ભારતના રાષ્ટ્રીય સુરક્ષા સલાહકાર (NSA) અજીત ડોભાલ અને ભારતીય મુસ્લિમ સમુદાયના લોકો વચ્ચે વડાપ્રધાન કાર્યાલયમાં ગત 18 એપ્રિલે એક મહત્વની બેઠક થઈ હતી. આ મીટિંગમાં મુસ્લિમ સમુદાયના અલગ-અલગ ક્ષેત્રોના લોકો સામેલ હતા. આ બેઠક દરમિયાન NSAએ કહ્યું કે ભારતમાં રહેતા હિન્દુ અને મુસલમાન એક જ જહાજના મુસાફરો જેવા છે. તમને જણાવી દઈએ કે આ બેઠકનો ઉદ્દેશ્ય પરંપરાગત વોટ-બેંકના રાજકારણથી દૂર રહીને મુસ્લિમ સમુદાયના વિકાસ, શિક્ષણ અને ઉદ્યોગસાહસિકતાના ભવિષ્ય પર ચર્ચા કરવાનો હતો.

AAPના રાજ્યસભાના સાંસદ રાઘવ ચઢ્ઢાએ એક અત્યંત ચોંકાવનારો નિર્ણય લેતા જાહેર કર્યું છે કે તેઓ ભાજપમાં સામેલ થવા જઈ રહ્યા છે. દિલ્હીમાં સંદીપ પાઠક અને અશોક મિત્તલ સાથે એક પ્રેસ કોન્ફરન્સને સંબોધતા તેમણે જણાવ્યું હતું કે, રાજ્યસભામાં AAPના બે તૃતીયાંશ(2/3) સભ્યોએ ભારતીય બંધારણની જોગવાઈઓનો ઉપયોગ કરીને BJP સાથે જોડાવાનો નિર્ણય કર્યો છે. રાજ્યસભામાં આમ આદમી પાર્ટીના 10 સાંસદો છે, જેમાંથી બે-તૃતીયાંશ, એટલે કે 7 અમારી સાથે છે. તેમના નામ રાઘવ ચઢ્ઢા સંદીપ પાઠક, રાજેન્દ્ર ગુપ્તા, વિક્રમ સાહની, સ્વાતિ માલીવાલ, હરભજન સિંહ અને અશોક મિત્તલ છે.

ભારત અને ઈરાન વચ્ચેના વ્યૂહાત્મક સંબંધોમાં એક મોટો વળાંક આવ્યો છે. સૂત્રોના જણાવ્યા અનુસાર, ભારત ઈરાનના ચાબહાર બંદરમાં પોતાની હિસ્સેદારી ઈરાનની જ એક સ્થાનિક કંપનીને વેચવાની તૈયારી કરી રહ્યું છે. આ નિર્ણય પાછળનું મુખ્ય કારણ અમેરિકા દ્વારા ઈરાન પર લાદવામાં આવેલા આકરા પ્રતિબંધો છે. ભારતની આ કામગીરીને મળેલી છૂટની મુદત 26 એપ્રિલ 2026ના રોજ પૂર્ણ થઈ રહી છે, જેને ધ્યાનમાં રાખીને ભારત સરકાર 'ઈન્ડિયા પોર્ટ્સ ગ્લોબલ ચાબહાર ફ્રી ઝોન'(IPGCFZ)માં પોતાની હિસ્સેદારી ઈરાની કંપનીને ટ્રાન્સફર કરવાનો પ્રસ્તાવ તૈયાર કરી રહી છે.

