ધોલેરા વિસ્તારમાં બુધવારે સર ઓથોરિટી દ્વારા ફાઈનલ પ્લોટ ફળવણીની કાર્યવાહી દરમિયાન ભારે વિવાદ સર્જાયો હતો. વિવાદિત સ્થળ તરીકે ઓળખાતા વિસ્તારમાં, જ્યાં અગાઉ મોટી માત્રામાં માટીનું ખનન કરવામાં આવ્યું હતું અને હાલ તે સ્થળ 15 ફૂટ જેટલા ઊંડા પાણી ભરાયેલા ખાડા તરીકે ઓળખાય છે, ત્યાં ખેડૂતોને ફાઈનલ પ્લોટ ફાળવવામાં આવતા ખેડૂતોમાં ભારે રોષ ફટી નીકળ્યો હતો. આ કાર્યવાહી સામે આશરે 17થી 18 ખેડૂતો દ્વારા એકજૂટ થઈને વિરોધ નોંધાવવામાં આવ્યો હતો. ખેડૂતોનું કહેવું છે કે, જે જમીન તેમને ફાળવવામાં આવી રહી છે તે ખેતી માટે તો દૂર, વસવાટ માટે પણ યોગ્ય નથી.