પાટણ નગરપાલિકા ચૂંટણીમાં વોર્ડ 7 માં Congressનો છત્રીઓ સાથે પ્રચાર શરૂ થયો. ભાજપના શાસનમાં ગંદા પાણી અને ભ્રષ્ટાચાર મુદ્દે Congressએ ઘરે-ઘરે ફરી વિજયી બનાવવા અપીલ કરી. 26 એપ્રિલે ચૂંટણી છે, પ્રચાર વેગવાન બન્યો છે. Congressના નેતાઓ અને કાર્યકરો આકરા તડકાથી બચવા છત્રીઓ સાથે પ્રચારમાં ઉતર્યા અને સ્થાનિક રહીશો સાથે સંવાદ સાધ્યો.

દિલ્હી અને સુરત વચ્ચે AAPના પોલિટિકલ ફંડિંગ પ્રકરણમાં સુરત પોલીસે તપાસનો ધમધમાટ તેજ કર્યો છે. દિલ્હીથી મોકલવામાં આવતા ફંડના વિતરણની જવાબદારી સંભાળતા 8-10 વ્યક્તિઓ ફરતે પોલીસે તપાસ કેન્દ્રીત કરી છે. સ્થાનિક સ્વરાજની ચૂંટણી પહેલા જ AAP પર સકંજો કસવાનું શરૂ કર્યું છે. દિલ્હીથી આંગડિયા મારફતે આવતું ફંડ રિસીવ કરનાર પીપલોદનો આકાશ મિશ્રા સુરત પોલીસને હાથતાળી આપીને દિલ્હી ફરાર થઈ ગયો હોવાનું સામે આવ્યું છે. પ્રાથમિક તપાસમાં છેલ્લા પાંચ-છ મહિનામાં આંગડિયા મારફતે આશરે રૂ.1.25 કરોડ મોકલવામાં આવ્યા હોવાની વિગતો બહાર આવી છે.

જામનગર મહાનગરપાલિકાની ચૂંટણી માટે વહીવટી તંત્ર સક્રિય; મતદાન સુચારુ કરવા તૈયારી તેજ. શહેરમાં મતદાન મથકો ઊભાં કરવાની સાથે 100 મીટર વિસ્તારનું મેપિંગ અને ગ્રાઉન્ડ માર્કિંગ શરૂ. 16 વોર્ડ માટે ચાર ટીમો બની, જે 100 મીટર સુધી માપણી કરી સફેદ રંગથી MARKING કરી રહી છે. District Collector પી.બી. પંડ્યાના માર્ગદર્શન હેઠળ કામગીરી ચાલી રહી છે.

મલયાલમ સિનેમા હંમેશા તેની વિશિષ્ટ વાર્તાઓને કારણે જાણીતું રહ્યું છે, પરંતુ તાજેતરમાં બોક્સ ઓફિસ પર 'વાઝા 2: બાયોપિક ઓફ અ બિલિયન બોયઝ' ફિલ્મે અકલ્પનીય સફળતા મેળવીને સૌને ચોંકાવી દીધા છે. જ્યાં મોટા બજેટની ફિલ્મોને 100 કરોડ સુધી પહોંચતા પરસેવો પડી જાય છે, ત્યાં 'વાઝા 2' એ રિલીઝના માત્ર 20 દિવસમાં જ વિશ્વભરમાં 200 કરોડ રૂપિયાથી વધુનું કલેક્શન કરીને મોલિવૂડના અનેક જૂના રેકોર્ડ્સ તોડી નાખ્યા છે. આ ફિલ્મની સફળતામાં 'વર્ડ ઓફ માઉથ' એટલે કે લોકોની પ્રશંસાએ મુખ્ય ભૂમિકા ભજવી છે, જેના કારણે રિલીઝના ત્રીજા અઠવાડિયે પણ સિનેમાઘરોમાં પ્રેક્ષકોની ભીડ યથાવત જોવા મળી રહી છે.