વાવ-થરાદ વિસ્તારમાં વધતા જતા નશાના કારોબાર સામે વડગામના ધારાસભ્ય જિજ્ઞેશ મેવાણીએ ફરી એકવાર મોરચો માંડ્યો છે. શુક્રવારે (24મી એપ્રિલ) સવારે શિવનગર ખાતે આયોજિત એક જંગી સભામાં મેવાણીએ નશીલા પદાર્થોના વેચાણ અંગે પોલીસ પ્રશાસન અને સરકાર પર આકરા પ્રહારો કર્યા હતા. જિજ્ઞેશ મેવાણીએ જણાવ્યું કે, 'આગામી 29મી એપ્રિલે સવારે 11:00 વાગ્યે શિવનગરના રહીશો મોટી સંખ્યામાં એસ.પી. કચેરી પહોંચશે. પરંતુ આ વખતે હું નહીં, પણ વિસ્તારની પાંચ બહાદુર મહિલાઓ પોલીસ અધિકારીઓ સામે બેસીને સીધા સવાલ પૂછશે કે તેના વિસ્તારમાં આ બદીઓ કોની રહેમનજર હેઠળ ચાલી રહી છે.'

અમેરિકન પ્રમુખ ડોનાલ્ડ ટ્રમ્પ દ્વારા ભારતને 'નર્ક' કહેવા અંગે આપેલા નિવેદન પર વિવાદ વકર્યો છે. આ મુદ્દે મુંબઈ સ્થિત ઈરાની કોન્સ્યુલેટે ટ્રમ્પ પર વળતો પ્રહાર કર્યો છે અને તેમને ભારતની સુંદરતા જોવાની સલાહ આપી છે. ઈરાની કોન્સ્યુલેટે સોશિયલ મીડિયા પર 16 સેકન્ડનો એક વીડિયો પોસ્ટ કર્યો છે, જેમાં મહારાષ્ટ્રના બે વિરોધાભાસી અને સુંદર પાસાંઓ દર્શાવ્યા છે. એક તરફ મુંબઈની ગગનચુંબી ઇમારત અને હાઈવેની ચમક છે, તો બીજી તરફ પહાડો અને કુદરતી સૌંદર્યના દ્રશ્યો છે. આ પોસ્ટ સાથે ટ્રમ્પને 'કલ્ચરલ ડિટોક્સ' એટલે કે પોતાની વિચારધારા બદલવાની અને એકવાર ભારત આવીને જોવાની સલાહ આપવામાં આવી છે.

સુરત મહાનગરપાલિકાના વોર્ડ નંબર-૨૨માં મતદાર યાદીનો મોટો છબરડો સામે આવ્યો છે, જેમાં એક જ મતદાર અશોક ચૌધરીનું નામ પાંચ વખત નોંધાયું છે. નવાઈની વાત એ છે કે પાંચેય એન્ટ્રીમાં ચૂંટણી ઓળખકાર્ડ નંબર અલગ-અલગ છે. અરજદારે નામ દાખલ કરવા પાંચ વાર ઓનલાઇન ફોર્મ ભર્યા હતા, જેના પરિણામે આ ભૂલ થઈ હોવાનું મનાય છે. આ ગંભીર બેદરકારી બદલ તંત્રએ તપાસ શરૂ કરી છે અને કોંગ્રેસે પણ જવાબદારો સામે પગલાં લેવાની માંગ કરી છે.

રાજકોટમાં Local body electionના પ્રચારના અંતિમ દિવસે ભાજપની રેલીમાં ટ્રાફિક નિયમોનું ઉલ્લંઘન થયું. ટુવ્હીલર ચાલકો હેલ્મેટ પહેર્યા વિના દેખાયા, જાણે કે ભાજપના કાર્યકરો અને નેતાઓ નિયમો ભૂલી ગયા હોય. નિયમોનું પાલન ન થતાં લોકોમાં રોષ જોવા મળ્યો, જ્યારે સામાન્ય નાગરિકોને હેલ્મેટ વિના પકડાવા પર દંડ ભરવો પડે છે.

ઉનાળુ વેકેશનમાં ટિકિટ વેઇટિંગને ધ્યાનમાં રાખી રેલવે વિભાગે ગાંધીધામ અને માલદાટાઉન વચ્ચે સ્પેશિયલ ટ્રેન દોડાવવાનો નિર્ણય કર્યો છે. આ ટ્રેન 25 એપ્રિલે ગાંધીધામથી રવાના થશે. વેકેશનમાં મુસાફરોની સંખ્યા વધતી હોવાથી આ ટ્રેન દોડાવાશે. રેલવે તંત્ર દ્વારા બુકિંગ વહેલી તકે કરાવી લેવા સૂચના અપાઈ છે. જરૂર પડ્યે અન્ય સ્પેશિયલ ટ્રેનોની જાહેરાત થઈ શકે છે. આ ટ્રેનથી મુસાફરોને સીધો ફાયદો થશે.

