ગુજરાતના ઘાટલોડિયામાં રહેતી પૂજાબેન સુથારની પુત્રી વેદિકા જન્મથી જ અન્નનળી વગર જન્મી હતી. જ્યાં સારવાર મર્યાદિત હતી, ત્યાં માતાના અડગ પ્રેમ અને સંકલ્પે ચમત્કાર સર્જ્યો. માતાએ દોઢ વર્ષ સુધી દર અઢી કલાકે પોતાનું દૂધ પાઇપ મારફતે બાળકીને પીવડાવ્યું. આ પ્રક્રિયા માત્ર દિવસમાં જ નહીં, રાત્રે ઊંઘ છોડીને પણ સતત ચાલુ રાખી. દોઢ વર્ષ બાદ ડોકટરે અન્નનળી બનાવવાની સફળ સર્જરી કરી. આજે વેદિકા સ્વસ્થ જીવન જીવી રહી છે.