ગુજરાત સરકારના શહેરી વિકાસ અને શહેરી ગૃહ નિર્માણ વિભાગ દ્વારા શહેરી વહીવટીતંત્રમાં મોટો ફેરફાર કરવામાં આવ્યો છે. 24 ઓગસ્ટે મંજૂર કરાયેલા હુકમ મુજબ 25 ચીફ ઓફિસરો અને ચાર ઝોનના પ્રાદેશિક કમિશનર કક્ષાના અધિકારીઓની બદલી કરવામાં આવી છે. આ બદલીઓ અને નિમણૂકોનો અમલ તાત્કાલિક અસરથી કરવાનો આદેશ આપવામાં આવ્યો છે. કેશવ કોલડીયાની અંકલેશ્વરથી બદલી કરીને પ્રાદેશિક કમિશનર ઓફ મ્યુનિસિપાલિટી, સુરત ઝોન તરીકે નિમણૂક કરવામાં આવી છે. નીતિન બોડાતને કલોલથી અમદાવાદ ઝોનના પ્રાદેશિક કમિશનર તરીકે જવાબદારી સોંપવામાં આવી છે. સતીશ પટેલની માણસાથી ગાંધીનગર ઝોનના પ્રાદેશિક કમિશનર તરીકે બદલી કરવામાં આવી છે.