સાંજે પ્રચાર શાંત, 731 ઉમેદવારો બિનહરિફ જાહેર. રવિવારે 9274 બેઠકો પર ચૂંટણી જંગ. ઉમેદવારો અને સમર્થકોની ખાટલા પરિષદો શરૂ થશે, બંધ બારણે મતદારોને રીઝવવા પ્રયાસો થશે. BJP, કોંગ્રેસ, AAP અને અપક્ષ ઉમેદવારોએ જોર લગાવ્યું, પરંતુ પ્રતિસાદ મોળો. 26 એપ્રિલના રોજ હીટવેવના કારણે ઓરેન્જ એલર્ટ, મતદાન 60 ટકાથી નીચે રહેવાની ચિંતા.

યુપીમાં 2027ની ચૂંટણી પહેલાં દૈનિક ભાસ્કરના સર્વેમાં ભાજપ 403માંથી 256 સીટો પર આગળ છે, જ્યારે સપા 135 સીટો પર મજબૂત છે. BJPના સાથી પક્ષોને નુકસાનની શક્યતા છે. સર્વેમાં સપાની સીટો વધતી દેખાય છે, ભાજપને 2 સીટોનું નુકસાન થઈ શકે છે. મંત્રીઓની 41 બેઠકોમાંથી 32 પર BJP પહેલી પસંદ છે. અપના દળ, RLD અને સુભાસપાની બેઠકો પર પણ ભાજપ પહેલી પસંદ છે.

સ્થાનિક સ્વરાજ્યની ચૂંટણી માટે રવિવારે મતદાન છે, તેથી શુક્રવારે સાંજથી પ્રચાર બંધ થશે. 731 ઉમેદવારો બિનહરિફ જાહેર થયા છે. 9274 બેઠકો પર 25551 ઉમેદવારો વચ્ચે ચૂંટણી જંગ ખેલાશે. બિનહરીફ બેઠકોને લીધે 15 લાખ મતદારોને મતદાન કરવા મળશે નહી. 4.02 લાખ નાગરિકો મતાધિકારનો ઉપયોગ કરી શકશે, જેમાં 1.40 કરોડ શહેરી અને 2.61 કરોડ ગ્રામીણ મતદારો છે. EVMમાં પાંચમુ રજિસ્ટ્રેશન બટન દબાવવાનું રહેશે.

જામનગરમાં સ્થાનિક સ્વરાજ્યની ચૂંટણી શાંતિપૂર્ણ રીતે યોજાય તે માટે પોલીસ તંત્ર સજ્જ થયું છે. શહેરના સંવેદનશીલ વિસ્તારોમાં પોલીસ દ્વારા ફૂટ પેટ્રોલિંગ કરવામાં આવ્યું, લુખ્ખા તત્વોને કડક ચેતવણી આપવામાં આવી. કાયદો અને વ્યવસ્થા જળવાઈ રહે તે માટે પોલીસ સતત કાર્યરત છે, અને લોકોમાં સુરક્ષાનો વિશ્વાસ વધારવાનો પ્રયાસ કરે છે. વહીવટી તંત્રએ શાંતિ ભંગ કરનાર સામે કડક કાર્યવાહી કરવાની ચેતવણી આપી છે.

