BRICS દેશોના વિદેશ મંત્રીઓની બેઠકમાં ભારતે દરિયાઈ સુરક્ષા, ઊર્જા પુરવઠા અંગે ચિંતા વ્યક્ત કરી. એસ. જયશંકરે જણાવ્યું હતું કે, હોર્મુઝ સ્ટ્રેટ અને રેડ સી જેવા આંતરરાષ્ટ્રીય જળમાર્ગો દ્વારા સુરક્ષિત અને અવરોધ વિનાનો દરિયાઈ પ્રવાહ વૈશ્વિક આર્થિક સુખાકારી માટે અત્યંત આવશ્યક છે. તેમણે ચેતવણી આપી હતી કે મધ્ય પૂર્વમાં ચાલી રહેલા સંઘર્ષને કારણે ઊર્જા પુરવઠામાં વિક્ષેપ પડી શકે છે. ભારતે બ્રિક્સના સભ્ય દેશો, ખાસ કરીને ઈરાન અને UAEને અપીલ કરી છે કે તેઓ આ અભૂતપૂર્વ ભૌગોલિક-રાજકીય અનિશ્ચિતતા અને 'એકતરફી પ્રતિબંધો'નો સામનો કરવા માટે કોઈ વ્યવહારુ રસ્તો શોધે.

PM મોદી UAE પહોંચ્યા, F-16 વિમાનો દ્વારા ભવ્ય સ્વાગત. UAE રાષ્ટ્રપતિ સાથે ગુજરાત માટે ખાસ ડીલ, ઈરાનના હુમલાની નિંદા કરી. રક્ષણ, ઊર્જા, અને ઇન્ફ્રાસ્ટ્રક્ચરમાં 5 અબજ USDના કરાર. ગુજરાતના વાડીનારમાં શિપ રિપેર ક્લસ્ટર બનશે. પીએમ મોદીએ યુએઈના રાષ્ટ્રપતિ સાથેની મુલાકાત દરમિયાન વિવિધ મુદ્દાઓ પર ચર્ચા કરી હતી. આ બેઠક દરમિયાન તેમણે તાજેતરમાં યુએઈ પર થયેલા હુમલાઓની સખત નિંદા કરી હતી અને ખાતરી આપી હતી કે ભારત હંમેશા યુએઈની સુરક્ષા માટે તેની પડખે ઉભું રહેશે. ખાસ કરીને વેપાર અને ઊર્જાના પુરવઠાને કોઈ નુકસાન ન થાય તે માટે તેમણે હોર્મુઝ સ્ટ્રેટને વહેલી તકે કાર્યરત કરવા પર ભાર મૂક્યો હતો.

ગુજરાતમાં ગરમીનો પ્રકોપ યથાવત્ છે, ભાવનગર 45.2°C સાથે સૌથી ગરમ રહ્યું. સુરતમાં તાપમાનમાં ઘટાડા બાદ 5°Cનો ઉછાળો નોંધાયો. આજે કચ્છ, રાજકોટ, સુરેન્દ્રનગરમાં હીટવેવની આગાહી છે. આવતીકાલથી ગરમીમાં આંશિક રાહત મળવાની શક્યતા છે, પવનની દિશામાં ફેરફારથી તાપમાન ઘટશે.

ઉત્તરાખંડની 'દેવભૂમિ' ભક્તિના રંગે રંગાયેલી છે, 2026ની ચારધામ યાત્રામાં શ્રદ્ધાળુઓનો અભૂતપૂર્વ ઉત્સાહ. કુલ 12.60 લાખથી વધુ ભક્તોએ આસ્થા સાથે દર્શન કર્યા. કેદારનાથમાં 5.23 લાખથી વધુ ભક્તો, બદ્રીનાથમાં 3.24 લાખ, યમુનોત્રીમાં 2.07 લાખ અને ગંગોત્રીમાં 2.05 લાખ યાત્રાળુઓએ દર્શન કર્યા. વાહનોની અવરજવર પણ વધી, ટ્રાફિક અને સુરક્ષા વ્યવસ્થા જાળવવામાં આવી રહી છે. સ્વાસ્થ્યનું ધ્યાન રાખવાની જરૂર છે, 40 યાત્રાળુઓના સ્વાસ્થ્ય સંબંધિત કારણોસર મોત નોંધાયા છે.