ભરૂચ પોલીસ હેડક્વોર્ટર્સ ખાતે, સ્થાનિક સ્વરાજ્યની ચૂંટણી-2026 માટે પોસ્ટલ બેલેટથી મતદાન થયું. Election duty પરના Police, Home Guard અને GRD જવાનો પોતાના મતાધિકારનો ઉપયોગ કરી શકે તે માટે આ વ્યવસ્થા કરાઈ હતી. મોટી સંખ્યામાં અધિકારીઓ અને જવાનોએ શાંતિપૂર્ણ રીતે મતદાન કર્યું. પોસ્ટલ બેલેટની સુવિધા ચૂંટણી ફરજને કારણે મતદાન કેન્દ્ર પર હાજર ન રહી શકતા સુરક્ષા કર્મચારીઓ માટે ઉપલબ્ધ કરાવાઈ હતી.

પશ્ચિમ બંગાળમાં ચૂંટણીના પડઘમ વાગી રહ્યા છે ત્યારે રાજકીય પક્ષોએ મતદારોને રિઝવવા માટે બંગાળી જીવનશૈલી અને સંસ્કૃતિના પાયાની ચીજ એવી 'માછલી'ને મુખ્ય ચૂંટણી મુદ્દો બનાવ્યો છે. TMCના વડા અને મુખ્યમંત્રી મમતા બેનર્જીએ આક્ષેપ કર્યો છે કે ભાજપ બંગાળી જીવનશૈલી અને સંસ્કૃતિ માટે ખતરો છે. મચ્છી-ભાત સાથે કોઈ સમજૂતી નહીં થાય. ભાજપ તમને માછલી ખાવા દેશે નહીં. ભાજપ તમને ઈંડા અને માંસ પણ ખાવા દેશે નહીં. બંગાળ માછલી-ભાત પર નિર્ભર છે. જો આપણે એ નહીં ખાઈએ તો શું ખાશું?

બનાસકાંઠામાં સ્થાનિક સ્વરાજની ચૂંટણી પૂર્વે કોંગ્રેસે પાલનપુર શહેર માટે સર્વાંગી વિકાસલક્ષી મેનિફેસ્ટો જાહેર કર્યો છે. જિલ્લા પ્રમુખ ગુલાબસિંહ રાજપૂતે રસ્તા, પાણી અને ગટર જેવી પાયાની સુવિધાઓના કાયમી ઉકેલ સાથે ૧૧ વોર્ડમાં ‘મોહલ્લા ક્લિનિક’ અને વિદ્યાર્થીઓ માટે આધુનિક લાઈબ્રેરી સ્થાપવાનું વચન આપ્યું છે. કોંગ્રેસે ભ્રષ્ટાચાર મુક્ત પારદર્શક વહીવટ, ટેન્ડર પ્રક્રિયામાં પ્રામાણિકતા અને દર ત્રણ મહિને ‘લોકસંવાદ’ યોજી પ્રશ્નોના નિકાલની ખાતરી આપી છે. આ મેનિફેસ્ટોમાં સામાન્ય નાગરિકોની જરૂરિયાતોને કેન્દ્રમાં રાખીને શહેરના વિકાસનો રોડમેપ રજૂ કરવામાં આવ્યો છે.

અમદાવાદના બાપુનગરમાં સ્થાનિક સ્વરાજ્યની ચૂંટણી પહેલાં ગેરરીતિના આક્ષેપોથી રાજકીય માહોલ ગરમાયો છે. બાપુનગર હોમગાર્ડ ઓફિસમાં ચૂંટણી અધિકારીની ગેરહાજરીમાં બેલેટ પેપર પર સિક્કા મરાતા હોવાનો કોંગ્રેસે વિરોધ કર્યો છે. Homeguard જવાનો માટે બેલેટ પેપરથી મતદાનનું આયોજન કરાયું હતું.

ગુજરાતની સ્થાનિક સ્વરાજ્યની ચૂંટણીમાં AAPના MLA ગોપાલ ઈટાલિયાએ જાહેરસભામાં અપશબ્દો બોલ્યા, અને દાવો કર્યો કે ભાવનગરમાં આવું સામાન્ય છે. દિલ્હીથી સુરત હવાલા કૌભાંડ વચ્ચે, ઈટાલિયાના આ વર્તનથી વિવાદ થયો અને તેમની ટીકા થઈ રહી છે. આ ઉપરાંત ટિકિટની વહેંચણીમાં સોદાબાજી અને શરાબ શબાબ જેવા આક્ષેપો પણ થયા છે.

