કેન્દ્ર સરકાર દેશમાં લોકસભા સભ્યોની સંખ્યા 543 થી વધારીને 824-850 કરવાની તૈયારીમાં છે, જેના માટે બંધારણીય સુધારા બિલ લાવવાની યોજના છે. આ અંગે કેરળના કોંગ્રેસ સાંસદ શશિ થરૂરે ગંભીર ચિંતા વ્યક્ત કરી છે. તેમણે લેખ લખીને ચેતવણી આપી છે કે આ નવી વ્યવસ્થા ભારતના લોકશાહી માળખાને નબળું પાડશે. વિશ્વની કોઈ સ્થાપિત લોકશાહી ધારાસભાને એટલી વિશાળ નથી બનાવતી કે જ્યાં અર્થપૂર્ણ ચર્ચા અશક્ય બની જાય. 850 સભ્યો વાળું ગૃહ અરાજક બનશે, જ્યાં મોટાભાગના સાંસદો માત્ર વોટિંગ મશીન બની રહેશે. વસતી વધે તો ધારાસભ્યો વધારો, સાંસદો નહીં, તેમ તેમનું સૂચન છે.