પંચમહાલના જાંબુઘોડામાં બે કલાકમાં સાડા પાંચ ઈંચ વરસાદ
પંચમહાલ જિલ્લાના જાંબુઘોડા પંથકમાં શુક્રવારે મેઘરાજાએ રૌદ્ર સ્વરૂપ ધારણ કરતાં સમગ્ર પંથકને જળબંબાકાર કરી દીધો હતો. માત્ર બે કલાકમાં જ અંદાજે સાડા પાંચ ઈંચ જેટલો વરસાદ વરસતા સમગ્ર નગર પાણી-પાણી થઈ ગયું હતું. નગરના મુખ્ય માર્ગો, બજાર વિસ્તાર તેમજ નીચાણવાળા વિસ્તારોમાં વરસાદી પાણી ભરાઈ જતાં વાહનવ્યવહાર પ્રભાવિત થયો હતો. ભારે વરસાદને કારણે નદી-નાળા, ચેકડેમ અને જળાશયોમાં નવા નીરની આવક થતાં ખેડૂતોમાં ખુશીનો માહોલ જોવા મળ્યો હતો. હવામાન વિભાગ દ્વારા આગામી દિવસોમાં પણ ભારે વરસાદની આગાહી કરવામાં આવી હોવાથી સ્થાનિક તંત્ર એલર્ટ મોડ પર છે.
પંચમહાલના જાંબુઘોડામાં બે કલાકમાં સાડા પાંચ ઈંચ વરસાદ
ગુજરાતમાં મેઘતાંડવ: સુરત, તાપી, ખેડા સહિત અનેક જિલ્લાઓમાં 10 ઈંચથી વધુ વરસાદ
ગુજરાતમાં 31 જુલાઈ 2026 ના રોજ રેડ એલર્ટ વચ્ચે સુરતના અંબિકામાં 24.06 ઈંચ સહિત ભારે વરસાદ નોંધાયો. ત્રણ તાલુકામાં 16 ઈંચથી વધુ અને નવ તાલુકામાં 10 ઈંચથી વધુ વરસાદ પડ્યો. સુરત, તાપી, ખેડા, નવસારી, ભરુચ, વલસાડ, ડાંગ, આણંદ, નર્મદા જિલ્લાઓમાં સૌથી વધુ વરસાદ વરસ્યો. અમદાવાદમાં પણ તોફાની વરસાદ જોવા મળ્યો. કુલ 255 તાલુકામાં અતિ ભારેથી ભારે વરસાદની સ્થિતિ સર્જાઈ હતી, જેના કારણે સર્વત્ર પાણી ભરાયા હતા.
ગુજરાતમાં મેઘતાંડવ: સુરત, તાપી, ખેડા સહિત અનેક જિલ્લાઓમાં 10 ઈંચથી વધુ વરસાદ
ભાવનગરમાં ૫૩૦૦ વાહનધારકો પર ૮૫ કરોડ વેરા બાકી
ભાવનગર RTO કચેરી ૮૫ કરોડ રૂપિયા વાહન કર પેટે બાકી ધરાવતા ૫૩૦૦ વાહનધારકો સામે કડક બની છે. સાત દિવસમાં બાકી વેરો, દંડ અને વ્યાજ ભરપાઈ નહીં કરનાર વાહનધારકોની સ્થાવર અને જંગમ મિલકત પર બોજો નાખવાની કાર્યવાહી શરૂ કરાઈ છે. ૫૦૦ થી વધુ બાકીદારોને મહેસુલી નોટિસ પાઠવાઈ છે. અગાઉ ૫૧૦૦ વાહનોને Blacklist કરાયા છે, જેના કારણે તેમની તમામ Online Services સ્થગિત થઈ ગઈ છે. સરકારના બાકી લેણાંની વસૂલાત માટે આ કાર્યવાહી હાથ ધરાઈ રહી છે.
ભાવનગરમાં ૫૩૦૦ વાહનધારકો પર ૮૫ કરોડ વેરા બાકી
ભાવનગરમાં PGVCL દ્વારા વીજચોરી ઝડપાઇ
PGVCL ભાવનગર વર્તૂળ કચેરી હેઠળના મહુવા અને સીટી-૧ ડિવિઝનમાં વીજચેકિંગ ડ્રાઈવ યોજાઈ. 39 ટીમો દ્વારા 500 થી વધુ કનેક્શનોની તપાસ કરવામાં આવી. આ તપાસ દરમિયાન, 80 રહેણાંકી અને 2 વાણિજ્ય એમ કુલ 82 કનેક્શનોમાં ₹50.30 લાખની વીજચોરી ઝડપાઈ. આ વીજચોરી કરનારાઓ સામે PGVCL દ્વારા દંડાત્મક કાર્યવાહી હાથ ધરવામાં આવી છે. આ ડ્રાઈવમાં બગદાણા, મહુવા, જેસર, નેસવડ, કુંભારવાડા અને ડાયમંડ ચોક જેવા વિસ્તારો આવરી લેવાયા હતા.