ભૂતપૂર્વ આર્મી ચીફ એમ.એમ. નરવણેની આત્મકથા ‘ફોર સ્ટાર્સ ઓફ ડેસ્ટિની’ હાલ વિવાદમાં છે. ૨૦૨૦ના ચીન વિવાદ અને અગ્નિવીર યોજના અંગેના લખાણોને કારણે સંરક્ષણ મંત્રાલયે હજુ સુધી આ પુસ્તકના પ્રકાશનને મંજૂરી આપી નથી. રાહુલ ગાંધીએ સંસદમાં આ પુસ્તકની નકલ સાથે સરકાર પર નિશાન સાધતા મામલો ગરમાયો હતો. નરવણેએ સ્પષ્ટ કર્યું કે ચીન સામેના નિર્ણયોમાં સરકારનો પૂર્ણ ટેકો હતો, જ્યારે પ્રકાશક પેંગ્વિને પુસ્તક સત્તાવાર રીતે બજારમાં ન આવ્યું હોવાની સ્પષ્ટતા કરી છે.

હવે PF કાઢવાની પ્રોસેસ સરળ બનશે. મે મહિનાના અંત સુધીમાં UPI દ્વારા PF ઉપાડવાની સેવા શરૂ થશે. EPFOના નવા ડિજિટલ સિસ્ટમ CITES 2.0 હેઠળ આ બદલાવ થશે. યુઝર્સ UAN દ્વારા લોગિન કરી, OTP વેરિફિકેશન પૂર્ણ કરીને સીધા UPI મારફતે પૈસા ટ્રાન્સફર કરી શકશે. જોકે, UPIથી PF ઉપાડવાની એક મર્યાદા રહેશે અને કર્મચારી પોતાનું સંપૂર્ણ PF ઉપાડી શકશે નહીં.

ગુજરાતમાં સ્થાનિક સ્વરાજ્યની ચૂંટણીઓ અંતિમ તબક્કામાં છે. ચૂંટણી પંચના આદેશથી આજે સાંજથી ચૂંટણી સભાઓ, રેલીઓ શાંત થશે. ઉમેદવારો હવે ખાટલા બેઠકો અને ઓટલા બેઠકો કરી મતદારોને રીઝવશે. તેઓ મહત્તમ મતદાન માટે અને વિરોધીઓના મતવિસ્તારમાં ગાબડું પાડવા ગણતરીઓ કરી રહ્યા છે. ઉમેદવારો ડોર-ટુ-ડોર પ્રચારમાં વ્યસ્ત છે અને ભાજપના ઉમેદવાર Mahendrabhai એ વિશ્વાસ વ્યક્ત કર્યો છે કે જનતા ફરીથી BJP પર કળશ ઢોળશે.

PM મોદીએ કોલકાતામાં હુગલી નદીમાં નૌકાવિહાર કર્યો, નદીના ફોટોગ્રાફ્સ લીધા, વિદ્યાસાગર સેતુ અને હાવડા બ્રિજની ઝલક જોઈ. તેમણે X પર તસવીરો શેર કરી અને ગંગાને દરેક બંગાળી માટે ખાસ ગણાવી. PM એ નાવિકો સાથે મુલાકાત કરી, તેમજ પશ્ચિમ બંગાળના વિકાસ માટે પ્રતિબદ્ધતા દર્શાવી.

અમિત શાહે મમતાના ગુંડાઓને ચેતવણી આપી અને કોંગ્રેસે ચૂંટણી પંચની નોટિસને દુર્ભાવનાથી પ્રેરિત ગણાવી. કોંગ્રેસે કહ્યું કે આ મામલે મોડેલ કોડ ઓફ કન્ડક્ટ (MCC)નું ઉલ્લંઘન થયું નથી. જયરામ રમેશે ચૂંટણી કમિશનરને પત્ર લખી નોટિસ પર સવાલ ઉઠાવ્યા. પશ્ચિમ બંગાળની 152 બેઠકો પર 92.72% અને તમિલનાડુની તમામ 234 બેઠકો પર 85.14% મતદાન થયું.

ભારતએ માલદીવ્સને ₹30 Billion Currency Swap ની મદદ કરી. આર્થિક સંકટ સામે ઝઝૂમી રહેલા માલદીવ્સને ભારતે આશરે 400 મિલિયન ડૉલરની સહાય કરી છે. માલદીવ્સની નાણાકીય સ્થિરતા માટે આ પગલું મહત્વપૂર્ણ છે. ભારત અને માલદીવ્સ વચ્ચે આર્થિક સમજૂતી મજબૂત બની છે.

