સુરતથી દુબઈ ફ્લાઇટ 17 મે થી શરૂ થવાની હતી, પરંતુ અસ્થાયી કેપ અને યુદ્ધ જેવી સ્થિતિના કારણે સ્થગિત. આ કારણે હજારો પ્રવાસીઓ મુશ્કેલીમાં. બીજી તરફ, ઉનાળુ વેકેશન અને ફ્લાઇટની અછતને કારણે સુરત-દિલ્હી હવાઈ ભાડું રૂ. 6,000 થી વધીને રૂ. 12,000 થયું.

અમેરિકા-ઈરાન તણાવ વચ્ચે પાકિસ્તાન પર ઈરાની લશ્કરી વિમાનોને આશ્રય આપવાનો આરોપ. નૂરખાન એરબેઝ પર RC-130 વિમાનો છુપાવ્યા હોવાનો દાવો. પાકિસ્તાનની 'બેવડી નીતિ' પર વૈશ્વિક સવાલો. અફઘાનિસ્તાનનો પણ ઉપયોગ. અમેરિકાની આકરી પ્રતિક્રિયા, વિશ્વસનીયતા પર પ્રશ્નાર્થ. પાકિસ્તાન માટે આંતરરાષ્ટ્રીય મુશ્કેલીઓ વધી શકે છે.

અમેરિકાના રાષ્ટ્રપતિ ડોનાલ્ડ ટ્રમ્પની ચીન મુલાકાત પૂર્વે, ઈરાનના તેલને ચીન સુધી પહોંચાડવામાં મદદ કરતી 12 કંપનીઓ અને વ્યક્તિઓ પર કડક આર્થિક પ્રતિબંધો લાદ્યા છે. US ટ્રેઝરી ડિપાર્ટમેન્ટ મુજબ, આ કંપનીઓ ઈરાનની 'ઇસ્લામિક રિવોલ્યુશનરી ગાર્ડ કોર્પ્સ' સાથે જોડાયેલી છે અને તેના દ્વારા થતી કમાણીનો ઉપયોગ ઈરાન તેના પરમાણુ કાર્યક્રમ, શસ્ત્રો અને આતંકી સંગઠનોને ભંડોળ પૂરું પાડવા કરે છે. આ પગલાંથી ટ્રમ્પે ચીન પર દબાણ વધાર્યું છે, જે ઈરાનના તેલનો મુખ્ય ખરીદનાર છે.

ઈરાન-અમેરિકા તણાવ વચ્ચે પાકિસ્તાનની ભૂમિકા શંકાસ્પદ. મીડિયા રિપોર્ટ્સ મુજબ, પાકિસ્તાને તેના નૂર ખાન એરબેઝ પર ઈરાની સૈન્ય વિમાનોને અમેરિકાના હુમલાથી બચાવવા shelter આપ્યું. એક તરફ મધ્યસ્થીનો દાવો, બીજી તરફ ગુપ્ત સૈન્ય મદદ.

મોટા ક્રૂઝ જહાજોમાં ડીપ ક્લિનિંગ અશક્ય હોવાથી રોગ ઝડપથી ફેલાય છે. કોરોના કાળમાં આ ખતરો વધ્યો છે. ખાસ કરીને એન્ટાર્કટિકા જેવા દૂરના સ્થળોએ જતાં પ્રવાસીઓની સંખ્યા વધી રહી છે. આ જહાજો પર યોગ્ય મેડિકલ સારવારનો અભાવ હોવાથી, રોગચાળો ફેલાવાની સંભાવના રહે છે.

પશ્ચિમ એશિયાના સંઘર્ષ વચ્ચે UAEની બેન્કો ઉદ્યોગોને ધિરાણ કરવામાં સાવચેતી રાખી રહી છે. ભારતીય બેન્કો પણ ત્યાંના વેપારગૃહોને લોન આપવામાં ઉદાસીન છે. લોન છૂટી કરવામાં ઢીલ અને સખત ધોરણોને કારણે ઉત્પાદન, હોસ્પિટાલિટી, રિઅલ એસ્ટેટ જેવા ક્ષેત્રોને નવી લોન મેળવવામાં મુશકેલી પડી રહી છે.