ભાવનગરમાં PGVCL દ્વારા વીજચોરી ઝડપાઇ
ભાવનગર જિલ્લામાં સતત બીજા દિવસે આંગણવાડી, શાળા-કોલેજ બંધ
ભાવનગર જિલ્લામાં ભારે વરસાદની આગાહીને પગલે વિદ્યાર્થીઓની સલામતીને ધ્યાનમાં રાખીને, સતત બીજા દિવસે તા. ૧ ઓગસ્ટના રોજ તમામ આંગણવાડી કેન્દ્રો, પ્રાથમિક, માધ્યમિક, ઉચ્ચતર માધ્યમિક શાળાઓ અને કોલેજોમાં શિક્ષણ કાર્ય બંધ રાખવાનો નિર્ણય લેવાયો છે. જિલ્લા કલેક્ટર ડો. મનીષ બંસલે આ જાહેરાત કરી લોકોને સાવચેત રહેવા અપીલ કરી છે. જોકે, શાળા-કોલેજના આચાર્યો, શિક્ષકો અને કર્મચારીઓએ નિયમિત રીતે હાજર રહી વહીવટી કામગીરી કરવાની રહેશે.
ભાવનગર જિલ્લામાં સતત બીજા દિવસે આંગણવાડી, શાળા-કોલેજ બંધ
તળાજા શહેરમાં મધરાત્રિએ રોઝ આવી ચડતાં ગૌવંશ અને શ્વાનોમાં ભય
તળાજા શહેરની મધ્યમાં મોડી રાત્રે એક રોઝ (નીલગાય) આવી પહોંચતા લોકોમાં ભય અને અફરાતફરીનો માહોલ સર્જાયો હતો. શાકમાર્કેટ, વાવચોક સહિતના વિસ્તારોમાં દોડાદોડી કરતાં ગૌવંશ અને શ્વાનો પણ ભયભીત થઈ ગયા હતા. કેટલાક સ્થાનિકોએ તેને શહેરની બહાર ભગાડવા માટે બાઈકોનો ઉપયોગ કર્યો હતો. ભૂલું પડેલું રોઝ શહેરની બહાર નીકળવાનો પ્રયાસ કરી રહ્યું હતું, જેના કારણે શહેરમાં અરાજકતા ફેલાઈ ગઈ હતી.
તળાજા શહેરમાં મધરાત્રિએ રોઝ આવી ચડતાં ગૌવંશ અને શ્વાનોમાં ભય
ડીસાના કરજાપુરા શાળાના મહિલા આચાર્યનું તાલીમ દરમિયાન હાર્ટ એટેકથી દુઃખદ અવસાન
ડીસા તાલુકાના આસેડા ગામે પગાર કેન્દ્ર શાળા ખાતે ધોરણ 1 થી 5 ના શિક્ષકોની તાલીમ યોજાઈ હતી. આ તાલીમ દરમિયાન કરજાપુરા પ્રાથમિક શાળાના 52 વર્ષીય આચાર્ય મંજુલાબેન ઈૃરભાઈ રાઠોડને અચાનક હાર્ટ એટેક આવતા તેમનું નિધન થયું. આ ઘટનાથી શિક્ષણ જગતમાં શોકની લહેર પ્રસરી ગઈ છે. તાલીમમાં તેઓ સક્રિયપણે ભાગ લઈ રહ્યા હતા ત્યારે અચાનક તબિયત લથડતાં દુર્ભાગ્યપૂર્ણ બનાવ બન્યો.
ડીસાના કરજાપુરા શાળાના મહિલા આચાર્યનું તાલીમ દરમિયાન હાર્ટ એટેકથી દુઃખદ અવસાન
ડીસામાં દિવસભર ઉકળાટ બાદ વરસાદી ઝાપટું
ગુજરાતમાં ભારે વરસાદની આગાહી વચ્ચે ડીસામાં અસહ્ય બફારા બાદ બપોરના સમય વરસાદી ઝાપટું થતા ગરમીમાં રાહત મળી હતી. જોકે આ વરસાદી ઝાપટુંથી અનેક માર્ગો પર પાણી ભરાયા હતા જેમાં ડીસાના જલારામથી રાણપુર રોડ પર પાણી ભરાતા વાહન ચાલકો મુશ્કેલીમાં મુકાયા હતા જોકે સામાન્ય વરસાદથી ડીસાના માર્ગો પર પાણી જ પાણી થઈ જવા પામ્યું હતું.