ગુજરાતમાં સ્થાનિક સ્વરાજ્યની ચૂંટણીના પ્રચારમાં ભાજપના નેતાઓના વિવાદિત નિવેદનોથી રાજકારણ ગરમાયું છે. ભાજપના જિલ્લા પ્રભારી ઋત્વિજ પટેલે વાઘોડિયામાં 'ઘરના વિભીષણો' અને ગદ્દારોને ચૂંટણી બાદ પાઠ ભણાવવાની ચીમકી આપી છે. બીજી તરફ, તાલાલાના ધારાસભ્ય ભગાભાઈ બારડે મતદારોને ભાજપનો ભરોસો ન તોડવા જણાવી ચેતવણી આપી છે કે જો વિશ્વાસઘાત થશે તો તેમના ઘરના બારણા કાયમ માટે બંધ થઈ જશે. પક્ષમાં આંતરિક નારાજગી અને ડેમેજ કંટ્રોલ વચ્ચે નેતાઓના આવા આકરા તેવર ચર્ચાનું કેન્દ્ર બન્યા છે.

નવસારીમાં નગરપાલિકામાંથી મહાનગરપાલિકા બન્યા બાદ પણ વોર્ડ નંબર ૧૧ના શ્રમિક વિસ્તારોની સ્થિતિ દયનીય છે. કરોડોના ખર્ચે બનેલી ‘ચંદન તળાવ પાણી યોજના’ નિષ્ફળ જતાં હજારો લોકો મીઠા પાણી માટે વલખાં મારી રહ્યા છે. જર્જરિત ડ્રેનેજ લાઈનો, ઉભરાતી ગટરો અને બિસ્માર રસ્તાઓને કારણે રહીશોમાં ભારે રોષ છે. સત્તાધારી પક્ષ વિકાસના દાવા કરી રહ્યો છે, જ્યારે વિરોધ પક્ષ અને સ્થાનિક લોકો ૨૫ વર્ષથી પાયાની સુવિધાઓના અભાવે સત્તાધીશોના ઓરમાયા વર્તન અને પોકળ વાયદાઓ સામે આક્રોશ વ્યક્ત કરી રહ્યા છે.

ગુજરાતમાં સ્થાનિક સ્વરાજ્યની ચૂંટણી ટાણે ભાજપના નેતાઓના આકરા તેવર અને ચીમકીઓથી રાજકારણ ગરમાયું છે. આણંદના સાંસદ મિતેષ પટેલે કોંગ્રેસના ઉમેદવાર જીતશે તો ગ્રાન્ટ નહીં આપવાની ધમકી આપી છે, જ્યારે તાલાલાના ધારાસભ્ય ભગાભાઈ બારડે વિશ્વાસ તોડનારા મતદારો માટે પોતાના ઘરના દરવાજા કાયમ માટે બંધ કરવાની ચેતવણી આપી છે. સૂત્રાપાડામાં પાણીના પ્રશ્ને જનતાના રોષનો સામનો કર્યા બાદ નેતાઓના આવા નિવેદનો પક્ષમાં આંતરિક ખેંચતાણ અને મતદારોમાં વધતા આક્રોશ વચ્ચે પક્ષની ભીંસ વધારી રહ્યા છે.

ગુજરાતમાં સ્થાનિક સ્વરાજ્યની ચૂંટણીના પ્રચારનો આજે અંતિમ દિવસ હોવાથી ભાજપ, કોંગ્રેસ અને આપ દ્વારા શક્તિપ્રદર્શન કરવામાં આવી રહ્યું છે. રાજકોટમાં મનીષ સિસોદિયાની પ્રેસ કોન્ફરન્સ અને સુરતમાં ગોપાલ ઇટાલિયાની વિશાળ રેલીઓ સાથે 'આપ' આક્રમક મૂડમાં છે, જ્યારે સુરતમાં 'કીર્તિ સેતુ ફાઉન્ડેશન' દ્વારા આપ વિરુદ્ધ ગંભીર આક્ષેપો થવાની શક્યતા છે. બીજી તરફ, ચૂંટણી તંત્ર અને પોલીસ પ્રશાસને ન્યાયી મતદાન માટે સુરક્ષા વ્યવસ્થા સજ્જ કરી છે. તમામ પક્ષો છેલ્લા દિવસે મતદારોને રિઝવવા એડીચોટીનું જોર લગાવી રહ્યા છે.