સુરતના રાંદેરના ગોરાટ વિસ્તારમાં હનુમાન ભક્તોએ 'જય શ્રી રામ'ના નારા લગાવી ભાજપના ઉમેદવારને ધક્કા માર્યા. ઉમેદવાર અને નેતાઓને 'Go Back'ના નારા સાથે હાંકી કાઢવામાં આવ્યા. સમર્થકોએ દાદાગીરી કરી, પરિસ્થિતિ વણસી. સ્થાનિકોએ ઘેરો ઘાલતા ઉમેદવારોએ પોલીસનું શરણ લીધું. પરિસ્થિતિ થાળે પાડવા બે પોલીસ સ્ટેશનનો સ્ટાફ બોલાવવાની ફરજ પડી અને ભાજપના નેતાઓએ પ્રચાર પડતો મૂક્યો.

વડોદરા મનપાની ચૂંટણીના પ્રચાર દરમિયાન વોર્ડ નં. 5ના કિશનવાડી વિસ્તારમાં ભાજપના નેતાઓને જનઆક્રોશનો સામનો કરવો પડ્યો હતો. પૂર્વ કોર્પોરેટર હિતેન્દ્ર પટેલ સમક્ષ એક યુવકે પત્નીની ઉમેદવારી બાબતે વિરોધ નોંધાવતા મામલો બિચક્યો હતો. ભાજપના નેતા યોગેશ પરમારે યુવક સાથે ઝપાઝપી અને ધક્કામુક્કી કરતા વાતાવરણ તંગ બન્યું હતું. સ્થાનિકોના ભારે રોષ અને ઉગ્ર વિરોધને પગલે નેતાઓએ ત્યાંથી પરત ફરવું પડ્યું હતું. આ ઘટનાનો વીડિયો વાયરલ થતા ચૂંટણી ટાણે સત્તાધારી પક્ષ પ્રત્યેની નારાજગી અને 'એન્ટી ઈન્કમ્બન્સી' સ્પષ્ટ દેખાઈ રહી છે.

અમદાવાદ મ્યુનિસિપલ કોર્પોરેશનની ચૂંટણીના પ્રચારમાં રાજકીય પક્ષોને જનતાના ઉગ્ર આક્રોશનો સામનો કરવો પડી રહ્યો છે. સરસપુરની અશોક મિલની ચાલીમાં વર્ષોથી વણઉકેલ્યા પ્રશ્નોને કારણે લોકોનો રોષ ફાટી નીકળ્યો હતો. અહીં પ્રચાર કરવા ગયેલા ભાજપના કાર્યકર ધીરજભાઈ રાઠોડ સાથે સ્થાનિક રહીશ હસમુખ વોરાએ ઝઘડો કરી તેમને લાફા ઝીંકી દીધા હતા અને નીચે પાડી દીધા હતા. વણઉકેલ્યા પ્રશ્નો અને નેતાઓની ગેરહાજરીને કારણે શહેરમાં અનેક જગ્યાએ ઉમેદવારોને પ્રવેશવા માટે પ્રતિબંધો અને વિરોધનો સામનો કરવો પડી રહ્યો છે.

ગુજરાતમાં સ્થાનિક સ્વરાજય ચૂંટણી પ્રચારને આડે હવે ત્રણેક દિવસ માંડ રહ્યાં છે તેમ છતાંય ચૂંટણી માહોલમાં જોરશોર દેખાતો નથી. આ વખતે ચૂંટણી મુદ્દાઓ પણ જાણે બિનઅસરકારક સાબિત થયાં છે જેથી મતદારોને રિઝવવા શું કરવું એ મુદ્દે ઉમેદવારો અને રાજકીય પક્ષો મૂંઝવણમાં મૂકાયાં છે.મતદારોના અકળ વલણથી ઉમેદવારોમાં ચિંતાવર્તમાન રાજકીય સ્થિતિ જોતા ચૂંટણીનો માહોલ એટલો નિરસ બન્યો છે કે જાણે ક્યાંય ચૂંટણી હોય તેવું લાગતું જ નથી. જોકે, આ શાંતિ પાછળ મતદારોમાં એક પ્રકારનો 'અંડરકરન્ટ' હોવાનું ચિત્ર ઉપસી રહ્યું છે.