ડીસામાં દિવસભર ઉકળાટ બાદ વરસાદી ઝાપટું
થરાદના લાલપુરા ગામે ચાંદીપુરા વાયરસના કહેરથી 4 વર્ષીય બાળકીનું મોત
ગુજરાતમાં ચાંદીપુરા વાયરસથી નાના બાળકોના મૃત્યુના કિસ્સાઓમાં ચિંતાજનક વધારો જોવા મળી રહ્યો છે, જેના પગલે આરોગ્ય તંત્ર સતર્ક બન્યું છે. વાવ તાલુકાના લાલપુરા ગામે 4 વર્ષીય બાળકી મીના સુરેશભાઈ ફૂલવાદીનું વધુ તાવ, ખેંચ અને બેભાન અવસ્થા બાદ ધારપુર સિવિલમાં મોત થયું. આ ઘટના બાદ આરોગ્ય વિભાગ દ્વારા ગામમાં ત્રણ દિવસનો સર્વે, દવાનો છંટકાવ અને સ્થાનિક લોકો તથા બાળકોની તપાસ કરવામાં આવી રહી છે.
થરાદના લાલપુરા ગામે ચાંદીપુરા વાયરસના કહેરથી 4 વર્ષીય બાળકીનું મોત
પાલનપુરમાં ઐતિહાસિક રામજી મંદિરના કાટમાળમાંથી મળી આવ્યા ચાંદીના સિક્કા
પાલનપુરમાં ઐતિહાસિક રામજી મંદિરના જીણોદ્ધાર દરમિયાન, તેનો કાટમાળ માનસરોવર તળાવ પાસે ફેંકવામાં આવ્યો હતો. ત્યાંથી કેટલાક લોકોને અરબી લિપિમાં લખેલા ચાંદીના સિક્કા મળ્યા છે. આ સમાચાર મળતા જ લોકોના ટોળાં ત્યાં ઉમટી પડ્યા હતા અને મલબામાંથી સિક્કા શોધવાની શરૂઆત કરી હતી. જાણકારોના મતે, આ સિક્કા દિવાલોમાં સુરક્ષિત રીતે રાખવામાં આવ્યા હોઈ શકે છે, જેના પર તારીખ અને બનાવનારની છબી હોવાનું માનવામાં આવે છે. પુરાતત્વ વિભાગ આ મામલે વધુ તપાસ કરે તેવી શક્યતા છે.
પાલનપુરમાં ઐતિહાસિક રામજી મંદિરના કાટમાળમાંથી મળી આવ્યા ચાંદીના સિક્કા
બનાસકાંઠાના ગાંગુણ ગામ પાસે ગાય સાથે બાઈક અથડાતા ૨૨ વર્ષીય યુવકનું ઘટનાસ્થળે મોત
ભાભર-રાધનપુર નેશનલ હાઈવે પર ગાંગુણ ગામ નજીક ગત રાત્રે એક દુઃખદ માર્ગ અકસ્માત સર્જાયો હતો. લાલપુરા ગામ જઈ રહેલા ૨૨ વર્ષીય શંભુજી ભાવાજી ઠાકોરની બાઈક અચાનક રસ્તા પર આવેલી ગાય સાથે અથડાતા તેઓ ગંભીર રીતે ઘાયલ થયા હતા અને ઘટનાસ્થળે જ તેમનું કરુણ મોત નીપજ્યું હતું. પોલીસે મૃતદેહને પોસ્ટમોર્ટમ માટે ભાભરની સરકારી હોસ્પિટલમાં ખસેડ્યો છે. આ ઘટનાએ ફરી એકવાર હાઈવે પર રખડતા ઢોરની ગંભીર સમસ્યા સામે તંત્રની બેદરકારી ઉજાગર કરી છે.
બનાસકાંઠાના ગાંગુણ ગામ પાસે ગાય સાથે બાઈક અથડાતા ૨૨ વર્ષીય યુવકનું ઘટનાસ્થળે મોત
પત્ની સાથે આડા સંબંધની શંકાન લીધે સાથી કર્મચારીની હત્યા કરનારને આજીવન કેદ
કલોલ તાલુકાના બિલેશ્વરપુરા ગામની એક કંપનીમાં કામ કરતા શ્યામજી મહેશપ્રસાદ માલી નામના કર્મચારીએ તેની પત્ની સાથે આડા સંબંધ હોવાની શંકા રાખી તેના સાથી કર્મચારી મુકેશ દેવપાલ કેવટની લોખંડના દસ્તા વડે માથામાં ઘા મારી હત્યા કરી દીધી હતી. આ કેસ કલોલની કોર્ટમાં ચાલ્યો, જ્યાં ચોથા એડીશનલ સેશન્સ જજે આરોપી શ્યામજીને હત્યાના ગુનામાં દોષિત ઠેરવી આજીવન કેદની સજા અને એક લાખ રૂપિયા દંડ ફટકાર્યો. હત્યા બાદ આરોપી ફરાર થઈ ગયો હતો, પરંતુ પોલીસે તેને સુરત રેલવે સ્ટેશનથી ઝડપી લીધો હતો.