મુંબઈ ઝવેરી બજારમાં સોનાના ભાવ ઘટ્યા, જ્યારે ચાંદીના ભાવમાં વધારો થયો. વિશ્વ બજારમાં સોનાના ભાવ ઔંસ દીઠ ૪૭૦૦ ડોલરથી નીચે જતા રહ્યા. ઈરાન અને અમેરિકા વચ્ચે યુદ્ધની આશંકા અને ડોલર ઈન્ડેક્સમાં વધારાને કારણે વૈશ્વિક સોનામાં ઘટાડો થયો. ક્રૂડ તેલના ભાવ ૧૦૬ ડોલરની નજીક પહોંચ્યા. કિંમતી ધાતુઓમાં બેતરફી ઉછળકૂદ અને રૂપિયાના ઘટાડાની મિશ્ર અસર જોવા મળી.

વિદેશી હુંડિયામણ બજારમાં આજે રૂપિયા સામે ડોલરના ભાવમાં ઝડપી ઉછાળો આવતાં રૂપિયો ફરી ગબડયો હતો. શેરબજારમાં કડાકો બોલાતા તથા વિશ્વ બજારમાં અમેરિકા તથા ઈરાન વચ્ચે ફરી ઘર્ષણના સંકેતો વહેતાં થતાં તથા ક્રૂડતેલના ભાવ ઉંચકાતાં આજે રૂપિયા પર દબાણ વધતા ડોલર સામે રૂપિયો ઇન્ટ્રા-ડે પટકાઈને ૯૫.

ઇરાન-અમેરિકા વચ્ચે ચાલતા યુદ્ધમાં ઇરાન પહેલી જ વખત તેનું સંવર્ધતિ યુરેનિયન ત્રીજા દેશમાં ટ્રાન્સફર કરવા તૈયાર થયું છે. ઇરાનના અગાઉના યુરેનિયમ તેના દેશની બહાર નહી જવાના દેવાના વલણમાં મોટો ફેરફાર દર્શાવે છે. ઇરાનનું આ વલણ રશિયન પ્રમુખ પુતિને ત્રીજા દેશ એટલે કે રશિયામાં તેનું સંવર્ધિત યુરેનિયમ લઈ જવા દેવામાં અઆવે તે ઓફર કરી હતી તેની સાથે મેળ ખાય છે.

ચીનના પ્રમુખ જિનપિંગના આમંત્રણના પગલે અમેરિકન પ્રમુખ ટ્રમ્પ ચીનની ત્રણ દિવસની મુલાકાતે જવાના છે. તેઓ ૧૩,૧૪,૧૫ મે એમ ત્રણ દિવસ માટે ચીનનો પ્રવાસ ખેડશે. કોઈપણ અમેરિકન પ્રમુખનો નવ વર્ષમાં ચીનનો પ્રથમ પ્રવાસ હશે. છેલ્લે પણ ટ્રમ્પે ૨૦૧૭માં તેમની પહેલી ટર્મમાં ચીનનો પ્રવાસ ખેડયો હતો.

ICC દ્વારા જાહેર કરવામાં આવેલા ODI રેન્કિંગમાં ભારતીય ટીમે પોતાનું નંબર-1નું સ્થાન જાળવી રાખ્યું છે. વાર્ષિક અપડેટ બાદ પણ ટીમ ઈન્ડિયા વિશ્વની સર્વશ્રેષ્ઠ વનડે ટીમ તરીકે ઉભરી આવી છે. જોકે, આ વખતે ભારતની લીડમાં થોડો ઘટાડો થયો છે, જે હવે આગામી સમયમાં નંબર-1ના તાજ માટે જંગ વધુ રોમાંચક બનાવશે. ભારતીય ટીમ હાલ 118 રેટિંગ પોઈન્ટ્સ સાથે પ્રથમ સ્થાને છે. બીજા સ્થાને ન્યૂઝીલેન્ડ છે જે 113 પોઈન્ટ્સ સાથે ભારતથી માત્ર 5 પોઈન્ટ પાછળ છે. વર્લ્ડ ચેમ્પિયન ઓસ્ટ્રેલિયા 109 પોઈન્ટ્સ સાથે ત્રીજા ક્રમે છે.