યુપીમાં વાવાઝોડા-વરસાદે 111 લોકોનો ભોગ લીધો, પ્રયાગરાજ અને ભદોહીમાં સૌથી વધુ મોત. મહારાષ્ટ્રના અકોલા, જલગાંવ, વર્ધા, અમરાવતીમાં તાપમાન 45°C ને પાર. રાજસ્થાનના ફલોદી, જેસલમેર, બાડમેર અને યુપીના બાંદા પણ અત્યંત ગરમ રહ્યા. દેશના ઘણા ભાગોમાં હીટવેવની સ્થિતિ ચાલુ રહી.

વલસાડની સંસ્થામાં માર્કેટિંગ હેડે વિદ્યાર્થીઓ પાસેથી ઉઘરાવેલી ₹9.80 લાખની ફી જમા ન કરાવી અંગત ઉપયોગ કર્યો. Policeએ ગુનો નોંધી તપાસ હાથ ધરી છે. સંચાલકની ફરિયાદ મુજબ, આ માર્કેટિંગ હેડ B.N.S.S. ની કલમ 316(5) હેઠળ ગુનેગાર સાબિત થયો છે.

સુરતના અમરોલીમાં કોસાડ આવાસમાં જૂની અદાવતના કારણે બુટલેગરના માણસોએ H-1 બિલ્ડિંગમાં ધસી આવી ત્રણ લોકો પર જીવલેણ ચપ્પુ હુમલો કર્યો. પોલીસે ત્વરિત કાર્યવાહી કરી આતંક મચાવનાર 8 આરોપીઓને દબોચી લીધા, જેથી સ્થાનિક રહીશોમાં ફેલાયેલો ભય ઓછો થયો.

અમરેલીના લાઠીમાં યુરિયા ખાતર માટે ખેડૂતોની લાંબી કતારો લાગી. સવારથી ખેડૂતો સંઘ બહાર ઉમટી પડ્યા. ખાતરની માત્ર બે થેલી મળતાં ખેડૂતોમાં રોષ. ખેતી સિઝનમાં ખાતરની અછતથી મુશ્કેલી વધી. ગરમીમાં કલાકો રાહ જોતા ખેડૂતો પરેશાન. પૂરતુ વિતરણ કરવાની માગ.

ભારતીય બજારમાં સોના અને ચાંદીના ભાવમાં આજે ઐતિહાસિક કડાકો જોવા મળ્યો છે. રોકાણકારોમાં ભારે નફાખોરી અને વૈશ્વિક બજારની અસરોને કારણે કિંમતોમાં મોટો ઘટાડો નોંધાયો છે.

દિલ્હી મેટ્રો રેલ કોર્પોરેશન (DMRC) 15 મે 2026થી સેન્ટ્રલ વિસ્ટા વિસ્તારમાં હાઇડ્રોજનથી ચાલતી શટલ બસ સેવા શરૂ કરશે. આ સેવા સેન્ટ્રલ સેક્રેટરિયેટ અને સેવા તીર્થ મેટ્રો સ્ટેશન વચ્ચે ચાલશે, જેથી લાસ્ટ માઇલ કનેક્ટિવિટી સુધરશે અને જાહેર પરિવહનને પ્રોત્સાહન મળશે. IOCL દ્વારા આપવામાં આવેલી બે બસોમાં 35 મુસાફરો બેસી શકશે. બસોમાં GPS અને CCTV જેવી સુવિધાઓ હશે. સેવા સોમવારથી શુક્રવાર સુધી પીક કલાકોમાં દર 30 મિનિટે ઉપલબ્ધ રહેશે અને મુખ્ય સરકારી સ્થળોને જોડશે.

સુમુલ ડેરી સુરત અને તાપી જિલ્લાના પશુપાલકો માટે ખુશીના સમાચાર લાવ્યા છે. ગત નાણાકીય વર્ષના અંતે બોનસમાં વધારો કર્યો છે. અગાઉ ₹870 પ્રતિ કિલોફેટ ઉપરાંત ₹30 BCU ફેટફેર મળતા હતા. હવે ₹120 બોનસ સાથે કુલ ₹1020 મળશે, જે ગુજરાતમાં સૌથી વધુ છે. આ નિર્ણયથી અઢી લાખ પશુપાલકોને આર્થિક લાભ થશે.