પત્ની સાથે આડા સંબંધની શંકાન લીધે સાથી કર્મચારીની હત્યા કરનારને આજીવન કેદ
ગૌવંશ ગુનાનો બે વર્ષથી ફરાર આરોપી આખરે પોલીસની ઝપેટમાં
દહેગામ તાલુકાના કમાલબંધ વાસણા ગામમાંથી ગૌવંશના ગુનામાં છેલ્લા બે વર્ષથી નાસતો ફરતો આરોપી વિષ્ણુ કાળા દેવિપુજક આખરે પોલીસ દ્વારા ઝડપી પાડવામાં આવ્યો છે. પોલીસથી બચવા માટે આરોપી બાયડ રેલવે ફાટક પાસે ઝુંપડામાં રહેતો હતો. દહેગામ પોલીસ દ્વારા ફરાર આરોપીઓને શોધી કાઢવા માટે વધારવામાં આવેલા પેટ્રોલિંગ દરમિયાન આ સફળતા મળી હતી. પોલીસે આરોપીને પકડીને કાયદેસરની કાર્યવાહી હાથ ધરી છે.
ગૌવંશ ગુનાનો બે વર્ષથી ફરાર આરોપી આખરે પોલીસની ઝપેટમાં
ગાંધીનગરમાં ભારે વરસાદની આગાહી: 44 રેપિડ રિસ્પોન્સ અને 174 ફીલ્ડ ટીમ તૈનાત
ગાંધીનગરમાં ભારે વરસાદની આગાહીને પગલે જિલ્લા આરોગ્ય તંત્ર એલર્ટ મોડ પર છે. નાગરિકોને તકલીફ ન પડે તે માટે 44 રેપિડ રિસ્પોન્સ ટીમ અને 174 ફીલ્ડ ટીમ સજ્જ કરાઈ છે. રેપિડ રિસ્પોન્સ ટીમ આપત્તિ સમયે તાત્કાલિક સારવાર આપશે, જ્યારે ફીલ્ડ ટીમો રોગચાળો ન ફેલાય તે માટે સર્વેલન્સ, પીવાના પાણીનું ક્લોરીનેશન અને દવા છંટકાવ કરશે. ગર્ભવતી મહિલાઓ માટે વિશેષ વ્યવસ્થા ગોઠવાઈ છે. આરોગ્ય વિભાગ નાગરિકોને ઉકાળેલું પાણી પીવા અને આરોગ્ય કટોકટીમાં સંપર્ક કરવા અપીલ કરે છે.
ગાંધીનગરમાં ભારે વરસાદની આગાહી: 44 રેપિડ રિસ્પોન્સ અને 174 ફીલ્ડ ટીમ તૈનાત
ગાંધીનગર કોર્ટે પાંચ લાખનો ચેક બાઉન્સ થતાં શખ્સને એક વર્ષની જેલ
ગાંધીનગર કોર્ટમાં પાંચ લાખ રૂપિયાનો ચેક બાઉન્સ થવાનો કેસ ચાલ્યો. ફરિયાદ પક્ષના વકીલોની દલીલો અને પુરાવાઓને ધ્યાનમાં લીધા બાદ, કોર્ટે આરોપીને એક વર્ષની કેદની સજા અને ફરિયાદીને પાંચ લાખ રૂપિયા વળતર તરીકે ચૂકવવાનો આદેશ આપ્યો. એક બેન્કવેટ હોલ ચલાવનાર અશ્વિની શર્માએ તહેવાર ઉજવણી માટે ગોહિલ અશ્મિતા રસિકભાઈને હોલ ભાડે આપ્યો હતો. ભાડાની રકમ માટે પાંચ લાખનો ચેક આપવામાં આવ્યો હતો, જે ખાતામાં અપૂરતી રકમ હોવાને કારણે પરત ફર્યો. નોટિસ આપવા છતાં કાર્યવાહી ન થતાં ફરિયાદ દાખલ કરાઈ હતી.
