ભાજપ શાસિત મોડાસા તાલુકા પંચાયતમાં લાંબા સમયથી ચાલી રહેલી સત્તાની ખેંચતાણનો અંત આવ્યો છે. કોંગ્રેસમાંથી ભાજપના સમર્થનથી ઘનશ્યામસિંહ ચંપાવતની કારોબારી અધ્યક્ષ તરીકે સર્વાનુમતે વરણી કરાઇ છે. ભાજપ અને કોંગ્રેસ વચ્ચે ટાઈની સ્થિતિમાં ટીંટોઇ બેઠકના ઘનશ્યામસિંહ ભાજપ માટે નિર્ણાયક બન્યા. ટીડીઓના અધ્યક્ષસ્થાને યોજાયેલી બેઠકમાં આ નિર્ણય લેવાતા મોડાસા તાલુકા પંચાયતમાં ભાજપે સત્તા મેળવી. બેઠકમાં ભાજપના 7 સભ્યો ઉપરાંત ઘનશ્યામસિંહના સમર્થનથી ભાજપનું પલડું ભારે થયું. ઘનશ્યામસિંહે વિકાસના કામોને પ્રાથમિકતા આપવાની અને પક્ષભેદ ભૂલી સર્વાંગી વિકાસ કરવાનો સંકલ્પ વ્યક્ત કર્યો. આ ઘટનાથી કોંગ્રેસને મોટો ઝટકો લાગ્યો છે.