કચ્છના વાગડની પવિત્ર ભૂમિ પર સ્થિત રેલડી ગામના અદ્વિતીય ઇતિહાસ, ત્યાગ અને ગૌરવને રાષ્ટ્રીય સ્મારક તરીકે સ્થાપિત કરવાની માંગણી કરવામાં આવી છે. રાપર તાલુકા શિક્ષક સંઘના પ્રમુખે જણાવ્યું કે રેલડીના ત્રણ ભીષણ યુદ્ધો ગુજરાતના ઇતિહાસનો ગૌરવપૂર્ણ હિસ્સો છે. અહીં સોનલબાના સન્માન માટે થયેલા પ્રથમ યુદ્ધમાં વીર હરોજી પરમાર અને અન્ય ક્ષત્રિય વીરોએ દિલ્હીના સુલતાનની ફોજ સામે અદમ્ય શૌર્ય દર્શાવ્યું. ત્યારબાદ વીર સાંગાજી પરમાર અને હેમાજી પરમારે પણ શહીદી વહોરી, જેમાં રાજપૂતાણીઓએ સામૂહિક જોહર કર્યું. આ અમર વિરાસતને રાષ્ટ્રીય ફલક પર લાવવાની અને ગુજરાતના અભ્યાસક્રમમાં તેનો સમાવેશ કરવાની માંગણી કરાઈ છે.