ટ્રાફિક જામની સમસ્યામાંથી શહેરીજનોને રાહત આપશે.

ગોધરા નજીક દિલ્હી-મુંબઈ એક્સપ્રેસ હાઈવે પર કાર ટ્રક પાછળ અથડાતા સુરતથી મહીસાગર પરત ફરતા બ્રાહ્મણ પરિવારના માતા, પિતા અને પુત્રનું ઘટનાસ્થળે જ મોત નીપજ્યું. 8 વર્ષની પુત્રીની હાલત ગંભીર. હાઈવે સુરક્ષા પર સવાલો ઉઠી રહ્યા છે.

અરવલ્લી જિલ્લામાં આજે વહેલી સવારથી કમોસમી વરસાદ વરસ્યો હતો. મોડાસા, માલપુર, મેઘરજ, શામળાજી સહિત અનેક વિસ્તારોમાં ભારે પવન સાથે વરસાદ પડતાં વાતાવરણમાં ઠંડક પ્રસરી હતી. જોકે, ખેડૂતોને મકાઈ, બાજરી અને ઘાસચારાના પાકને નુકસાન થવાની ભીતિ સેવાઈ રહી છે.

અમદાવાદની સિક્વલ લોજિસ્ટિક કંપનીએ અકાશા એર વિરુદ્ધ ફરિયાદ નોંધાવી છે. રૂ. 2.57 કરોડના દાગીના ભરેલું એક પાર્સલ અમદાવાદ એરપોર્ટથી બેંગ્લોર મોકલવા છતાં ત્યાં પહોંચ્યું નહોતું. આ ઘટનામાં છેતરપિંડીનો આરોપ છે અને પોલીસે અકાશા એર વિરુદ્ધ ગુનો નોંધી તપાસ શરૂ કરી છે.

ગુજરાતના ગામડાઓના કાયાકલ્પ માટે વર્ષ 2021માં મોટી જાહેરાતો સાથે શરૂ કરવામાં આવેલી 'વતન પ્રેમ યોજના' હાલ તેના અંતિમ શ્વાસ લઈ રહી હોય તેવું જણાય છે. સરકાર દ્વારા ફાળવવામાં આવેલું કરોડોનું બજેટ તિજોરીમાં વણવપરાયેલું પડ્યું રહ્યું છે, જે દર્શાવે છે કે આ મહત્વાકાંક્ષી યોજના વિદેશમાં વસતા ગુજરાતી દાતાઓને આકર્ષવામાં સદંતર નિષ્ફળ રહી છે. માતૃભૂમિના વિકાસમાં વિદેશમાં વસતા ગુજરાતીઓ સહભાગી બને તે હેતુથી આ યોજના અમલમાં મૂકવામાં આવી હતી. આ યોજના હેઠળ વિકાસ કામો માટે 60% રકમ દાતાએ અને 40% રકમ રાજ્ય સરકારે આપવાની જોગવાઈ હતી.

રાજકોટમાં આરોગ્ય ચકાસણીમાં 29,286 બાળકો કુપોષણ, 15,060 સ્થૂળતા (Obesity) થી પીડિત. 218 બાળકોમાં ડાયાબિટીસના લક્ષણો. 20 બાળકો કેન્સર, 20 થેલેસેમિયા મેજરના દર્દી, 783 માં એનીમિયાના લક્ષણો. તંત્ર દ્વારા તાત્કાલિક સારવારની ખાતરી.

અમદાવાદ-મુંબઈ એક્સપ્રેસ હાઈવે પર વડોદરા ટોલનાકા પાસે રોડ કામ કરતા રોલર, ટ્રેક્ટર અને પેટ્રોલિયમ ટેન્કર વચ્ચે ભયાનક ટક્કર થઈ. અકસ્માત એટલો ગંભીર હતો કે ટેન્કરનું ટાયર નીકળી ગયું અને રોલર પણ પલટી મારવાની સ્થિતિમાં આવી ગયું. સદનસીબે જાનહાનિ ટળી, પણ 2 કિલોમીટરથી વધુ લાંબો ટ્રાફિકજામ સર્જાયો. NHAI અને પોલીસ ઘટનાસ્થળે પહોંચી ટ્રાફિક પૂર્વવત કર્યો.