ગોધરામાં AAP ઉમેદવાર અજય વસંતા પર આંગડિયા મારફતે 50 લાખથી વધુની ગેરકાયદેસર હેરાફેરીનો આરોપ લાગ્યો છે. SOG ની તપાસમાં, છેલ્લા 15 દિવસમાં 50 લાખથી વધુના હવાલા પાડ્યા હોવાનું જાણવા મળ્યું. ચૂંટણીમાં મતદારોને લાલચ આપવા નાણાં વપરાયાની શંકા છે. વસંતાએ આક્ષેપોને રાજકીય ષડયંત્ર ગણાવ્યું. ગોધરા પોલીસ વધુ તપાસ કરી રહી છે.

ગોંડલના મોવિયામાં AAPની 'વિજય વિશ્વાસ સભા'થી ભાજપની ચિંતા વધી. જીગીશા પટેલે ભાજપ પર આક્ષેપો કર્યા, "AAPની એક સભા સામે ભાજપે 15 વ્યક્તિ ઉતારવા પડ્યા". ઇસુદાને ખેડૂતોના મુદ્દે સરકારને ઘેરી, યુવાનોને 'પેજ પ્રમુખ' બનાવવાનો આરોપ લગાવ્યો. ભાજપ છોડીને મિત ભાલોડી AAPમાં જોડાયા.આ સભામાં જનમેદની જોતા લાગે છે કે ગોંડલમાં આ વખતે ખરાખરીનો જંગ જામશે અને આમ આદમી પાર્ટી ભાજપને બરાબરની ભીંસમાં લેશે.

સ્થાનિક સ્વરાજ્યની ચૂંટણીના પ્રચારના અંતિમ દિવસોમાં ગુજરાતમાં રાજકીય ગરમાવો વધ્યો છે. સુરતમાં કેન્દ્રીય મંત્રી મનસુખ માંડવીયા અને પુરુષોત્તમ રૂપાલા સભાઓ ગજવશે, જ્યારે મુખ્યમંત્રી ભૂપેન્દ્ર પટેલ બોટાદ અને ભાવનગરમાં પ્રચારની ધૂરા સંભાળશે. બીજી તરફ, રાજકોટના વોર્ડ નંબર ૧૦માં કોંગ્રેસના ઉમેદવાર ભાર્ગવીબા ગોહિલના સમર્થનમાં ક્ષત્રિય સમાજનું મહિલા સંમેલન યોજાશે, જે ક્ષત્રિય આંદોલનની યાદો તાજી કરી શકે છે. હર્ષ સંઘવી ભુજમાં રોડ શો દ્વારા શક્તિ પ્રદર્શન કરશે, જેનાથી ત્રિપાંખિયા જંગમાં પ્રચાર તેજ બન્યો છે.

લખપત તાલુકામાં પંચાયતની ચૂંટણી પૂર્વે રાજકીય વાતાવરણ ગરમાયું છે, જ્યાં કોંગ્રેસે પોલીસ અને એલસીબી પર ભાજપના ઈશારે કાર્યકરોને હેરાન કરવાનો ગંભીર આક્ષેપ કર્યો છે. તાલુકા કોંગ્રેસ પ્રમુખ ઇબ્રાહીમ કુંભાર સહિતના આગેવાનોએ મામલતદારને લેખિત રજૂઆત કરી જણાવ્યું કે, ઉમેદવારોના સંબંધીઓને ખોટી રીતે તપાસના બહાને બોલાવી માનસિક ત્રાસ આપવામાં આવી રહ્યો છે. સોશિયલ મીડિયામાં વાયરલ થયેલા વીડિયો અને સ્થાનિક નેતાઓના વિરોધ વચ્ચે સત્તાપક્ષ પર લોકશાહીના હનન અને પોલીસના દુરુપયોગના આક્ષેપોથી ચૂંટણી પ્રચારમાં ખળભળાટ મચી ગયો છે.

