માર્ગ સલામતીના નામે માત્ર હેલ્મેટને ફરજિયાત કરી દંડ વસૂલવાની નીતિ સામે જનતામાં અનેક તર્કબદ્ધ પ્રશ્નો ઊભા થઈ રહ્યા છે. રોડ પરના જીવલેણ ખાડા-ખોદાણ અને બિસ્માર રસ્તાઓ અકસ્માતનું મુખ્ય કારણ બની રહ્યા છે. માત્ર હેલ્મેટ પહેરવાથી સુરક્ષા નથી મળતી, પરંતુ સુરક્ષિત રસ્તાઓ હોવા પણ એટલા જ અનિવાર્ય છે. બેફામ સ્પીડે દોડતા ઓવરલોડ વાહનો અને 'રોંગ સાઈડ'માં આવતા વાહનચાલકો સામે કડક કાર્યવાહીનો અભાવ માર્ગ સલામતીના દાવાઓ પર સવાલિયા નિશાન ઊભું કરે છે. તંત્રએ 'હેલ્મેટ ડ્રાઈવ' સાથે 'સેફ રોડ ડ્રાઈવ' પણ ચલાવવાની જરૂર છે.