PM નરેન્દ્ર મોદીએ વૈશ્વિક તણાવ વચ્ચે દેશવાસીઓને ઈંધણ બચાવવા માટે કરેલી અપીલના એક દિવસ બાદ કેન્દ્ર સરકારે મહત્ત્વની સ્પષ્ટતા કરી છે. સોમવારે સરકારે ખાતરી આપી છે કે દેશમાં પેટ્રોલ, ડીઝલ, LPG કે ક્રૂડ ઓઈલની કોઈ પણ પ્રકારની અછત નથી, તેથી નાગરિકોએ ગભરાવાની કે 'પેનિક બાયિંગ' કરવાની જરૂર નથી. આંતર-મંત્રાલય બ્રીફિંગ દરમિયાન કેન્દ્રના અધિકારીઓએ જણાવ્યું હતું કે ભારત પાસે ઈંધણનો પૂરતો સ્ટોક ઉપલબ્ધ છે અને આ ક્ષેત્રમાં ચાલી રહેલા સંઘર્ષની અસર ઘટાડવા માટે તમામ જરૂરી પગલાં લેવામાં આવ્યા છે.

વૈશ્વિક અછત વચ્ચે, ઈરાન દરરોજ 2 Billion USD નું ક્રૂડ ઓઈલ સમુદ્રમાં ફેંકી રહ્યું છે. અમેરિકાની હોર્મુઝ નાકાબંધી અને સંગ્રહ ક્ષમતા ખૂટી પડતા, ઈરાન પાસે તેલ કાઢવું અનિવાર્ય બન્યું છે. કુવાઓ બંધ કરવાથી કાયમી નુકસાનનો ભય, અને સંગ્રહ સ્થાનો ભરાઈ જતાં, સમુદ્રમાં તેલ ઢોળવા મજબૂર બન્યા છે. આ બગાડ વૈશ્વિક અર્થતંત્ર અને સમુદ્રી જીવસૃષ્ટિ માટે ખતરો છે.

વિશ્વના બે સૌથી શક્તિશાળી દેશો અમેરિકા અને ચીન વચ્ચેના સંબંધોમાં એક નવો વળાંક આવવા જઈ રહ્યો છે. ઈરાન સાથેના વધતા તણાવ અને હોર્મુઝ સ્ટ્રેટની નાકાબંધી વચ્ચે અમેરિકાના પ્રમુખ ડોનાલ્ડ ટ્રમ્પ ચીનની મુલાકાત લેવાના છે. ચીનના વિદેશ મંત્રાલયે આ હાઈ-પ્રોફાઈલ મુલાકાતની સત્તાવાર જાહેરાત કરી છે.ત્રણ દિવસીય રાજ્ય મુલાકાતનું આયોજનચીનના પ્રમુખ શી જિનપિંગના વિશેષ આમંત્રણ પર, ડોનાલ્ડ ટ્રમ્પ 13મી મેથી 15મી મે દરમિયાન બેઈજિંગની મુલાકાત લેશે.

અમેરિકાના 14-મુદ્દાના શાંતિ પ્રસ્તાવને ઈરાને નકારી કાઢતા રાષ્ટ્રપતિ ટ્રમ્પ ગુસ્સે થયા છે. ઈરાને યુદ્ધનો અંત, Hormuz Strait પર સાર્વભૌમત્વ અને આર્થિક પ્રતિબંધો હટાવવાની માંગ કરી છે. આ નિષ્ફળતાથી આંતરરાષ્ટ્રીય તેલ બજારમાં ક્રૂડ ઓઈલના ભાવમાં પ્રતિ બેરલ $3 સુધીનો વધારો થયો છે. પાકિસ્તાન મધ્યસ્થીની ભૂમિકા ભજવી રહ્યું છે.