ગુજરાત સહિત દેશમાં પેટ્રોલ-ડીઝલના ભાવમાં ₹2.99 થી ₹3.09 નો વધારો થતાં સામાન્ય જનતા પર મોંઘવારીનો બોજ વધ્યો છે. પ્રથમવાર રાત્રે 3 વાગ્યે ભાવ વધારાનો અમલ થતાં લોકોમાં આશ્ચર્ય અને આક્રોશ જોવા મળ્યો. 10,000ના પગારમાં આ ભાવ વધારા સામે લોકોની દયનીય સ્થિતિ જોવા મળી રહી છે, જેનાથી મધ્યમ વર્ગનું બજેટ ખોરવાઈ ગયું છે.

છેલ્લા 48 કલાકમાં સોનું, દૂધ, CNG, પેટ્રોલ અને ડીઝલના ભાવમાં મોટો વધારો થયો છે, જે નાગરિકો પર મોંઘવારીનો બોમ્બ બની ફૂટ્યો છે. પીએમ નરેન્દ્ર મોદીની અપીલ બાદ સોના-ચાંદી પર આયાત ડ્યુટી વધતાં ભાવ વધ્યા, ત્યારબાદ દૂધ અને CNG મોંઘા થયા. હવે પેટ્રોલ-ડીઝલમાં પ્રતિ લિટર ₹3 સુધીનો વધારો થયો છે.

વાપીના કરવડમાં વેપારી પર હુમલો કરી રૂ. 1.50 લાખની લૂંટ ચલાવનાર જમ્મુ-કાશ્મીરની ગેંગનું ડુંગરા પોલીસે રિકન્સ્ટ્રક્શન અને ઓળખ પરેડ કર્યું. રિમાન્ડ પૂરા થતાં ત્રણેય આરોપીને કોર્ટે judicial custody માં મોકલી આપ્યા. આ ગેંગ છેલ્લા બે વર્ષથી ગોડાઉનમાં મજૂરી કરતી હતી અને રોકડ લૂંટી ભાગી જવાની તૈયારીમાં હતી.

બનાસકાંઠા જિલ્લા કલેક્ટર મિહિર પટેલની અધ્યક્ષતામાં પાલનપુર ખાતે જિલ્લા જળ અને સ્વચ્છતા એકમ (વાસ્મો)ની સમીક્ષા બેઠક યોજાઈ. ગ્રામ્ય પાણી પુરવઠા અને સ્વચ્છ ભારત મિશનની કામગીરીની વિસ્તૃત સમીક્ષા, યોજનાઓ, ‘જળ સેવા’, ફરિયાદો અને નિવારણ પર ચર્ચા થઈ. ઉનાળામાં પીવાના પાણીની સુલભતા અને ગુણવત્તા જાળવવા પર ભાર મુકાયો.

ભરૂચના નબીપુર નજીક NH-48 પર મોડી રાત્રે હાઈવા ટ્રકમાં આગ લાગતાં અફરાતફરી મચી હતી. ફાયર બ્રિગેડે તાત્કાલિક પહોંચી આગ પર કાબૂ મેળવ્યો. ટ્રાફિક ધીમો પડ્યો, પણ કોઈ જાનહાનિ થઈ ન હતી. આગનું કારણ અસ્પષ્ટ છે.

મદાર-પાલનપુર રેલખંડ પર બ્રિજ કામગીરીને કારણે ટ્રાફિક બ્લોક લેવાયો છે. આના પગલે, ગુજરાત અને રાજસ્થાન વચ્ચેની અનેક મહત્વપૂર્ણ ટ્રેનોના રૂટમાં ફેરફાર કરાયો છે. 14 અને 15 મે દરમિયાન ટ્રેનોના સમયપત્રકમાં ફેરફાર રહેશે. કેટલીક ટ્રેનો પાલનપુર-આબુરોડને બદલે લૂણી-ભીલડી-મહેસાણા માર્ગે દોડશે. આ ડાયવર્ઝનથી અમદાવાદ અને પાલનપુરના મુસાફરોને અસર થશે, કારણ કે ટ્રેનો અમુક સ્ટેશનો પર નહીં રોકાય.