ચૂંટણીલક્ષી કાયદો અને વ્યવસ્થા જાળવવાના ભાગરૂપે ગાંધીધામના કિડાણા ગામના ચાર માથાભારે શખ્સોને કચ્છ સહિત પાડોશી જિલ્લાઓમાંથી તડીપાર કરવામાં આવ્યા છે. આ ઉપરાંત, ભચાઉના મોથાળાવાંઢના અલ્તાફ સમા નામના આરોપીને મિલકત સંબંધી ગુનાખોરી બદલ છ માસ માટે હદપાર કરાયો છે. પોલીસે દાઉદ કટીયા, ફિરોજ કટીયા સહિતના તત્વો સામે અટકાયતી પગલાં ભરીને ગુનાહિત પ્રવૃત્તિઓ પર રોક લગાવવા કડક કાર્યવાહી કરી છે, જેથી ચૂંટણી પ્રક્રિયા શાંતિપૂર્ણ રીતે પૂર્ણ થઈ શકે.

ચૂંટણી પ્રચારમાં ભાજપ અને કોંગ્રેસના ઉમેદવારો ગ્રાઉન્ડ રિયાલિટીના બદલે સોશિયલ મીડિયા પર 'રીલ' દ્વારા આભાસી ચિત્ર ઊભું કરી રહ્યા છે. વિવિધ વોર્ડમાં ઉમેદવારો જનસમર્થન અને ભવ્ય સ્વાગતના વીડિયો મૂકી પ્રભાવ પાડી રહ્યા છે, પરંતુ વાસ્તવિકતામાં મતદારોના વિરોધના ડરે અનેક વિસ્તારોમાં જવાનું ટાળી રહ્યા છે. પૂર્વ કોર્પોરેટરો પ્રત્યેના રોષને કારણે નવા ઉમેદવારો એકલા પ્રચાર કરી રહ્યા છે અથવા માત્ર પેમ્ફલેટ વહેંચી સંતોષ માની રહ્યા છે, જે આભાસી પ્રચાર અને જમીની સ્થિતિ વચ્ચેનો મોટો તફાવત દર્શાવે છે.

વડોદરામાં ૨૬ એપ્રિલે યોજાનારી પાલિકા ચૂંટણી માટે માંજલપુરની સ્ટેલા મેરી સ્કૂલને મતદાન મથક ફાળવાયું છે, પરંતુ લોન વિવાદને કારણે બેંકે સ્કૂલના એક બિલ્ડિંગને સીલ માર્યું હોવાનું સામે આવ્યું છે. ચૂંટણી અધિકારીઓએ તપાસ હાથ ધરતા આ ચોંકાવનારી વિગત ખુલી હતી. જોકે, કલેક્ટરે સ્પષ્ટતા કરી છે કે સ્કૂલના અન્ય ભાગો ખુલ્લા હોવાથી અને મતદાન મથકોની અછત હોવાથી, આ બિલ્ડિંગને મતદાન માટે ખોલાશે અને પ્રક્રિયા પર કોઈ અસર નહીં પડે. શિક્ષણ વિભાગે સંચાલકોને નોટિસ આપી ખુલાસો માંગ્યો છે.

વડોદરાના વોર્ડ-૧૭માં ટિકિટ વહેંચણી અને ચૂંટણી ખર્ચ મુદ્દે ધારાસભ્ય યોગેશ પટેલ અને પૂર્વ ધારાસભ્ય જીતુ સુખડિયા વચ્ચે જંગ જામ્યો છે. યોગેશ પટેલે હિરેન સુખડિયાને ‘આયાતી’ ગણાવી વોર્ડને ‘શ્રાપિત’ કહ્યો છે અને ખર્ચ મુદ્દે કાર્યાલય બંધ કરવાની ચીમકી આપી છે. સામે પક્ષે જીતુ સુખડિયાએ વળતો પ્રહાર કરતા જણાવ્યું કે તેમનો પુત્ર ૩૫ વર્ષથી ત્યાં જ રહે છે અને કાર્યાલય પક્ષનું છે, કોઈની વ્યક્તિગત જાગીર નથી. આ વિવાદે વર્ષો જૂની મિત્રતામાં તિરાડ અને પક્ષમાં આંતરિક ખેંચતાણ છતી કરી છે.

