ભુજ ખાતે ઉદ્યોગસાહસિકતા વિકાસ સંસ્થા (EDII) અને એસેન્ચરના સહયોગથી મહિલા સશક્તિકરણ તથા સ્વરોજગારને વેગ આપવા માઇક્રો સ્કીલ ડેવલપમેન્ટ પ્રોગ્રામ અંતર્ગત હેન્ડીક્રાફ્ટ પ્રોડક્ટ્સ મડ વર્ક તાલીમનો શુભારંભ થયો. શારદા સંસ્કૃતિ ટ્રસ્ટ સંચાલિત શારદા સ્કીલ હાઉસ ખાતે યોજાયેલ આ 26 દિવસીય તાલીમમાં EDIIના અધિકારીઓએ સંસ્થાની ભૂમિકા, MSDP કાર્યક્રમનો હેતુ, તાલીમની રૂપરેખા, ઉદ્યોગ શરૂ કરવાની તકો, સરકારી યોજનાઓ અને સ્વરોજગારની સંભાવનાઓ વિશે વિસ્તૃત માર્ગદર્શન આપ્યું. ભુજ નગરપાલિકાના ઉપપ્રમુખ બિંદિયાબેન ઠક્કરે મહિલાઓને કૌશલ્ય વિકાસ અને આત્મનિર્ભર બનવાનો સંદેશ આપ્યો. તાલીમમાં આશરે 125 બહેનોએ ઉત્સાહપૂર્વક ભાગ લીધો.