નેપાળના કાઠમંડુ એરપોર્ટ પર ટર્કિશ એરલાઇન્સની ફ્લાઇટ TK 726 ના ટાયરમાં લેન્ડિંગ સમયે આગ લાગી. 289 લોકો સવાર હતા, પરંતુ ત્વરિત ફાયરફાઇટિંગ ઓપરેશનને કારણે કોઈ જાનહાનિ થઈ નથી. મુસાફરોને ઈમરજન્સી એક્ઝિટ દ્વારા બહાર કાઢવામાં આવ્યા. પ્રાથમિક અનુમાન મુજબ, રનવે ઘર્ષણ અથવા બ્રેક સિસ્ટમની ખામી કારણભૂત હોઈ શકે છે.

અમેરિકા અને ઇરાન યુદ્ધની અસર વિશ્વ પર પડી છે અને ભવિષ્યમાં પણ તેની અસર જોવા મળશે. એશિયન ડેવલોપમેન્ટ બેંક (એડીબી) અનુસાર ઇરાન યુદ્ધને કારણે ઉત્પન્ન થયેલ વૈશ્વિક તંગદિલી અસર જારી રહેશે અને ક્રૂડનાં ભાવ લાંબા સમય સુધી ઉંચા બની રહી શકે છે. અર્થશાસ્ત્રીઓનું માનવું છે કે આની અસર ભારતમાં પણ જોવા મળશે અને અહીં મોંઘવારીનો બોંબ ફૂટી શકે છે. આ સાથે જ એડીબીએ ભારતનાં જીડીપી વિકાસનાં અંદાજમાં પણ મોટો ઘટાડો કર્યો છે.

ઈસ્કોનના પૂર્વ નેતા ચિન્મય કૃષ્ણદાસ, જેઓ ૨૦૨૪માં થયેલી એક વકીલની હત્યાના કેસમાં આરોપી છે, તેમની જામીન અરજી બાંગ્લાદેશ હાઈકોર્ટે રવિવારે ફગાવી દીધી છે. તેઓ રાજદ્રોહના આરોપસર પણ ધરપકડાયા હતા. અગાઉ નીચલી કોર્ટે પણ જામીન નકારતા તેમના અનુયાયીઓએ વિરોધ પ્રદર્શનો કર્યા હતા.

તાજેતરમાં 'સેલ' (Cell) જર્નલમાં પ્રકાશિત થયેલા એક અભ્યાસ અનુસાર, થાઈલેન્ડના વૈજ્ઞાનિકોએ ચામાચીડિયામાં એક એવો નવો કોરોનાવાયરસ શોધી કાઢ્યો છે, જે માણસોને સંક્રમિત કરવાની ક્ષમતા ધરાવે છે. આ શોધે વિશ્વભરના નિષ્ણાતોનું ધ્યાન ખેંચ્યું છે કારણ કે આ વાયરસ અન્ય કોરોનાવાયરસની જેમ જ માનવ કોષો સાથે જોડાવવાની ક્ષમતા ધરાવતો હોવાનું જણાય છે. જોકે, સંશોધકોનું કહેવું છે કે, આ વાયરસ હાલમાં લોકોમાં ફેલાઈ રહ્યો હોય તેવા કોઈ પુરાવા નથી, પરંતુ ભવિષ્યના જોખમોને સમજવા માટે પ્રાણીઓમાં વાયરસની દેખરેખ રાખવી કેટલી મહત્વની છે તે આ બાબત સ્પષ્ટ કરે છે.