વડોદરાના વોર્ડ નં. ૫ માં ચૂંટણી પ્રચાર દરમિયાન ભાજપના નેતાઓ અને પૂર્વ કાર્યકર વચ્ચે ઉગ્ર ઝપાઝપીના દ્રશ્યો સર્જાયા હતા. પૂર્વ કાર્યકર હિતેશ રાઠોડે તેની પત્નીનું 'આપ'માંથી ભરેલું ફોર્મ રદ થવા બાબતે રજૂઆત કરતા મામલો બિચક્યો હતો. આ દરમિયાન અનુસૂચિત જાતિ મોરચાના પ્રમુખ યોગેન્દ્ર પરમારે કાર્યકર સાથે ધક્કામુક્કી અને મારામારી કરી હતી, જેનો વીડિયો સોશિયલ મીડિયામાં વાયરલ થયો છે. જાહેર રસ્તા પર થયેલી આ ઘટનાથી સ્થાનિકોમાં ભારે નારાજગી જોવા મળી રહી છે અને મામલો પોલીસ મથકે પહોંચ્યો છે.

પોરબંદર જિલ્લામાં ચૂંટણી માટે મતદાર જાગૃતિ માટે SWEP ટીમ કાર્યરત છે. જિલ્લા ચૂંટણી અધિકારીના માર્ગદર્શન હેઠળ કુતિયાણા તાલુકાની ડેરીમાં જાગૃતિ કાર્યક્રમ યોજાયો, જેમાં કર્મચારીઓએ મતદાનના શપથ લીધા. "દરેક મત દેશના ભવિષ્યને આકાર આપે છે" સંદેશા સાથે નાગરિકોને મતદાન માટે પ્રોત્સાહિત કરાયા. આ કાર્યક્રમનું સંચાલન SWEP ટીમના સભ્યો દ્વારા કરવામાં આવ્યું હતું.

પોરબંદરમાં ફ્લેમિંગોના પ્રણય નૃત્યની ઉજવણી માટે 2 દિવસીય પિંક સેલિબ્રેશન યોજાયું હતું. જેમાં ગુજરાત, રાજસ્થાન, મહારાષ્ટ્રના 85 પક્ષી પ્રેમીઓ જોડાયા. મોકર સાગર વેટલેન્ડ કંઝરવેશન કમિટી દ્વારા આયોજન થયું. પિંક સેલિબ્રેશન 2015 થી યોજાય છે. જેમાં ફ્લેમિંગોના પ્રણય નૃત્યની ઉજવણી થાય છે અને તજજ્ઞો દ્વારા પ્રેઝન્ટેશન આપવામાં આવ્યા હતા. સાથે ઇકો ફ્રેન્ડલી બાયનોક્યુલર બેગ પણ આપવામાં આવ્યું.

પોરબંદરના દરિયાકિનારે આંતરરાષ્ટ્રીય સેન્ડ આર્ટિસ્ટ નથુભાઈ ગલચરે પાંચ કલાકની જહેમત બાદ "હું આવશ્યક મતદાન કરીશ" થીમ પર આકર્ષક રેતશિલ્પ તૈયાર કર્યું છે. SVAP અભિયાન અંતર્ગત નિર્મિત આ શિલ્પ દ્વારા નાગરિકોને ૨૬ એપ્રિલે અચૂક મતદાન કરવા પ્રેરણાદાયી સંદેશ અપાયો છે. બીજી તરફ, ભાજપ પ્રદેશ પ્રમુખ જગદીશભાઈ વિશ્વકર્મા અને અન્ય નેતાઓએ કીર્તિમંદિરની મુલાકાત લઈ ગાંધીજીને વંદન કર્યા હતા. અધિકારીઓએ ઉનાળાની ગરમીને જોતા પોરબંદરવાસીઓને વહેલી સવારે પરિવાર સાથે મતદાન કરી લોકશાહીના પર્વમાં જોડાવા અનુરોધ કર્યો છે.

ચૂંટણી જાહેર થતા આદર્શ આચાર સંહિતા લાગુ થતા સરકારી મિલકતો પરથી રાજકીય જાહેરાતો દૂર કરવી જરૂરી છે. પાલનપુર બસપોર્ટ પર PM અને CMના ફોટાવાળી જાહેરાતો જોવા મળી, જે આચાર સંહિતાનો ભંગ છે. ST બસપોર્ટ જાહેર સ્થળ હોવાથી આવી જાહેરાતો ન ચલાવી શકાય. તંત્રની બેદરકારી સામે આવી છે, વિપક્ષે ફરિયાદની તૈયારી કરી છે. ડેપો મેનેજરે જાહેરાત બંધ કરાવી, ચૂંટણી બાદ શરૂ કરવાની વાત કરી.