ગાંધીનગર કોર્ટે પાંચ લાખનો ચેક બાઉન્સ થતાં શખ્સને એક વર્ષની જેલ
ગાંધીનગર મનપા વિસ્તારમાં 627 મકાનધારકોને સલામત સ્થળે ખસવાની નોટિસ અપાઇ
ભારે વરસાદની આગાહીના પગલે જિલ્લા તંત્ર દ્વારા આગોતરી તકેદારી રૂપે ભયજનક તથા જોખમી નબળાં માળખાં હટાવવાની કામગીરી કરવામાં આવી. આ અંતર્ગત ગાંધીનગર શહેર સહિત જિલ્લામાં 38થી વધુ હોર્ડિંગ્સ, 340થી વધુ વૃક્ષો, 11થી વધુ વીજપોલ હટાવવામાં આવ્યા. કોર્પોરેશન વિસ્તારમાં 7 હોર્ડિંગ્સ, 327 વૃક્ષો/શાખાઓ અને 6 વીજપોલ દૂર કરાયા. 807 નબળાં મકાનો પૈકી 180 આવાસો સુરક્ષિત હટાવ્યા. બાકી રહેતા 627 મકાનધારકોને સલામત સ્થળે ખસવાની નોટિસ અને મદદ અપાઈ.
ગાંધીનગર મનપા વિસ્તારમાં 627 મકાનધારકોને સલામત સ્થળે ખસવાની નોટિસ અપાઇ
ગાંધીનગર જિલ્લામાં સાર્વત્રિક વરસાદ, માણસામાં એક ઇંચથી વધુ પાણી ભરાયા
ગાંધીનગર જિલ્લામાં આગાહી પ્રમાણે વરસાદ થયો. માણસામાં એક ઇંચ, દહેગામમાં અડધો ઇંચથી વધુ, કલોલમાં અડધો ઇંચ અને ગાંધીનગરમાં 7 એમએમ વરસાદ નોંધાયો. માણસાના નીચાણવાળા વિસ્તારોમાં થોડો સમય પાણી ભરાયા હતા, પરંતુ મોટાભાગના વિસ્તારોમાં રાહત રહી. તંત્ર એલર્ટ મોડ પર હતું અને NDRF, SDRF ની ટીમો સ્ટેન્ડબાય રાખવામાં આવી હતી. શાળાઓ અને કોલેજોમાં રજા જાહેર કરાઈ હતી. આગામી દિવસોમાં પણ વરસાદની આગાહી છે.
ગાંધીનગર જિલ્લામાં સાર્વત્રિક વરસાદ, માણસામાં એક ઇંચથી વધુ પાણી ભરાયા
ખંભાત પાણી-પાણી: 7 ઈંચ વરસાદ, 40 લોકોનું સલામતી માટે સ્થળાંતર
ખંભાત પંથકમાં મેઘરાજાની અવિરત કૃપાને કારણે 7 ઈંચથી વધુ વરસાદ વરસ્યો છે, જેના પરિણામે સમગ્ર તાલુકો જળબંબાકાર થઈ ગયો છે. શહેર અને ગ્રામ્ય વિસ્તારોમાં જનજીવન સંપૂર્ણપણે ઠપ્પ થઈ ગયું છે. નીચાણવાળા ઘરોમાં પાણી ભરાયા છે અને ઘણા રસ્તાઓ નદી સમાન બની ગયા છે, જેના કારણે લોકોને ભારે હાલાકી પડી રહી છે. સલામતીને ધ્યાનમાં રાખીને, જૂની આખોલ ગામના દરિયાકાંઠાના 40 થી વધુ રહેવાસીઓને આખોલ પ્રાથમિક શાળામાં સુરક્ષિત સ્થળાંતર કરાયા છે.
ખંભાત પાણી-પાણી: 7 ઈંચ વરસાદ, 40 લોકોનું સલામતી માટે સ્થળાંતર
આણંદ જિલ્લામાં અતિભારે વરસાદ: 127 લોકોનું સુરક્ષિત સ્થળે સ્થળાંતર કરાયું
આણંદ જિલ્લામાં શુક્રવારે વહેલી સવારથી જ ભારેથી અતિભારે વરસાદ વરસ્યો છે. જેના પગલે નીચાણવાળા અનેક વિસ્તારોમાં પાણી ભરાઈ ગયા હતા. આ સ્થિતિને ધ્યાનમાં રાખીને, વહીવટીતંત્ર દ્વારા 127 લોકોને સુરક્ષિત સ્થળોએ ખસેડવામાં આવ્યા છે. આ લોકો બોરસદ, વડોદરા જિલ્લાના ડબકા ગામ, ખંભાત, સોજિત્રા અને પેટલાદ જેવા વિસ્તારોમાંથી છે. સ્થળાંતર કરાયેલા તમામ 127 રહીશો માટે રહેવા અને જમવાની યોગ્ય વ્યવસ્થા કરવામાં આવી છે.