જાપાનના કાન્તો પ્રાંતમાં આવેલા કાન્તો શહેર માટે આજની સવાર કોઈ હોરર મૂવીના દ્રશ્ય જેવી ભયાનક સાબિત થઈ હતી. જાપાનના સૌથી સક્રિય જ્વાળામુખી સકુરાજીમાં પ્રચંડ વિસ્ફોટ થતાં આખું શહેર રાખની ઝપેટમાં આવી ગયું છે. વિસ્ફોટ એટલો શક્તિશાળી હતો કે, ગણતરીની મિનિટોમાં આકાશમાં 3,500 મીટર (આશરે 11,500 ફૂટ) સુધી રાખનો ગોટેગોટા જોવા મળ્યા હતા. સ્થાનિક લોકોના જણાવ્યા અનુસાર, વિસ્ફોટ બાદ શહેરમાં ભારે માત્રામાં રાખ પડવાનું શરૂ થયું હતું. રસ્તાઓ, વાહનો અને મકાનો પર રાખની એટલી જાડી પરત જામી ગઈ છે કે જાણે શહેરમાં રાખોડી રંગનો બરફ પડ્યો હોય તેવું દ્રશ્ય ખડું થયું હતું.

પશ્ચિમ એશિયામાં વધતા સંઘર્ષને કારણે હોર્મુઝ સ્ટ્રેટમાં 20,000 થી વધુ ભારતીય નાવિકો જોખમમાં છે. NUSI એ વ્યક્ત કરેલી ચિંતા મુજબ, યુદ્ધ વકરશે તો જહાજો અટકી શકે છે, જેનાથી ખોરાક અને દવાઓની અછત સર્જાઈ શકે છે. મિસાઈલ અને ડ્રોન હુમલાનું જોખમ રહેલું છે. NUSI એ ભારત સરકારને ઇવેક્યુએશન પ્રોટોકોલ તાત્કાલિક લાગુ કરવા વિનંતી કરી છે.

નેપાળની બાલેન સરકારે ભારતીયો માટે નવા Identity Card નિયમો લાગુ કર્યા છે. હવે ઓળખપત્ર વિના કોઈ ભારતીય નેપાળમાં પ્રવેશી શકશે નહીં. આ નિર્ણયથી સરહદ પર અફરાતફરી જોવા મળી રહી છે. આધાર કાર્ડ જેવા વૈધ દસ્તાવેજો ફરજિયાત છે. ચીની ઘૂસણખોરીની આશંકા અને સ્થાનિકોમાં રોષ પણ જોવા મળી રહ્યો છે.

પાકિસ્તાનના ઉત્તર-પશ્ચિમ વિસ્તારમાં આવેલા બન્નુ જિલ્લામાં શનિવારે એક ભયાનક આતંકવાદી હુમલો થયો છે. અફઘાનિસ્તાન સરહદ પાસે આવેલા ખૈબર પખ્તુનખ્વા પ્રાંતમાં આતંકીઓએ એક પોલીસ ચોકીને નિશાન બનાવી હતી. આ હુમલામાં વિસ્ફોટકો ભરેલી કારનો ઉપયોગ કરીને આખી પોલીસ ચોકીને ઉડાવી દેવામાં આવી છે, જેમાં અંદાજે 15 જેટલા પોલીસકર્મીઓના મોત થયા હોવાની આશંકા છે. અત્યાર સુધી 3ના મૃતદેહ મળી આવ્યા છે.

અમેરિકાના શ્રમ વિભાગે H1B visa કાર્યક્રમ હેઠળ વિદેશી કર્મચારીઓના લઘુત્તમ પગારમાં 30% વધારો સૂચવ્યો છે. આ દરખાસ્તથી ભારતીય પ્રોફેશનલ્સને મોટો ફાયદો થશે. Trump સરકારનો આશય American નાગરિકો પર પડતું દબાણ ઘટાડવાનો છે. નાની કંપનીઓ માટે Entry level પદો પર વિદેશી કર્મચારીઓની ભરતી મુશ્કેલ બનશે.