કોંગ્રેસ અધ્યક્ષ મલ્લિકાર્જુન ખડગેએ ચેન્નાઈમાં એક પ્રેસ કોન્ફરન્સ દરમિયાન વડા પ્રધાન નરેન્દ્ર મોદી પર વિવાદિત નિવેદન આપ્યું છે. ખડગે એક નિવેદનમાં PM મોદીને આતંકવાદી કહી દીધા. કોંગ્રેસ અધ્યક્ષે કહ્યું છે કે મોદી આતંકવાદી છે અને તેમની પાર્ટી સમાનતાના સિદ્ધાંતમાં વિશ્વાસ કરતી નથી. ખડગેએ કહ્યું કે AIADMK લોકશાહીને નબળી પાડી રહી છે અને પેરિયાર તથા આંબેડકરના સિદ્ધાંતો વિરુદ્ધ કામ કરી રહી છે. જો કે બાદમાં ભાન પડતાં કોંગ્રેસ અધ્યક્ષ ખડગે સ્પષ્ટતા કરતા જોવા મળ્યા હતા. તેમણે કહ્યું કે, 'મેં આતંકવાદી નથી કહ્યું, મેં કહ્યું હતું કે તેઓ આતંકિત કરી રહ્યા છે.'

ગુજરાતમાં સ્થાનિક સ્વરાજ્યની ચૂંટણીનો પ્રચાર ચરમસીમાએ છે, ત્યારે આંકલાવ ખાતે ભાજપની સભાને સંબોધતા સાંસદ મિતેશ પટેલે આક્રમક વલણ અપનાવ્યું હતું. તેમણે જનમેદની વચ્ચે જણાવ્યું હતું કે, 'જો આંકલાવ વિસ્તારમાં જિલ્લા પંચાયત કે તાલુકા પંચાયતની એક પણ બેઠક પર કોંગ્રેસનો ઉમેદવાર વિજેતા બનશે, તો હું ત્યાં એક રૂપિયો પણ ગ્રાન્ટ તરીકે આપવા દઈશ નહીં.'

ગુજરાતમાં સ્થાનિક સ્વરાજ્યની ચૂંટણી નજીક આવતા ભાજપ અને કોંગ્રેસ વચ્ચે રાજકીય ગરમાવો વધ્યો છે. રાજકોટમાં નણંદ-ભાભી એટલે કે રીવાબા જાડેજા અને નયનાબા વચ્ચેની ચૂંટણી જંગ આકર્ષણનું કેન્દ્ર બની છે, જ્યાં બંને પક્ષો જીતના દાવા કરી રહ્યા છે. બીજી તરફ, વડોદરામાં ધારાસભ્ય કેતન ઈનામદારે બેઠકો બિનહરીફ કરાવવા અંગે આપેલા વિવાદાસ્પદ નિવેદનથી ચર્ચાઓ તેજ થઈ છે. ૨૬ એપ્રિલે યોજાનાર મતદાન અને ૨૮ એપ્રિલના પરિણામો નક્કી કરશે કે જનતા કયા પક્ષના શાસન પર મહોર મારે છે.

સુરેન્દ્રનગર મ્યુનિસિપલ કોર્પોરેશનની ચૂંટણીમાં વોર્ડ નં. 8 ચર્ચામાં છે, જ્યાં સાસુ AAPમાંથી અને વહુ ભાજપમાંથી લડી રહ્યા છે. AAPનાં રેખાબેન અને ભાજપનાં હીનાબેન થરેશા સામસામે છે. સ્થાનિકો પાણી અને ગટર જેવી સમસ્યાઓનો ઉકેલ ઇચ્છે છે. વહુ હીનાબેન કહે છે કે તેઓ ઘરના કામો કરી પ્રચારમાં જાય છે અને સાસુ એમની રીતે લડે છે, પણ અંતે વિકાસ જ મહત્વપૂર્ણ છે. લોકો મહાનગરપાલિકા બન્યા પછી સુવિધાઓથી ખુશ છે.