ડોર-ટુ-ડોર પ્રચાર કરવા ઉમેદવારો, કાર્યકરો મેદાનમાં ઉતરશેમતદારોની નિરસતાએ ઉમેદવારોની ચિંતા વધારી, ૨૬મીએ મતદાનમાં અસર વર્તાઈ શકેભાવનગર -  ભાવનગર જિલ્લામાં સ્થાનિક સ્વરાજ્યની સંસ્થાઓની ચૂંટણીની ઉલટ ગણતરી શરૃ થઈ ગઈ છે. આવતીકાલે શુક્રવારે સાંજથી પ્રચાર પડઘમ શાંત થઈ જવાના હોય, રાજકીય પક્ષો, ઉમેદવારોએ પ્રચાર પાછળ એડીચોટીનું જોર લગાવી દીધું છે. પરંતુ આ વખતે મતદારોમાં ચૂંટણીનો કોઈ રંગ જ દેખાતો ન હોય, ઉમેદવારોની ચિંતા વધી છે.

રાજકોટ મહાનગરપાલિકાની ચૂંટણી પૂર્વે ભાજપમાં આંતરિક કલહ અને જનરોષ સપાટી પર આવ્યો છે. વોર્ડ નં. ૨ની બેઠકમાં ધારાસભ્ય ડો. દર્શિતા શાહ અને પૂર્વ કોર્પોરેટર વચ્ચે જ્ઞાતિવાદ અને ટિકિટ ફાળવણી મુદ્દે ઉગ્ર બોલાચાલી થઈ હતી, જેમાં પૂર્વ કોર્પોરેટરે ધારાસભ્યને "તમે ભગવાન નથી" કહી સંભળાવ્યું હતું. અનેક વોર્ડમાં કાર્યકરોની નારાજગી અને ડેમેજ કંટ્રોલ કરવા ગયેલા નેતાઓનો લોકોએ વિરોધ કર્યો હોવાના વીડિયો વાયરલ થયા છે. કોર્પોરેટરો દ્વારા જનતાની અવગણના થતી હોવાના આક્ષેપો સાથે શહેરમાં પરિવર્તનની માંગ ઉઠી છે.

માર્ચમાં નીચી સપાટી બાદ એપ્રિલમાં મેન્યુફેક્ચરિંગ સેગમેન્ટની આગેવાનીમાં દેશની વેપાર પ્રવૃત્તિમાં રિકવરી જોવા મળી રહી છે. ઉત્પાદન અને વેચાણમાં વધારો થતાં એકંદર વેપાર પ્રવૃત્તિમાં સુધારો થયો છે. એપ્રિલ મહિનાનો HSBC સંયુક્ત PMI વધીને 58.30 થયો છે, જે માર્ચમાં 57 હતો.

આણંદ જિલ્લાની પાળજ બેઠક પર ભાજપના ઉમેદવાર પ્રદિપ પટેલ બિનહરીફ વિજેતા થયા હોવા છતાં, કોંગ્રેસ દ્વારા મતદારોને ગેરમાર્ગે દોરતી પત્રિકા વહેંચવામાં આવતા વિવાદ સર્જાયો છે. પેટલાદ તાલુકા પંચાયતના કોંગ્રેસના ઉમેદવાર અશોકભાઈ સોલંકીએ પોતાની પ્રચાર પત્રિકામાં પાળજ બેઠક પર કોંગ્રેસના ઉમેદવાર બિનહરીફ થયા હોવાનું ખોટું લખાણ છપાવ્યું છે. આ મામલે ભાજપ દ્વારા ચૂંટણી પંચમાં સત્તાવાર ફરિયાદ કરવામાં આવી છે. જાણી જોઈને ખોટી માહિતી ફેલાવી મતદારોને ભ્રમિત કરવાના આક્ષેપ સાથે ચૂંટણી અધિકારીઓએ તપાસ હાથ ધરી છે.