ઈરાન યુદ્ધે પુરવઠા શૃંખલામાં વિક્ષેપ પાડયો હોવાથી વૈશ્વિક ખાદ્ય પદાર્થોના ભાવ ત્રણ વર્ષથી વધુ સમયગાળામાં સૌથી વધુ વધી ગયા હતા.  તેલ અને અનાજના ભાવમાં વધારો થવાને કારણે એપ્રિલમાં સંયુક્ત રાષ્ટ્રના ખાદ્ય પદાર્થોના ભાવ સૂચકાંકમાં ૧.૬ ટકાનો વધારો નોંધાયો હતો. તે એક વર્ષ પહેલા કરતા ૨.૫ ટકા વધુ છે.

યુદ્ધ બાદ ઇરાનના અખાતમાં 20 હજાર નાવિકો સાથે 2 હજાર જહાજો ફસાયેલા છે. પાણીની અછત, મોંઘવારી અને માનસિક તણાવ જેવી મુશ્કેલીઓનો સામનો કરી રહ્યા છે. કાયદા હોવા છતાં સુરક્ષા અને પ્રત્યાવર્તન અઘરું છે. ભૂતકાળમાં સુએઝ નહેરમાં 8 વર્ષ સુધી 14 જહાજો ફસાયેલા રહ્યાં હતાં, જેને 'યલો ફ્લીટ' નામ અપાયું.

અમેરિકાના પ્રતિબંધો છતાં ઈરાન પરમાણુ શસ્ત્રો વિકસાવી રહ્યું હતું. ઈરાનના વિદેશમંત્રીને ઓમાનના વેપારી પાસેથી 'U-235' લખેલી એક ભેદી ચબરખી મળી, જે પરમાણુ શસ્ત્રો માટે જરૂરી યુરેનિયમના આઈસોટોપનો સંકેત હતો. આ ઘટના બાદ ઈરાને અબ્દુલ કાદિરખાનના નેટવર્ક દ્વારા ગુપ્ત રીતે સેન્ટ્રિફ્યુઝ મેળવી પરમાણુ ટેકનોલોજી વિકસાવી.

Anguilla, એક નાનકડો ટાપુ, .ai ડોમેન એક્સટેન્શનના કારણે Arrtificial Intelligence (AI) ક્રાંતિનો લાભ લઈ રહ્યો છે. ChatGPT ના લોન્ચ બાદ .ai ડોમેનની માંગ વધતા, Anguilla ની સરકારની આવકમાં નોંધપાત્ર વધારો થયો છે, જેનો ઉપયોગ દેશના વિકાસ, એરપોર્ટ, આરોગ્ય અને શિક્ષણમાં થઈ રહ્યો છે.

રશિયા-યુક્રેન યુદ્ધે લાખોનો ભોગ લીધો છે, અર્થતંત્રને ધ્રુજાવી દીધું છે. શરણાર્થી સંકટ સર્જાયું છે. યુક્રેન ‘ફૂડ બાસ્કેટ’ હોવા છતાં નિકાસ અવરોધાઈ છે. આ યુદ્ધે NATO ને નવી ઊર્જા આપી છે, પણ UN નું અસ્તિત્વ નબળું પાડ્યું છે. રશિયાએ ભાડૂતી સૈનિકો, ખાસ કરીને વેગનર ગ્રુપનો ઉપયોગ કર્યો. ભારતીય અને પેરુવિયન યુવાનોને ઊંચા પગારની લાલચ આપી યુદ્ધમાં ધકેલાયા, જે માનવ તસ્કરી સમાન છે. આ આંતરરાષ્ટ્રીય કાયદાઓનું ઉલ્લંઘન છે.

કેરેબિયન પ્રિન્સેસ ક્રૂઝ શિપ પર નોરો વાઇરસનો ચેપ ફેલાયો, જેમાં 3,116 પ્રવાસીઓ સવાર હતા. 115 પ્રવાસીઓ બીમાર પડ્યા. આ વાઇરસ ઝડપથી ફેલાઈને ઝાડા-ઉલટી જેવી સમસ્યાઓ ઊભી કરે છે. યુરોપ અને દક્ષિણ એટલાન્ટિક સુધી હન્ટા વાઇરસના ફેલાવાને પગલે આરોગ્ય એજન્સીઓ પણ સતર્ક બની છે.