વૈશ્વિક અસ્થિરતા અને મોંઘા ક્રૂડ ઓઈલ વચ્ચે, ગાંધીનગરના વાહનચાલકો ઇલેક્ટ્રિક વ્હીકલ (EV) તરફ વળી રહ્યા છે. ચાલુ વર્ષે જાન્યુઆરીથી મે સુધીમાં EV વેચાણમાં 35% નો વધારો થયો છે. 2022માં EVનો હિસ્સો 2.56% હતો, જે 2026માં 5.44% થયો છે, જે ગ્રીન એનર્જી તરફ પ્રયાણ દર્શાવે છે.

NTAએ NEET-UG પરીક્ષાની નવી તારીખ 21 જૂન, 2026 જાહેર કરી છે. પેપર લીક થવાને કારણે પરીક્ષા રદ કરવામાં આવી હતી. 3 મેના રોજ આશરે 23 લાખ ઉમેદવારોએ પરીક્ષા આપી હતી. આ મુદ્દે ઉચ્ચ સ્તરીય બેઠક યોજાઈ હતી. NEET પેપર લીક ​​પર દેશભરમાં વિરોધ પ્રદર્શન વચ્ચે આ જાહેરાત કરવામાં આવી છે.

NEET paper leak મુદ્દે કેન્દ્ર સરકાર એક્શનમાં. શિક્ષણ મંત્રી ધર્મેન્દ્ર પ્રધાને NTA, CBSE, KVSના અધિકારીઓ સાથે મોડી રાત્રે બેઠક યોજી. પરીક્ષાની સુરક્ષા અને પારદર્શિતા પર ચર્ચા. આગામી 7-10 દિવસમાં ફરીથી NEET પરીક્ષા યોજાવાની શક્યતા. CBI એ 5 આરોપીઓને સાત દિવસના રિમાન્ડ પર લીધા. મોટા ષડયંત્રનો પર્દાફાશ કરવાની તૈયારી.

નેશનલ ટેસ્ટિંગ એજન્સી(NTA) દ્વારા મેડિકલ પ્રવેશ પરીક્ષા NEET (UG) 2026ને લઈને એક મહત્ત્વપૂર્ણ જાહેરાત કરવામાં આવી છે. ભારત સરકારની મંજૂરી બાદ, NTAએ પરીક્ષાની નવી તારીખ જાહેર કરી દીધી છે.પરીક્ષા ક્યારે યોજાશે? નવી જાહેરાત મુજબ, NEET (UG) 2026ની રી-એક્ઝામ હવે 21 જૂન, 2026, રવિવારના રોજ યોજવામાં આવશે. જે વિદ્યાર્થીઓ આ પરીક્ષામાં બેસવાના છે, તેઓએ આ નવી તારીખની ખાસ નોંધ લેવી.

કેન્દ્ર સરકારના ખાંડ નિકાસ પ્રતિબંધથી દક્ષિણ ગુજરાતના ખેડૂતો અને સુગર મિલોની આર્થિક સ્થિતિ કથળવાનો ભય છે. ઉત્પાદન ખર્ચ વધ્યો છે અને શેરડીનું ઉત્પાદન ઘટ્યું છે. MSP વધારીને 40 રૂપિયા કરવાની અને ખેતી ખર્ચમાં રાહત આપવાની માંગણી છે.

અમદાવાદના રાણીપમાં બલોલનગર બ્રિજ પર ગમખ્વાર અકસ્માત. પૂરપાટ ઝડપે જતી સ્પોર્ટ્સ બાઈક સવારનો સ્ટિયરિંગ પરથી કાબૂ છૂટ્યો. બાઈક રેલિંગ સાથે અથડાઈ, યુવક 25 ફૂટ નીચે પટકાયો. બાઈક 20-25 મીટર દૂર બ્રિજ પર પડ્યું. સ્થાનિકોએ કહ્યું, બાઈકની ગતિ ખૂબ વધારે હતી.

અમદાવાદ મ્યુનિસિપલ કોર્પોરેશન (AMC)ના કર્મચારીઓ માટે હવે કાર પૂલિંગ, ટુ-વ્હીલર શેરિંગ અને પબ્લિક ટ્રાન્સપોર્ટનો ઉપયોગ ફરજિયાત છે. આ નિર્ણય ઈંધણ બચાવવા અને રાષ્ટ્રીય સંપત્તિના કરકસરભર્યા ઉપયોગ માટે લેવાયો છે. નજીક રહેતા કર્મચારીઓએ કાર પૂલ કરવી પડશે, જ્યારે ટુ-વ્હીલર વાપરતા કર્મચારીઓએ બાઈક કે સ્કૂટર શેર કરવા પડશે. AMTS, BRTS અને મેટ્રો જેવી જાહેર પરિવહન સેવાઓનો વધુ ઉપયોગ કરવા પર ભાર મૂકાયો છે.