આણંદ જિલ્લામાં અતિભારે વરસાદ: 127 લોકોનું સુરક્ષિત સ્થળે સ્થળાંતર કરાયું
ગ્લાસગો 2026 ક્લોઝિંગ સેરેમનીમાં ગુજરાતનો ખાસ ટ્રિબ્યુટ
ગ્લાસગો 2026 કોમનવેલ્થ ગેમ્સની ક્લોઝિંગ સેરેમનીમાં ભારત, 2030 ગેમ્સના યજમાન તરીકે તેની સત્તાવાર યાત્રા શરૂ કરશે. આ પ્રસંગે, શંકર મહાદેવન, ભૂમિ ત્રિવેદી, માનુષી છિલ્લર અને અન્ય કલાકારો ભારતની સમૃદ્ધ સંસ્કૃતિ અને વારસાનું પ્રદર્શન કરશે. "ઈન્ડિયા હેન્ડઓવર સેગમેન્ટ"માં વંદે માતરમના 150 વર્ષ, સિતાર અને પાઇપરનો મ્યુઝિકલ સહયોગ, અને ગુજરાતને ખાસ ટ્રિબ્યુટ આપવામાં આવશે. અમદાવાદ 2030 ગેમ્સ માટે નવી દિલ્હી 2010 પછી ભારત બીજી વખત યજમાની કરશે.
ગ્લાસગો 2026 ક્લોઝિંગ સેરેમનીમાં ગુજરાતનો ખાસ ટ્રિબ્યુટ
ગીરમાં વૃક્ષો વધ્યા, સિંહો વિસ્તારો છોડી બહાર નીકળ્યા: પૂર્વ વન અધિકારીએ જણાવ્યું કારણ
ગીરના જંગલમાં વૃક્ષોની ઘનતા વધવાને કારણે સિંહોને શિકાર કરવામાં મુશ્કેલી પડી રહી છે. આઈ કોન્ટેક્ટ અને દોડવાની જગ્યા ઘટવાથી તેમનો શિકાર સરળતાથી છટકી જાય છે. વધતી વસ્તી અને સંકુચિત થતા જંગલ વિસ્તારને કારણે સિંહો હવે તેમના પરંપરાગત વિસ્તારો છોડી માનવ વસ્તી તરફ આવી રહ્યા છે. પૂર્વ વન સંરક્ષક ઉદય વોરાએ જણાવ્યું કે, ગામડાં મોટા થવાથી અને કોરિડોર નાશ પામવાથી સિંહો માટે સમસ્યા સર્જાઈ છે.
ગીરમાં વૃક્ષો વધ્યા, સિંહો વિસ્તારો છોડી બહાર નીકળ્યા: પૂર્વ વન અધિકારીએ જણાવ્યું કારણ
ગુજરાતમાં હવે સિમેન્ટ રોડ: તૂટતા ડામર રોડનો નવો 'તોડ'
ગુજરાત સરકાર દ્વારા ડામર રોડને બદલે સિમેન્ટ રોડ બનાવવાનો મહત્વપૂર્ણ નિર્ણય લેવાયો છે. વરસાદને કારણે વારંવાર તૂટી જતા ડામર રોડના બદલે લાંબા ગાળા સુધી ટકે તેવા સિમેન્ટના રોડ બનાવવામાં આવશે. આ નિર્ણય હેઠળ ગ્રામ પંચાયત, RB, મહાપાલિકા અને નગરપાલિકા વિસ્તારના રોડનો સમાવેશ થાય છે. જોકે, આ મોટા પાયા પર સિમેન્ટ રોડ બનાવવાના કાર્યમાં ટેકનોલોજી, મજબૂત પાયો, ગુણવત્તાયુક્ત કોંક્રિટ અને અમલીકરણ જેવા અનેક પડકારો છે.
ગુજરાતમાં હવે સિમેન્ટ રોડ: તૂટતા ડામર રોડનો નવો 'તોડ'
MBBS અને BDS પ્રવેશ પ્રક્રિયા શરૂ
રાજ્યમાં MBBS અને BDS કોર્સીસ માટે પ્રવેશ પ્રક્રિયાનો શુભારંભ થયો છે. શૈક્ષણિક વર્ષ 2026-27 માટે, વિદ્યાર્થીઓ 12 ઓગસ્ટ સુધી ઓનલાઈન PIN ખરીદી અને રજિસ્ટ્રેશન કરી શકશે. આ પ્રક્રિયા દ્વારા કુલ 8,755 બેઠકો પર પ્રવેશ આપવામાં આવશે. ઉમેદવારોએ PIN ખરીદી અને રજિસ્ટ્રેશન બાદ 3 થી 13 ઓગસ્ટ દરમિયાન નિયત હેલ્પ સેન્ટરો પર દસ્તાવેજ ચકાસણી કરાવવાની રહેશે. PIN માટે ₹11,000 (નોન-રિફંડેબલ અને સિક્યુરિટી ડિપોઝિટ) ચૂકવવા પડશે. રાજ્યભરમાં 28 હેલ્પ સેન્ટરો કાર્યરત છે.
