હવામાન વિભાગ દ્વારા લૉ-ડિપ્રેશન અને ભારે વરસાદની આગાહીને પગલે ડેસર તાલુકાનું વહીવટી તંત્ર એલર્ટ મોડ પર છે. ડિઝાસ્ટર મેનેજમેન્ટ ટીમ, મામલતદાર અને પોલીસ વિભાગ દ્વારા સંભવિત આપત્તિને પહોંચી વળવા તૈયારી પૂર્ણ કરાઈ છે. બચાવ કામગીરી માટે બોટ, લાઇફ જેકેટ સહિતના સાધનો સ્ટેન્ડબાય રખાયા છે. નીચાણવાળા વિસ્તારો અને નદી-નાળાં પર સતત નજર રાખવામાં આવી રહી છે. તંત્ર દ્વારા નાગરિકોને જોખમી સ્થળોએ ન જવા અપીલ કરાઈ છે. ભારે વરસાદની સંભાવનાને ધ્યાનમાં રાખીને, જિલ્લા કલેક્ટરના આદેશ મુજબ શનિવાર, 1 ઓગસ્ટના રોજ શાળા, કોલેજો અને ITI માં રજા જાહેર કરાઈ છે.