વલસાડમાં સ્થાનિક સ્વરાજ્યની ચૂંટણી ટાણે કોંગ્રેસે ભાજપ પર લોકશાહીના હનનનો ગંભીર આક્ષેપ કર્યો છે. પનાનેરાની રાત્રિસભામાં તાલુકા કોંગ્રેસ પ્રમુખ પ્રકાશ પટેલે આક્ષેપ કર્યો કે ભાજપે દાદાગીરી અને લાલચ આપીને જિલ્લા પંચાયતના ૪ ઉમેદવારોના ફોર્મ પરત ખેંચાવ્યા છે. આ સાથે તેમણે પાયાની સુવિધાઓના અભાવ અને 'નળ છે પણ પાણી નથી' જેવી સમસ્યાઓ ઉઠાવી ભાજપના વિકાસના દાવાઓને પોકળ ગણાવ્યા હતા. કોંગ્રેસે ૨૬ એપ્રિલે જનતાને મજબૂત મતદાન કરી ભાજપની નીતિઓનો જડબાતોડ જવાબ આપવા હાકલ કરી છે.

રાજકોટ મહાનગર પાલિકાની ચૂંટણી નજીક આવતા રાજકીય પક્ષોમાં પ્રચાર સાથે ઉકળાટ છે. વોર્ડ નં. 2 માં પૂર્વ કોર્પોરેટરના ઘરે બેઠકમાં ધારાસભ્ય ડો.દર્શિતાબેન શાહ મોડા પહોંચતા બોલાચાલી થઈ. પૂર્વ કોર્પોરેટરે જ્ઞાતિવાદનો આક્ષેપ કર્યો, લોહાણા સમાજની અવગણનાનો આરોપ મૂક્યો. ધારાસભ્યએ કહ્યું "હું ધારાસભ્ય છું," ત્યારે પૂર્વ કોર્પોરેટરે જવાબ આપ્યો, "તમે ધારાસભ્ય હશો પણ ભગવાન નથી!" ભાજપની બેઠકમાં જ્ઞાતિવાદના મુદ્દે વાતાવરણ તંગ બની ગયું.

જામનગરમાં સ્થાનિક સ્વરાજ્યની ચૂંટણી પૂર્વે કોંગ્રેસમાં ગાબડું પડ્યું છે. વોર્ડ નંબર 1 ના પૂર્વ કોર્પોરેટર નૂર મહંમદ પલેજાએ ટિકિટ ન મળતા નારાજ થઈને કોંગ્રેસ છોડી વિધિવત રીતે ભાજપનો ભગવો ધારણ કર્યો છે. રાજ્યમંત્રી રિવાબા જાડેજાએ તેમને ખેસ પહેરાવી પક્ષમાં આવકાર્યા હતા. પલેજાની સાથે જેન્તીભાઇ પ્રજાપતિ, યાકુબ ગાદ અને અંદાજે 500 જેટલા સમર્થકો પણ ભાજપમાં જોડાયા છે. આ પક્ષાંતરથી ચૂંટણી પહેલા કોંગ્રેસની આંતરિક જૂથબંધી સપાટી પર આવી છે અને ભાજપનું પલ્લું ભારે થયું છે.

HSBCએ ભારતીય ઇક્વિટીને ન્યુટ્રલથી અન્ડરવેઈટ કરી છે, જે એક મહિનામાં બીજું ડાઉનગ્રેડ છે. મધ્યપૂર્વના યુદ્ધને કારણે ઊર્જાના ભાવમાં વધારાથી ભારતીય કંપનીઓની earnings recovery ટકી શકશે કે કેમ તેની શંકા છે. યુદ્ધ પછી ક્રુડ તેલના ભાવમાં ઉછાળો આવ્યો છે, જે પ્રતિ બેરલ $100ને પાર કરી ગયો છે.