MBBS અને BDS પ્રવેશ પ્રક્રિયા શરૂ
આણંદ જિલ્લામાં મેઘરાજાની તોફાની બેટિંગ
આણંદ જિલ્લામાં શુક્રવારે સવારે 6 થી સાંજે 4 દરમિયાન થયેલા મુશળધાર વરસાદને કારણે ખંભાત, બોરસદ, પેટલાદ, આણંદ, સોજિત્રા, તારાપુર, ઉમરેઠ અને આંકલાવ જેવા તાલુકાઓમાં ભારે પાણી ભરાયા. સૌથી વધુ 7.48 ઇંચ વરસાદ ખંભાતમાં નોંધાયો. હવામાન વિભાગની આગાહીને પગલે 150 થી વધુ લોકોને સુરક્ષિત સ્થળોએ ખસેડાયા. આણંદ ડીએસપી નિવાસસ્થાન પાસે ગરનાળામાં તણાઈ જતાં 9 વર્ષીય બાળકી પ્રિતીબેન સોલંકીનું મોત થયું, જ્યારે અન્ય ત્રણ બાળકોને સારવાર હેઠળ ખસેડાયા. અનેક વિસ્તારોમાં જળબંબાકારની સ્થિતિ સર્જાઈ.
આણંદ જિલ્લામાં મેઘરાજાની તોફાની બેટિંગ
ખેડા જિલ્લામાં સવારે 6થી સાંજે 4 વાગ્યાનો વરસાદ
કપડવંજ તાલુકા માં 4 મી.મી, કઠલાલ તાલુકામા 87 મી.મી, મહેમદાવાદમાં 94 મી.મી, ખેડામાં 87 મી.મી, માતરમાં 86 મી.મી, નડિયાદમાં 201 મી.મી, મહુધામાં 133 મી.મી, ઠાસરામા 26 મી.મી, ગળેતશ્વરમાં 11 મી.મી, વસોમાં 242 મી.મી, ફાગવેલમાં 131 મી.મી વરસાદ નોંધાયો છે. શનિવારે ભારે વરસાદની આગાહી છે.
ખેડા જિલ્લામાં સવારે 6થી સાંજે 4 વાગ્યાનો વરસાદ
લુણાવાડાના કોઠંબા તાલુકા આચાર્ય સંઘની નવી કારોબારી સર્વાનુમતે રચાઈ
લુણાવાડા ખાતે કોઠંબા તાલુકા આચાર્ય સંઘની સામાન્ય સભામાં નવી કારોબારીની રચના સર્વાનુમતે કરવામાં આવી. અધ્યક્ષ તરીકે મુકેશભાઈ એમ. પટેલ, પ્રમુખ તરીકે સુરેશચંદ્ર સી. પટેલ, ઉપપ્રમુખ તરીકે આર. સી. ભોઈ, મહામંત્રી તરીકે સંજયભાઈ પટેલ, સહમંત્રી તરીકે રાજુભાઈ પટેલ, ખજાનચી તરીકે વિનુભાઈ બારિયા અને સંગઠન મંત્રી તરીકે મનીષભાઈ પ્રજાપતિની વરણી થઈ. આ રચના શિક્ષણ ક્ષેત્રે નવી દિશા આપશે.
લુણાવાડાના કોઠંબા તાલુકા આચાર્ય સંઘની નવી કારોબારી સર્વાનુમતે રચાઈ
ખેડાના વસો ગ્રામ પંચાયત કચેરીમાં પાણી ભરાઇ ગયું
વસોમાં સાંજે 4 વાગ્યા સુધીમાં 242 મી.મી જેટલો વરસાદ પડયો હતો. જેને લઇને બજારમાં ઢીંચણ સમા પાણી ભરાઇ ગયા હતા. તેમજ વસો ગ્રામ પંચાયત કચેરીમાં અડધા ફૂટ ઉપરાંત પાણી ભરાઇ ગયો હતો. કર્મચારીઓ દ્વારા રેકર્ડ સહિત અન્ય સામગ્રી સલામત સ્થળે ખસેડવામાં આવી હતી. ગામના નીચાણવાળા વિસ્તારોના ઘરોમાં પણ પાણી ઘુસી ગયા હતા.