અમદાવાદ અને રાજકોટ સહિતના શહેરોમાં ભારે ગરમીને કારણે પાણીજન્ય રોગચાળો વકર્યો છે. ઝાડા-ઉલ્ટી, કમળા અને ટાઈફોઈડના કેસોમાં નોંધપાત્ર વધારો થયો છે. તપાસમાં પાણીના નમૂના અનફ્ટિ અને ક્લોરીનનું પ્રમાણ શૂન્ય જણાયું છે. ગરમીમાં બેક્ટેરિયાની વૃદ્ધિથી રોગોનું જોખમ વધ્યું છે.

સુરતમાં ટેક્સટાઇલ માર્કેટમાં છેતરપિંડીનો કિસ્સો સામે આવ્યો છે. તામિલનાડુનો ગણેશ થનગાવેલ નામનો ઠગ બોગસ આધારકાર્ડ અને નકલી પેઢી બનાવી વેપારીઓ સાથે છેતરપિંડી કરતો હતો. તેણે 10 કરોડ રૂપિયાની સાડીઓ મેળવી અને ચૂકવણી કર્યા વગર ફરાર થઈ ગયો હતો. પોલીસે તેને ઝડપી પાડી વધુ તપાસ હાથ ધરી છે.

દેશમાં વિધાનસભા ચૂંટણીના વિજય બાદ PM મોદી 11મી મેએ ગુજરાત આવશે. તેઓ પ્રથમ જ્યોતિર્લિંગ સોમનાથ મંદિરે સ્થાપનાના 85 વર્ષની ઉજવણીમાં હાજરી આપશે. આ મુલાકાતને લઈને સોમનાથમાં તૈયારીઓ તેજ કરાઈ છે. હેલિપેડ, વીજ પુરવઠો, ટ્રાફિક, પાર્કિંગ અને રોડ-શૉ રૂટ પર સ્વચ્છતા જેવી વ્યવસ્થાઓનું આયોજન કરાઈ રહ્યું છે. કલેકટર દ્વારા અધિકારીઓને જરૂરી સૂચનો આપવામાં આવ્યા છે. સુરક્ષા માટે પોલીસ બંદોબસ્ત ગોઠવાશે.

અમદાવાદના નરોડા સબ રજીસ્ટ્રાર-6 કચેરીમાં ACBએ લાંચકાંડનો પર્દાફાશ કર્યો છે. જમીન દસ્તાવેજના કામ માટે રૂ. 2.50 લાખની લાંચ માંગતા સબ રજીસ્ટ્રાર આકાશ દેસાઈ અને સ્ટાફ સાથે ખાનગી વ્યક્તિઓને ACBએ ટ્રેપ ગોઠવી ઝડપી લીધા. આરોપીઓ WhatsApp Call દ્વારા સેટિંગ કરતા હતા. ACBએ રૂ. 2.50 લાખ રિકવર કરી ભ્રષ્ટાચાર અધિનિયમ હેઠળ ગુનો નોંધી તપાસ હાથ ધરી છે.

સુરત SBI બેંકની 50 લાખની લૂંટના આરોપી ઉત્તર પ્રદેશના અયોધ્યા અને ગોંડાથી ઝડપાયા. ક્રાઈમ બ્રાંચે બે આરોપી શુભમ કુમાર અજિત ઠાકુર અને વિકાસસિંઘ અરુણકુમારસિંઘને પકડી પાડ્યા. બંનેના ટ્રાન્ઝિટ રિમાન્ડ મેળવી પોલીસ સુરત લાવી રહી છે. આ લૂંટ 27 એપ્રિલે ધોળે દિવસે SBI બેંક, વરાછામાં થઈ હતી.

ભાવનગરમાં રખડતા શ્વાનોનો ત્રાસ વધ્યો છે. છેલ્લા 16 માસમાં 24366 લોકોને શ્વાન કરડ્યા છે. રોજ સરેરાશ 50થી વધુ લોકોને શ્વાન બટકા ભરે છે. શહેરના બોરતળાવ, વડવા, ઘોઘા જકાતનાકા, સુભાષનગર, કાળિયાબીડ, ભરતનગર, કુંભારવાડા, તખ્તેશ્વર, વાઘાવાડી રોડ, કાળાનાળા, સાંઢીયાવાડ સહિતના વિસ્તારમાં રખડતા શ્વાનનો આંતક વધ્યો છે છતાં મહાપાલિકાના તંત્ર દ્વારા આંખ આડા કાન કરવામાં આવી રહ્યા છે, જેના કારણે લોકો પરેશાની વધી છે.