21 મેના રોજ PM મોદીની અધ્યક્ષતામાં કેન્દ્રીય મંત્રીમંડળની બેઠક યોજાશે. આ બેઠકમાં સંભવિત કેબિનેટ ફેરબદલ, સરકારી યોજનાઓની સમીક્ષા, અને ખર્ચ ઘટાડવા પર ચર્ચા થઈ શકે છે. મોદી 3.0 સરકારના બે વર્ષ પૂરા થતાં પહેલાં આ બેઠક મહત્વની છે, અને ફેરબદલ જૂનના બીજા સપ્તાહમાં થઈ શકે છે. PM એ લોકોને ઇંધણ અને અન્ય ખર્ચ બચાવવા અપીલ કરી છે.

રાજકોટમાં 1 થી 30 જૂન દરમિયાન વસ્તી ગણતરી હાથ ધરાશે, જેમાં 7,375 કર્મચારીઓ ફરજ પર રહેશે. ગેરહાજર રહેનારાઓ સામે 3 વર્ષની જેલની સજા અને દંડની જોગવાઈ છે. સેલ્ફ-એન્યુમરેશન 17 થી 31 મે સુધી https://se.census.gov.in પર ઓનલાઈન કરી શકાશે. આવાસ, અસ્કયામતો અને વ્યક્તિગત વિગતો જેવી 33 મહત્વપૂર્ણ માહિતી પૂછવામાં આવશે. સરકારી ઇજનેરી કોલેજોના અધ્યાપકોની નિમણૂકથી વિદ્યાર્થીઓના અભ્યાસ પર અસરની ચિંતા વ્યક્ત કરાઈ છે.

અમેરિકામાં ગૌતમ અદાણી અને અદાણી ગ્રૂપ પરના લાંચ અને ફ્રોડના આરોપોમાં રાહત. Department of Justice ક્રિમિનલ કેસ પાછા ખેંચી શકે છે, SEC સિવિલ કેસ ઉકેલ તરફ. આંતરરાષ્ટ્રીય સ્તરે મોટી જીત ગણાશે, શેરોમાં તેજી આવી શકે છે.

શહેરના સોના-ચાંદીના હબ ગણાતા માણેકચોક વિસ્તારમાં ચોરીની એક ચોંકાવનારી ઘટના સામે આવી છે. ખરીદી કરવાના બહાને આવેલી એક મહિલાએ અત્યંત ચાલાકી પૂર્વક વેપારીની નજર ચૂકવીને લાખો રૂપિયાની સોનાની બંગડીઓ પોતાની બગલમાં સંતાડી દીધી હતી.

પેટ્રોલ અને ડીઝલ બાદ CNGના ભાવમાં પણ 2 રૂપિયાનો વધારો થયો છે. દિલ્હીમાં CNG 79.09 રૂપિયા પ્રતિ કિલોગ્રામ થયું છે. મુંબઈમાં પણ ભાવ 82 થી વધી 84 રૂપિયા થયો છે. આ ભાવ વધારાએ સામાન્ય જનતાને મોટો આંચકો આપ્યો છે. વિપક્ષે સરકાર પર મોંઘવારી વધારવાનો આરોપ લગાવ્યો છે.

પાટણ જિલ્લા પંચાયત અને DDO નિવાસસ્થાન સુરક્ષા કોન્ટ્રાક્ટમાં કૌભાંડ. રાજકોટ સ્થિત રામ સિક્યોરિટી એજન્સીના સંચાલક કેયુર અનડકટ સામે ખોટા બિલો બનાવી સરકારી નાણાંની ઉચાપત અને ચોકીદારોને ધમકાવવાનો ગુનો. રૂ. 91,000 ડિપોઝિટ ભર્યા વિના, ફરજ પર ન હોય તેવા વ્યક્તિઓના નામે બિલો બનાવી નાણાં મેળવ્યા. લઘુત્તમ વેતન કરતાં ઓછો પગાર અને વોટ્સએપ QR કોડ દ્વારા પૈસા પરત મેળવી લીધા. પોલીસે વધુ તપાસ હાથ ધરી.