ખેડાના વસો ગ્રામ પંચાયત કચેરીમાં પાણી ભરાઇ ગયું
દાહોદના સિંગવડ એકલવ્ય સ્કૂલમાં ભવ્ય ગુરુપૂર્ણિમા ઉજવણી
મિનિસ્ટ્રી ઓફ્ ટ્રાયબલ અફેર્સ અને ગુજરાત રાજ્ય રામ વનવાસી સેવા યુવક મંડળ દ્વારા સંચાલિત સિંગવડની એકલવ્ય મોડલ રેસીડેન્સિયલ સ્કૂલમાં ગુરુપૂર્ણિમાનો પર્વ ખૂબ જ ઉત્સાહપૂર્વક મનાવવામાં આવ્યો. આચાર્ય અને શિક્ષકો દ્વારા દીપ પ્રાગટ્ય બાદ વિદ્યાર્થીઓએ ગુરુજનો પ્રત્યે અગાધ આદર વ્યક્ત કરી, કંકુ-તિલક, અક્ષત અને પુષ્પગુચ્છ અર્પણ કરી આશીર્વાદ મેળવ્યા. વિદ્યાર્થીઓએ ગુરુના જીવનમાં મહત્વ, જ્ઞાનના પ્રકાશ દ્વારા ઉજ્જવળ ભવિષ્ય ઘડવામાં તેમની ભૂમિકા અને ગુરુ મહિમા પર પોતાના વિચારો રજૂ કર્યા.
દાહોદના સિંગવડ એકલવ્ય સ્કૂલમાં ભવ્ય ગુરુપૂર્ણિમા ઉજવણી
નડિયાદના ડભાણમાં સ્વામિનારાયણ મંદિર પાસે ત્રણ ફૂટ પાણી ભરાયા
નડિયાદ મનપા સમાવિષ્ટ ડભાણમાં પડેલા ધોધમાર વરસાદના કારણે કુમાર શાળા અને સ્વામિનારાયણ મંદિર (વડતાલતાબા) પાસે ભાગોળમાં ત્રણ થી ચાર ફૂટ પાણી ભરાઇ ગયા હતા. મનપા દ્વારા ગટર લાઇન સાફ કરવામાં નહીં આવતાં આ સમસ્યા સર્જાઇ છે. અમુક ઘરોમાં પાણી પણ ઘુસી ગયા હતા. ગામના પીપળવાળુ ફળિયામાં રહેતા દિગ્વિજય જશભાઇ પટેલના મકાનની દિવાલ ધરાશાયી થઇ હતી. સદનસીબે કોઇ જાનહાની થઇ નથી
નડિયાદના ડભાણમાં સ્વામિનારાયણ મંદિર પાસે ત્રણ ફૂટ પાણી ભરાયા
લુણાવાડામાં R&Bની મંજૂરી વિના રોડની હદમાં કમ્પાઉન્ડ વોલ બનતાં વિવાદ
લુણાવાડા - મલેકપુર - દિવડા કોલોની સ્ટેટ હાઈવે પર ચાકલિયા ક્રોસિંગ નજીક પાણી પુરવઠા અને ગટર વ્યવસ્થા બોર્ડની ગંભીર બેદરકારી સામે આવી છે. માર્ગ અને મકાન વિભાગ (R&B) ની કોઈ પરવાનગી વિના રોડની હદમાં કમ્પાઉન્ડ વોલનું નિર્માણ શરૂ કરાતાં વિવાદ સર્જાયો છે. સ્થળ તપાસ બાદ નિયમો વિરુદ્ધ ચાલતી કામગીરી ધ્યાને આવતાં R&B વિભાગના કાર્યપાલક ઈજનેરે પાણી પુરવઠા બોર્ડને નોટિસ પાઠવી તાત્કાલિક કામગીરી બંધ કરવાનો આદેશ આપ્યો છે. આ ઘટના સરકારી વિભાગો વચ્ચેના સંકલનના અભાવને ઉજાગર કરે છે.
લુણાવાડામાં R&Bની મંજૂરી વિના રોડની હદમાં કમ્પાઉન્ડ વોલ બનતાં વિવાદ
મહેસાણામાં 4 મહિનામાં 131 સગીર દીકરીઓ ગર્ભવતી
બાળલગ્ન પ્રતિબંધ અધિનિયમ-2006 અમલમાં હોવા છતાં અને અનેક સરકારી વિભાગો કાર્યરત હોવા છતાં મહેસાણા જિલ્લામાંથી ચોંકાવનારો કિસ્સો સામે આવ્યો છે. એપ્રિલ 2026 થી 22 જુલાઈ 2026 સુધીના માત્ર ચાર મહિનામાં 13થી 17 વર્ષની વયજૂથની 131 સગીર દીકરીઓ ગર્ભવતી હોવાનું નોંધાયું છે. આ સરકારી ચોપડાના આંકડાઓએ બાળ લગ્ન નાથવા માટે તમામ સમાજો, નાગરિકો અને સંસ્થાઓએ જાગૃત થઈને વ્યાપક ઝુંબેશ ચલાવવાની જરૂરિયાત પર ભાર મૂક્યો છે.